Tag: اقوام متحدہ کے سیکریٹری جنرل انتونیو گوتریس

فلسطینی عوام سے یکجہتی کے عالمی دن کے موقع پر اقوام متحدہ کے سیکریٹری جنرل انتونیو گوتریس نے کہا ہے کہ غزہ میں بچ جانے والے فلسطینی اپنے پیاروں کی موت کا سوگ منا رہے ہیں، جب کہ مقبوضہ مغربی کنارے میں بھی اسرائیلی فوجی کارروائیاں مسلسل جاری ہیں۔

گوتریس کے مطابق شہریوں کا قتل عام، بار بار بے گھر کیا جانا اور انسانی امداد میں رکاوٹیں ڈالنا کسی صورت قابلِ قبول نہیں۔ انہوں نے زور دیا کہ غزہ میں تمام فریق موجودہ جنگ بندی کی مکمل پابندی کریں اور بڑی مقدار میں انسانی امداد کو علاقے میں داخل ہونے کی اجازت دی جائے۔اقوام متحدہ کے سیکریٹری جنرل نے فلسطینی سرزمین پر جاری غیر قانونی قبضے کے خاتمے کا مطالبہ کرتے ہوئے کہا کہ دو ریاستی حل کی جانب رہنے والی پیش رفت اب ناقابلِ واپسی ہونی چاہیے

غزہ میں شہادتیں70 ہزار سے تجاوز ، بیشتر لاشیں ملبے سے برآمد

بنگلہ دیش،خالدہ ضیا کے علاج پر فیصلہ میڈیکل رپورٹ سے مشروط

وینیزویلا کی فضائی حدود مکمل طور پر بند تصور کی جائیں،ٹرمپ

چمن اور گردونواح میں 3.6 شدت کا زلزلہ

فیکٹ چیک،سوشل میڈیا پر پنجگور حملہ کی خبر بے بنیاد قرار

اقوامِ متحدہ کے سیکریٹری جنرل انتونیو گوتریس نے کہا ہے کہ غزہ دنیا میں صحافیوں کے لیے کسی بھی تنازعے کے دوران سب سے خطرناک جگہ ثابت ہوئی ہے۔

اقوامِ متحدہ کی ویب سائٹ پر جاری بیان میں انہوں نے ’’صحافیوں کے خلاف جرائم پر استثنیٰ کے خاتمے کے عالمی دن‘‘ کے موقع پر کہا کہ دنیا بھر میں صحافی سچ کی تلاش میں بڑھتے ہوئے خطرات کا سامنا کر رہے ہیں جن میں زبانی بدسلوکی، قانونی دھمکیاں، جسمانی حملے، قید اور تشدد شامل ہیں، جب کہ بعض اپنی جان بھی گنوا بیٹھتے ہیں۔انتونیو گوتریس نے کہا کہ اس دن ہم انصاف کا مطالبہ دہراتے ہیں، کیونکہ دنیا بھر میں تقریباً دس میں سے نو صحافیوں کے قتل کے واقعات تاحال حل طلب ہیں۔

انہوں نے کہا کہ استثنیٰ نہ صرف متاثرین اور ان کے اہلِ خانہ کے ساتھ ناانصافی ہے بلکہ یہ اظہارِ رائے کی آزادی پر حملہ، مزید تشدد کی دعوت اور جمہوریت کے لیے خطرہ ہے۔سیکریٹری جنرل نے حکومتوں پر زور دیا کہ وہ ہر کیس کی مکمل تحقیقات کریں، مجرموں کو عدالت میں لائیں، اور اس بات کو یقینی بنائیں کہ صحافی آزادی سے اپنا کام انجام دے سکیں۔

انہوں نے خواتین صحافیوں کے خلاف آن لائن بدسلوکی میں اضافے پر تشویش ظاہر کرتے ہوئے کہا کہ یہ رویہ اکثر بغیر سزا کے رہ جاتا ہے اور کئی بار حقیقی نقصان کا باعث بنتا ہے۔انتونیو گوتریس نے زور دیا کہ ڈیجیٹل دنیا کو اُن صحافیوں کے لیے محفوظ بنایا جائے جو خبر اکٹھی کرتے اور رپورٹنگ کرتے ہیں

پی کے ایل آئی کو تباہ کرنے کی سازشیں، مگر یہ مضبوط درخت بن چکا ہے: وزیراعظم

پی ٹی آئی کا پنجاب لوکل گورنمنٹ بل عدالت میں چیلنج کرنے کا فیصلہ

کراچی میں ڈمپر کی ٹکر سے ایف آئی اے افسر جاں بحق

اقوام متحدہ کے سیکریٹری جنرل انتونیو گوتریس نے غزہ سے اسرائیلی یرغمالیوں کی رہائی کا خیرمقدم کیا ہے۔

جاری کردہ بیان میں انتونیو گوتریس نے تمام فریقوں پر زور دیا کہ وہ اس پیش رفت کو آگے بڑھائیں اور جنگ بندی معاہدے کے تحت اپنے وعدوں پر مکمل عمل کریں۔ سیکریٹری جنرل نے کہا کہ جن اسرائیلی یرغمالیوں کو آزادی ملی ہے، یہ ایک مثبت قدم ہے، تاہم غزہ میں ہلاک ہونے والے یرغمالیوں کی لاشیں بھی واپس کی جانی چاہئیں۔

واضح رہے کہ غزہ امن معاہدے کے تحت آج 20 اسرائیلی یرغمالیوں کے بدلے 1700 سے زائد فلسطینی قیدیوں کی رہائی کا عمل شروع ہو گیا ہے۔عرب میڈیا رپورٹس میں بتایا جا رہا ہے کہ حماس اور اسرائیل کے درمیان یرغمالیوں اور قیدیوں کے تبادلے کے لیے ریڈ کراس کی گاڑیاں غزہ کے علاقے دیرالبلاح پہنچ گئی ہیں،غیر ملکی خبر ایجنسی کے مطابق فلسطینی قیدی اسرائیلی جیلوں سے بسوں میں سوار ہو کر روانہ ہو گئے ہیں

اسرائیلی فوج کا کہنا ہے کہ ابتدائی طور پر 7 یرغمالیوں کو رہا کیا گیا ہے، رہائی پانے والے اسرائیلی یرغمالیوں کو ریڈ کراس کے سپرد کر دیا گیا ہے، حماس نے بھی 7 اسرائیلی یرغمالیوں کو ریڈ کراس کے سپرد کرنے کی تصدیق کر دی ہے۔

کسی بیرونی مشورے کی ضرورت نہیں،پاکستان کا طالبان بیانات پر سخت ردعمل

میکسیکو میں طوفانی بارشوں سے تباہی، 64 ہلاک اور 65 لاپتا

پرائیویٹ حج اسکیم کی بکنگ 4 روز بعد بند،آخری تارٰیخ کا اعلان

غزہ امن کانفرنس: اسحٰق ڈار کی امریکی و ترک وزرائے خارجہ سے ملاقات

اقوام متحدہ کے سیکریٹری جنرل انتونیو گوتریس نے غزہ جنگ بندی معاہدے کا خیرمقدم کرتے ہوئے امریکا، قطر، مصر اور ترکیہ کی کوششوں کو سراہا ہے۔

انتونیو گوتریس نے کہا کہ جنگ بندی کا معاہدہ ایک نہایت اہم پیش رفت ہے۔ اقوام متحدہ اور شراکت دار ادارے غزہ میں پانی، طبی امداد اور پناہ گاہوں کی فراہمی کے لیے مکمل طور پر تیار ہیں۔انہوں نے زور دیا کہ انسانی امدادی کارکنوں کو محفوظ اور مستقل رسائی دی جائے اور غزہ کے تباہ شدہ انفرااسٹرکچر کی بحالی میں حائل رکاوٹیں ختم کی جائیں۔

سیکریٹری جنرل کا کہنا تھا کہ تمام یرغمالیوں کی رہائی یقینی بنانا ہوگی اور مستقل جنگ بندی کو برقرار رکھنا ضروری ہے۔ انہوں نے کہا کہ اس تنازع کی ناقابلِ برداشت انسانی قیمت کو کبھی فراموش نہیں کرنا چاہیے۔

سینیٹ میں ہنگامہ آرائی: پی ٹی آئی کا قائم مقام چیئرمین کے استعفے کا مطالبہ

گوگل کا پاکستانی طلبا کو مفت جیمینائی اے آئی پرو پلان دینے کا اعلان

اقوام متحدہ کے سیکریٹری جنرل انتونیو گوتریس نے امریکی صدر ڈونلڈ ٹرمپ کے غزہ جنگ بندی منصوبے کا خیر مقدم کیا ہے۔

ایک بیان میں انتونیو گوتریس نے کہا کہ امن کے لیے عرب اور مسلم ممالک کا کردار قابل تعریف ہے اور معاہدے کے نفاذ کے لیے تمام فریقوں کا پُرعزم ہونا ضروری ہے۔انہوں نے واضح کیا کہ ہماری اولین ترجیح غزہ تنازع سے پیدا ہونے والی انسانی تکالیف کو کم کرنا ہے، اس کے لیے فوری جنگ بندی اور بلا رکاوٹ انسانی امداد کی رسائی یقینی بنائی جانی چاہیے۔

اقوام متحدہ کے سربراہ نے زور دیا کہ غزہ سے تمام یرغمالیوں کی فوری اور غیر مشروط رہائی ہونی چاہیے، تاکہ یہ اقدامات دو ریاستی حل کے لیے سازگار حالات پیدا کر سکیں۔انتونیو گوتریس نے مزید کہا کہ اقوام متحدہ مشرق وسطیٰ میں امن و استحکام کی کوششوں میں بھرپور کردار ادا کرنے کے لیے پُرعزم ہے۔

سعودی عرب کا مغربی کنارے کو اسرائیل میں شامل کرنے کی مخالفت کا اعادہ

ایشیا کپ ٹرافی کا تنازع: محسن نقوی کا بھارتی بورڈ کو دوٹوک جواب

امریکا نے درجنوں ایرانی شہریوں کو ملک بدر کر دیا

غزہ امن منصوبہ: پاکستان فوج بھیجنے سے متعلق فیصلہ اعلیٰ قیادت کرے گی، اسحٰق ڈار

اقوامِ متحدہ کے سیکریٹری جنرل انتونیو گوتریس نے 9 ستمبر کو قطر پر اسرائیلی حملوں کی سخت مذمت کرتے ہوئے اسے قطر کی خودمختاری اور علاقائی سالمیت کی صریح خلاف ورزی قرار دیا۔

خبر رساں ادارے رائٹرز کے مطابق گوتریس نے کہا کہ قطر غزہ میں جنگ بندی کے قیام اور حماس کے قبضے میں موجود یرغمالیوں کی رہائی کے لیے نہایت مثبت کردار ادا کر رہا ہے۔ انہوں نے زور دیا کہ تمام فریقین کو مستقل جنگ بندی کی طرف بڑھنا چاہیے، نہ کہ خطے کو تباہی کی طرف لے جائیں۔

سعودی ولی عہد کی قطر پر اسرائیلی حملے کی سخت مذمت

سعودی ولی عہد محمد بن سلمان نے قطر پر اسرائیل کے فضائی حملوں کی سختی سے مذمت کی ہے۔سعودی میڈیا کے مطابق ولی عہد نے قطر کے امیر شیخ تمیم بن حمد الثانی سے ٹیلی فون پر رابطہ کیا اور اسرائیل کے حملوں کو ظالمانہ جارحیت قرار دیا۔محمد بن سلمان نے یقین دلایا کہ سعودی عرب اپنی تمام صلاحیتوں کے ساتھ قطر کی حمایت کے لیے پرعزم ہے۔

اسرائیلی حملوں پر ایران اور متحدہ عرب امارات کو شدید تشویش

ایرانی وزارتِ خارجہ کے ترجمان اسمٰعیل بقائی نے اسرائیلی حملے کو مجرمانہ اور خطرناک قرار دیتے ہوئے کہا کہ یہ قطر کی خودمختاری اور بین الاقوامی قانون کی خلاف ورزی ہے۔ انہوں نے خبردار کیا کہ فلسطین اور مغربی ایشیا میں اسرائیلی جرائم پر عالمی برادری کی خاموشی سب کے لیے خطرناک ہے۔یو اے ای کے صدر کے سفارتی مشیر نے بھی قطر پر اسرائیلی حملے کی سخت مذمت کرتے ہوئے کہا کہ ہم قطر کے ساتھ کھڑے ہیں اور اس ’غدارانہ‘ اقدام کو مسترد کرتے ہیں۔

اسرائیل امن نہیں جنگ چاہتا ہے ،ترکیہ کا ردِ عمل

ترکیہ نے قطر پر اسرائیلی فضائی حملے کی مذمت کرتے ہوئے کہا ہے کہ اس واقعے سے واضح ہوگیا ہے کہ اسرائیل جنگ کے خاتمے میں سنجیدہ نہیں ہے۔

ترک وزارتِ خارجہ کے بیان میں کہا گیا کہ جنگ بندی کی بات چیت کے دوران حماس کے مذاکراتی وفد کو نشانہ بنانا اس بات کی علامت ہے کہ اسرائیل کا مقصد امن قائم کرنا نہیں بلکہ جنگ کو طول دینا ہے۔بیان میں مزید کہا گیا کہ یہ صورتحال ثابت کرتی ہے کہ اسرائیل نے خطے میں اپنی توسیع پسندانہ سوچ اور دہشت گردی کو ریاستی پالیسی کے طور پر اپنا لیا ہے۔

واضح رہے کہ حماس کے ذرائع نے بتایا کہ حملے کا ہدف دوحہ میں موجود حماس کی مذاکراتی ٹیم تھی، جو اُس وقت امریکا کی تازہ ترین جنگ بندی کی تجویز پر غور کے لیے ملاقات کر رہی تھی۔

اقوام متحدہ کے سیکریٹری جنرل انتونیو گوتریس نے بھارت کی جانب سے پاکستان پر حالیہ میزائل حملوں پر شدید تشویش کا اظہار کرتے ہوئے دونوں ممالک سے زیادہ سے زیادہ تحمل برتنے کی اپیل کی ہے۔

باغی ٹی وی کے مطابق کے مطابق اقوام متحدہ کے سیکریٹری جنرل نے زور دیا ہے کہ دونوں ممالک تحمل کا مظاہرہ کریں اور کسی بھی قسم کی مزید کشیدگی سے گریز کریں تاکہ خطے میں امن و استحکام قائم رکھا جا سکے۔ اقوام متحدہ کے ترجمان اسٹیفن دوجارک نے اپنے بیان میں کہا کہ ” اقوام متحدہ کے سیکریٹری جنرل کو بھارت کی جانب سے لائن آف کنٹرول اور بین الاقوامی سرحد کے پار فوجی کارروائیوں پر بہت تشویس ہے۔” انہوں نے مزید کہا کہ "دنیا بھارت اور پاکستان کے درمیان کسی فوجی تصادم کی متحمل نہیں ہو سکتی۔”

یہ بیان بھارت کی جانب سے "آپریشن سندور” کے تحت پاکستان اور پاکستان کے زیر انتظام جموں و کشمیر میں میزائل حملوں کے بعد سامنے آیا ہے۔ بھارت نے ان حملوں کو پہلگام میں ہونے والے دہشت گرد حملے کا ردعمل قرار دیا ہے، جس میں 26 افراد ہلاک ہوئے تھے۔بھارت کی جانب سے کیے گئے میزائل حملوں میں پاکستان کے مطابق تین شہری ہلاک اور بارہ زخمی ہوئے ہیں، جبکہ دو مساجد کو بھی نقصان پہنچا ہے۔ پاکستان نے ان حملوں کو "بزدلانہ کارروائی” قرار دیا ہے۔

پنجاب میں کل تعلیمی ادارے بند، گورنر پنجاب کی بھارتی حملے کی مذمت

کراچی ایئرپورٹ کے اردگرد لیزر لائٹس کے استعمال پر پابندی ، ایمرجنسی نافذ

پاکستان پر حملہ ناقابلِ قبول، دشمن کو منہ توڑ جواب دیا جا رہا ہے، وزیرِ اعظم شہباز شریف

پنجاب بھر میں ہنگامی حالت کا نفاذ، ہائی الرٹ ،مریم نواز کی بھارت کو دو ٹوک وارننگ