الجزائر میں ایک نابینا نوجوان کو سجدے کے دوران بینائی مل گئی-
الجیریا میں ایک نوجوان کی بینائی بحال ہونے کا حیران کن واقعہ پیش آیا ہے جس نے سب کو چونکا دیا ہے عرب میڈیا رپورٹس کے مطابق یہ واقعہ الجزائر کی ریاست میں اس وقت پیش آیا جب عید کے دوسرے روز ایک نابینا نوجوان احمد قادری مسجد میں نماز مغرب ادا کر رہا تھا،سجدے کے حالت میں اس پر ایسی کرم نوازی ہوئی کہ اس کی بینائی واپس لوٹ آئی-
احمد قادری دو سال سے نابینا تھے گزشتہ دنوں عیدالاضحیٰ کے دوسرے دن ریاست تیارت کی مسجد عمر بن عبدالعزیز میں وہ نماز پڑھنے گئے جہاں ان کے ساتھ یہ حیران کُن واقعہ پیش آیا الجیریا کے چینل ’النھار‘ کو دیئے گئے انٹرویو میں احمد قادری نے کہا کہ اللہ نے عید الاضحی کے دوسرے دن مسجد کے اندر ان کی بینائی بحال کر دی حالانکہ وہ صحت یاب ہونے کی امید کھو چکے تھے۔
لیہ اراضی میں کرپشن کے معاملے پرعمران خان طلب،نوٹس رہائش گاہ زمان پارک پر …
نوجوان نے بتایا کہ وہ مغرب کی نماز کی ادائیگی کیلئے پیدل مسجد آیا تھا جہاں اذان کا انتظار کرتے ہوئے اس نے حسب معمول تسبیح پڑھنا شروع کردی اوراقامت کے بعد نمازیوں کے ساتھ قطار میں کھڑا ہوتےہوئے دُعا کی،’اے اللہ بینائی کھول دے‘ تیسری رکعت میں جب سجدے سے سر اٹھایا تو بےساختہ آنکھیں کھولنے پرمسجد کا قالین دکھائی دیا جس کا رنگ پیلا تھا، پھر مجھے سامنے کی ہرچیز صاف دکھائی دی ۔
پاکستان کا آئی ایم ایف کوخط 9 یقین دہانیاں کرا دیں
احمد قادری کا کہنا تھا کہ پہلے تو مجھے یقین نہیں آیا کہ کیا ہوا ہے، شدت حیرت سے ایک نمازی کا اپنی جانب والاہاتھ پکڑلیا اور اسے دیکھ کر سوچا کہ کیا سچ مچ میں میری بینائی واپس آگئی ہے، اس دوران دیگر نمازیوں نے دوسرا سجدہ کرنے کے بعد تیسری رکعت مکمل کی اور میں حیران ہی تھا کہ یہ سب کیا ہو رہا ہے –
سقوط ڈھاکہ کے پس منظرمیں لکھی گئی کتاب Dead.Reckoning کی مصفنہ شرمیلا بوس
انہوں نے کہا کہ نماز مکمل کیے جانے کے بعد میں نے جس نمازی کا ہاتھ پکڑا تھا ، اس نے مجھ سے پوچھا ، ’آپ کو کیا ہوا ہے؟‘میں نے اسے بتایا کہ میری آنکھوں کی بینائی واپس آچکی ہے اورمیں اب دیکھ سکتا ہوں، یہ سن کر وہ بھی حیران ہوا اورپھر جا کرامام مسجد کو بتایا۔
