Baaghi TV

Tag: الرٹ

  • لینڈ سلائیڈنگ کا خطرہ، پیشگی الرٹ جاری

    لینڈ سلائیڈنگ کا خطرہ، پیشگی الرٹ جاری

    این ڈی ایم اے نے ملک کے مختلف علاقوں کیلئے لینڈ سلائیڈنگ کا پیشگی الرٹ جاری کردیا ہے۔

    این ڈی ایم اے کی جانب سے آئندہ 2روز تک متوقع بارش اور برفباری کے باعث لینڈ سلائیڈنگ کا الرٹ جاری کیا گیا ہے ،جس میں کہا گیا ہے کہ خیبر پختونخوا اور بلوچستان کے پہاڑی علاقوں میں ممکنہ لینڈ سلائیڈنگ کا خطرہ ہے، 26 سے 27 جنوری کے پی ،گلگت بلتستان اور آزاد کشمیرکے پہاڑی علاقوں میں بھی لینڈ سلائیڈنگ کا خطرہ ہے،دیر، سوات، کالام، کاغان، چترال، کوہستان، شانگلہ ، ایبٹ آ باداور مانسہرہ میں لینڈ سلائیڈ نگ کا خطرہ ظاہر کیا گیا ہے۔مری، گلیات، استور، سکردو، گلگت، ہنزہ، غزر، شگر، باغ، مظفرآباد میں بھی لینڈ سلائیڈنگ کا خدشہ ہے۔

    ترجمان این ڈی ایم اے کا کہنا ہے کہ بلوچستان کے متعدد اضلاع میں بھی بارش اور برفباری کے باعث لینڈ سلائیڈ نگ کا خدشہ ہے،کوئٹہ، زیارت،پشین، چمن،قلعہ عبداللہ، نوشکی ،ہرنائی، اور ژوب میں لینڈ سلائیڈ نگ کا خطرہ ہےقلعہ سیف اللہ، قلات، مستونگ، آواران، پنجگوراور خضدار میں بھی لینڈ سلائیڈ نگ کا خطرہ ہے،قراقرم ہائی وے اور بابوسر روڈ پر لینڈ سلائیڈنگ کے باعث ٹریفک روانی متاثر ہونے کا خدشہ ہے۔

    کاغان ناران رابطہ سڑک پر بھی لینڈ سلائیڈنگ کے باعث ٹریفک روانی متاثر ہونے کا خدشہ ظاہر کیا گیا ہے پہاڑی علاقوں میں برفباری اور لینڈ سلائیڈنگ کے باعث سڑکوں پر ٹریفک کی روانی متا ثر ہونے کا خدشہ ہےعوام برفباری اور بارش کے دوران غیر ضروری سفر سے گریز کریں،سڑکوں کی بندش کی صور ت میں ملبہ ہٹانے والی مشینری اور ریسپانس ٹیموں کو الرٹ رہنے کی ہدایت کی گئی ہے۔

  • ملک میں آندھی/ جھکڑ، بارشوں اور ژالہ باری کے حوالے سے الرٹ جاری

    ملک میں آندھی/ جھکڑ، بارشوں اور ژالہ باری کے حوالے سے الرٹ جاری

    محکمہ موسمیات کے مطابق ملک کے بیشتر علاقوں میں موسم گرم اور خشک رہے گا –

    باغی ٹی وی : محکمہ موسمیات کے مطابق بلو چستان، خیبر پختونخوا، بالائی سندھ ، پنجاب اور خطہ پوٹھوہار میں بارش کا ا مکان ہے اسلام آباد، آزاد کشمیر اور گلگت بلتستان میں آندھی، گرج چمک کے ساتھ بارش کا امکان ظاہر کیا گیا ہےکوئٹہ، ژوب، سبی، بارکھان، نصیر آباد ،قلات، تربت لسبیلہ، خضدار، کیچ اور پنجگور میں گرج چمک کے ساتھ بارش متوقع ہے –

    نیب نے عمران خان کو کیس میں شامل تفتیش کرلیا

    محکمہ موسمیات کےمطابق میا نوا لی، بھکر، لیہ، ڈیرہ غازی خان،ملتان، رحیم یار خان، بہاولپور،راجن پور،خطہ پوٹھوہار،مری، گوجرانوالہ ، سیا لکو ت، نارو وال، لاہور، شیخو پورہ، ننکانہ صاحب میں بارش کا امکان ہے-

    دوسری جانب پراونشل ڈیزاسٹر مینجمنٹ (پی ڈی ایم اے ) نے آندھی/ جھکڑ، بارشوں اور ژالہ باری کے حوالے سے الرٹ جاری کر دیا ہے –

    گھر سے باہر نکلتا ہوں تو میں اپنی جان کو ہتھیلی پر رکھ کر نکلتا …


    پی ڈی ایم اے کے مطابق ملک کے بالائی اور مغربی علاقوں میں داخل ہونے والی مغربی ہوائیں رواں ہفتے وقفے وقفے سے اثر انداز ہو ں گی، 26 مئی تک اسلام آباد، مری، راولپنڈی، چکوال، سرگودھا، میانوالی، خوشاب ، بھکر، فیصل آباد، جھنگ، ٹوبہ ٹیک سنگھ، شیخوپورہ ،ننکانہ، گوجرانوالہ، لاہور،سیالکوٹ، منڈی بہاؤالدین، ناروال، قصور، پاکپتن، اوکاڑہ، ساہیوال، رحیم یار خان، ڈی جی خان، راجن پور، ملتان اور بہاولنگر میں آندھی/جھکڑ چلنے اورگرج چمک کے ساتھ بارش اور بعض مقامات پر ژالہ باری کا بھی امکان ہے۔

    پی ڈی ایم اے کے مطابق 23 سے 25 مئی کے دوران پنجاب میں آندھی/ جھکڑ کے باعث کھڑی فصلوں اور کمزور عمارات کو نقصان کا خطرہ ہے کسان حضرات موسمیاتی پیشگوئی کے پیش اپنے معاملات ترتیب دیں بارش کے دوران سیاح اورمسافرغیر ضروری سفر سے اجتناب کریں-

    عمران خان نے ہی منصوبہ کی تھی کہ اگر انہیں گرفتار کیا گیا تو کیا …

  • شدید بارش،پی ڈی ایم اے نےالرٹ جاری کر دیا

    شدید بارش،پی ڈی ایم اے نےالرٹ جاری کر دیا

    مون سون کے حوالے سے پی ڈی ایم اے نے الرٹ جاری کر دیا

    ترجمان پی ڈی ایم اے کے مطابق بہاولپور اور ڈی جی خان ڈویژن کے مختلف علاقوں میں شدت کے ساتھ بارش کا امکان ہے.15 سے 17 جولائی تک راولپنڈی، سرگودھا، ملتان، گوجرانوالہ، لاہور، فیصل آباد اور ساہیوال ڈویژن اور دریاؤں کے بالائی علاقوں میں گرج چمک کے ساتھ موسمیاتی بارش کا امکان ہے۔

    حکومت کا سیلاب سے جاں بحق افراد کے لواحقین کو 10 لاکھ روپے امداد دینے کا اعلان

    ترجمان پی ڈی ایم اے کا کہنا ہے کہ ڈی جی خان ڈویژن کے پہاڑی علاقوں میں 15 سے 17 جولائی 2022 تک درمیانے درجے سے اونچے درجے کا سیلاب متوقع ہے۔ جبکہ بہاولپور ڈویژن اور ڈی جی خان ڈویژن کے شہروں اور مضافات کے نشیبی علاقوں میں سیلابی صورتحال کا خدشہ ہے۔

     

    لاہور میں بارش جاری،توجہ نکاس آب پر ہے ،کمشنر

     

    ترجمان کے مطابق کوہ سلیمان،سالٹ رینج سے منسلک ندی نالوں میں پانی کی سطح بلند ہو سکتی ہے،جس سے علاقے میں سیلاب کا خطرہ ہے، پی ڈی ایم اے نے ضلعی انتظامیہ کو ہدایت کی ہے کہ نشیبی علاقوں کے مکینوں کو ضرورت پڑنے پر عارضی ریلیف کیمپوں اورمحفوظ مقامات پر منتقل کرنے کے لیے اقدامات کرے،ریلیف کیمپوں میں ضلعی انتظامیہ کی طرف سے پکا ہوا کھانا فراہم کرنے کے لیے ضروری انتظامات کو یقینی بنایا جائے۔

    ترجمان پی ڈی ایم اے کے مطابق متعلقہ محکموں کو ہدایت کر دی گئی ہے کہ شہری علاقوں میں سیلاب سے بچنے کے لیے تمام درکار مشینری/ڈیواٹرنگ سیٹ بروقت دستیاب کرائے جائیں۔محکمہ صحت سیلاب کے متاثرین کو ابتدائی طبی امداد کی فراہمی کے لیے طبی ٹیموں کو متحرک رکھے۔ شدید بارشوں کے اثرات کو کم کرنے کے لیے ضروری انتظامات کیے جائیں جو مقامی نالوں/دریاؤں میں اچانک سیلاب پیدا کر سکتے ہیں۔

    بارش کے پانی سے ہونے والی بیماریوں سے بچنے کے لیے محکمہ صحت کی جانب سے مخصوص جگہوں پر ادویاتی سپرے کے چھڑکاؤ یقینی بنایا جائے۔ پی ڈی ایم اے کی جانب سے پنجاب کے تمام اضلاع کی انتظامیہ کو ہائی الرٹ رہنے کی ہدایت کی گئی ہے.

  • عید پربارشوں کی پیشگوئی ، پی ڈی ایم اے نے الرٹ جاری کر دیا

    عید پربارشوں کی پیشگوئی ، پی ڈی ایم اے نے الرٹ جاری کر دیا

    عید کے دوران مزید مون سون بارشوں کی پیشگوئی کے پیش نظر پی ڈی ایم اے نے الرٹ جاری کر دیا.

    ترجمان پی ڈی ایم اے کے مطابق کل ہفتہ کے دن سے مون سون ہوائیں شدت کے ساتھ ملک میں داخل ہوں گی۔09 سے 12 جولائی کے دوران راولپنڈی،گوجرانوالہ،سرگودھا،ساہیوال،فیصل آباد لاہور ڈویژن میں تیز ہواؤں اور گرج چمک کے ساتھ بارش کا امکان ہے۔ 09 اور 10 جولائی کو اسلام آباد/راولپنڈی،لاہور،فیصل آباد،گوجرانوالہ اور سیالکوٹ میں موسلادھار بارش کے باعث نشیبی علاقے زیر آب آنے کا خطرہ ہے۔

    سیاسی ایڈمنسٹریٹر نے کراچی کو ڈبو دیا،جماعت اسلامی

    ترجمان پی ڈی ایم اے نے بتایا کہ موسلادھار بارش کے باعث اسلام آباد/راولپنڈی اور گوجرانوالہ ڈویژن کے ندی نالوں میں طغیانی کا خدشہ ہے،مری میں لینڈ سلائیڈنگ کا خدشہ ہے، مسافر اور سیاح اس دوران محتاط رہیں،عید کی تعطیلات کے دوران پی ڈی ایم اے کے پراونشیل ایمرجنسی آپریشن سنٹرز سمیت پنجاب بھر کے ڈسٹرکٹ ایمرجنسی آپریشن سنٹرز 24 گھنٹے فعال رہیں گے۔

     

    کوہ سلیمان کے بیشتر علاقوں میں بارش، طغیانی کا خدشہ

    ڈی جی پی ڈی ایم اے کی جانب سے متعلقہ اداروں کو عید کی تعطیلات کے دوران الرٹ رہنے کی ہدایت جاری کی گئی ہے،۔ڈی جی پی ڈی ایم اے نے کہا کہ تمام متعلقہ ادارے شہریوں کے جان و مال کے تحفظ کے لیے ضروری اقدامات مکمل رکھیں، شہری دریاؤں اور نہروں میں نہانے سے گریز کریں اور نشیبی علاقوں میں گاڑیاں کھڑی کرنے سے پرہیز کریں۔

    پی ڈی ایم اے کی جانب سے متعلقہ اداروں آلائشوں کو بروقت ٹھکانے لگانے کے لیے بروقت اقدامات کرنے کی ہدایت کی ہے،شہری جانوروں کی آلائشوں کو گٹروں اور نالیوں میں پھینکنے سے پرہیز کریں، سیوریج سسٹم بند ہونے سے ناگہانی صورتحال پیدا ہو سکتی ہے۔

    عید کے موقع پر بس مالکان مقرر کردہ کرایوں سے ذائد کرایہ وصول کررہے ہیں جبکہ ضلعی انتظامیہ لاہور کے افسران نےزائد کرایہ وصول کرنے والوں کے خلاف کارروائی کرتے ہوئے ،سیکرٹری آر ٹی اے نے02 گاڑیوں کو ضبط کر لیا گیا.01 لاکھ 45 ہزار کے جرمانے اب تک کئے جا چکے ہیں.ڈی سی لاہور عمر شیر چٹھہ کی ہدایت پر اوورچارجنگ پر کارروائیاں کی گئیں ہیں.

    عید قربان کے موقع پراسسٹنٹ کمشنر شالیمار ذیشان ندیم کا مویشی منڈی رکھ چھبیل کا دورہ کیا جبکہ اسسٹنٹ کمشنر سونیا صدف ماڈل ٹاؤن نے کاہنہ انٹرچینج، کاہنہ فروٹ منڈی مویشی منڈی اور ایل ڈی اے سٹی مویشی منڈی کا دورہ کیا.مویشی منڈیوں میں انتظامات کا جائزہ لیا گیا.مویشی منڈیوں میں صفائی ستھرائی، بیٹھنے کے انتظامات، صاف پینے کے پانی اور دیگر انتظامات کا جائزہ لیا گیا.مویشی میں لائیو سٹاک کیمپس کا بھی جائزہ لیا گیا.ڈی سی لاہور عمر شیر چٹھہ کی ہدایت پر مویشی منڈیوں کے دورے کئے جا رہے ہیں.

    محکمہ لائیو سٹاک کی جانب سے پنجاب بھر میں لمپی سکن بیماری بارے اعدادوشمار جاری کردئیے گئے۔ ترجمان محکمہ لائیو سٹاک نے کہا کہ پنجاب بھر میں اب تک لمپی سکن بیماری کے 10982 کیسز رپورٹ ہوئے جن میں سے 9362 جانور صحتیاب ہو چکے ہیں۔ متاثرہ اضلاع میں اب تک ویسکین کی 1.662 ملین خوراکیں لگائی جاچکی ہیں۔ لمپی سکن بیماری بارے محکمہ کا کنٹرول سیل 24 گھنٹے فعال ہے.

    نیز عیدالاضحٰی کے موقع پر پنجاب بھر میں 312 مویشی منڈیوں میں 24 گھنٹے مفت ویٹرنری کیمپس اور 191 بین الاضلاعی و بین الصوبائی لائیو سٹاک چیک پوسٹیں قائم کی گئی ہیں جبکہ 196 موبائل ویٹرنری ڈسپنسریاں بھی جانوروں کے علاج معالجہ کیلئے تفویض کی گئی ہیں۔ محکمہ لائیو سٹاک کے تحت قائم ویٹرنری کیمپس اور چیک پوسٹوں پر اب تک 642195 جانوروں کو چیچڑ مار سپرے جبکہ 26287 جانوروں کو علاج معالجہ فراہم کیا جاچکاہے۔

    لاہور میں قائم 2 قرنطینہ مراکز میں اب تک لمپی سکن سے متاثرہ 72 جانوروں کو داخل کیا گیا جن میں سے 63 جانور صحتیاب ہو چکے ہیں اور 9 جانور ابھی زیر علاج ہیں۔ محکمہ لائیو سٹاک کی چیک پوسٹوں اور کیمپس کی مدد سے لمپی سکن بیماری بارے 10686 آگاہی پمفلٹس بھی تقسیم کئے جا چکے ہیں۔ محکمہ لائیو سٹاک کے افسران فیلڈ عملہ کی مانیٹرنگ کیلئے بھی سرگرم عمل ہیں۔

  • بلوچستان میں طوفانی بارشیں،3 خواتین سمیت 6 افراد جاں بحق ،متعلقہ ادارے الرٹ

    بلوچستان میں طوفانی بارشیں،3 خواتین سمیت 6 افراد جاں بحق ،متعلقہ ادارے الرٹ

    بلوچستان بھر میں بارشوں کا سلسلہ جاری ہے، کوئٹہ میں چھتیں اور دیواریں گرنے سے3 خواتین سمیت 6 افراد جاں بحق اور 20 سے زاید زخمی ہوئے ہو گئے۔ مشرقی بائی پاس کے علاقے میں ڈیم کے قریب دو پچیاں برساتی پانی میں بہہ گئیں۔

    باغی ٹی وی کے مطابق کوئٹہ سمیت بلوچستان کے بیشتر اضلاع میں وقفے وقفے سے بارش کا سلسلہ جاری ہے، کوئٹہ میں طوفانی بارش سے نشیبی علاقے زیر آب آگئے، نواحی علاقوں میں درجنوں کچے مکانات کو نقصان پہنچا ہے.کوئٹہ کے علاقے سریاب میں چھت اور دیواریں گرنے سے 3 خواتین سمیت 6 افراد جاں بحق ہوئے، مشرقی بائی پاس کے علاقے میں ڈیم کے قریب دو پچیاں برساتی پانی میں بہہ گئیں جن کی تلاش جاری ہے،، شہر کے مختلف علاقوں میں 20 سے زاید افراد زخمی بھی ہوئے۔ ضلعی انتظامیہ اور ریسکیو ٹیموں کی جانب سے متاثرہ علاقوں میں امدادی کاروائیاں جاری ہیں۔

    کیسکو حکام کے مطابق شہر میں بجلی مرحلہ وار بحال کی جا رہی ہے جبکہ شہر کا بڑا حصہ صبح سے بجلی سے محروم ہے۔ مشیر داخلہ و پی ڈی ایم اے میرضیا لانگو نے حالیہ بارشوں سے پیدا ہونیوالی صورتحال پر کوئٹہ میں پریس کانفرنس کرتے ہوئے کہا کہ بلوچستان میں مون سون کی بارشیں گزشتہ روز سے شروع ہوچکی ہیں، بارشوں سےاب تک کوئٹہ میں 6 افراد جاں بحق ہوئے ہیں۔ ضرورت کے مطابق پی ڈی ایم اے کی جانب سے بارشوں سے متاثر ہونیوالے اضلاع میں امدادی سامان بھجوایا جا رہا ہے۔

    مشیر داخلہ نے بتایا کہ بارشوں کے بعد حکومت بلوچستان، پی ڈی ایم اے اور تمام متعلقہ ادارے الرٹ ہیں جہاں جس چیز کی ضرورت ہوگی وہاں پہنچائی جائے گی تاہم ہنگامی صورتحال سے نمٹنے کے لیے بلوچستان کے تمام ڈویژنل اور ڈسٹرکٹ ہیڈ کوارٹر میں پی ڈی ایم اے کے آفس بنائے جائیں گے۔

    دوسری طرف محکمہ موسمیات کے مطابق بحیرہ عرب اور خلیج بنگال سے مرطوب ہوائیں داخل ہونے کے نتیجے میں ملک میں گزشتہ کئی دنوں سے مون سون کی بارشوں کا سلسلہ جاری ہے،پیر کو سندھ، کشمیر اور بلوچستان سمیت ملک کے مختلف حصوں میں بارشیں ہوئیں۔ سب سے زیادہ بارش بالا کوٹ میں40 ملی میٹر ہوئی۔ سرجانی کراچیاور سکھر میں 23 جبکہ جیکب آباد میں 19ملی میٹر بارش ہوئی۔ بلوچستان میں سب سے زیادہ بارش لسبیلہ میں 33 ملی میٹر، جبکہ کوئٹہ اور پنجگور میں 22 ملی میٹر بارش ریکارڈ کی گئی۔محکمہ موسمیات نے خبردار کیا کہ آئندہ دو دنوں تک بلوچستان، پنجاب، سندھ اور کشمیر میں بارشوں کا سلسلہ جاری رہنے کا امکان ہے۔

  • گرمی میں غیر معمولی اضافہ، محکمہ موسمیات نے الرٹ جاری کر دیا

    گرمی میں غیر معمولی اضافہ، محکمہ موسمیات نے الرٹ جاری کر دیا

    محکمہ موسمیات نے گرمی میں غیر معمولی اضافے کے پیش نظر الرٹ جاری کر دیا ہے-

    باغی ٹی وی : محکمہ موسمیات کے مطابق ملک کے بیشتر علاقوں میں آئندہ 4 سے 5 روز کے دوران دن کے وقت درجہ حرارت میں غیر معمولی اضافے کا امکان ہے اسلام آباد، پنجاب، خیبرپختونخوا، کشمیر، سندھ اور مشرقی بلوچستان میں دن کے وقت درجہ حرارت معمول سے زیادہ رہنے کا امکان ہے۔

    لاہور: چودہ یونین کونسلز کے ڈرین سیمپل میں پولیو وائرس کی تصدیق

    محکمہ موسمیات کے مطابق کم سے کم درجہ حرارت 31 سینٹی گریڈ ریکارڈ کیا گیا،ملتان میں زیادہ سے زیادہ درجہ حرات 44 سینٹی گریڈ تک جانے کا امکان ہے ملتان سمیت جنوبی پنجاب میں شدید گرمی کی لہر برقرار ہے –

    محکمہ موسمیات کی جانب سے جاری الرٹ میں کہا گیا ہے کہ شہری غیر ضروری طور پر دھوپ میں نکلنے سے گریز کریں اور ہیٹ اسٹروک سے بچاؤ کے لیے احتیاطی تدابیر اختیار کریں۔

    کچھ بھی کریں،2 گھنٹے سےزیادہ لوڈشیڈنگ برداشت نہیں،وزیراعظم شہباز شریف

    محکمہ موسمیات کے مطابق گرمی کی شدید لہر کے بعد ملک کے بالائی اور وسطی علاقوں میں بارش کا سلسلہ داخل ہونے کا امکان ہے جس سے گرمی کی شدت میں کمی آئے گی۔

    دوسری جانب این ڈی ایم اے نے صوبائی اور ضلعی ڈیزاسٹر مینجمنٹ اتھارٹیز اور دیگر متعلقہ محکموں کو ممکنہ ہنگامی صورتحال سے نمٹنے کے لیے تیار رہنے کی ہدایات جاری کر دی ہیں-

    دعا زہرہ بہاولنگر کی تحصیل چشتیاں سے بازیاب

  • وزارت داخلہ نے ملک بھر میں ہائی الرٹ جاری کر دیا

    وزارت داخلہ نے ملک بھر میں ہائی الرٹ جاری کر دیا

    اسلام آباد:وزارت داخلہ نے ملک بھر میں ہائی الرٹ جاری کر دیا،اطلاعات کے مطابق تمام قانون نافذ کرنے والے اداروں کو سکیورٹی کے سخت انتظامات کی ہدایات جاری کردی گئی ہیں‌، اس حوالے سے کہا جارہا ہے کہ بلوچستان میں دہشتگرد کارروائیوں پر وزارت داخلہ نے وفاق کی تمام اکائیوں کو اضافی سیکورٹی انتظامات کرنے کی درخواست کردی۔

    نوشکی اور پنجگورمیں دہشتگرد کارروائیوں کے پیش نظر وزارت داخلہ نے وفاق کی تمام اکائیوں کو اضافی سیکورٹی انتظامات کرنے کی درخواست کردی۔

    وزارت داخلہ نے تمام چیف سیکریٹریز کو خط لکھ دیا جس کے مطابق تمام سرکاری عمارتوں اور قانون نافذ کرنیوالے اداروں کی سیکورٹی کو مزید الرٹ کیا جائے، قانون نافذ کرنیوالے اداروں کے اہلکاروں کو دہشتگردحملوں سے نمٹنے کیلئے مزید الرٹ کیا جائے۔

    یاد رہے پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے گزشتہ شام بلوچستان کے 2 مقامات پنجگور اور نوشکی میں سیکیورٹی فورسز کے کیمپوں پر حملے کی کوشش کی تھی۔ترجمان پاک فوج کا کہنا تھا کہ دہشت گردوں کو بھاری جانی نقصان پہنچاتے ہوئے دونوں حملوں کو کامیابی سے پسپا کر دیا گیا۔

    آئی ایس پی آرکا کہنا تھا کہ پنجگور میں دہشت گردوں نے 2 مقامات سے سیکیورٹی فورسز کے کیمپ میں داخل ہونے کی کوشش کی تاہم فوجی جوانوں کی بروقت جوابی کارروائی نے دہشت گردی کی کوشش کو ناکام بنا دیا

    آئی ایس پی آر کا کہنا تھا کہ نوشکی میں دہشت گردوں نے ایف سی کیمپ میں گھسنے کی کوشش کی جس کا بھرپور جواب دیا گیا۔سیکیورٹی فورسز نے آج بلوچستان میں کلیئرنس آپریشن کیا جس کے نتیجے میں 13 دہشتگرد ہلاک ہو گئے۔

    پاک فوج کے شعبہ تعلقات عامہ ( آئی ایس پی آر ) کے مطابق بلوچستان میں نوشکی، پنجگور میں دہشت گرد حملوں کے جواب میں سیکیورٹی فورسز نے کلیئرنس آپریشن کیا جس کے نتیجے میں 13 دہشتگرد ہلاک ہو گئے ہیں۔

    آئی ایس پی آر کا کہنا ہے کہ سیکیورٹی فورسز نے علاقے میں چھپے حملہ آور دہشت گردوں کے خلاف گزشتہ رات کلیئرنس آپریشن کیا ، آپریشن کے دوران نوشکی میں پانچ مزید دہشت گرد مارے گئے ، نوشکی میں مجموعی طور پر نو دہشت گرد ہلاک کیے گئے۔

    ترجمان پاک فوج کا کہنا ہے کہ نوشکی میں دہشت گردوں کا حملہ ناکام بناتے ہوئے 1 افسر سمیت 4 بہادر جوان شہید ہوئے ہیں۔آئی ایس پی آر کا کہنا ہے کہ دہشتگردوں کےسہولت کارافغانستان اوربھارت کے ساتھ رابطے میں تھے ، دہشتگردوں کے زیراستعمال جوتے اوراسلحہ امریکی ساختہ ہے۔

    ترجمان پاک فوج کا کہنا ہے کہ سیکیورٹی فورسزنے4 سے 5 دہشتگردوں کوگھیرے میں لےلیا ہے۔

    وزیر اعظم عمران خان نے حملہ پسپا کرنے والے جوانوں کو سلام پیش کیا، اور ٹویٹر پیغام میں لکھا بہادر جوان عوام کی حفاظت کے لیے بڑی قربانیاں دے رہے ہیں، پوری قوم سیکیورٹی فورسز کے ساتھ کھڑی ہے