Tag: القادر ٹرسٹ کیس

وزیراعظم کے معاون خصوصی عطا تارڑ کا کہنا ہے کہ عمران خان تحقیقات میں تعاون نہیں کر رہے۔

باغی ٹی وی : اسلام آباد میں پریس کانفرنس کرتے ہوئے عظاء تارڑ نے کہا کہ نیب میں القادرٹرسٹ کیس میں عمران خان آج پیش ہوئے، ماضی میں بھی عمران خان نے نیب نوٹسز کا خاطرخواہ جواب نہیں دیاعمران خان تحقیقات میں تعاون نہیں کررہے، وہ عدالت سے طلب کیا گیا ریکارڈ جمع نہیں کرارہے، انہوں نے ضمانتوں کا ناجائز فائدہ اٹھایا۔

جلیل شرقپوری نے بھی پی ٹی آئی سے علیحدگی کا اعلان کر دیا

لیگی رہنما نے کہا کہ کرپشن کو چھپانے کے لیے سرکاری اور عسکری املاک کو جلایا گیا ، ملک اور قوم کے اربوں روپے لوٹ کر اب پروپیگنڈا کیا جارہا ہے، القادر ٹرسٹ میں تمام تر ثبوتوں کے بعدعمران خان سزا سے نہیں بچ سکتے۔

ظل شاہ قتل کیس : پی ٹی آئی رہنماؤں کی عبوری ضمانت خارج

عطا تارڑ نے کہا کہ القادرٹرسٹ 190 ملین پاؤنڈ ملکی تاریخ کا بڑا کرپشن اسکینڈل ہے، 190 ملین پاؤنڈ قومی خزانے میں جانا تھا، عمران خان نے کابینہ کو خط دکھائے بغیر منظور کرلیا، 190 ملین پاؤنڈ اس لیے واپس ہوا تھا کہ یہ عوام پر خرچ ہو۔

گجرات: شیریں مزاری کو پانچویں مرتبہ گرفتارکر لیاگیا

انہوں نے کہا کہ بیرون ملک سے واپس لایا گیا پیسہ قومی خزانے میں نہیں کرایا گیا، اس خرد برد کے بدلے میں عمران خان کو 458 کنال زمین رشوت کے طور پر دی گئی، القاد رٹرسٹ کی دستاویزات پر عمران کی اہلیہ اور فرح گوگی کے دستخط موجود ہیں۔ عمران خان اپنی ضمانت کا ناجائز فائدہ اٹھارہے ہیں، امپورٹڈ حکومت ہے تو امریکا سے مدد کیوں مانگتے ہیں؟ اسی پراپرٹی ٹائیکون کا بیک وقت 460ارب کا ایک کیس سپریم کورٹ میں چل رہا تھا.سپریم کورٹ نےایک لائبلٹی اکاونٹ بنایا کہ جو سندھ حکومت کا پیسہ ہے وہ سپریم کورٹ کے لائبلٹی اکاونٹ میں جمع ہوگا لیکن ہیرا پھیرا یہ ہوئی ہے کابینہ سے منظوری لیکر عمران نیازی اور شہزاد اکبر نے خورد برد کرکے جو پیسہ حکومت پاکستان کے اکاونٹ میں آنا تھا وہ سپریم کورٹ کے لائبلٹی اکاونٹ میں ٹرانسفر کردیا.