کوئٹہ میں وفاقی وزیر اسرار ترین کے کزن کی گاڑی پر فائرنگ سے لیویز اہلکار سمیت دو افراد جاں بحق اور بچہ زخمی ہوگیا ہے جبکہ پولیس کے مطابق کوئٹہ کے علاقے پشین سٹاپ پر وفاقی وزیراسرار ترین کے چچا زاد بھائی شہزاد ترین کی گاڑی پر نامعلوم افراد نے فائرنگ کردی اور فرار ہوگئے ،جس کے نتیجے میں 2 افراد جاں بحق اور راہگیر بچہ زخمی ہوا ۔ واقعے کے بعد لاشوں اور زخمی بچہ کو طبی امداد فراہم کرنے کے لیے سول اسپتال منتقل کردیا گیا ۔
پولیس کا بتانا ہے کہ جاں بحق افراد کی شناخت محمد یوسف اور ضیا الدین کے نام سے ہوئی ہے ، محمد یوسف لیویز اہلکار تھا ، جاں بحق ہونے والا لیویز اہلکار شہزاد ترین کا محافظ اور دوسرا منشی تھا ۔ آٹھ سالہ زخمی بچے کی شناخت ضبیح اللہ کے نام سے ہوئی ہے جسے مزید علاج کے لیے ٹراما سینٹر منتقل کردیا گیا ہے ۔
مزید یہ بھی پڑھیں؛
ایکسپریس ٹرینوں کی وقت کی پابندی 59فیصد سے کم
عالمی ریٹنگ ایجنسی کی رپورٹ میں پی ٹی آئی احتجاج کا بھی ذکر
سونا ایک بار پھر مہنگا ہونے لگا
سوات مینگورہ لینڈ سلائیڈنگ ،چار بچوں کی دب جانے کی اطلاع
ڈالر 250 روپے کی سطح پر آنے کی پیش گوئی
واقعے کے بعد پولیس ، سی ٹی ڈی اور دیگر تحقیقاتی ٹیموں نے جائے وقوعہ کو گھیرے میں لیکر تفتیش شروع کردی ہے ۔ اسپتال انتظامیہ کے مطابق مقتولین کو جسم کے مختلف حصوں میں گولیاں لگیں ہیں۔
