Baaghi TV

Tag: الیکشن کمشنر

  • دھاندلی کے الزامات،سابق کمشنر راولپنڈی نے بیان ریکارڈ کرا دیا

    دھاندلی کے الزامات،سابق کمشنر راولپنڈی نے بیان ریکارڈ کرا دیا

    اسلام آباد: الیکشن میں دھاندلی کے الزامات لگانے والے سابق کمشنر راولپنڈی لیاقت علی چٹھہ نے بیان ریکارڈ کروا دیا۔

    باغی ٹی وی : ذرائع الیکشن کمیشن کے مطابق سابق کمشنر راولپنڈی لیاقت علی چٹھہ نے الیکشن کمیشن کی کمیٹی کے سامنے پیش ہو کر بیان ریکارڈ کروایا، کمیشن کی تحقیقاتی کمیٹی نے سابق کمشنر راولپنڈی کو بیان دینے کے لیے گزشتہ روز نوٹس بھیجا تھا۔

    الیکشن کمیشن کی تحقیقاتی کمیٹی نے سابق کمشنر راولپنڈی لیاقت علی چٹھہ کے دھاندلی کے الزامات پر تحقیقات مکمل کرلیں، ذرائع کے مطابق راولپنڈی ڈویژن کے تمام ڈی آر اوز اور آ راوز نے سابق کمشنر کے انتخابات میں دھاندلی کے الزامات کو یکسر مسترد کر دیا۔ تحقیقاتی کمیٹی نے راولپنڈی ڈویژن کے تمام 6 ڈی آر اوز کے تحریری بیانات ریکارڈ کیےگئے تاہم تحقیقاتی کمیٹی مقررہ وقت 3 روز میں رپورٹ پیش نہیں کر سکی-

    ن لیگی رہنماؤں سے جے یو آئی اور ایم کیو ایم رہنماؤں کی الگ الگ …

    ادویات کی قیمتوں کے تعین کا نوٹیفکیشن معطل

    وفاقی کابینہ کی 35 افراد کے نام ای سی ایل میں شامل کرنے کی …

  • انتخابات 2024 میں دھاندلی کی تحقیقات کیلئے سپریم کورٹ لاہور رجسٹری میں بھی درخواست دائر

    انتخابات 2024 میں دھاندلی کی تحقیقات کیلئے سپریم کورٹ لاہور رجسٹری میں بھی درخواست دائر

    لاہور: عام انتخابات 2024 میں مبینہ دھاندلی کی تحقیقات کے لیے سپریم کورٹ لاہور رجسٹری میں بھی درخواست دائر کردی گئی۔

    باغی ٹی وی : شہری میاں شبیر احمد کی جانب سے دائر کردہ درخواست میں الیکشن کمشنر سمیت دیگر کو فریق بنایا گیا ہے، درخواست میں موقف اختیار کیا گیا ہے کہ عام انتخابات 2024 میں پورے ملک میں دھاندلی ہوئی ہے متعلقہ سرکاری افسران خود اس کا اعتراف کر چکے ہیں۔ اس لیے الیکشن کالعد م قرار دیا جائے۔

    درخواست گزار کے وکیل نے استدعا کی کہ الیکشن سے متعلقہ تمام افسران کو شامل کرکے قانون کے مطابق انکوئری کا حکم دیا جائے اور شہریوں کے بنیادی حقوق کی روشنی میں الیکشن میں مبینہ دھاندلی کی انکوئری کی جائے ۔

    پی ٹی آئی پی خواتین کی مخصوص نشستوں سے دستبردار، تمام نامزد خواتین مستعفی

    واضح رہے کہ اس سے قبل سپریم کورٹ میں بھی عام انتخابات کالعدم قرار دینے کی درخواست دائر کی جاچکی ہے تاہم گزشتہ روز سماعت کے آغاز پر درخواست واپس لیے جانے اور درخواست گزارکی عدم پیشی پر چیف جسٹس کا کہنا تھا کہ یہ کیس سُنا جائے گا، درخواست گزار کو پیش کیا جائے۔

    اسلام آباد ہائیکورٹ نے شیر افضل مروت کیخلاف کارروائی سے روک دیا

    چیف الیکشن کمشنر مستعفی ہوجائیں اور ان پر آرٹیکل 6 لگایا جائے،سینیٹر مشتاق

  • چیف الیکشن کمشنر مستعفی ہوجائیں اور ان پر آرٹیکل 6 لگایا جائے،سینیٹر مشتاق

    چیف الیکشن کمشنر مستعفی ہوجائیں اور ان پر آرٹیکل 6 لگایا جائے،سینیٹر مشتاق

    جماعت اسلامی سے تعلق رکھنے والے سینیٹر مشتاق احمد خان کا کہنا ہے کہ چیف الیکشن کمشنر مستعفی ہوجائیں اور ان پر آرٹیکل 6 لگایا جائے،جبکہ نیشنل پارٹی کے رہنما سینیٹر طاہر بزنجو نے چیف الیکشن کمشنر کی گرفتاری کا مطالبہ کردیا۔

    باغی ٹی وی : سینیٹ اجلاس میں سینیٹر طاہر بزنجو نے کہا کہ بلوچستان میں چن چن کر حقیقی عوامی نمائندوں کو ہرایا گیا اور صوبے میں دوبڑی جماعتوں کی آشیرباد سے ڈرگ لارڈ اور لینڈگریبرز کو اسمبلی تک پہنچایا گیا، انہوں نے سوال اٹھایا کہ کیا عدلیہ کو حق تھا کہ وہ پی ٹی آئی کا نشان چھینے؟ ایسے دھاندلی زدہ انتخابات کے نتیجے میں ملک میں استحکام آئے گا؟-

    طاہر بزنجو نے مطالبہ کیا کہ چیف الیکشن کمشنر کو گرفتار کرکے آئین شکنی کا مقدمہ چلایا جائے،ان کا کہنا تھا کہ لاپتا افراد کے مسئلے کو التوا میں ڈالنےکے لیے یہ سب کیا گیا ہے-

    190 ملین پاؤنڈ ریفرنس کیس:عمران خان اور اہلیہ کیخلاف فرد جرم کی کارروائی ملتوی

    دوسری جانب سینیٹ اجلاس سے خطاب مین سینیٹر مشتاق نے کہا کہ الیکشن صاف وشفاف اورقانون کے مطابق نہیں تھے،الیکشن کمیشن انتخابات میں غداری کامرتکب ہوا۔چند سرکاری افسر بند کمروں میں بیٹھ کر 25 کروڑ لوگوں کی قسمت کا فیصلہ کریں گے؟یہ آزادی اس لیے حاصل نہیں کی تھی کہ یہ چند سرکاری افسران کی غلام بن جائے-

    انہوں نے مطالبہ کیا کہ الیکشن کمیشن معافی مانگے،چیف الیکشن کمشنرمستعفی ہوں اور ان پر آئین کا آرٹیکل6 (سنگین غداری) لگایا جائےآٹھ فروری کو موبائل اور انٹرنیٹ سروس بند کی گئی اسی وقت پتہ چل گیا کہ انتخابات شفاف اور آزادنہ نہیں الیکشن کے سودے پہلے سے ہوگئے تھے اس کے مطابق نتائج کا اعلان کیا گیا۔ انہوں نے کہا کہ دھاندلی کرنے والے قومی مجرم ہیں،سابق کمشنر راولپنڈی نے دھاندلی کا کچا چٹھا کھول دیا۔

    نیپرا میں بجلی مزید مہنگی کرنے کی درخواست دائر

    سینیٹر مشتاق احمد کا کہنا تھا کہ الیکشن پرجو 50 ارب خرچ ہوا وہ ذمہ داران لوگوں سے وصول کریں اور سپریم کورٹ کی سطح پر جوڈیشل کمیشن قائم کیا جائے۔ایک صوبائی حلقےپرالیکشن کاخرچہ ڈھائی کروڑروپےہے۔بجلی اورگیس کی قیمتوں میں مسلسل اضافہ ہورہاہے اور یہ پیسہ الیکشن کمیشن کودیاجارہاہے دھاندلی کرنے والے پاکستان کے مستقبل سے کھیل رہے ہیں۔الیکشن اس لیے کیا جاتا ہے کہ بحرانوں سے نکال کر ملک کو سیاسی و معاشی استحکام کی طرف لے جایا جائے۔’یہ کیسا الیکشن ہے جس کے بعد جمہوریت کی تنزلی ہوئی۔

    سینیٹر مشتاق نے کہا کہ سوشل میڈیا پلیٹ فارم ٹوئٹر 3 دن سے بند ہے، دال میں کچھ کالا نہیں ساری دال کالی ہے، ٹوئٹر پر پابندی سے تعلیمی اور معاشی نقصان ہو رہا ہے اس کے علاوہ انہوں نے مطالبہ کیا کہ سپریم کورٹ کی سطح پر با اختیار جوڈیشل کمیشن بنایا جائے اور بااختیار جوڈیشل کمیشن فارم 45 کے معاملے کی تحقیقات کرے۔

    اسٹاک مارکیٹ میں کاروبارکا مثبت آغاز،ڈالر مہنگا

  • 100 فیصد یقین ہے کہ نتائج میں کوئی تاخیر نہیں ہوگی،الیکشن کمشنر سندھ

    100 فیصد یقین ہے کہ نتائج میں کوئی تاخیر نہیں ہوگی،الیکشن کمشنر سندھ

    کراچی: الیکشن کمشنر سندھ شریف اللہ کا کہنا ہے کہ کچھ تاخیر ہوجاتی ہے اکثر پولنگ سامان کی تقسیم میں ٹیکنیکل میٹریل یا اسٹاف کا کوئی مسئلہ نہیں ہے کسی بھی پی ایس کا کوئی آر او نہیں بدلا ہے، من گھڑت خبروں سے گریز کریں۔

    باغی ٹی وی: صوبائی الیکشن کمشنر سندھ شریف اللہ نے ایکسپو سینٹر ڈسپیچ سینٹر کا دورہ کیا جہاں میڈیا سے گفتگو میں انہوں نے کہا کہ ایکسپو سینٹر میں پولنگ اسٹاف آیا ہوا ہے، یہاں پولیس کے اہلکار موجود ہیں، جس سینٹر سے ہم نکلیں ہیں وہاں تو تقسیم شروع ہوگئی ہے۔

    صوبائی الیکشن کمشنر نے کہا کہ کچھ تاخیر ہوجاتی ہے اکثر پولنگ سامان کی تقسیم میں ٹیکنیکل میٹریل یا اسٹاف کا کوئی مسئلہ نہیں ہے، اسٹاف اور انتخابی سامان شام 4 ،5 بجے سے پہلے پولنگ اسٹیشن پہنچ جائیگا، کیمپین کا وقت ختم ہوچکا ہے آپ لوگ بھی میڈیا پر چلائیں۔

    لبنان کے جج عالمی عدالت انصاف کے صدر منتخب

    انہوں نے کہا کہ سیکیورٹی اداروں کو سیکورٹی کا زیادہ پتہ ہے وہ آپس میں رابطے میں ہیں، کون سے ایریا میں کیا ڈپلوئمنٹ کرنی ہے وہ بہتر جانتے ہیں ٹیکنیکل میٹریل، پولنگ سامان کی تقسیم یا اسٹاف کا کوئی مسئلہ نہیں ہے، 100 فیصد یقین ہے کہ نتائج میں کوئی تاخیر نہیں ہوگی جہاں کنیکٹیویٹی ہے وہاں صحیح وقت پر نتائج آئیں گے، پریزا ئڈنگ کو آکر میٹریل بھی دینا ہے فارم 45 بھی دینا ہے۔

    چیف الیکشن کمشنر کی چاروں صوبوں میں سیکیورٹی ہائی الرٹ رکھنے کی ہدایت

    لوک رحمت کالاش برادری کی تاریخ میں پہلی بار بطور آزاد امیدوار میدان …

  • صدر مملکت اور چیف الیکشن کمشنر عام انتخابات 8 فروری کو کرانے پر متفق

    صدر مملکت اور چیف الیکشن کمشنر عام انتخابات 8 فروری کو کرانے پر متفق

    اسلام آباد: سپریم کورٹ کی ہدایت کے بعد صدر مملکت ڈاکٹر عارف علوی اور چیف الیکشن کمشنر سکندر سلطان راجہ کے درمیان 8 فروری 2024 کو عام انتخابات کرانے پر اتفاق ہوگیا۔

    باغی ٹی وی : سپریم کورٹ کی ہدایت پر اٹارنی جنرل اور الیکشن کمیشن کے وفد نے صدر مملکت سے علیحدہ علیحدہ طویل ملاقاتیں کیں جس میں عام انتخابات کی تاریخ کے حوالے سے تبادلہ خیال کیا گیا۔

    ایوان صدر کی جانب سے جاری پریس ریلیز میں بتایا گیا ہے کہ سپریم کورٹ آف پاکستان کے حکم پر چیف الیکشن کمشنر آف پاکستان سکندر سلطان راجہ کی اٹارنی جنرل برائے پاکستان منصور عثمان اعوان اور الیکشن کمیشن آف پاکستان کے چار ممبران کے ہمراہ ایوان صدر میں صدر مملکت ڈاکٹر عارف علوی سے ملاقات کی جس میں آئندہ عام انتخابات کے انعقاد کیلئے تاریخ پر تبادلہ خیال کیا گیا۔

    نگران وزیراعظم اور شاہد آفریدی کے مابین ملاقات

    اعلامیے کے مطابق صدر مملکت نے الیکشن کمیشن کی جانب سے حلقہ بندیوں اور انتخابات کے حوالے سے کی گئی پیش رفت کو سنا اور تفصیلی بحث کے بعد اجلاس نے متفقہ طور پر ملک میں عام انتخابات 8 فروری 2024 کو کرانے پر اتفاق کیا۔

    دوسری جانب الیکشن کمیشن کے ترجمان کی جانب سے جاری اعلامیے میں بتایا گیا ہے کہ سپریم کورٹ کی ہدایت پر چیف الیکشن کمشنر سکندر سلطان راجہ کی سرابرہی میں ممبران صدر پاکستان سے ایوان صدر میں میں الیکشن کی تاریخ کے سلسلے میں ملاقات کی اعلامیے کے مطابق متفقہ طور پر یہ فیصلہ کیا گیا کہ الیکشن مورخہ 8 فروری بروز جمعرات منعقد ہوں گے ۔

    سری لنکا کو شکست ،بھارت نےسیمی فائنل کیلئے کوالیفائی کرلیا

    خیال رہےکہ آج ملک میں 90 روز میں انتخابات سے متعلق کیس کی سماعت کے دوران الیکشن کمیشن کے وکیل سپریم کورٹ میں پیش ہوئے اور بتایا کہ الیکشن کمیشن 11 فروری 2024 کو ملک میں الیکشن کروانے کے لیے تیار ہےعدالت نے الیکشن کمیشن کو حکم دیا کہ صدر مملکت سے آج ہی مشاورت کر کے کل عدالت میں الیکشن کی تاریخ سے متعلق آگاہ کیا جائےسپریم کورٹ کے حکم پر صدر عارف علوی سے چیف الیکشن کمشنر سکندر سلطان راجہ اور اٹارنی جنرل منصور عثمان نے ملاقات کی جس میں الیکشن کمیشن کے ارکان بھی موجود تھے۔

    واٹس ایپ میں نیا فیچر متعارف

    ذرائع کے مطابق صدر سے چیف الیکشن کمشنر اور اٹارنی جنرل کی ملاقات ایک گھنٹے سے زائد جاری رہی جس میں عام انتخابات کے لیے صدر مملکت کے سامنے 3 تاریخیں رکھی گئیں الیکشن کمیشن نے 28 جنوری ، 4 فروری اور 11 فروری کی تاریخوں پر رائے دی، تاہم الیکشن کمیشن کی جانب سے 11 فروری کو انتخابات کے لیے موزوں قرار دیا گیا،ملاقات کے بعد ایوان صدر سے روانہ ہوکر الیکشن کمیشن پہنچے جہاں انہوں نے صدر مملکت کو خط لکھتے ہوئے ملک میں 11 فروری کو الیکشن کرانے کی تجویز دی۔

    حج 2024 کی پروازوں سے متعلق شیڈول جاری

    الیکشن کمیشن نے کہا کہ سپریم کورٹ کی ہدایات پر عمل کرتے ہوئے 11 فروری کو عام انتخابات کی تاریخ تجویز کرتے ہیں صدر مملکت ڈاکٹر عارف علوی اور چیف الیکشن کمشنر سکندر سلطان راجہ کے درمیان ملاقات میں الیکشن کی تاریخ پر اتفاق نہ ہوسکا جس کے بعد اٹارنی جنرل صدر مملکت کا پیغام لے کر چیف الیکشن کمشنر کے پاس گئے اور صدر مملکت کا مؤقف چیف الیکشن کمشنر کے سامنے رکھا بعد ازاں 8 فروری کو انتخابات کرنے پر اتفاق رائے ہوگیا-

    نگران وزیراعظم اور شاہد آفریدی کے مابین ملاقات

  • اسلام آباد میں امریکی سفیرکی الیکشن کمشنرسےملاقات پرامریکا کی وضاحت

    اسلام آباد میں امریکی سفیرکی الیکشن کمشنرسےملاقات پرامریکا کی وضاحت

    واشنگٹن: ترجمان امریکی محکمہ خارجہ میتھیو ملر کا کہنا ہے کہ ایسی اصلاحات کی حمایت کرتے رہیں گے جس سے پاکستان کی معیشت میں بہتری آئے۔

    باغی ٹی وی: واشنگٹن میں پریس بریفنگ دیتے ہوئے امریکی ترجمان نے کہا کہ امریکا پاکستان میں انتخابات کے نتائج پر کوئی پوزیشن نہیں رکھتا پاکستان میں کسی سیاسی جماعت یا امیدوار کی حمایت نہیں کرتے دنیا بھرکی طرح پاکستان میں بھی آزاد اور منصفانہ انتخابات پر زور دیتے ہیں، جیسا کہ ہم پوری دنیا میں کرتے ہیں-

    اسلام آباد میں تعینات امریکی سفیرڈونلڈ بلوم کی پاکستان میں الیکشن کمیشن کے سربراہ سے ملاقات سے متعلق سوال پوچھنے پر انہوں نے صحافی کو اسلام آباد میں امریکی سفارت خانے سے رابطہ کرنے مشورہ دیا اس ملاقات کے بارے میں مخصوص تبصرے کیلئے سفارت خانے سے رجوع کروں گا لیکن میں اس بات کا اعادہ کروں گا جو میں کئی بار کہہ چکا ہوں کہ امریکا پاکستان میں انتخابات کے نتائج کے حوالے سے کوئی موقف اختیار نہیں کرتا۔

    کراچی میں 114 تھانوں کے ایس ایچ اوز کی تقرریاں اور تبادلے متوقع

    امریکی سفیر ڈونلڈ بلوم نے 24 اگست کو چیف الیکشن کمشنر سے ملاقات کی تھی جس سے قبل الیکشن کمیشن نے ملک میں عام انتخابات کے حوالے سے اہم اجلاس منعقد کیا تھاافغانستان میں ڈالر کی شرح پاکستان میں ڈالر کی شرح سے چار گنا زیادہ ہونے سے متعلق ایک سوال کےجواب میں ترجمان امریکی محکمہ خارجہ کا کہنا تھاکہ ہم نے متعدد مواقع پران اصلاحات کی حمایت کےبارےمیں بات کی ہےجو پاکستان میں معیشت کی بہتری کی اجازت دیں گی، اور ایسا کرنا جاری رکھیں گے۔

    امریکا میں کورونا کے کیسز میں ایک بار پھر اضافہ

  • لاہوراور پشاور ہائیکورٹ نے چیئرمین پی سی بی کے انتخاب کا عمل روک دیا

    لاہوراور پشاور ہائیکورٹ نے چیئرمین پی سی بی کے انتخاب کا عمل روک دیا

    لاہور اور پشاور ہائیکورٹ نے بھی پاکستان کرکٹ بورڈ (پی سی بی) کے چیئرمین کا انتخاب روکنےکا حکم جاری کردیا۔

    باغی ٹی وی: لاہور ہائیکورٹ کے جسٹس انوار حسین نےملک ذوالفقارنامی شہری کی درخواست پر سماعت کی،درخواست گزار نے استدعا کی کہ پی سی بی الیکشن کمشنر کا از خود نیا بورڈ آف گورنرز تشکیل دینےکا اقدام غیر آئینی قرار دیا جائے اور عدالت عدالتی فیصلہ آنے تک چیئرمین پی سی بی کا انتخابات روکنے کا حکم جاری کرے –

    جس پر عدالت نےحکم امتناعی جاری کرتے ہوئے وفاقی حکومت، پی سی بی الیکشن کمشنر اور دیگر فریقین کو نوٹس جاری کرتے ہوئے جواب طلب کرلیا۔

    پی سی بی کےامورالیکشن کمشنر کے حوالے کرنے کا نوٹیفیکیشن اسلام آباد ہائیکورٹ میں …

    دوسری جانب پشاور ہائیکورٹ نے بھی چیئرمین پی سی بی کے انتخاب کا عمل روک دیا پشاور ہائیکورٹ میں چیئرمین پی سی بی منتخب کرنے کے لیے الیکشن کے خلاف کیس کی سماعت جسٹس اعجاز انور اور ارشد علی نےکی درخواست پی سی بی کے بورڈ آف گورنرز کے سابق ممبر کبیر آفریدی نے دائر کی تھی۔

    موبائل فون کی لت، 13 سالہ لڑکی نے گھر والوں کو قتل کرنے کی …

    درخواست گزار نے استدعا کی کہ چیئرمین پی سی بی کے انتخاب کا عمل روکا جائے جس پر پشاور ہائیکورٹ نے چیئرمین پی سی بی کے انتخاب کا عمل روک دیا اور چیئرمین پی سی بی کے انتخاب کے خلاف عدالت نے حکم امتناعی جاری کردیا عدالت نےکیس کی سماعت غیر معینہ مدت کے لیے ملتوی کردی۔

    واضح رہے کہ اس سے قبل بلوچستان ہائی کورٹ بھی چیئرمین پی سی بی کے انتخابات روکنے کے احکامات دیتے ہوئے فریقین کو نوٹسز جاری کرچکی ہے۔

    اسلام آباد ایئرپورٹ کو لیز پر دینے کا فیصلہ

    بلوچستان ہائیکورٹ نے پی سی بی چیئرمین کیلئے الیکشنز روک دیئے

  • پی سی بی کےامورالیکشن کمشنر کے حوالے کرنے کا نوٹیفیکیشن اسلام آباد ہائیکورٹ میں چیلنج

    پی سی بی کےامورالیکشن کمشنر کے حوالے کرنے کا نوٹیفیکیشن اسلام آباد ہائیکورٹ میں چیلنج

    اسلام آباد: پاکستان کرکٹ بورڈ (پی سی بی) کے امور الیکشن کمشنر کے حوالے کرنےکا نوٹیفکیشن اسلام آباد ہائی کورٹ میں چیلنج کردیا گیا۔

    باغی ٹی وی : شہری عرفان منظور نے وزات بین الصوبائی رابطہ کی جانب سے جاری کیا گیا 20 جون کا نوٹیفکیشن چیلنج کیا ہے درخو ا ست میں استدعا کی گئی ہے کہ پی سی بی کے معاملات الیکشن کمشنر کے حوالے کرنے کا نوٹیفکیشن غیر قانونی قرار دیا جائے اسلام آباد ہائی کورٹ کے جسٹس میاں گل حسن اورنگزیب نے درخواست قابل سماعت ہونے پر فیصلہ محفوظ کرلیا۔

    خیال رہےکہ وزات بین الصوبائی رابطہ کی جانب سے جاری کیےگئے نوٹیفکیشن میں پی سی بی کی مینیجمنٹ کمیٹی کو مدت مکمل ہونے پر کام سے روک دیا گیا تھا اور پاکستان کرکٹ بورڈ کے امور الیکشن کمشنر کے حوالےکردیئے گئے تھے جبکہ بلوچستان ہائیکورٹ نے پاکستان کرکٹ بورڈ (پی سی بی) چیئرمین کیلئے الیکشنز روک دیئےہیں ،بلوچستان ہائیکورٹ کے دو رکنی بنچ نے فیصلہ جاری کیا جس کے بعد چیئرمین کا انتخاب ملتوی کر دیا گیا ہے۔

    بلوچستان ہائیکورٹ نے پی سی بی چیئرمین کیلئے الیکشنز روک دیئے

    بلوچستان ہائیکورٹ کے چیف جسٹس نعیم اختر افغان اورجسٹس عامر نواز نے سماعت کی عدالت کا تاحکم ثانی الیکشن پر حکم امتناع جاری کردیا، ہائیکورٹ نےچیئرمین پی سی بی کےالیکشن 17 جولائی تک روکنے کا حکم دیا ہے،بلوچستان ہائیکورٹ نے وزیر اعظم، وزارت آئی پی سی، ذکا اشرف سمیت فریقین کو نوٹسز جاری کردیئے۔

    الیکشن کے انعقاد اور بورڈ آف گورنرز کی تشکیل کے خلاف پاکستان کرکٹ بورڈ کی مینجمنٹ کمیٹی کے سابق رکن گل محمد کاکڑ نے عدالت میں درخواست دائر کی اور اسے غیر قانونی اقدام قرار دیتے ہوئے انتخاب روکنے کی استدعا کی تھی کہ عدالتی فیصلے تک چیئرمین کے الیکشن کو ملتوی اور اور بورڈ آف گورنرز کو معطل کیا جائے۔

    پی پی ن لیگ مذاکرات، ایجنڈہ سیاسی و معاشی استحکام

  • بلوچستان ہائیکورٹ نے پی سی بی چیئرمین کیلئے الیکشنز روک دیئے

    بلوچستان ہائیکورٹ نے پی سی بی چیئرمین کیلئے الیکشنز روک دیئے

    بلوچستان ہائیکورٹ نے پاکستان کرکٹ بورڈ (پی سی بی) چیئرمین کیلئے الیکشنز روک دیئے،بلوچستان ہائیکورٹ کے دو رکنی بنچ نے فیصلہ جاری کیا جس کے بعد چیئرمین کا انتخاب ملتوی کر دیا گیا ہے۔

    باغی ٹی وی : پی سی بی منیجمنٹ کمیٹی کے سابق رکن گل محمد کاکڑ نے الیکشنز چیلنج کیے تھے جس پر بلوچستان ہائیکورٹ کے چیف جسٹس نعیم اختر افغان اورجسٹس عامر نواز نے سماعت کی عدالت کا تاحکم ثانی الیکشن پر حکم امتناع جاری کردیا، ہائیکورٹ نےچیئرمین پی سی بی کےالیکشن 17 جولائی تک روکنے کا حکم دیا ہے،بلوچستان ہائیکورٹ نے وزیر اعظم، وزارت آئی پی سی، ذکا اشرف سمیت فریقین کو نوٹسز جاری کردیئے۔

    خیبر پختونخوا : ق لیگ نے ن لیگ کی بڑی وکٹ گرا لی

    واضح رہے کہ پی سی بی منیجمنٹ کمیٹی کی مدت مکمل ہونے پر اب قائم مقام چیئرمین الیکشن کمشنر ہیں پاکستان کرکٹ بورڈ کے چیئرمین کا انتخاب 27 جون کو شیڈول ہے جسے روک دیا گیا ہے۔

    الیکشن کے انعقاد اور بورڈ آف گورنرز کی تشکیل کے خلاف پاکستان کرکٹ بورڈ کی مینجمنٹ کمیٹی کے سابق رکن گل محمد کاکڑ نے عدالت میں درخواست دائر کی اور اسے غیر قانونی اقدام قرار دیتے ہوئے انتخاب روکنے کی استدعا کی تھی کہ عدالتی فیصلے تک چیئرمین کے الیکشن کو ملتوی اور اور بورڈ آف گورنرز کو معطل کیا جائے۔

    پی ٹی آئی کے رہنماعثمان ڈار کی فیکٹری پر چھاپہ

    واضح رہے کہ پیپلزپارٹی نے چند روز پہلے ذکا اشرف کو چیئرمین پی سی بی بنانے کا مطالبہ کیا تھا جس کے بعد وزیراعظم شہباز شریف نے پاکستان کرکٹ بورڈ (پی سی بی) کے چیئرمین کی تعیناتی کیلئے بورڈ آف گورنرز کیلئے ذکا اشرف اور مصطفیٰ رمدے کے ناموں کی منظوری دے دی۔

    پی پی ن لیگ مذاکرات، ایجنڈہ سیاسی و معاشی استحکام

  • صوبائی الیکشن کمشنر کا سیکیورٹی کے غیر مناسب انتظامات پرشدید تحفظات کا اظہار

    صوبائی الیکشن کمشنر کا سیکیورٹی کے غیر مناسب انتظامات پرشدید تحفظات کا اظہار

    اسلام آباد: صوبائی الیکشن کمشنر پنجاب نے موجودہ سیکیورٹی انتظامات پر خدشات کا اظہار کرتے ہوئے انتخابات کے ملتوی ہونے کا خدشہ ظاہر کردیا۔

    باغی ٹی وی: صوبائی الیکشن کمشنر پنجاب سعید گل نے سیکیورٹی کے غیر مناسب انتظامات پرشدید تحفظات کا اظہار کیا اور اس حوالے سے الیکشن کمیشن کے سربراہ کو بھی بذریعہ خط آگاہ کردیا جس میں کہا گیا ہے کہ اگر سیکیورٹی کی یہی صورت حال رہی تو لاہور میں الیکشن شیڈول معطل کرنا ہوگا۔

    ترکی کے زلزلہ زدہ علاقے میں شدید سیلاب کے باعث متعدد افراد ہلاک

    ذرائع الیکشن کمیشن کے مطابق صوبائی الیکشن کمشنرزاور ریٹرننگ افسران کو مطلوبہ سیکیورٹی فراہم نہیں کی گئی ہے، جس پر صوبائی الیکشن کمشنر نے سیکیورٹی عملے کی کم تعداد کے باعث کاغذات نامزدگی وصولی کے دوران ناخوشگوار واقعات کی نشاندہی کی ہے۔

    ذرائع کے مطابق صوبائی الیکشن کمشنرپنجاب نے سیکیورٹی صورتحال سے متعلق الیکشن کمیشن کوآگاہ کردیا اور کہا ہے کہ نا خوشگوار واقعات سے نمٹنے کیلئے پنجاب حکومت کی جانب سےاطمینان بخش انتظامات نہیں کئےگئےاورنہ ہی ریٹرننگ افسران کو مطلوبہ سیکیورٹی فراہم کی گئی ہے ریٹرننگ افسران کے دفاتر میں کاغذات نامزدگی جمع کراتے وقت رش زیادہ ہے، جس کی وجہ سے عملے کو مشکلات کا سامنا ہے۔

    چینی کمپنی پاکستان میں دو ارب ڈالرز کی سرمایہ کاری کرے گی

    علاوہ ازیں الیکشن کمیشن نے چیف سیکرٹری پنجاب کو مراسلہ لکھا جس میں انہیں تقرر و تبادلوں کی اجازت دے دی اور الیکشن کمیشن کے افسران و ملازمین کو چھٹیاں دینے کی اجازت بھی دے دی۔

    الیکشن کمیشن پنجاب سیکرٹریٹ میں کام کرنے والے گریڈ 19 اور ماتحت افسران کی ٹرانسفر پوسٹنگ کی اجازت بھی دے دی گئی ہے جبکہ گریڈ 17 اور ماتحت افسران و ملازمین کی ٹرانسفر پوسٹنگ کی بھی اجازت دے دی گئی ہے۔

    الیکشن کمیشن نے ہدایت کی ہے کہ تقرر و تبادلوں کے احکامات کی تفصیلات الیکشن کمیشن کو بھجوائی جائیں، گریڈ 20، 21 اور 22 کے افسران اور پولیس کے تقرر و تبادلے کی منظوری الیکشن کمیشن سے لی جائے۔

    حکومت نے پیٹرولیم مصنوعات کی قیمتوں میں مزید اضافہ کردیا