الیکشن کمیشن آف پاکستان نے پنجاب میں بلدیاتی انتخابات کے مسلسل التوا پر سخت مؤقف اختیار کرتے ہوئے خبردار کیا ہے کہ اگر صوبائی حکومت نے فوری قانون سازی نہ کی تو کمیشن خود فیصلہ صادر کرے گا اور انتخابات کا انعقاد یقینی بنائے گا۔
الیکشن کمیشن کے اعلامیے کے مطابق پنجاب میں بلدیاتی انتخابات کے التوا پر چیف الیکشن کمشنر کی سربراہی میں اہم سماعت ہوئی۔کمیشن نے واضح کہا کہ مزید انتظار نہیں کیا جائے گا۔سیکریٹری الیکشن کمیشن کی بریفنگ میں بتایا گیا کہ پنجاب میں بلدیاتی حکومتوں کی مدت 31 دسمبر 2021 کو ختم ہو چکی۔2019 سے اب تک پانچ مرتبہ بلدیاتی قوانین میں ترامیم ہو چکی ہیں۔
الیکشن کمیشن تین بار حلقہ بندیاں مکمل کر چکا، چوتھی بار صوبائی حکومت کی درخواست پر معطل کی گئیں۔اسپیشل سیکریٹری لاء محمد ارشد نے زور دیا کہ آئینی تقاضے کے مطابق بلدیاتی انتخابات فوری اور بروقت ہونا لازم ہے۔کمیشن نے کہا کہ آئین کے تحت انتخابات کرانا ہماری ذمہ داری ہے۔اگر حکومت قانون سازی میں ناکام رہی تو کمیشن خود حکم جاری کرے گا۔
وزیر بلدیات پنجاب نے بتایا کہ قانون سازی کا مسودہ اسمبلی کی قائمہ کمیٹی میں زیر غور ہے۔کمیشن نے نشاندہی کی کہ تین ماہ سے زائد کا وقت گزر چکا، جبکہ کسی بل کی منظوری عام طور پر دو ماہ میں ہو جاتی ہے۔الیکشن کمیشن نے کہا کہ اب مزید وقت نہیں مانگا جائے گا، آئندہ سماعت میں حتمی فیصلہ دیا جائے گا۔”
واضح رہے کہ سندھ، بلوچستان اور خیبرپختونخوا میں بلدیاتی انتخابات ہو چکے۔صرف پنجاب میں یہ عمل تاحال تعطل کا شکار ہے، جس پر الیکشن کمیشن نے عدم اطمینان کا اظہار کیا۔تجزیہ کاروں کے مطابق الیکشن کمیشن کا یہ واضح پیغام اس بات کی نشاندہی کرتا ہے کہ ادارہ بلدیاتی انتخابات کے التوا کو مزید برداشت کرنے کے لیے تیار نہیں۔ پنجاب حکومت کو جلد فیصلہ کرنا ہوگا، ورنہ فیصلہ کمیشن خود کرے گا۔
پاکستان نے بھارت کے 4 رافیل طیارے گرائے وزیراعظم کا بڑا انکشاف
بھارت نے سندھو پر حملہ کیا، کشمیر کا مسئلہ حل ہونے تک امن ممکن نہیں،بلاول بھٹو
عید کے کپڑے نہ ملے، 3 جانیں چلی گئیں؛ بھوک سے بزرگ خاتون جاں بحق
بلوچستان پاکستان سے الگ نہیں ہو سکتا، دہشتگردی بھارت اسپانسر کر رہا ہے، ڈی جی آئی ایس پی آر
