Tag: الیکٹرک

تنازعات اور ناقص کارکردگی،کے الیکٹرک نے سرمایہ کاروں کی توجہ کھو دی.

باغی ٹی وی کے مطابق بین الاقوامی ادارے فنانشل ٹائمز نے کے الیکٹرک کی کارکردگی اور موجودہ صورتحال پر تفصیلی رپورٹ میں بتایا کہ رپورٹ کے مطابق شیئر کم ہونے کے باوجود کمپنی کا مکمل کنٹرول سعودی سرمایہ کاروں نے سنبھال رکھا ہے جبکہ پاکستانی سرمایہ کاروں کو کے الیکٹرک کے بورڈ میں بھی بیٹھنے نہیں دیاجارہا، سعودی سرمایہ کار اب مبینہ طور پر حکومت پاکستان اور اسپیشل انویسمنٹ فنانشل کونسل کو دھمکیاں بھی دے رہے ہیں۔ کے الیکٹرک قانونی تنازعات اور مسلسل خراب کارکردگی سے دوچار ہے ساتھ ساتھ قانونی کشمکش میں بھی الجھی ہوئی ہے۔ یہ قانونی تنازع سعودی سرمایہ کاروں اور پاکستانی سرمایہ کاروں کے درمیان کمپنی کے انتظامی کنٹرول کے سبب ہے ۔

فنانشل ٹائمز کے مطابق کے الیکٹرک بجلی کی پیداوار سمیت بجلی کی ترسیل کے نظام کو بہتر بنانے پر کام کرنے میں ناکام رہی۔مالیاتی کارکردگی کے لحاظ سے، کراچی اسٹاک ایکسچینج انڈیکس کے مقابلے میں گزشتہ پانچ سالوں کے دوران کے الیکٹرک کے اسٹاک کی قیمت کا رجحان ظاہر کرتا ہے کہ سرمایہ کاروں کا کے الیکٹرک کی موجودہ انتظامیہ سے اعتماد اٹھ چکا ہے۔رپورٹ میں بتایا گیاہے کہ دوسری جانب کے الیکٹرک کی کارکردگی بھی مایوس کن رہی ہے۔ ڈسٹری بیوشن کمپنیوں سے متعلق ایک بیرونی خفیہ رپورٹ میں انکشاف کیا گیا ہے کہ کس طرح کے الیکٹرک اپنی اندرونی نا اہلیوں کو پورا کرنے کیلیے کراچی کے صارفین پر اضافی مالی بوجھ ڈال رہی ہے۔

واضح رہے کہ کے الیکٹرک حکومت کا ایک بڑا اسٹیک ہولڈر ہے تاہم کے الیکٹرک سے حکومت کوئی ڈیویڈنڈ نہیں ملا ہے اور کے الیکٹرک کے اسٹاک کی قیمت نہیں بڑھی۔رپورٹ کے مطابق درحقیقت حکومت ہر سال کے الیکٹرک کو تقریبا 200 بلین سبسڈی فراہم کررہی ہے ! یہ بڑے پیمانے پر سبسڈیز جزوی طور پر اسٹریٹجک قیادت کی کمی اور ناقص انتظام کی وجہ سے ہے۔مجموعی طور پر کے الیکٹرک کو قانونی تنازعات، مبینہ غیر قانونی کنٹرول اور انتظامیہ کی مسلسل ناقص کارکردگی کی وجہ سے سنگین مسائل کا سامناہے ۔

اس صورت حال نے نہ صرف سرمایہ کاروں کو دور کر دیا ہے بلکہ کراچی کے شہریوں پر بھی منفی اثرات مرتب کیے ہیں۔ متعلقہ حکام کو اس صورتحال کا سنجیدگی سے نوٹس لینا چاہیے اور ان مسائل کا حل تلاش کرنا چاہیے۔

مودی سرکار ہر پاکستانی سے خوف کھانے لگی، کرکٹرز کے بھی چینل بلاک

پاکستان میں ذیقعد 1446 ہجری کا چاند نظر آگیا

بھارتی فوج کے مظالم، کٹھ پتلی وزیراعلیٰ بھی بول پڑے

بھارت کی درخواست پر خواجہ آصف کا اکاؤنٹ بلاک

پاکستان میں دو الیکٹرک گاڑیاں نئی متعارف کروا دی گئیں جس کی پہلی کھیپ بھی پاکستان پہنچ گئی ہے .

باغی ٹی وی کی رپورٹ کے مطابق دونوں گاڑیاں درحقیقت چینگان کی ہیں اورالیکٹرک وہیکلز ہیں جن کے نام دیپال ایس زیر و سیون (Deepal S07)اور دیپال ایل زیرو سیون (Deepal L07)، دونوں ماڈلز کا پاکستان میں بکنگ کا آغاز کر دیاہے، بکنگ پرائس اور ڈیلیوری کے اوقات کار بھی جاری کر دیئے گئے ہیں ۔دیپال کی پاکستان کے دو بڑے شہروں لاہور اور کراچی میں ڈیلرشپس کا افتتاح کر دیا گیا ہے جن کے نام چینگان آٹو لاہور اور چینگان آٹو شاہراہ فیصل ہے ۔صارفین دونوں میں اگر کوئی بھی گاڑی خریدنے کی خواہش رکھتے ہیں تو یہ 30 لاکھ کی پیشگی ادائیگی سے بکنگ کروا سکتے ہیں ، جس کی ڈیلیوری 70 دنوں میں کی جائے گی ۔دیپال ایس زیر و 7 دراصل الیکٹرک ایس یو وی ہے جو کہ ایک چارج میں 485 کلومیٹر کی رینج دیتی ہے جبکہ اس میں 255 ہارس پاور کی الیکٹرک موٹر نصب کی گئی ہے جو کہ طاقتور ور انجن کا احساس دلاتی ہے ۔

مظلوم فلسطینیوں پر اسرائیلی مظالم کی شدید مخالفت کرتا ہوں؛ مراد علی شاہ

اس گاڑی کی قیمت ایک کروڑ 65 لاکھ روپے ہے ۔گاڑی میں 6 ایئر بیگز، کول باکس، پینرامک روف، ریئر اے سی وینٹس، ہیٹڈ سیٹس، نیویگیشن ، کلائمیٹ کنٹرول، ایڈاپٹو کروز کنٹرول اور لین اسسٹ دیا گیاہے ۔دیپال ایل زیرو 7 مکمل طور پر ایک الیکٹرک وہیکل ہے جو کہ سنگل چارج میں 540 کلومیٹر کی لمبی رینج دیتی ہے یعنی آپ ایک چارج میں بغیر رکے لاہور سے بآسانی اسلام آباد پہنچ سکتے ہیں ، اس میں 255 ہارس پاور کی الیکٹرک موٹر دی گئی ہے ۔اس کے علاوہ 6 ایئر بیگز، ٹی پی ایم ایس، 360 کیمرہ، ای بی ڈی ، پارکنگ سینسرز، ہل روڈ کنٹرول دیا گیاہے ۔اس گاڑی کی قیمت ایک کروڑ 55 لاکھ روپے مقرر کی گئی ہے اور اگر اسے خریدنے کے خواہشمند ہیں تو 30 لاکھ روپے میں بکنگ کروائی جا سکتی ہے ۔اس کے علاوہ میں الیکٹرک ٹیل گیٹ، بیک پر ڈبل سپائلر دیاگیاہے جس کے درمیان دی گئی لائٹ گاڑی کے لوگو کو ظاہر کرتی ہے ۔