لاہور کے مختلف روٹس پر پنجاب ٹرانسپورٹ کمپنی کی زیر انتظام ماحول دوست الیکٹرک بسیں چلنے کے لیے تیار
سیکرٹری ٹرانسپورٹ پنجاب احمد جاوید قاضی، وزیر ٹرانسپورٹ ابراہیم حسن مراد اور چیف ایگزیکٹو آفیسر پنجاب ٹرانسپورٹ کمپنی فائق احمد کی خصوصی کاوشوں سے 3سال بعد فائلوں کی حد تک محدود رہنے والے پروجیکٹ کو اخر کار عملی جامہ پہنایا گیا ہے
نگران وزیراعلی پنجاب نے شہریوں کی سہولت کے لیے الیکٹرک بسوں کے منصوبے کی منظوری دے دی ان الیکٹرک بسوں سے جہاں مسافروں کو بہترین سفری سہولیات میسر ہوں گی اس کے ساتھ ساتھ ماحولیاتی الودگی پر بھی قابو پایا جا سکے گا۔ ان الیکٹرک بسوں میں جدید ڈیوائسز نظام الیکٹرک سسٹم ٹکٹنگ کا سسٹم بھی نصب ہو گابس سٹاپ پر شہری بس انے کا ٹائم اور روٹس کے متعلق بھی مکمل آگاہی ایک ایپ کے ذریعے حاصل کر سکیں گے ان جدید بسوں میں دین اسلام میں خواتین کے وقار کو مدنظر رکھتے ہوئےمرد حضرات اور خواتین کے لئے الگ الگ پورشن بھی بنائے گئے ہیں الیکٹرک بسوں کے اندر معذور افراد کے لیے الگ سے سیٹیں مختص کی جائیں گی .
یہ پروجیکٹ لاہور میں ریلوے اسٹیشن تک گرین ٹاؤن 30 کلومیٹر کا ایریا کور کرے گا اس 30 کلومیٹر میں باگڑیاں، میاں چوک ، منہاج یونیورسٹی، ڈپو سٹاپ ، اکبر چوک، جناح ہسپتال، اسلامک سینٹر، پنجاب یونیورسٹی، مسلم ٹاؤن موڑ، اچھرہ بازار ، شادمان مارکیٹ ،لاہور کالج فار وومن یونیورسٹی، جیل روڈ، گنگارام ہسپتال, چڑیا گھر, باغ جناح سے ریلوے اسٹیشن پر جا کر یہ روٹ اختتام پذیر ہوگا . پائلٹ پروجیکٹ کے طور پر ان الیکٹرک بسوں کو اس روٹ پر چلایا جا رہا ہے۔ یہ ایک ایسا روٹ ہے جس میں تین یونیورسٹیاں دو ہسپتالوں اور 3 مین بازاروں تک رسائی میں آسانی ہوگی اس روٹ پر ٹریفک کا فلو زیادہ ہونے کی وجہ سے دھواں چھوڑنے والی گاڑیوں کی تعداد بھی زیادہ ہے ان بسوں سے چلنے سے ان علاقوں میں سموگ میں کمی ہوگی کیونکہ ان روٹس پر پہلے ہی سموک کا انڈیکس بہت زیادہ ہے پنجاب ٹرانسپورٹ کمپنی نے ان بسوں کو چلانے کے تمام انتظامات مکمل کر لیے ہیں اس روٹ پر نئے ڈیزائن کے بس شیلٹرز بھی تیار کر دیے گئے ہیں۔ ان بس سٹاپوں پر بھی خواتین کے احترام ک مدنظر رکھا گیا ہے ۔ان بس سٹاپوں پر خواتین اور مردوں کے لیے الگ الگ بیٹھنے کا انتظام کیا گیا ہے
ان بسوں کی فراہمی کے لیے چیئرمین پلاننگ اینڈ ڈویلپمنٹ بورڈ کے زیر صدارت ہونے والے اجلاس میں بجٹ کی فراہمی کی بھی منظوری دے دی گئی ہے۔ تین ارب 36 کروڑ 70 لاکھ روپے کی لاگت سے لاہور شہر میں الیکٹرک بسیں چلیں گی سیکرٹری ٹرانسپورٹ پنجاب احمد جاوید قاضی نے تمام ٹیم ممبران کو خریداری کے نظام کو شفاف اور تیز کرنے کی بھی ہدایت کی ہے تاکہ شہریوں کو جلد از جلد سفری سہولیات مل سکیں پنجاب ٹرانسپورٹ کمپنی ایسا ہی ایک منصوبہ جنوبی پنجاب کے لیے بھی لانے جا رہی ہے بہاولپور میں بھی ماحول دوست ایکو فرینڈلی بسیں چلانے کے لیے پروجیکٹ تیار کر لیا گیا ہے جس کے لئے پنجاب ٹرانسپورٹ کمپنی نےاپنے بورڈ آف ڈائریکٹرز سے منظوری بھی لےلی ہے اور جلدہی محکمہ پی این ڈی کے اجلاس میں مشاورت کی جائے گی رپورٹ کے مطابق پنجاب ٹرانسپورٹ کمپنی بہاولپور کے چار مختلف روٹس پر اربن ٹرانسپورٹ چلائے گی فیصل آباد شہر کے لیے بھی سروے شروع کر دیا گیا ہے جہاں پر پنجاب ٹرانسپورٹ کمپنی ماحول دوست ایکو فرینڈلی بسیں چلائے گی۔
سی ای او فائق احمد اور سیکرٹری ٹرانسپورٹ پنجاب احمد جاوید قاضی کی ٹیم اگر اسی طرح کام کرتی رہی تو پنجاب کے تمام شہروں میں مسافروں کونہ صرف بہترین سفری سہولیات میسر آئیں گی بلکہ ماحولیاتی الودگی پر بھی قابوپایا جا سکے گا۔ چیف ایگزیکٹو آفیسر پنجاب ٹرانسپورٹ کمپنی فائق احمد جہاں مسافروں کو بہتر اور معیاری ماحول دوست سفری سہولیات کی فراہمی کیلئے کوشاں نظر اتے ہیں وہیں پنجاب ٹرانسپورٹ کمپنی کو بھی اپنے پائوں پر کھڑا کرنے کیلئے پرعزم ہیں ۔ اور امید کرتے ہیں کہ تجربہ کار اور پر لگن افسران کی زیر نگرانی پنجاب ٹرانسپورٹ کمپنی صوبہ پنجاب کے دیگر تمام چھوٹے بڑے شہروں میں اربن روٹس کو آپریشننل کرنے میں کامیاب ہو گی
زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار
سندھ کی جیلوں میں افغانی بچوں کی تصاویر، شرجیل میمن نے حقیقت بتا دی
خواتین کی تصاویر اور ویڈیوز بنانے والے اوباش ملزمان گرفتار
ڈیزل بسوں کو الیکٹرک بسوں سے تبدیل کرنے کے حوالے سے اجلاس ہوا،
