Baaghi TV

Tag: امتحانات

  • مقابلے کے امتحان سی ایس ایس 2026 کی باقاعدہ ڈیٹ شیٹ جاری

    مقابلے کے امتحان سی ایس ایس 2026 کی باقاعدہ ڈیٹ شیٹ جاری

    فیڈرل پبلک سروس کمیشن (ایف پی ایس سی) نے مقابلے کے امتحان سی ایس ایس 2026 کی باقاعدہ ڈیٹ شیٹ جاری کر دی ہے، جس کے مطابق تحریری امتحانات کا آغاز 4 فروری 2026 سے ہوگا۔

    جاری کردہ شیڈول کے مطابق امتحانات کے پہلے روز امیدواروں سے انگریزی مضمون نگاری (Essay) کا پرچہ لیا جائے گا، جب کہ 5 فروری 2026 کو Precis & Composition کا امتحان منعقد ہوگا اس کے بعد جنرل نالج کے مضامین کے پرچے 6، 7 اور 8 فروری کو ہوں گے 9 فروری 2026 کو اسلامیات یا غیر مسلم امیدواروں کے لیے تقابلی مطالعۂ مذاہب کا پرچہ لیا جائے گا۔

    ایف پی ایس سی کے مطابق اختیاری مضامین کے امتحانات 10 فروری سے 15 فروری 2026 تک جاری رہیں گے، جن کے پرچے مختلف گروپس کے تحت صبح اور شام کے سیشنز میں منعقد کیے جائیں گے۔

    حمل کا جھانسہ: مردوں سے لاکھوں روپے بٹورنے والا گروہ پکڑا گیا

    فیڈرل پبلک سروس کمیشن نے تمام امیدواروں کو ہدایت کی ہے کہ وہ ڈیٹ شیٹ کے مطابق اپنی تیاری مکمل کریں اور امتحانی مراکز، رول نمبر سلپس اور دیگر جاری کردہ ہدایات پر سختی سے عمل کریں تاکہ کسی بھی قسم کی پریشانی سے بچا جا سکے۔

    باجوڑ: وزیرِ مملکت کے گھر پر دستی بم سے حملہ

  • پانچویں اور آٹھویں کے سنٹرلایزڈ امتحانات کے نتائج آگئے

    پانچویں اور آٹھویں کے سنٹرلایزڈ امتحانات کے نتائج آگئے

    لاہور: ایف ڈی ای نے پانچویں اور آٹھویں کے سنٹرلایزڈ امتحانات براے سال 2023-24 کے نتائج کا اعلان کردیا –

    باغی ٹی وی : رواں برس کلاس پنجم کیلئے کل 25101 طلبہ و طالبات نے امتحانات میں شریک رہے،اعلان کردہ نتائج کے مطابق کلاس پنجم کے پاس اُمیدواروں کی شرح84.5 فیصد رہی، اسی طرح کلاس ہشتم کے سالانہ سنٹرلائز امتحانات میں کل 19693 طلبہ و طالبات شریک رہے –

    اعلان کردہ نتائج کے مطابق کلاس ہشتم کے پاس اُمیدواروں کی شرح87.25 فیصد رہی، پانچویں کلاس میں کامیاب طلباء کی تعداد 9599 جبکہ طالبات کی تعداد 11598 رہی، آٹھویں کلاس کے کامیاب طلباء کی تعداد 15934 جبکہ طالبات کی تعداد 21473 رہی-

    پانچویں کلاس کے سنٹرلائز امتحان میں 587 نمبر کے ساتھ اسلام ماڈل سکول جی ایٹ ٹو کی حائقہ کریم پہلے نمبر پر رہیں، پانچویں کلاس میں دوسری پوزیشن مشال فاطمہ، آئینہ مناہل اور عائشہ ایمان نے 586 نمبر کے ساتھ اپنے نام کی، پانچویں کلاس میں تیسری پوزیشن جی ٹین ٹو ماڈل کالج کی زینب نے 585 نمبر لیکر اپنے نام کی –

    آٹھویں کلاس کے سنٹرلائز امتحان میں 679 نمبر کے ساتھ سی ڈی اے ماڈل سکول کی مریم شفی نے پہلی پوزیشن اپنے نام کی ، آٹھو یں کلاس کی دوسری پوزیشن آئی ایٹ تھری ماڈل کالج کے ہمدان شمشیر نے 675 نمبر لیکر اپنے نام کی، آٹھویں کلاس میں تیسری پوزیشن علیمہ طاہرہ نور نے 673 نمبر لیکر اپنے نام کی –

    اعلان کردہ نتائج کے مطابق گرلز سائیڈ پر کلاس فائیو اسلام کالج فار گرلز نے 19 سکالرز شپس کے ساتھ پہلی پوزیشن سمیٹی، کلاس فائیو میں ہی 14 سکالرز شپس کے ساتھ گرلز سائیڈ پر پر آئی ٹین فور گرلز کالج دوسرے نمبر پر رہا، پانچویں کلاس میں بوائز سائیڈ پر 24 اسکالرشپس کے ساتھ آئی سی بی پہلے، جی ٹین دور بوائز کالج 19 سکالرز شپس کے ساتھ دوسرے نمبر پر رہا –

    آٹھویں کلاس میں گرلز سائیڈ پر 9 سکالرز شپس کے ساتھ آئی سی جی پہلے جبکہ اسلام آباد ماڈل سکول ایف سیون 8 سکالرز شپس کے ساتھ دوسرے نمبر پر رہا ،آٹھویں کلاس میں بوائیز سائیڈ پر 21 اسکالرشپس کے ساتھ جی نائن دور ماڈل کالج پہلے جبکہ 13 اسکالرشپس کے ساتھ ایف ایٹ فور ماڈل کالج دوسرے نمبر پر رہا-

  • امتحانات میں نقل کا معاملہ: ڈپٹی کنٹرولر امتحانات سمیت 7 اہلکار معطل

    امتحانات میں نقل کا معاملہ: ڈپٹی کنٹرولر امتحانات سمیت 7 اہلکار معطل

    لاہور: وزیر تعلیم پنجاب رانا سکندر حیات نے میٹرک امتحانات میں نقل کے معاملے پر ڈپٹی کنٹرولر امتحانات سمیت 7 اہلکاروں کو معطل کردیا۔

    باغی ٹی وی : ترجمان وزیرتعلیم کے مطابق صوبائی وزیر تعلیم کی ہدایت پر ڈپٹی کنٹرولر امتحانات سمیت 7 اہلکاروں کو معطل کیا گیا، معطل ہونے والوں میں ڈپٹی سیکرٹری قیصر محمود، جونئیرکلرک اور کمپیوٹر آپریٹر شامل ہیں،جبکہ ڈپٹی سیکرٹری ٹرانسپورٹ کو ڈپٹی کنٹرولر ریکارڈ کا چارج دے دیا گیا،کنڈکٹ برانچ کے مزید ملازمین کو بھی عہدوں سے ہٹانے کا فیصلہ کیا گیا ہے کیونکہ کنڈکٹ برانچ کا عملہ ہی امتحانی ڈیوٹیاں لگانےکا ذمہ دار تھا۔

    قبل ازیں گزشتہ ماہ وزیر تعلیم پنجاب رانا سکندر حیات نے میٹرک کے سالانہ امتحانات میں بوٹی مافیا کے خلاف بڑا ایکشن لیتے ہوئے چیئرمین لاہور بورڈ کو معطل اور کنٹرولر امتحانات کو عہدے سے ہٹا دیا تھامیٹرک امتحانات میں شفافیت برقرار نہ رکھنے پر دونوں افسران کو معطل کیا گیا تھا-

    حافظ نعیم الرحمان نئے امیر جماعت اسلامی منتخب

    وزیرتعلیم کی ہدایت پر کمشنر کو چیئرمین لاہور بورڈ کا اضافی چارج بھی دے دیا گیا تھا جبکہ محکمہ تعلیم کی جانب سے نوٹیفیکیشن بھی جاری کردیا گیا تھا ، وزیر تعلیم کا کہنا تھا کہ شفاف امتحانات ریڈلائن ہیں کوتاہی برداشت نہیں کی جاسکتی، امتحانات میں نقل ناقابل قبول ہے تاہم اگلے مرحلے میں غفلت برتنے والے دیگر عملے کی باری آئے گی۔

    جعلی ادویا ت بنانے والے گینگ کے کارندے گرفتار

    واضح رہے کہ وزیر تعلیم رانا سکندر حیات نے کہا تھا کہ لاہور میں میٹرک کے امتحانات کے دوران 80 ہزار روپے میں امتحانی سینٹرز بیچے گئے اور یکم اپریل کو ہونے والے ریاضی کے پرچے کی ایڈوانس بکنگ بھی ہوچکی تھی۔

    وزیر تعلیم کا بوٹی مافیا کے خلا ف ایکشن، چیئرمین لاہور بورڈ معطل

    زرمبادلہ کے ذخائر کے نئے اعداد و شمار جاری

  • خیبر پختونخوا تعلیمی بورڈ کی جانب سے نویں اور گیارھویں جماعت کے طالب علموں کے لئے خوشخبری،

    خیبر پختونخوا تعلیمی بورڈ کی جانب سے نویں اور گیارھویں جماعت کے طالب علموں کے لئے خوشخبری،

    خیبر پختونخوا تعلیمی بورڈز کمیٹی نے نویں اور گیارھویں کلاس کے طالبعلوں کو خوشخبری دی ہے کہ نویں اور گیارھوں جماعت کے بچوں فیل کرنے کا تصور ختم کرنے کا فیصلہ کیا گیا ہے ہے،، آئندہ سال سے کسی بچے کو نویں اور گیارھویں جماعت میں فیل نہیں کیا جائے گا۔اس حوالے سے گفتگو کرتے ہوئے چیئرمین پشاور تعلیمی بورڈ پروفیسر نصراللہ خان یوسفزئی نے کچھ یوں کہا کہ کہ آل چیئرمین بورڈ کمیٹی میں انہوں نے تجویز پیش کی تھی کے اکثر نویں اور گیارھویں میں جو بچے فیل ہو جاتے ہیں تو وہ دلبرداشتہ ہو کر مزید تعلیم حاصل نہیں کرتے۔
    دوسری جانب بیشتر اسکولوں میں 3 یا 4 پرچوں میں فیل ہو جانے پر ایسے بچوں کو پھر دسویں اور بارھویں میں نہیں رکھا جاتا اور یوں ان بچوں کا ایک سال ضائع کردیا جاتا ہے، چوں کہ نتیجہ دسویں اور بارھویں جماعت ہی پر ہوتا ہے تو کیوں نا ان بچوں کو موقع دیا جائے کہ انھیں فیل کرنے کی بجائے دسویں اور بارھویں میں پروموٹ کیا جائے۔پروفیسر نصراللہ خان یوسفزئی کے مطابق ان کی اس تجویز سے دیگر بورڈز کے سربراہان نے بھی اتفاق کیا اور اس کی کمیٹی نے باقاعدہ منظوری بھی دے دی ہے۔

  • نویں اور دسویں جماعت کے ملتوی شدہ پرچوں کا شیڈول جاری

    نویں اور دسویں جماعت کے ملتوی شدہ پرچوں کا شیڈول جاری

    عمران خان کی گرفتاری کے بعد پی ٹی آئی کے احتجاجی مظاہروں کے باعث نویں اور دسویں جماعت کے ملتوی ہونے والے پرچوں کا شیڈول جاری کردیا گیا۔

    باغی ٹی وی: لاہور اور راولپنڈی میں ملتوی شدہ پرچہ جات اب 17، 18 اور 19 مئی کوہوں گے جب کہ پشاور میں ملتوی ہونے والے پیپرز 19 سے 23 مئی کے درمیان منعقد کیے جائیں گے۔

    پاکستان سمیت دنیا بھر میں آج ماؤں کا عالمی دن

    واضح رہے کہ 10 مئی کو تحریک انصاف کے چیئرمین عمران خان کی گرفتاری کے بعد پرتشدد احتجاج ہوا جس کےبعد حکومت نے پنجاب بھرمیں دفعہ 144 نافزکر دی گئی تھی احتجاج کے دوران پی ٹی آئی کارکنان نے جلاؤ گھیراؤ کیا جس کے پنجاب بھر کے تعلیمی ادارے بند کرنے کا اعلان کر دیا گیا تھا جبکہ نویں اور دسویں جماعت کے امتحانات بھی 13 مئی تک ملتوی کردیئے گئے-

    کراچی :فائرنگ کے مختلف واقعات میں دو خواتین سمیت چار افراد جاں بحق

  • پاکستان میں آؤٹ اسٹینڈنگ کیمبرج لرنر ایوارڈز کے فاتحین کا اعلان

    پاکستان میں آؤٹ اسٹینڈنگ کیمبرج لرنر ایوارڈز کے فاتحین کا اعلان

    اسلام آباد:کیمبرج اسسمنٹ انٹرنیشنل ایجوکیشن نے پاکستان میں آؤٹ اسٹینڈنگ کیمبرج لرنر ایوارڈز کے فاتحین کا اعلان کر دیا ہے۔یہ ایوارڈز جون 2022 کے کیمبرج امتحان میں پاکستان میں طلباء کی شاندار تعلیمی کامیابیوں کا ثبوت ہے۔ بہت سے اسکول اپنے طلبہ کی کامیابیوں کا جشن منانے کے لیے انفرادی ایوارڈز کی تقریبات کا انعقاد بھی کریں گے۔

    مجموعی طور پر پاکستان میں 277 طلباء نے کیمبرج کے امتحانات میں غیر معمولی کارکردگی پر 304 ایوارڈز حاصل کیے، جن میں 40 طلباء جنہوں نے کیمبرج کے امتحان میں دنیا میں سب سے زیادہ نمبر حاصل کیے اور 43 طلباء جنہوں نے ایک مضمون میں پاکستان میں سب سے زیادہ نمبر حاصل کیے تھے۔آؤٹ اسٹینڈنگ کیمبرج لرنر ایوارڈ پروگرام دنیا بھر کے 40 سے زیادہ ممالک میں کیمبرج کے امتحانات دینے والے امیدواروں کی کامیابی کا ثبوت ہے۔

     

    نئی مانیٹری پالیسی جاری،شرح سود میں ایک فیصد اضافہ

    کیمبرج انٹرنیشنل طلبہ کو اپنے بین الاقوامی تعلیمی پروگراموں اور قابلیت کے مرکز میں رکھتا ہے جو تعلیمی سوچ میں بہترین سے متاثر ہوتے ہیں۔ کنٹری ڈائریکٹر پاکستان، کیمبرج اسسمنٹ انٹرنیشنل ایجوکیشن عظمیٰ یوسف نے جون 2022 کیمبرج امتحانی سیریز میں پاکستان کے طلباء کو ان کی تعلیمی کامیابیوں پر مبارکباد دیتے ہوئے کہا کہ انہیں بے حد خوشی ہو رہی ہے۔انہوں نے کہا کہ ایوارڈز طلبہ کی قابلیت اور محنت کی عکاسی کرتے ہیں اور اساتذہ اور والدین دونوں کی لگن اور عزم کو تسلیم کرتے ہیں۔

    پڑھائی نہ کرنے پربیٹےکوزندہ جلانےوالےباپ کی ضمانت منظور

    ہم امید کرتے ہیں کہ تعلیمی کامیابی کا یہ اعتراف سیکھنے والوں کو مستقبل میں ان کی تعلیم اور کیریئر میں حوصلہ افزائی کرے گا۔ انہوں نے کہا کہ یہ ایوارڈز ان سیکھنے والوں کی کامیابیوں کا بھی جشن مناتے ہیں جنہیں ‘اعلیٰ کامیابی’ کے لیے تسلیم کیا گیا ہے۔

    ملک بھر میں میٹرک اور انٹر کے امتحانات اپریل اور مئی میں ہونگے

    ان مضامین میں شاندار کارکردگی کی بنیاد پر جو پاکستان میں ابھی تک اتنے بڑے پیمانے پر نہیں لیے گئے اور ایسے طلبہ جنہوں نے متعدد مضامین میں مجموعی طور پر سب سے زیادہ نمبر حاصل کیے ہیں۔ جیتنے والوں نے دنیا بھر کے ہزاروں امیدواروں کو پیچھے چھوڑ دیا جنہوں نے جون 2022 سیریز میں کیمبرج او لیولز، کیمبرج IGCSEs اور کیمبرج انٹرنیشنل AS&A لیولز کے امتحانات میں شرکت کی تھی۔

  • سندھ:11ویں ،12ویں کے سالانہ امتحانات کے نتائج ایک ہفتہ میں جاری کرنیکی ہدایت

    سندھ:11ویں ،12ویں کے سالانہ امتحانات کے نتائج ایک ہفتہ میں جاری کرنیکی ہدایت

    کراچی: سندھ حکومت نے گیارہویں اور بارہویں کے سالانہ امتحانات 2022 کے نتائج جاری نہ کرنے کا سختی سے نوٹس لیتے ہوئے تمام بورڈز کو ایک ہفتہ میں نتائج جاری کرنے کی ہدایت کر دی۔

    وزیر تعلیمی بورڈ اسماعیل راہو نے محکمہ جامعات و بورڈز کو فیصلہ پر سختی سے عمل درآمد کروانے کی ہدایت کر دی۔ اسماعیل راہو کی جانب سے عملدرآمد نہ کروانے والے ذمہ داران کے خلاف سخت قانونی کارروائی کی وارننگ دی گئی۔

    محمد اسماعيل راہو نے سالانہ امتحانات کے نتائج جاری نہ کرنے پر تین بورڈز پر سخت ناراضگی کا اظہار کیا جبکہ انٹرمیڈیٹ بورڈ کراچی، حیدرآباد اور میرپورخاص کو احکامات جاری کر دیے گئے۔
    وزیر تعلیمی بورڈ اسماعیل راہو کا کہنا ہے کہ بارہویں جماعت کے نتائج کے اعلان کے لیے 15 ستمبر 2022 کی تاریخ مقرر کی گئی تھی اس لیے نتائج میں تاخیر ناقابلِ برداشت ہے، ذمہ داری بورڈز کے چیئرمین اور کنٹرولر پر عائد ہوتی ہے۔

    صوبائی وزیر کا کہنا تھا کہ ہزاروں طلباء اعلیٰ تعلیم کے لیے نتائج کا بے چینی کے ساتھ انتظار کر رہے ہیں، سرکاری اور نجی شعبے کی جامعات نے داخلوں کے لیے انٹری ٹیسٹ مکمل کر لیے ہیں اور جامعات داخلوں کے مرحلے کو آگے بڑھانے کے لیے بورڈز کے نتائج کا انتظار کر رہی ہیں۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • کالج امتحان میں نقل روکنے کیلئےمضحکہ خیز ‘اینٹی چیٹنگ ہیٹس’ کے چرچے

    کالج امتحان میں نقل روکنے کیلئےمضحکہ خیز ‘اینٹی چیٹنگ ہیٹس’ کے چرچے

    منیلا: فلپائن کے ایک کالج میں نقل روکنے کے لیے طالب علموں کو ‘اینٹی چیٹنگ ہیٹس’ پہننے کا حکم دیا گیا تو طلبا نے اپنی سہولت کے حساب سے دلچسپ اور مضحکہ خیز طریقے اپنالیے جو سوشل میڈیا پر وائرل ہوگئے-

    باغی ٹی وی : فلپائنی میڈیا کے مطابق لیگازپائی شہر کے ایک کالج کی انتظامیہ نے طالب علموں سے کہا کہ امتحان میں نقل کرنا سختی سے منع ہے۔ انہیں کہا گیا کہ وہ اپنی آنکھوں کو دوسرے کے پرچے میں جھانکنے سے روکنے کے لیے پردہ نما ہیٹ، ٹوپیاں اور پردے تیار کرکے کمرہ امتحان میں داخل ہوں۔

    پاک بھارت میچ میں ایمپائر کا متنازع فیصلہ،سابق کیوی آل راؤنڈر کا تبصرہ


    اس حکم کے جواب میں ایک طالب علم انڈے رکھنے والی گتے سے بنی ہوئی ٹرے پہن کر آگیا۔ دوسرے طالب علم نے ہیلمٹ پہنا، تیسرا طالب علم پائپ نما کاغذی نلکیاں آنکھوں پر چپکا کر آگیا۔

    جب یہ تصاویر سوشل میڈیا پر پہنچیں تو ایک جانب اس پر صارفین نے حیرت کا اظہار کیا تو دوسری جانب خود لوگوں نے اسے مضحکہ خیز بھی قرار دیا۔ ایک طالب علم نے کہا کہ وہ امتحان میں دیانت داری کے ساتھ ساتھ دلچسپی کا پہلو شامل کرنا چاہتے تھے۔

    ہیکرز کا ایرانی وزارت انٹلیجنس کی ویب سائٹ پر حملہ

    یہ واقعہ بائی کول یونیورسٹی کالج میں پیش آیا ہے طالبعلموں کو ہدایت دینے والی پروفیسر میری جوائے نے بتایا کہ وہ اپنی کلاسز میں دیانتداری کو یقینی بنانے کے لیے ایک اچھے ذریعے کو تلاش کررہی تھیں یہ آئیڈیا واقعی ‘مؤثر’ ثابت ہوا۔

    اس خیال پر وسط مدتی امتحانات پر عملدرآمد کیا گیا جو اکتوبر کے تیسرے ہفتے میں ہوئے۔

    پروفیسر میری جوائے نے بتایا کہ بچوں کو کاغذ سے بنی بصری رکاوٹوں کا کہا گیا تھا لیکن انہوں نے اسے تخلیقی انداز میں تیار کیا ہے، بعض بچے منہ پر تھیلیاں پہن کر بھی آئے تھے پروفیسر میری جوئے نے اسے ایک ’’مؤثرتدبیر‘‘ قرار دیا کالج انتظامیہ نے کہا ہے کہ ان اقدامات سے اس سال نقل کا رجحان کم دیکھا گیا ہے۔

    پروفیسر کی جانب سے فیس بک پر ان تصاویر کو پوسٹ کیا گیا جن کو ہزاروں افراد نے لائیک کیا اور اس خیال کو سراہا۔

    چاقو حملے میں زخمی شاتم رسول ملعون سلمان رشدی نشان عبرت بن گیا


    تصاویر وائرل ہونے کے بعد فلپائن کے مختلف حصوں کے اسکولوں اور یونیورسٹیوں کی جانب سے بھی طالبعلموں میں اس خیال کی حوصلہ افزائی کی جارہی ہے۔

  • منگیتر کی امتحانات میں ناکامی کا بدلہ لینے کیلئے لڑکے نے سکول کو آگ لگادی

    منگیتر کی امتحانات میں ناکامی کا بدلہ لینے کیلئے لڑکے نے سکول کو آگ لگادی

    یہ تو سب جانتے ہیں کہ امتحان میں ناکامی پراپنوں کی طرف سے سخت رد عمل آتا ہے مگر مصرمیں ایک لڑکی کے منگیترکی جانب سے امتحان میں ناکامی کے بعد حیران کن اور عجیب و غریب ردعمل کا مظاہرہ کیا گیا ہے-

    باغی ٹی وی : غیر ملکی میڈیا کے مطابق مصرکی المنوفیہ گورنری میں منگیتر کے امتحان میں فیل ہونے پرلڑکے نے اسکول کو آگ لگا دی اتوار کی شام سکیورٹی حکام نے ملزم نوجوان کو گرفتار کر لیا ہے۔

    پارٹی ویڈیو اسکینڈل:فن لینڈ کی وزیراعظم کا منشیات ٹیسٹ منفی آگیا

    رپورٹ کے مطابق الغربیہ سیکیورٹی ڈائریکٹوریٹ کو السنطہ پولیس اسٹیشن سے ایک اطلاع موصول ہوئی کہ کفر سالم النحال اسکول برائے تجارتی تعلیم میں آگ لگ گئی ہےاطلاع ملنے کے فوراً بعد تحقیقاتی ٹیمیں متعلقہ مقام پر پہنچیں پولیس، فائر بریگیڈ اور مقامی شہریوں کی مدد سے آگ پر قابو پالیا تاہم آتشزدگی سے اسکول کو زیادہ نقصان نہیں پہنچا ہے۔

    ریستورانٹ میں کھانے کے دوران سیپی سے نایاب موتی برآمد

    جبکہ آگ لگنے سے اسکول کے منتظمین اور پرنسپل کے کمروں میں آگ لگ گئی اور کنٹرول روم میں موجود تمام طلبہ کی فائلوں کو نقصان پہنچا۔

    پولیس کو تحقیقات کے دوران معلوم ہوا کہ السبع کے نواحی علاقے ابو مشہور کے رہائشی ملزم کی منگیترکفر سالم النحال سکول فار کمرشل ایجوکیشن کی ایک طالبہ ہے وہ سکول میں فیل ہو گئی تھی۔ ملزم نے اپنی منگیتر کی ناکامی کا بدلہ لینے کے لیے سکول کو آگ لگائی اور فرار ہوگیا جسے بعد ازاں پولیس نے گرفتار کیا اور اس نے اپنا جُرم قبول کیا-

    ترکی میں دو سالہ بچی نےسانپ کو اپنےدانتوں سے کاٹ کر مار ڈالا

  • پرائمری، مڈل کے امتحانات کب شروع ہونگے؟ شیڈول جاری

    پرائمری، مڈل کے امتحانات کب شروع ہونگے؟ شیڈول جاری

    لاہور:پنجاب ایگزمینیشن کمیشن نے یونیفائیڈ ڈیٹ شیڈول جاری کردی، سکولوں میں پہلی سے آٹھویں جماعت کا امتحان 9 مئی سے لیا جائے گا۔

    تفصیلات کےمطابق پنجاب بھر کے سرکاری سکولوں میں پہلی سے آٹھویں جماعت کا امتحان 9 مئی سے لیا جائے گا۔ پیک کی جانب سے سکولوں کو آئٹم بنک 25 مئی تک بھیجوا دیئے جائیں گے۔ سکولوں میں امتحان 20 مئی تک جاری رہے گے۔بچوں کے امتحان کے نتائج 31 مئی کو جاری کیے جائیں گے۔

     

    علاوہ ازیں لاہور بورڈ آف انٹرمیڈیٹ نے میٹرک کے سالانہ امتحانات کے لئےحتمی ڈیٹ شیٹ جاری کردی جس کے مطابق میٹرک کے امتحانات کا آغاز 10 مئی سے ہوگا، پہلے روز چار مضامین عربی، سوکس، پارچہ بافی اور بزنس اسٹیڈیز کا پیپر لیا جائے گا، 25 مئی کو آخری پیپر مطالعہ پاکستان کا لیا جائے گا۔

    نہم جماعت کے سالانہ پیپر 26 مئی سے شروع ہونگےجو 10 جون 2022 تک جاری رہیں گے جبکہ عملی امتحانات 21 جون سے 18 جولائی تک جاری رہیں گے۔

    لاہور سمیت پنجاب بھر میں 80 لاکھ سے زائد بچے امتحان میں شرکت کریں گے۔ سکولوں میں سالانہ امتحانات کا سلسلہ 20 مئی تک جاری رہے گے۔سالانہ امتحانات کے نتائج کا اعلان 31 مئی کو کیا جائے گا۔پنجاب بھر میں نئے تعلیمی سال کا آغاز یکم اگست سے ہوگا۔

    حکومتی دباؤ مسترد:امریکا میں سابق پاکستانی سفیر ڈٹ گئے:عمران خان کے موقف کی تائید…