عالمی مارکیٹ میں خام تیل کی قیمتوں میں نمایاں اضافہ دیکھنے میں آیا ہے، جس کی بڑی وجہ امریکہ اور چین کے درمیان تجارتی معاہدے کا اعلان ہے۔
باغی ٹی وی کے مطابق امریکی خام تیل کی قیمت میں 3.6 فیصد اضافہ ہوا ہے، جس کے بعد یہ 63.24 ڈالر فی بیرل کی سطح پر پہنچ گئی ہے۔ برینٹ کروڈ آئل کی قیمت میں بھی 3.4 فیصد اضافہ ہوا، جس سے اس کی قیمت 66.11 ڈالر فی بیرل ہو گئی۔تجارتی معاہدے کے تناظر میں امریکی وزیر خزانہ کا کہنا ہے کہ دونوں ممالک نے کئی مصنوعات پر ٹیرف 115 فیصد تک بڑھا دیے ہیں، جبکہ امریکہ چینی مصنوعات پر 10 فیصد درآمدی ڈیوٹی برقرار رکھے گا۔
واضح رہے کہ امریکا کی جانب سے پاکستان پر 29 فیصد ٹیرف کے نفاذ کے پیش نظر، پاکستان امریکی خام تیل درآمد کرنے کے امکان پر سنجیدگی سے غور کر رہا ہے۔ ذرائع کے مطابق پاکستان نے واشنگٹن کو تجارتی خسارہ کم کرنے کے لیے امریکی تیل خریدنے کی تجویز دی ہے۔حکام کا کہنا ہے کہ فی الوقت امریکا کی جانب سے یہ 29 فیصد ٹیرف عارضی طور پر 90 دن کے لیے معطل کیا گیا ہے، تاہم اس دوران پاکستان اور امریکا کے درمیان ٹیرف پر مذاکرات جاری ہیں۔
وزیراعلی پنجاب غازیوں کی عیادت کیلئے سی ایم ایچ ہسپتال پہنچ گئیں
پاکستان پر قرضوں اور واجبات کا بوجھ نئی بلند ترین سطح پر پہنچ گیا
بھارت کے وزیر اعظم نریندر مودی کا قوم سے خطاب، روایتی الزامات کی تکرار