مسلم لیگ ن کے رہنما ،ترجمان قانونی امور، بیرسٹر عقیل ملک نے شائستہ پرویز ملک کے ہمراہ پریس کانفرنس کرتے ہوئے کہا ہے کہ پی ٹی آئی پاکستان توڑنے کی باتیں کرتی ہے, دشمنوں کے ہاتھوں میں کھیل رہی ہے, پاکستان کیخلاف پروپیگنڈا کرتی ہے, ڈیجیٹل دہشتگردی کرتی ہے, یہ سب کرنا پی ٹی آئی کیلئے انتہائی شرمناک بات ہے.
بیرسٹر عقیل ملک کا کہنا تھا کہ کل شائستہ نے ایوان میں ایک قرارداد پیش کی، ایک جماعت کا امریکا کے خلاف قرار داد پر شورشرابہ قابل افسوس تھا، امریکا کی قرارداد کے جواب میں ہماری قرارداد کی اس جماعت نے مخالفت کی،تحریک انصاف نے لابنگ اور پی آر فَرمز ہائر کر رکھی ہیں، ایک مخصوص جماعت قوم کی آنکھ میں دھول جھونکتی رہی ہے،سبز ہلالی پرچم کی حفاظت ہر پاکستان کا فرض ہے، کوئی پاکستانی ملکی سالمیت ،آزادی پر آنچ نہیں آنے دے گا،بیرسٹر عقیل ملک کا کہنا تھا کہ کشمیر میں جو زیادتیاں ہو رہی ہیں اس پر امریکا نے کبھی آواز نہیں اٹھائی، امریکا کی قرارداد کے جواب میں ہماری قرارداد کی اس جماعت نے مخالفت کی،کوئی بھی پاکستانی ملک کی سالمیت پر آنچ نہیں آنے دے گا،ہم محب وطن پاکستانی ہیں، ایک سیاسی جماعت اس بات پر تلی ہوئی ہے کہ وہ ملک توڑنے کی بات کرے،ملک کے خلاف پروپیگنڈہ کرے، یہ کہاں کی پاکستانیت ہے، آپ کو یہ اقدام اٹھانے سے قبل شرم سے ڈوب مرنا چاہئے تھا، پاکستانی کہیں بھی ہوں پاکستان کا آئین اور پاکستانیت لاگو ہوتی ہے،ہم آزاد ملک میں رہتے ہیں،ہم کیا غلام ہیں کا سبق سکھاتے رہے اور اب کل انکا رویہ دیکھیں، قرارداد پاکستان مخالف امریکا میں پاس کروائی، کل پارلیمان نے قرارداد پاس کی اور واضح مؤقف دیا کہ کسی قسم کی مداخلت قبول نہیں، یہ جماعت پہلے کیا بھاشن دیتی تھی، قوم کو ایک ٹرک کی بتی کے پیچھے دو سال سے لگایا گیا تھا کل انکا چہرہ واضح ہو گیا، حقیقت سامنے آ گئی، مخصوص سیاسی جماعت نے امریکہ کے خلاف قرار داد کی مخالفت کی،قرارداد میں پاکستان کا ًمؤقف تھا جس کی انہوں نے مخالفت کی،ہم خود مختار ملک ہیں اور تمام ممالک کے ساتھ باہمی تعلقات چاہتے ہیں، اچھے تعلقات چاہتے ہیں لیکن ایک سیاسی جماعت کے ہاتھوں لابنگ فرم ہائر کر کے وہاں قرارداد پاس کروائی گئی.کشمیر میں ہونے والے ظلم پر امریکا خاموش ہے،کئی دہائیوں سے زیادتی ہو رہی، امریکا نے کبھی کچھ نہیں کہا، فلسطین میں جو بربریت ہو رہی اس پر وہ خاموش ہیں، امریکہ انسانی حقوق کا چیمپیئن نہیں ہے
ہم چاہتے ہیں ملک آگے بڑھے، پاکستان ترقی کی راہ پر گامزن ہے،شائستہ پرویز ملک
شائستہ پرویز ملک کا کہنا تھا کہ بطور پاکستانی ہم یقین رکھتے ہیں کہ ہر ملک کی آزادی خودمختاری اہم ہوتی ہے، کل جو کچھ ہوا ہمیں اس پر شرم آئی، پاکستان کی سالمیت پر حملہ ہوا تو یہ کل بھی ہو سکتا ہے، آج اسکو روکنا ضروری تھا ہم کسی بھی ملک سے تعلقات خراب نہیں کرنا چاہئے،کل ایک سیاسی جماعت نے جو کچھ کیا اس پر شرم آئی، امریکا میں فرم ہائر کی ہوئی ہیں جہاں پاکستان مخالف کام ہو رہا ہے، ملک کی ترقی، معیشت بحالی کے لیے ہم نے مشکل اقدامات کیے، کسی سیاسی جماعت کوملک کی ترقی کا راستہ روکنے نہیں دیں گے، ہم امریکا سے اچھے تعلقات کے خواہاں ہیں، نہیں چاہتے کہ امریکا ہماری خودمختاری میں مداخلت کرے، میں کسی کی حب الوطنی پر شک نہیں کر رہی، ہم چاہتے ہیں ملک آگے بڑھے، پاکستان ترقی کی راہ پر گامزن ہے،آئین میں ہے کوئی ملک دوسرے ملک کی خودمختاری میں مداخلت نہیں کرے گا،ہم نے معاشی خود مختار ہونا ہے اور اس میں سب کا ساتھ چاہئے.یہاں ادارے کام کر رہے ہیں، عدالتیں کام کر رہی ہیں، آپ جو کر رہے ہیں وہ کسی صورت درست نہیں،ہمیں امریکی قرارداد کی مذمت کرنی ہے اور ہر پاکستانی کو کرنی ہے، پارلیمان میں بیٹھےہر رکن کو کرنی ہے، جان جا سکتی ہے لیکن ملک پر آنچ نہیں آنے دے سکتے، ذاتی مفادات سے نکلیں اور ملک کے بارے سوچیں، ملک دلدل میں پھنسا ہوا، ہر طرف دشمن ہے، ہمیں اندر کے دشمنوں سے زیادہ خطرہ ہے جو ملک کو آگے نہیں پڑھنے دے رہے.
پی ٹی آئی مشکل میں،صاحبزادہ حامد رضا کا علیحدگی کا عندیہ
امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی
آپریشن گولڈ سمتھ کے حوالہ سے سینئر صحافی و اینکر پرسن مبشر لقمان نے ایک وی لاگ میں انکشافات کیے تھے اور کہا تھا کہ اب آپریشن گولڈ سمتھ جو ہے چڑیل کی خبر کے مطابق وہ لانج ہو گیا ہے
امریکی قرارداد پاکستان کے سیاسی حالات سے ناواقفیت پر مبنی ہے،ترجمان دفتر خارجہ
گولڈسمتھ 2.0 کے حصے کے طور پر قرارداد 901 پاکستان کو کمزور کرنے کی کوشش
امریکی قرارداد مسترد، وزیر خارجہ کا مقابلے میں قرارداد لانے کا اعلان
قراردار پر پاکستان نے امریکا کو اپنے تحفظات سے آگاہ کردیا ہے،ترجمان دفتر خارجہ
