امریکی کانگریس میں پاکستان کاکس کی چیئرپرسن شیلا جیکسن لی وفات پا گئی ہیں، شیلا کی عمر 74 برس تھی

ریاست ٹیکساس سے رکن کانگریس شیلاجیکسن لی طویل عرصے سے لبلبے کے کینسر میں مبتلا تھیں،ان کے خاندان نے شیلا جیکسن لی کی موت کی خبر کی تصدیق کرتے ہوئے کہا کہ ہم ٹیکساس کے 18 ویں کانگریشنل ڈسٹرکٹ کی ریاستہائے متحدہ کی نمائندہ شیلا جیکسن لی کی وفات کا اعلان کرتے ہیں، انہیں قومی اور بین الاقوامی انسان دوست، انصاف اور انسانی حقوق خصوصا خواتین اور بچوں کے لیے ان کی جرات مندانہ کوششوں کی وجہ سے دنیا بھر میں تسلیم کیا گیا۔

شیلاجیکشن 1995 سے کانگریس کی رکن کی حیثیت سے خدمات سرانجام دے رہی تھیں ، وہ امریکی کانگریس میں پاکستان کاکس کی چیئرپرسن بھی تھیں ، شیلا جیکسن سیلاب،زلزلے سمیت ہرناگہانی آفت میں پاکستان کی مدد کیلئے پیش پیش رہیں، سال 2022 میں حکومت پاکستان کی جانب سے انہیں ان کی خدمات کے عوض ہلال پاکستان کے اعزاز سے بھی نوازا گیا،شیلا جیکسن نے سوگواران میں شوہر، دو بچے اور دو پوتے پوتیاں چھوڑی ہیں مشیلا جیکسن لی گزشتہ تین دہائیوں سے کانگریس کی رکن رہیں اور وہ زیادہ تر ہسپانوی، سیاہ فام اور پاکستانی کمیونٹی کی کانگریس میں آواز تھیں،شیلا جیکسن کے پاکستانی کمیونٹی کے ساتھ گہرے روابط تھے، ماضی میں جب پاکستانی صحافیوں کا وفد امریکا آیا تو انہوں نے ان کا نہ صرف خیرمقدم کیا بلکہ ان کو کانگریس کی جانب سے تہنیتی سرٹیفکیٹ بھی دیے

پاکستان کاکس کی بانی شیلا جیکسن لی کی وفات پر صدر مملکت،وزیراعظم کا افسوس کا اظہار
صدر آصف علی زرداری نے امریکی کانگریس کی خاتون رکن اور پاکستان کاکس کی بانی اور شریک چیئرپرسن شیلا جیکسن لی کے انتقال پر دکھ کا اظہارکیا ہے،صدر مملکت نے آنجہانی کانگریس وومن کے اہل خانہ اور دوستوں سے دلی تعزیت کا اظہارکیا اور کہا کہ شیلا جیکسن ایک قابل ذکر رہنما تھیں،شیلا جیکسن نے خواتین اور بچوں سمیت انسانی حقوق کیلئے آواز اٹھائی،پاکستان اور امریکہ کے درمیان تعلقات مضبوط بنانے کیلئے شیلا جیکسن کے کردار کو ہمیشہ یاد رکھا جائے گا، پاکستان میں 2022 کے تباہ کن سیلاب کے دوران ان کی کوششیں ناقابل فراموش ہیں، سیلاب کی مشکل گھڑی میں ان کی مدد سے سیلاب سے متاثرہ خاندانوں کو امید اور ریلیف ملا،

وزیراعظم شہباز شریف نے بھی امریکی کانگریس میں پاکستان کاکس کی سربراہ کانگریسی رکن شیلا جیکسن کے انتقال پر افسوس کا اظہار کیا ، شہباز شریف کاکہنا تھا کہ شیلا جیکسن پاکستان امریکا کے درمیان مضبوط تعلقات کی چیمپئن تھیں، شیلا جیکسن کی خدمات کو آنے والے سالوں تک یاد رکھا جائے گا۔

امریکا میں پاکستان تحریک انصاف (پی ٹی آئی) کے رہنما پاکستان کی فوجی امداد انسانی حقوق سے مشروط کرانے کے لیے بھی سرگرم ہوگئے۔

باغی ٹی وی: پی ٹی آئی رہنما پاکستان دشمنی میں کُھل کر سامنے آ گئے ایک طرف حقیقی آزادی کےنعرے لگائے جارہے ہیں توپی ٹی آئی کی جانب سے پاکستان کو عالمی سطح پر بدنام کرنے کے مختلف ہتھکنڈے اپنائے جا رہے ہیں حال ہی میں پاکستان کا سفر کرنے کے خلاف جعلی ٹریول ایڈوائزری جاری کردی گئی۔

پاکستان کے خلاف عالمی سطح پر پروپیگنڈا کی سازش بے نقاب

جعلی ایڈوائزری میں کہا گیا ہے کہ تمام پاکستانی نژاد امریکی اور کینیڈین شہریوں کے لیے نئی ٹریول ایڈوائزری جاری کی گئی ہے کہ وہ سفر کیلئے سمندر پار پاکستانیوں کے لیے اسمارٹ قومی شناختی کارڈ ”NICOP“ استعمال نہ کریں، بلکہ امریکی اور کینیڈین پاسپورٹ پر پاکستانی ویزا حاصل کریں۔

بعد ازاں امریکی محکمہ خارجہ نے جعلی ایڈوائزری کا نوٹس لیتے ہوئے وضاحت جاری کردی ہے امریکی محکمہ خارجہ کا کہنا تھا کہ ہم اس بات سے آگاہ ہیں کہ ایک پاکستان کے سفر سے متعلق جعلی ایڈوائزری گردش کر رہی ہے، پاکستان میں امریکی شہری صرف اسٹیٹ ڈیپارٹمنٹ کی ایدوائزری پر عمل کریں پاکستان سے متعلق درست معلومات اور الرٹ ویب سائٹس پر دستیاب ہیں۔

امریکا حکام کے مطابق پی ٹی آئی سے منسلک سوشل میڈیا اکاؤنٹس پروپیگنڈا کر رہے ہیں۔

چین نے ایشیا اور بحرالکاہل میں نیٹو نما اتحاد بارے خبردار کردیا

دوسری طرف امریکی کانگریس کے ارکان سے پاکستان مخالف بیانات دلوانے کے جتن کیے جارہے ہیں پی ٹی آئی امریکا کے رہنماؤں نےکانگریس مین گریگ کیسارسےامریکی کانگریس میں پاکستان سے متعلق قرار داد لانےکی مدد مانگ لی۔

Thanks Tariq Majeed for hosting Congressman Greg Casar. He pledged his support for democracy, human rights and rule of law in Pakistan. He is co sponsoring a bill to tie Military aid to human rights conditions in a country. ⁦@PTIofficial⁩. @ptiusaofficial ⁦@MoeedNj⁩ pic.twitter.com/zdU3Ro4oz4

— Sajjad Burki (@SajjadBurki) June 4, 2023

امریکا کے شہر آسٹن میں پی ٹی آئی امریکا کے صدر عاطف خان نے وفد کے ہمراہ گریگ کیسار سے ملاقات کی پی ٹی آئی رہنماؤں نے امریکا کی جانب سے پاکستان کی فوجی امداد انسانی حقوق سے مشروط کرانے کے لیے بھی مدد مانگی ملاقات میں چیئرمین پی ٹی آئی کے فوکل پرسن برائے امریکا سجاد برکی بھی موجود تھے-

گریگ کیسار سے ملاقات میں پی ٹی آئی امریکا کے صدر عاطف خان کا کہنا تھا کہ کانگریس کے 86 ممبران نے ہماری پٹیشن پر دستخط کیے ہیں، ہم چاہتے ہیں آپ بھی اس کا حصہ بنیں۔

سعودی عرب کا تیل کی پیداوار میں کمی کا اعلان

گریگ کیسار کا کہنا تھا کہ آپ مجھ پر انحصار کرسکتےہیں، میں کانگریس میں سوال اٹھاؤں گا کہ امریکا کیسے پاکستان میں جمہوریت اور انسانی حقوق کی خلاف ورزیوں پر سوال اٹھاسکتا ہے۔

گریگ کیسار کا کہنا تھا کہ پاکستانی کمیونٹی اورہم ایک دوسرے سے باہمی طور پرمنسلک ہیں،ہم انسانی حقوق اورجمہوریت کو امریکاسمیت دنیا بھر میں سپورٹ کرتے ہیں، امریکا یا اس سے باہر خصوصاً پاکستان میں انسانی حقوق کی خلاف ورزیوں کاسن رہے ہیں، آزادی صحافت اور سیاسی جماعتوں پر دباؤ معیشت کو نقصان پہنچاتا ہے، آزادی صحافت اور سیاسی جماعتوں پر دباؤ ہمیں غمزدہ کرتا ہےمیرا اور پاکستانی کمیونٹی کاعزم ہےکہ پاکستان کو ایسے حل کی طرف لے جایا جائے جہاں لوگ پسند کی حکومت چنیں۔

سنگاپورمیں دنیا کی تقریباً دو درجن بڑی انٹیلی جنس ایجنسیوں کے سینئر حکام کی میٹنگ

واشنگٹن:بھارت:اسلامو فوبیا کے واقعات،امریکی کانگریس میں مذمتی قرارداد،اطلاعات کے مطابق بھارت میں اسلام ، مسلمانوں اوردیگرمذاہب کے ماننے والوں کے خلاف ہندووں کی انتہا پسندی کے خلاف سخت ردعمل آنا شروع ہوگیا ہے ، یہ بھی اطلاعات ہیں کہ اس سلسلے میں عالمی طاقتیں بھی نوٹس لے رہی ہیں ، حالیہ واقعات میں اضافے کےبعد بھارت میں بڑھتے اسلامو فوبیا کے واقعات، انسانی حقوق اور مذہبی آزادی کی خلاف ورزیوں پر امریکی کانگریس میں ایک مذمتی قرارداد جمع کرائی گئی ہے۔

بھارت میں اسلاموفوبیا کےخلاف اٹھنے والی آوازامریکی کانگریس تک تک پہنچی ہے، یہی وجہ ہےکہ ڈیموکریٹک رکن کانگریس الہان عمر کی جانب سے پیش کی گئی قرارداد میں مطالبہ کیا گیا ہے کہ بھارت کو مذہبی آزادی پر خصوصی تشویش والے ملک کا درجہ دیا جائے۔ قرارداد میں مزید کہا گیا ہے کہ بھارت میں مسلمانوں، عیسائیوں، سکھوں، دلتوں، ٓدیواسیوں اور دیگر مذہبی و ثقافتی اقلیتوں کو نشانہ بنایا جا رہا ہے۔

امریکی ذرائع ابلاغ کا کہنا ہےکہ بھارت میں اسلام اورمسلمانوں کے خلاف پیدا کی جانے والی نفرت کے خلاف امریکی کانگریس میں اسلامو فوبیا پر سماعت 30 جون کو ہوگی، جس میں بھارتی حکمراں جماعت بی جے پی کے رہنماؤں کی جانب سے گستاخانہ بیانات کا معاملہ بھی زیر بحث آنے کا امکان ہے۔ واضح رہے کہ الہان عمر نے گزشتہ ماہ آزاد جموں و کشمیر میں کنٹرول لائن کا دورہ کیا تھا۔

یہ بھی یاد رہے کہ اس ماہ کے آغاز پر امریکی وزیر خارجہ انٹونی بلنکن اور ان کے سفیر برائے بین الاقوامی مذہبی آزادی نے بھارت میں مذہبی آزادی کی خلاف ورزیوں کی مذمت کی تھی۔ اس سے پہلے اپریل کے آخر میں یو ایس سی آئی آر ایف کی ایک رپورٹ میں بھارت کو انسانی حقوق کی خلاف ورزیوں پر بلیک لسٹ کرنے کی سفارش بھی کی گئی تھی۔