قومی ائیر لائن پی آئی اے سربراہ کے عہدے کیلئے انٹرویوز مکمل، 4 امیدواروں کو شارٹ لسٹ کرلیا گیا۔
باغی ٹی وی: ذرائع کے مطابق شارٹ لسٹ کیے جانے والوں میں قائم مقام سی ای او ایئر وائس مارشل عامر حیات بھی شامل ہیں جب کہ عامرمسعود سمیت دیگر2مذید امیدواروں کو بھی شارٹ لسٹ کیا گیا ہے پی آئی اے بورڈ نے شارٹ لسٹ کیے گئے چاروں امیدواروں کے نام وزارت ہوابازی کو بھیج دیئے ہیں۔ ان چاروں میں سے کسی ایک کو سی ای او پی آئی اے لگانے کی منظوری دی جائے گی۔
پی آئی اے کے سی ای او ارشد ملک سے الاؤنسز واپس لینے اور عہدے سے ہٹانے کی سفارش
واضح رہے کہ گذشتہ ایک سال سے پی آئی اے کا مستقل سی ای او نہیں ہے، ائیرمارشل ارشد ملک کی گذشتہ سال اپریل میں تین سال کا کنٹریکٹ مکمل ہو گیا تھا جس کے بعد وہ عہدے سے سبکدوش ہو گئے تھے جس کے بعد سے ائیروائس مارشل عامر حیات قائم مقام سی ای او پی آئی اے کے طور فرائض سر انجام دے رہے ہیں۔