ایف آئی اے کی جانب سے بیرون ملک سےگرفتار اشتہاری ملزم بلاول امیر بالاج قتل کیس کا ملزم نکلا۔
باغی ٹی وی کے مطابق گزشتہ برس لاہور میں انڈر ورلڈ سے تعلق رکھنے والے امیر بالاج ٹیپو کے قتل کا تیسرا ملزم گرفتار کر لیا گیا ہے۔لاہور پولیس کےمطابق امیر بالاج قتل کیس کا تیسرا شوٹر جو طیفی بٹ کا بھتیجا ہے، اسے خیلجی ملک سے انٹرپول کے ذریعے گرفتار کیا گیا ہے۔
ملزم بلاول واردات کے بعد بیرون ملک فرار ہو گیا تھا۔کیس میں 2 نامزد ملزم اب بھی اشتہاری ہیں۔یاد رہے کہ امیر بالاج کو 18 فروری کو شادی کی تقریب میں قتل کیا گیا تھا۔امیر بالاج ٹیپو ٹھوکر نیاز بیگ کے قریب ایک نجی ہاؤسنگ سوسائٹی میں سابق ڈی ایس پی اکبر اقبال کے بیٹے کی شادی کی تقریب میں شریک تھا،شادی کی تقریب کے دوران وہاں موجود ایک حملہ آور نے فائرنگ کردی جس سے امیر بالاج ٹیپو سمیت تین افراد زخمی ہوگئے جنہیں اسپتال منتقل کیا گیا۔
پولیس کے مطابق امیر بالاج ٹیپو زخموں کی تاب نہ لاتے ہوئے دم توڑ گیا تھا۔بالاج ٹیپو لاہور کے انڈر ورلڈ کے سابق ڈان ٹیپو ٹرکاں والے کے بیٹے تھے۔ ان کے والد کو بھی سنہ 2010 میں لاہور ایئرپورٹ کی پارکنگ میں فائرنگ کر کے قتل کیا گیا تھا۔گزشتہ برس 9 ستمبر 2024 کو لاہور میں نامعلوم موٹر سائیکل سواروں کی فائرنگ سے امیر بالاج کے قتل میں نامزد طیفی بٹ کے بہنوئی جاوید بٹ ہلاک جبکہ اُن کی اہلیہ شدید زخمی ہو گئی تھیں۔
پاک بحریہ کا بحیرہ عرب میں ریسکیو آپریشن، 8ماہی گیروں کو بچا لیا
بچوں پر تشدد کے کیسز کے حل کے لئے موثر قانون سازی ، اصلاحات کا مطالبہ