چیئرمین تحریک انصاف عمران خان نے انتخابی تیاریاں جاری رکھنے کا فیصلہ ، انتخابی امور کے لئے پارٹی الیکشن سیل قائم کرنے کا اعلان کیا ہے-
باغی ٹی وی: تفصیلات کے مطابق عمران خا ن نے انتخابی امور کے لئے پارٹی الیکشن سیل قائم کرنے کا اعلان کیا ہے،ہمایوں اختر پی ٹی آئی الیکشن سیل کے فوکل پرسن ہوں گے،اعجاز چودھری ،ریاض فتیانہ اوررائےعزیزاللہ الیکشن سیل کےممبرنامزد ہوئے ہیں،پارٹی الیکشن سیل انتخابات کے حوالے سے تکنیکی امور دیکھےگا اور ووٹر لسٹوں، بلاک کوڈ اوردیگر تکنیکی معاملات پر امیدواروں کی معاونت کرے گا۔
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
چیئرمین پارٹی عمران خان نے کہا کہ الیکشن سیل بھرپور اندازسے انتخابی امور سے پارٹی قیادت اورامیدواروں کو آگاہ رکھے گا، آئین کے مطابق انتخابات ہوکررہیں گے،حکمرانوں کو الیکشن سے بھاگنے نہیں دیں گے ،انتخابی عمل سبوتاژ کرنےکےخلاف آئینی ،قانونی اورسیاسی محاذ پر جدوجہد کریں گے۔