انتقام نہیں احتساب

ہم انتقام نہیں لیں گے ،حساب ضرور لیں گے، مریم بھی اسمبلی پہنچ گئی
ن لیگ کی رہنما مریم نواز قومی اسمبلی پہنچ گئی ہیں

مریم نواز قومی اسمبلی پہنچیں تو ن لیگی اراکین نے انکا استقبال کیا، اس موقع پر مریم کے سابق ترجمان محمد زبیر بھی موجود تھے، پارلیمنٹ پہنچنے پر میڈیا سے بات کرتے ہوئے مریم نواز کا کہنا تھا کہ حکومت کیا گئی، دل پر لے لیا، حوصلہ کریں، فوٹو شاپڈ ویڈیوز تصاویر نہ لگائیں، جہاں تک احتجاج کی بات ہے یہ سیاسی لوگ نہیں ہیں انکو یہ پتہ نہیں کہ حکومتیں آنا اور جانا سیاسی عمل کا حصہ ہے

مریم نواز کا مزید کہنا تھا کہ ہم انتقام نہیں لیں گے لیکن حساب ضرور لیں گے لاہور سے بنی گالا تک مال گاڑی جو چلتی تھی اس کا حساب ضرور ہوگا، اللّٰہ کا شکر ہے ملک کی جان اس نالائق ترین حکومت سے چھوٹ گئی، ایل این جی، بلین سونامی ٹری، ادویات سمیت تمام اسکینڈل میں انتقام نہیں حساب ضرور ہوگا اگر فتنہ پھیلانے اورعوام کی ترقی میں رکاوٹ ڈالنے کی کوشش کی تو آہنی ہاتھوں سے نمٹا جائے گا شہباز شریف صاحب نے حکومت ابھی سنبھالی نہیں اور ملکی ترقی کا آغاز ہو گیا، اسٹاک مارکیٹ بڑھنا شروع ہو گئی روپے کی قدر میں بہتری آ رہی ہے بزنس کمینونٹی کو اندازہ ہونا شروع ہو گیا ملک اب ترقی کرے گا

حمزہ شہباز بھی قومی اسمبلی پہنچ چکے ہیں، قومی اسمبلی میں مریم نواز اور حمزہ شہباز کی ملاقات ہوئی ہے

قومی اسمبلی میں اجلاس سے قبل سیاسی جماعتوں اور سپورٹروں کی نعرہ بازی۔ ایوان گو نیازی گو اور مریم کے پاپا چور ہیں کے نعروں سے گونج گیا۔

قومی اسمبلی میں اجلاس سے قبل سیاسی جماعتوں اور سپورٹروں کی نعرہ بازی۔ ایوان گو نیازی گو اور مریم کے پاپا چور ہیں کے نعروں سے گونج گیا۔#وزیرِاعظم_شہبازشریف #امپورٹڈ_حکومت_نامنظور #PTIOfficial pic.twitter.com/fi5HirOF3R

— Sauud Butt (@SauudButt) April 11, 2022