Tag: انتونیو گوتریس

ایرانی حملے کی مذمت کیوں نہیں کی،اسرائیل نے اقوام متحدہ کے سربراہ ملک میں کا داخلہ بند کر دیا
تل ابیب: اسرائیل نے ایرانی حملے کی مذمت نہ کرنے کا الزام عائد کرکے اقوام متحدہ کے سربراہ انتونیو گوتریس کو ‘پرسونا نان گراٹا’ قرار دے دیا جبکہ انتونیو گوتریس کے ملک میں داخل ہونے پر بھی پابندی عائد کردی۔
باغی ٹی وی : عالمی خبر رساں ادارے کے مطابق اسرائیل کے وزیر خارجہ کاٹز نے ایک بیان میں کہا کہ جو کوئی بھی اسرائیل پر ایران کے گھناؤنے حملے کی غیر واضح طور پر مذمت نہیں کر سکتا، وہ اسرائیلی سرزمین پر قدم رکھنے کا مستحق نہیں ہے۔
وزیر خارجہ کاٹز نے اقوام متحدہ کے جنرل سیکرٹری کو اسرائیل مخالف قرار دیتے ہوئے الزام عائد کیا کہ انتونیو گوتریس دہشت گردوں، عصمت دری کرنے والوں اور قاتلوں کی حمایت کرتے ہیں، انتونیو گوتریس نے حماس، حزب اللہ، حوثیوں اور اب ایران کے قاتلوں کی حمایت کی جو عالمی دہشت گردی کی ماں ہے، آنے والی نسلیں انتونیو گوتریس کے کردار کو اقوام متحدہ کی تاریخ پر ایک داغ کے طور پر یاد رکھے گی۔
لبنان میں داخل ہونیوالی اسرائیلی فوج کو حزب اللہ نے پیچھے ہٹنے پر مجبور کردیا
یاد رہے کہ گزشتہ شب ایران کے اسرائیل پر میزائل حملے پر اقوام متحدہ کے جنرل سیکرٹری انتونیو گوتریس نے مشرق وسطیٰ میں وسیع تر تنازع کی مذمت کرتے ہوئے خطے میں تشدد میں اضافے کو روکنے اور فوری جنگ بندی کی ضرورت پر زور دیا،جبکہ اسرائیل ہمیشہ سے اقوام متحدہ کا سخت ناقد رہا ہے اور 7 اکتوبر کے حماس کے حملوں کے بعد سے تعلقات مزید کشیدہ ہوگئے ہیں۔
ایرانی میزائل موساد کے ہیڈکوارٹر سے صرف ایک کلومیٹر سے بھی کم فاصلے پر …
اکتوبر 2, 2024
امیر ممالک غریب ملکوں کو شیطانی حربوں سے تنگ کررہے ہیں ،سیکرٹری اقوام متحدہ
دوحہ: اقوام متحدہ (یو این) کے سیکریٹری جنرل اونتونیو گوتریس نے امیر ممالک کی جانب سے غریب ملکوں پر دباؤ ڈالے جانے کی شدید الفاظ میں مذمت کی ہے-
باغی ٹی وی : غیر ملکی خبر ایجنسی کے مطابق قطر میں ہفتے کے روز غریب ممالک کی ترقی کے حوالے سے ہونے والے سمٹ میں خطاب کرتے ہوئے اونتونیو گوتریس نے کہا ہےکہ امیر ممالک شرح سود میں اضافے کیلیے ترقی پذیر اور غریب ممالک پر دباؤ ڈال رہے ہیں، اُن کا یہ اقدام قابل مذمت ہیں۔
نواز الدین صدیقی نے اپنی بیوی اور بچوں کو گھر سے نکال دیا،ویڈیو
سیکریٹری جنرل یو این نے کہا کہ امیر ممالک غریب ملکوں کو شیطانی حربوں سے تنگ کررہے ہیں غریب ریاستیں غربت کے بدترین دور سے گزر رہی ہیں اُس کے باوجود بھی امیر ممالک کا رویہ درست نہیں ہورہا، ایسا محسوس ہوتا ہے کہ امیر ممالک نے صرف اپنے فائدے کیلئے عالمی مالیاتی نظام ڈیزائن کیا-
انہوں نے زور دیا کہ امیر ممالک سالانہ 500 ارب ڈالر دوسرے ممالک کی مدد کیلئے فراہم کریں تاکہ وہ مشکلات سے باہر آسکیں اور اُن کی تعلیم، صحت اور معاشی نظام بہتر ہوسکے۔
واضح رہے کہ 46 ایل ڈی سی کا سربراہی اجلاس عام طور پر ہر 10 سال بعد منعقد ہوتا ہے لیکن 2021 کے بعد سے کورونا وائرس کی وجہ سے سمٹ کو دو بار مؤخر کیا گیا۔
خالصتان تحریک کی بڑھتی ہوئی مقبولیت،مودی سرکار کا بھارتی پنجاب میں گورنرراج نافذ کرنے کا …
رواں برس اجلاس میں دوغریب ترین ممالک افغانستان اورمیانمار قطر کے دارالحکومت دوحہ میں ہونے والے اجلاس میں شریک نہیں ہوئے کیونکہ ان کی حکومتوں کو اقوام متحدہ کے ارکان تسلیم نہیں کرتے جبکہ دنیا کی کسی بھی بڑی معیشت کے رہنما نے شرکت نہیں کی۔
دنیا کے 46 سب سے کم ترقی یافتہ ممالک (LDCs) متعدد بحرانوں سے سب سے زیادہ متاثر ہو رہے ہیں جن میں کوویڈ 19 وبائی امراض، موسمیاتی بحران، بڑھتی ہوئی عدم مساوات، بڑھتے ہوئے قرضوں کے بوجھ اور معاشی کمزوری شامل ہیں۔
LDCs کو ضروری خدمات فراہم کرنے کے لیے ناکافی لیکویڈیٹی ہونے کے ساتھ ساتھ قرضوں کے زیادہ اخراجات کا چیلنج درپیش ہے۔ پچھلی دہائی میں، LDCs میں قرض کی خدمات کے اخراجات 2011 میں تقریباً 5% سے بڑھ کر آج 20% سے زیادہ ہو گئے ہیں۔
کورونا وائرس سے بچاؤ کی ویکسین بنانے والے روسی سائنسدان قتل
مارچ 4, 2023
2023 کا آغاز ایسے چیلنجز کے ساتھ کیا ہے جو ہماری زندگی میں پہلے کبھی سامنے نہیں آئے،نتونیو گوتریس
اقوام متحدہ کے سیکرٹری جنرل نے کہا کہ روس اور یوکرین کا تنازع دنیا کو ایک ‘بڑی جنگ’ کی جانب لے جاسکتا ہے۔
باغی ٹی وی: اقوام متحدہ کی جنرل اسمبلی میں اجلاس ہوا اس اجلاس میں یوکرین پر روس کے حملے، موسمیاتی بحران اور غربت جیسے موضوعات پر توجہ مرکوز کی گئی تھی خطاب کے دوران سیکرٹری جنرل انتونیو گوتریس نے کہا کہ ہم نے 2023 کا آغاز ایسے چیلنجز کے ساتھ کیا ہے جو ہماری زندگی میں پہلے کبھی سامنے نہیں آئے۔
امریکہ یوکرین کو ایف سولہ لڑاکا طیارے فراہم نہیں کرے گا،جوبائیڈن
انتونیو گوتریس نے کہا کہ سائنسدانوں اور سکیورٹی ماہرین نے ڈومز ڈے کلاک (قیامت کی گھڑی) کو مزید آگے بڑھایا ہے اور اب یہ گھڑی آدھی رات سے محض 90 سیکنڈ دور ہے۔
اقوام متحدہ کے سیکرٹری جنرل نے کہا کہ وہ اس گھڑی کے وقت میں اضافے کو خطرے کی علامت تصور کرتے ہیں یوکرین میں امن کے امکانات معدوم ہورہے ہیں اور اس تنازع کی شدت بڑھانے کا خطرہ بڑھ گیا ہے،مجھے خدشہ ہے کہ دنیا کسی بڑی جنگ کی جانب نہ بڑھ جائے وقت آگیا ہے کہ ہم امن کے لیے اپنی حکمت عملی کو تبدیل کریں۔
یوکرین کے خلاف جنگ میں روس کی مدد،امریکا نے ایران پر مزید پابندیاں عائد کر دیں
انہوں نے مستقبل کی نسلوں کو ذہن میں رکھ کر اقدامات کرنے کی ضرورت پر زور دیتے ہوئے عالمی معیشت میں بنیادی تبدیلیوں کا مطالبہ کیاکہاکہ ہمارے اقتصادی اور معاشی سسٹم میں کچھ غلط ہے جس کےنتیجے میں غربت اور بھوک میں اضافہ ہورہا ہے جبکہ امیر اور غریب کے درمیان خلا بڑھ رہا ہے۔
واضح رہے کہ سائنسدانوں کے گروپ کی جانب سے اس ڈومز ڈے کلاک کے وقت کا تعین گزشتہ سال کے واقعات کو مدنظر رکھ کر کیا جاتا ہے تاکہ دنیا کو معلوم ہوسکے کہ انسانیت تباہی کے کتنے نزدیک یا دور ہےسائنسدانوں کے مطابق گھڑی کا وقت آدھی رات سے جتنا قریب ہوگا، اتنے ہی زیادہ ہم خطرے کی زد میں ہوں گے۔
امریکا کا یوکرین کوطویل فاصلے تک مار کرنے والے میزائل بھیجنے کا فیصلہ
فروری 7, 2023
پاکستان کوقرضوں میں ریلیف اتنا نہیں ملاجتناملنا چاہیے تھا،انتونیو گوتریس
مصر: اقوام متحدہ کے سیکرٹری جنرل انتونیوگوتریس کا کہنا ہےکہ سیلاب سے متاثرہ پاکستان کو عالمی مالیاتی ادارے قرضوں میں چھوٹ دیں۔
باغی ٹی وی : مصر کےشہرشرم الشیخ میں وزیراعظم شہبازشریف سےملاقات کے بعد مشترکہ پریس کانفرنس میں اقوام متحدہ کے سیکر ٹر ی جنرل انتونیوگوتریس کا کہنا تھا کہ پاکستان کو ان لمحات میں مدد کی ضرورت ہے، پاکستان کو آبادکاری کے لیے بڑے پیمانے پرفنڈز کی ضرورت ہے، پاکستان میں ایک دوسرےکی مددکا جو جذبہ دیکھا اس کی مثال عالمی برادری میں نظرآنی چاہیے عالمی برادری کی ذمہ داری ہےکہ پاکستان کی بھرپور مدد کرے۔
مصر میں وزیراعظم اور یورپی یونین کے صدرکی ملاقات
سیکرٹری جنرل اقوام متحدہ کا کہنا تھا کہپاکستان اوسط آمدنی والا ملک ہے پاکستان کو قرضوں میں ریلیف اتنا نہیں ملا جتنا ملنا چاہیے تھا،پاکستان میں سیلاب متاثرہ علاقےکا رقبہ پرتگال سے تین گنا بڑا ہے عالمی مالیاتی ادارے پاکستان کو قرضوں میں چھوٹ دیں فنانشل سسٹم پر نظرثانی کی ضرورت ہے تاکہ پاکستان کو قرضوں میں چھوٹ مل سکے-
سعودی ولی عہدمحمد بن سلمان رواں ماہ پاکستان کا دورہ کریں گے
انتونیو گوتریس کا کہنا تھا کہ پاکستان کومشکل سےنکالنےمیں سب کو اپنا کردار ادا کرنا چاہیےپاکستان عالمی برادری کی بھرپور امداد کا مستحق ہے، پاکستان نےلاکھوں افغان مہاجرین کی میزبانی کی ہےجی ٹوئنٹی پاکستان جیسےاوسط آمدنی والے ممالک کے لیے قرضوں میں چھوٹ کا مکینزم بنائیں ماحولیاتی تبدیلی سےمتاثرہ اوسط آمدنی والے ملکوں کو رعایتی فنڈنگ تک رسائی ہونی چاہیے-
وزیراعظم کی عرب لیگ کے سیکرٹری جنرل سے ملاقات
انتونیوگوتریس کا کہنا تھا کہ کوپ کانفرنس اس صورت حال کو تسلیم کرے اور نمٹنےکے لیے واضح روڈ میپ تیار کرے اقوام متحدہ پاکستان کے شانہ بشانہ ہوگا، پاکستان کے عوام اور حکومت سے مکمل اظہار یکجہتی کرتے ہیں-
نومبر 8, 2022
عالمی درجہ حرارت بڑھانے میں پاکستان کا قصور نہیں،عالمی برادری اپنی ذمہ داری پوری کرے،انتونیو گوتریس
اقوام متحدہ کے سکریٹری جنرل انتونیو گوتریس نے کہا ہے کہ یہ یکجہتی کا نہیں انصاف کا تقاضا ہے، عالمی برادری اپنی ذمہ داری پوری کرے-
باغی ٹی وی: انتونیو گوتریس نے کہا کہ عالمی درجہ حرارت بڑھانے میں پاکستان کا قصور نہیں لیکن پاکستان اس سے سب سے زیادہ متاثر ہوا ہے، دنیا آگے آئےاور پاکستان کی مدد کرے سیلاب سے پاکستان کا ابتدائی نقصان تیس ارب ڈالرز کا ہوگیا ہے اور یہ مسلسل بڑھ رہا ہے-
عالمی برادری سے اپیل کرتا ہوں کہ مشکل میں پاکستان کا ہاتھ تھامے ، انتونیو گوتریس
اقوام متحدہ کے سکریٹری جنرل نے کہا کہ یہ یکجہتی کا نہیں انصاف کا تقاضا ہے، عالمی برادری اپنی ذمہ داری پوری کرے خاص طور پر وہ ملک جنہوں نے درجہ حرارت بڑھا کر زمین کو نقصان پہنچایا ہے۔
انہوں نے کہا کہ ہم نے فطرت کے خلاف جنگ کی، فطرت نے تباہ کن انداز میں پلٹ کر ہم پر وار کیا لیکن زیادہ نقصان اسے پہنچایا جس کا قصور نہیں آج جہاں پاکستان کھڑا ہے کل وہاں آپ کا ملک ہوسکتا ہے، ہمیں اسے روکنا ہوگا اور فوری روکنا ہو گا۔
اقوام متحدہ کےسکریٹری جنرل انتونیو گوتریس نے قرضوں کی واپسی میں پاکستان کی مدد کا مطالبہ کرتے ہوئے کہا کہ سیلاب سے پاکستان کا ابتدائی نقصان تیس ارب ڈالرز ہوچکا ہے، جو آگے جا کر مزید بڑھ سکتا ہے۔
وزیراعظم اور یو این سیکرٹری جنرل آج سندھ اور بلوچستان کے سیلاب متاثرہ علاقوں کا دورہ کریں گے
قبل ازیں وزیر اعظم ہاؤس میں آمد پر یواین سیکریٹری جنرل انتونیوگوتریس کا کہنا تھا کہ میں پاکستان کے لیے اجنبی نہیں ہوں،پاکستان سے شناسائی طویل عرصے سے ہے پاکستان اوراس کےعوام میرے دل کے قریب ہیں، پاکستان کا ایک تہائی حصہ سیلاب سے متاثر ہے، پاکستان موسمیاتی تبدیلیوں کی تباہ کاریوں سے نمٹ رہا ہے، موسمیاتی تبدیلیوں کے حوالے سے پاکستان کے اقدامات قابل تحسین ہیں-
انہوں نے کہا تھا کہ قدرتی آفات کو روکا نہیں جاسکتا اور نہ ہی اس کے ساتھ مزاحمت کی جاسکتی ہے،پاکستان میں پاک فوج ،متعلقہ ادارے سیلاب متاثرین کی امداد کے لیے سرگرم ہیں،پاکستان وہ ملک ہے جس نے لاکھوں مہاجرین کو پناہ دی ہوئی ہے پاکستان میرے دل کے قریب ہے ، متاثرین کے لیے عالمی برادری سے امداد کی اپیل کرتا ہوں-
انتونیو گوتریس کا کہنا تھا کہ ہماری کوشش ہے کہ ہم پاکستان کی اس مشکل گھڑی میں بھرپور مدد کریں سیلاب متاثرین کو مدد فراہم کرنے کے لیے مل کر کام کرنے کی ضرورت ہے،متاثرین کو ریلیف فراہمی کےلیے تمام ادارے مل کر کام کررہے ہیں جو کہ قابل تحسین ہے،اقوام متحدہ پاکستان کی اس مشکل وقت میں ہر ممکن مدد فراہم کرے گی
ملک بھر میں بارشوں اور سیلاب سےجاں بحق افراد کی تعداد 1ہزار 396 ہو گئی
ستمبر 10, 2022