Tag: انجمن

ماضی کی سینئر اداکارہ انجمن نے اپنے حالیہ انٹرویو میں کہا ہے کہ جس گنڈاسے پر بہت اعتراض کیا جاتا تھا آج وہی گنڈاسہ پکڑ کر فلمیں بنائی جا رہی ہیں. لیکن خوشی کی بات یہ ہے کہ فلمیں چل رہی ہیں اور لوگ پسند بھی کررہے ہیں. انجمن نے مزید کہا کہ نئی فلمیں جو بن رہی ہیں‌وہ میں دیکھتی ہوں نئے لوگ اچھا کام کررہے ہیں. اردو فلمیں بھی چلنی چاہیں اور پنجابی فلمیں بھی چلنی چاہیں دونوں زبانوں میں فلمیں چلیں گی تو فلم انڈسٹری کا بھلا ہو گا اس سے جڑے لوگوں کا بھلا ہو گا. انہوں نے کہا کہ میں‌نے علی ظفر کی فلم طیفا انٹربل دیکھی تھی بہت اچھی لگی

علی ظفر ایک بڑا آرٹسٹ اور گلوکار ہے. مجھے اگر موقع ملا تو علی ظفر کے ساتھ ضرور کام کروں گی اور میں‌ ان کے ساتھ کام کرنا چاہتی ہوں. یہ ہمارے ملک کا سرمایا ہیں اور نوجوان نسل کے نمائندہ فنکار ہیں. انجمن نے کہا کہ پنجابی فلمیں بننی چاہیں ہمارا جو کلچر ہے وہ زندہ رہنا چاہیے. اب جو سلسلہ شروع ہوا ہے وہ رکنا نہیں چاہیے. سب فنکاروں‌کو چاہیے کہ سب فلم انڈسٹری کی بحالی کے لئے مل کر کام کریں تاکہ وہ وقت دوبارہ آئے جب سال کی سو سے زیادہ فلمیں بنتی تھیں.

گزشتہ شب لاہور میں لکس سٹائل ایوارڈز کا انعقاد کیا گیا اس تقریب میں جہاں بہت ساری سلیبرٹیز کو ان کے بہترین کام کی وجہ سے ایوارڈ سے نوازا گیا وہیں سینئر اداکارہ انجمن کو بھی لائف ٹائم اچیومنٹ سے نوازا گیا . انجمن نے اس حوالے سے کہا ہے کہ میں بہت شکر گزار ہوں لکس سٹائل ایوارڈ کی جیوری کی جنہوں نے مجھے یہ اعزاز بخشا انہوں نے کہا کہ مجھے زندگی میں ایوارڈ لیٹ ملے ہیں لیکن پھر بھی میں خوش ہوں کہ میری فن کے لئے خدمات کو سراہا تو جاتا ہے . انہوں نے کہا کہ سنگیتا بیگم نے خاص کر کے ان ایوارڈز میں میرے لئے شرکت کی وہ میری دکھ سکھ کی ساتھی ہیں ہماری دوستی فلم مہندی سے شروع ہوئی تھی اور آج تک جاری ہے. ہمارے درمیان کبھی بھی تلخی والا معاملہ نہیں ہوا .

انہوں نے یہ بھی کہا کہ میں نوجوان نسل کے نمائندہ فنکاروں کی بھی شکر گزار ہوں کہ وہ میرے کام کو سراہتے ہیں. فہد مصطفی اور علی ظفر نے میرے لئے جو الفاظ استعمال کئے ہیں جس طرح‌سے میرے کام اور میری خوبصورتی کی تعریف کی ہے میں ان کی شکر گزار ہوں انہوں نے اتنے اچھے الفاظ کا استعمال کرکے میری نہیں بلکہ اپنی عزت بڑھائی ہے. میں ان سب کی دل سے مشکور ہوں جو مجھ سے پیار کرتے ہیں اور مجھے عزت دیتے ہیں .

معروف فیشن جرنلسٹ ، فلمی نقاد ، فوٹو گرافر ، فیشن آئی کون ٹونی رشید کے انتقال کی خبر نہایت ہی افسوسناک ہے اور ان کے انتقال نے شوبز انڈسٹری کا زبردست دھچکا لگایا ہے. ہر آنکھ پرنم ہے اور ہر دل اداس ہے. سینئر اداکارہ انجمن نے ٹونی رشید کے انتقال پر کہا ہے کہ میں انتہائی دُکھ اور افسوس کا اظہار کرنا چاہتی ہوں میرے الفاظ میرا ساتھ نہیں دے رہے کہ ٹونی نوید رشید اب ہمارے درمیان نہیں رہے گو کہ آج مجھے بہت بڑے اعزاز لکس ایوارڈ سے نوازا جا رہا ہے میرے لئے آج فکروغم کا سا سماں ہے میرے بہت ہی پیارے دوست جنھیں میں کبھی بھلا نہ سکوں گی. اللہ پاک اُنھیں جنت میں اعلی مقام عطا کرے. آمین . ان کے ساتھ گزرے لمحات ہمیشہ یاد رہیں گے. مجھے تو ابھی تک یقین ہی نہیں

آرہا کہ ٹونی رشید ہم میں نہیں‌رہے. وہ نہایت ہی صاف گو تھے اور ان کی شوبز انڈسٹری کے لئے بہت زیادہ خدمات تھیں. وہ صرف باتیں نہیں‌کرتے تھے عملی طور پر کام کرکے دکھاتے تھے.
تُم نہیں ہو تو عجب عالمِ تاریکی ہے
صبح ہوتی ہی نہیں رات لیئے بیٹھے ہیں.
یاد رہے کہ ٹونی رشید کا گزشتہ روز ہارٹ اٹیک آنے سے انتقال ہو گیا تھاان کا انتقال شوبز انڈسٹری کے لئے یقینا ایک بڑا نقصان ہے.

اداکارہ انجمن کا کہنا ہے کہ سلطان راہی کو اداکار غلام محی الدین سے تھوڑی چڑ تھی. چڑ کی وجہ بتاتے ہوئے انجمن نے کہا کہ میرا سلطان راہی کے بعد پئیر غلام محی الدین کے ساتھ بہت پسند کیا جا رہا تھا. سلطان راہی کی عادت تھی کہ ان کی جو ہیروئین ہوتی تھی ان کو لگتا تھا کہ بس میری ہی ہیروئین ہے وہ کسی اور کی بات نہ کرے. ایک بار ہم کسی فلم کے سیٹ پر تھے وہاں غلام محی الدین آئے اور میں‌نے ان کو کہا کہ آپ کا اور میرا گانا عوام بہت پسند کررہی ہے اس پر غلام محی الدین نے کہا کہ جی ہاں ایسا ہی ہے سلطان راہی یہ سب سن رہے تھے ان کو اتنا

غصہ آیا کہ وہ وہاں سے اٹھ کر چلے گئے اور ڈائریکٹر سے کہا کہ جب میرا شاٹ ریڈی ہو مجھے بلا لینا میں کمرے میں جا رہا ہوں. یوں سلطان راہی غصہ کر جاتے تھے. انجمن نے کہا کہ میڈم نورجہاں میری بہت تعریف کیا کرتی تھیں وہ کہتی تھیں کہ انجمن تم میرے گانوں کے ساتھ صحیح انصاف کرتی ہو، وہ مجھے بہت زیادہ دعائیں دیتی تھیں جب میں نے گانا تیرے باجرے کی راکھی گایا تو انہوں‌نے تعریف کی بس مجھے تو لگا کہ ساری دنیا کی خوشیاں سمٹ کر میرے دامن میں آ گئی ہیں کیونکہ میڈم نور جہاں کی تعریف بہت بڑی بات تھی.

گزشتہ روز ایک دل دہلا دینے والی خبر سامنے آئی جس کے مطابق معروف کالمسٹ ایاز امیر کے بیٹے شاہنواز امیر نے اپنی اہلیہ سارا کو تشدد کرکے مار ڈالا مارنے کی وجہ کریکٹر کا ٹھیک نہ ہونا بتایا جا رہا ہے. اس واقعہ پر ری ایکشن دیتے ہوئے اداکارہ انجمن نے کہا ہے کہ ہمارے ملک میں بہت آسان ہے کسی عورت کو بد کردار کہہ کر رسوا کرنا یا قتل کر دینا. اگر ہماری ریاست اور ہمارا قانون عورت کو تحفظ دے اور اسے غیرت کے نام پر قتل کرنے یا اسکو کسی بھی وجہ سے قتل کرنے والے کو کڑی سے کڑی سزا بلکہ موت کی سزا سنائے اور سر عام پھانسی دے تو کسی کی جرائت نہیں ہو گی کہ وہ اس طرح کا کام کرجائے. انجمن نے کہا کہ فلمسٹار نادرا کا بھی قتل کر دیا گیا آج تک اس کے قاتل پکڑے نہ گئے ، نور مقدم کے قاتل

نے اعتراف جرم بھی کر لیا لیکن کیا ہوا ؟کچھ بھی نہیں. قاتلوں کو جب سزا نہیں ملے گی تو ان کی حوصلہ افزائی ہو گی اور انہیں پتہ ہو گا کہ وہ جو بھی کرلیں انہیں کوئی کچھ نہیں‌کہہ سکتا اور اگر پکڑے بھی گئے تو چھٹ جائیں گے . کل کے واقعہ نے دل دہلا دیا ہے میں تو بار بار کہوں گی کہ ایسے قاتلوں کو سر عام پھانسی دی جائے تاکہ ان کی پھانسی کے عمل کو دیکھ کر دوسرے عبرت پکڑیں.

سینئر اداکارہ انجمن نے اپنے انسٹاگرام اکائونٹ پر ایک وڈیو پیغام جاری کیا ہے اس میں انہوں نے کہا ہے کہ میں کئی برس سے آپ سب سے محبتیں سمیٹ رہی ہوں ،مجھے یقین ہے کہ آپ لوگ میری بات ضرور سنیں گے. انجمن نے کہا کہ مصیبت کی اس گھڑی میں ہمیں سیلاب متاثرین کی مدد کرنی چاہیے.سیلاب کی وجہ سے لوگوں‌کے گھر بربار ہو گئے ہیں اور بے سرو سامانی کے عالم میں لوگ آپ کی مدد کے منتظر ہیں. ہم سب کو سیلاب متاثرین کا درد محسوس کرنا چاہیے ،تین کروڑ لوگ سیلاب اور بارشوں سے متاثر ہیں بستیاں اجڑ گئی ہیں. مال مویشی ، کچے پکے مکان سیلاب بہا کر لے گیا ہے.بوڑھے جوان مرد خواتین اور بچے کھلے آسمان کی چھت کے نیچے ہماری مدد کے منتظر ہیں . میں آپ سب سے التماس کرتی ہوں کہ خدا کے لئے

ان کی مدد کریں. اپنے سکھ اور خوشیوں‌کو ان کے دکھوں میں شامل کر کے ان کو بھی خوشیاں دیں. اگر تھوڑا ہے تو تھوڑے سے تھوڑا سیلاب متاثرین کو دے دیں اگر زیادہ ہے تو اس میں‌ سے کچھ تقسیم کریں.ان کو ان کی مسکراہٹیں واپس دینے کی کوشش کریں. .اللہ کی خوشنودی انسانیت کی خدمت کرنے میں ہے،سب کچھ دنیا میں رہ جانا ہے صرف ہمارے اعمال ہمارے ساتھ جانے ہیں. اللہ نے ہمیں دکھی انسانیت کی خدمت کرنےکا موقع دیا ہے. ہم سب کو چاہیے کہ ہم روتے ہوئوں کو گلے لگا لیں. میں اپنے ملک کے لئے دعا گو ہوں اللہ کرے یہاں خوشحالی ایکبار پھر سے آجائے. ہمارے لوگ ہنستے بستے رہیں.

اداکارہ انجمن نے اپنے حالیہ انٹرویو میں کہا ہے کہ ان کو بلال لاشاری کی فلم ”دا لیجنڈ آف مولا جٹ“ آفر ہوئی تھی لیکن وہ نہ کر سکیں۔ انہوں نے تفصیلات شئیر کرتے ہوئے کہا کہ مجھے اس فلم کے لئے اپروچ کیا گیا تھا لیکن اس وقت میں ملک سے باہر جا رہی تھی میرا انگلینڈ جانا ضروری تھا لہذا میں اس آفر کو قبول نہ کر سکی۔ کردار کیسا تھا اس ھوالے سے انہوں نے کہا کہ میرا کردار مجھے بتایا گیا تھا کہ کافی پاور فل ہے ،میرا کردارمولا جٹ ، نوری نت کے ساتھ تھا ۔جس وقت ان لوگوں کو شوٹنگ کے لئے میں چاہیے تھی میں دسیتاب نہیں تھی یوں اس فلم میں کام نہ کرسکی۔لیکن مجھے امید ہے کہ یہ فلم بہت

اچھی ہوگی میں نے اس فلم کا ٹریلر دیکھا ہے بہت اچھا ہے سب ہی فنکار اچھا کام کرتے نظر آرہے ہیں چاہے وہ ماہرہ خان ہو ، فوا د خان یا حمزہ علی عباسی ۔جس طرح سے پنجابی فلم ہونی چاہیے یہ اسی طرح سے ہی لگ رہی ہے اور میں تو اس کا ٹریلر دیکھ کر کافی پرجوش ہوں امید ہے کہ بہت اچھا بزنس کرے گی ۔ انجمن نے ایک سوال کے جواب میں کہا کہ میں ہر فلم کی کامیابی کے لئے دعا کرتی ہوں ، خوشی ہوتی ہے یہ دیکھ کر کہ نوجوان لڑکے لڑکیاں بہترین کام کررہے ہیں۔یاد رہے کہ فلم دا لیجنڈ آف مولا جٹ رواں برس 13 اکتوبر کو ریلیز ہو رہی ہے.

اداکارہ انجمن جن کو پرائیڈ آف پرفارمنس دئیے جا نے کا اعلان کیا گیا ہے وہ اس اعلان پر ہیں بہت خوش. ان کا کہنا ہے کہ مجھے یہ ایوارڈ کافی لیٹ مل رہا ہے لیکن پھر بھی میں حکومت پاکستان کی شکر گزار ہوں کہ انہوں نے عزت بخشی ہے. میں بہت محسوس کرتی تھی جب مجھ سے بعد میں آنے والوں کو پرائیڈ آف پرفارمنس ملتا تھا لیکن میں خاموش ہی رہتی تھی کچھ نہیں کہتی تھی. میرے مداح بہت افسردہ رہتے تھے کہ کیوں مجھے یہ ایوارڈ نہیں دیا جا رہا تھا لیکن یقینا میرے مداح بھی اب میری طرح کافی خوش ہیں. انجمن کا کہنا ہے کہ میں نے ہمیشہ بہت محنت سے کام کیا اور میرے کام کو عوام میں بہت

پذیرائی ملی، میری فلمیں کئی کئی مہینے سینما گھروں سے نہیں اترتی تھیں. میری تقریبا فلموں نے ڈائمنڈ ،گولڈن اور پلاٹینیم جوبلی کی. مجھے کسی سے کوئی گلہ شکوہ نہیں ہے، میرا چونکہ قسمت پر بہت یقین ہے لہذا ہمیشہ ہر معاملے میں یہی سوچا کہ جب جو قسمت میں ہو گا مل جائیگا. انجمن نے مزید یہ بھی کہا کہ مجھے اب بھی اگر کوئی اچھا اور پاور فل کردار آفر ہو گا تو یقینا میں کروں گی. آج کل کے فنکار بہت اچھا کام کررہے ہیں ان سب کا کام دیکھ کر دل کو خوشی ہوتی ہے.اچھی اور مثبت بات یہ ہے کہ فلمیں اچھا بزنس کررہی ہیں.

پاکستان کی 75ویں سالگرہ کے موقع پر صدر مملکت نے 253ملکی اور غیر ملکی شخصیات کو اپنے اپنے شعبوں میں بہترین کارکردگی کے مظاہرے پر اعزازات دینے کا اعلان کیا ہے۔ اس سلسلے میں وزرات اطلاعات کی جانب سے جاری کردہ تفصیلات کے مطابق صدر مملکت ان شخصیات کو آئندہ سال 23مارچ کو ایوارڈ دیں گے۔ نشان امتیاز پانے والوں میں جہاں مختلف شعبوں سے مختلف شخصیات نامزد ہوئی ہیں ان میں پنجابی فلموں کی سپر ہٹ اداکارہ ”انجمن “بھی نامزد ہوئی ہیں.اداکارہ انجمن کو پرائیڈ آف پرفارمنس دئیے جانے کا اعلان ہونے کے بعدان کے پرستاروں میں خوشی کی ایک لہر دوڑ گئی اس خبر پر نہ صرف ان کے مداح خوش ہوئے بلکہ ان کے ساتھ فنکار بھی بہت خوش ہوئے۔ انجمن کی سینئر اداکارہ شبنم نے ان کے لئے ایک

پیغام بھیجا انہوں نے کہا کہ میں بہت خوش ہوں کہ آپ کو پرائیڈ آف پرفارمنس دینے کا اعلان کیا گیا ہے۔ آپ نے پنجابی فلموں میں کام کیا اور بہت عرصہ تک فلم انڈسٹری پر راج کیا ، آپ نے فلم انڈسٹری کو سنبھالے رکھا آپ اس ایوارڈ کی حق دار ہیں ۔شبنم نے مزید کہا کہ مجھے خوشی اس بات کی ہے کہ یہ ایوارڈ آپ کو آپ کی زندگی میںہی مل گیا اور اس سے بڑھ اور کیا ہو سکتا ہے کہ کسی بھی فنکار کو اسکی زندگی میں ایوارڈ ملے اور اس کے کام کو سراہا جائے۔ میں اس ایوارڈ کو ملنے پر آپ کو دل کی گہرائیوںسے مبارکباد دیتی ہوں ۔

ماضی کی پنجابی فلموں کی ہیروئین انجمن نے سینئر اداکارہ شبنم کو ان کی سالگرہ کے موقع پر مبارکباد دی ہے اور مبارکباد بھی انہوں نے کچھ مختلف انداز میں دی ہے .انہوں نے اداکارہ شبنم پر انہی کا پکچرائز ہوا گانا گایا. انہوں نے شبنم کا یہ گانا گایا ”جب سے دیکھا تمہیں کچھ نہ چاہا چاہا صنم . سب کچھ مجھے مل گیا ” . انجمن نے یہ گانا گانے کے ساتھ کہا کہ آج ہم سب کے لئے بہت بڑا دن ہے کیونکہ آج ہماری بہت ہی پیاری اداکارہ شبنم کی سالگرہ ہے میں اس موقع پر انہیں بہت مبارکباد دینا چاہتی ہوں اور دعا کرتی ہوں کہ خدا انہیں اسی طرح سے سلامت رکھے اور لمبی عمر دے اور لمبی عمر بھی تندرستی

کے ساتھ دیں. انجمن نے مزید کہا کہ شبنم ہمارے ملک کا اثاثہ ہیں ان کی اداکاری ہم جیسے بہت سارے نئے لوگوں‌کے لئے مشعل راہ تھی اور مشعل راہ ہے. ہماری انڈسٹری کو آج بھی ان کی ضرورت ہے ہم سب انہیں بہت مس کرتے ہیں. میں نے تو ان کی اداکاری ان کے چہرے کے تاثرات ڈائیلاگ ڈلیوری سے بہت کچھ سیکھا. ان کا ہئیر سٹائل بہت منفرد ہوتا تھا میں اسکو کاپی کیا کرتی تھی. شبنم ہمارے دل کی دھڑکن ہیں وہ جھرنا تھیں اور انہیں شبنم پاکستان نے بنایا. شبنم ہمیں اسی طرح‌سے ہنستی مسکراتی ہوئی نظر آئیں ہیں. انہوں نے مزید کہا کہ ” پیار بھرے دو شرمیلے نین جن سے ملا میرے دل کو چین” یہ نین ہم ہمیشہ یونہی دیکھتے رہنا چاہتے ہیں. شبنم کے لئے بہت ساری دعائیں.