Tag: انسانی حقوق

پاکستان پیپلز پارٹی کے چیئرمین بلاول بھٹو زرداری نے انسانی حقوق کے عالمی دن کے موقع پر ایک تفصیلی پیغام جاری کیا ہے جس میں انہوں نے انسانی حقوق کی اہمیت، پاکستان میں ان کے تحفظ کے لیے کی جانے والی کوششوں اور عالمی سطح پر انسانی حقوق کی خلاف ورزیوں پر تشویش کا اظہار کیا۔

بلاول بھٹو زرداری نے اپنے پیغام میں کہا کہ "انسانی حقوق کی پاسداری ایک منصفانہ، جامع اور پرامن معاشرے کی بنیاد ہیں اور ان کا تحفظ ایک پائیدار اور خوشحال مستقبل کے لیے ناگزیر ہے۔” انہوں نے مزید کہا کہ انسانی حقوق صرف قابلِ حصول مقاصد نہیں ہیں بلکہ یہ وقار، مساوات اور انصاف کے لیے بنیادی ستون ہیں، جو کسی بھی معاشرے کی کامیابی کی بنیاد ہوتے ہیں۔بلاول بھٹو زرداری نے یہ بھی کہا کہ "کسی بھی معاشرے کا مستقبل ان حقوق کو بلا تفریق تمام افراد کے لیے یقینی بنانے پر منحصر ہے۔” ان کا کہنا تھا کہ پاکستان پیپلز پارٹی شہید ذوالفقار علی بھٹو اور شہید محترمہ بینظیر بھٹو کے وژن کے مطابق انسانی حقوق کے تحفظ کے لیے مسلسل جدوجہد کرتی رہی ہے۔چیئرمین پیپلز پارٹی نے کہا کہ "1973ء کے آئین میں شہید بھٹو کی جانب سے شامل کیے گئے آئینی حقوق کے تحفظ کے لیے ہم پرعزم ہیں۔” انہوں نے قائدِ عوام کا مشہور نعرہ "ایک شہری، ایک ووٹ” یاد کرتے ہوئے کہا کہ یہ اصول عوام کو طاقت کا اصل سرچشمہ بنانے کی بنیاد ہے۔

بلاول زرداری نے شہید محترمہ بینظیر بھٹو کی انسانی حقوق کے تحفظ کے لیے کی جانے والی کوششوں کا ذکر کرتے ہوئے کہا کہ "بی بی شہید نے خواتین کی خودمختاری، صنفی امتیاز کے خاتمے، غیرت کے نام پر قتل و تشدد کے خلاف اہم اقدامات کیے۔” بلاول بھٹو زرداری نے بتایا کہ شہید بینظیر بھٹو نے آزادی اظہار کے تحفظ کے لیے آمرانہ دور کے قوانین کا خاتمہ کیا اور اقلیتوں اور مزدوروں کے حقوق کے تحفظ کے لیے قانون سازی کی۔بلاول بھٹو زرداری نے اپنے والد، سابق صدر آصف علی زرداری کی قیادت کا ذکر کرتے ہوئے کہا کہ "صدر زرداری کے دور میں 18ویں آئینی ترمیم کے ذریعے جمہوری اصولوں کو بحال کیا گیا اور انسانی حقوق کو محفوظ بنایا گیا۔” انہوں نے بتایا کہ "آرٹیکل 25-اے کی شکل میں تعلیم کے حق کو آئینی تحفظ فراہم کیا گیا اور کام کی جگہ پر خواتین کو ہراساں کرنے اور گھریلو تشدد کے خلاف قوانین کے نفاذ کو بھی نمایاں کیا گیا۔”انہوں نے کہا کہ "بینظیر انکم سپورٹ پروگرام جیسے اقدامات نے پسماندہ طبقوں، خاص طور پر غریب خواتین، کے لیے ایک سماجی تحفظ فراہم کیا، اور یہ پیپلز پارٹی کے جامعیت اور سماجی انصاف کے عزم کا ثبوت ہیں۔”بلاول بھٹو زرداری نے حکومتِ سندھ کی انسانی حقوق کی پالیسی کی توثیق کرتے ہوئے اس کے مرحلہ وار نفاذ پر زور دیا اور کہا کہ "متعلقہ حکام اس پالیسی کو کامیابی سے نافذ کرنے کے لیے اپنی کوششیں تیز کریں تاکہ شہری آزادیوں کا تحفظ اور جامع ترقی کو فروغ دیا جا سکے۔”

بلاول زرداری نے عالمی سطح پر انسانی حقوق کی خلاف ورزیوں پر شدید تشویش کا اظہار کیا، خاص طور پر مقبوضہ کشمیر اور غزہ میں جاری ناانصافیوں کا ذکر کرتے ہوئے کہا کہ "عالمی برادری کو مقبوضہ کشمیر اور غزہ میں انسانی حقوق کی خلاف ورزیوں کے خلاف مؤثر اقدامات کرنے چاہیے۔” بلاول بھٹو زرداری نے عالمی برادری پر زور دیا کہ وہ انسانی حقوق کے عالمی اعلامیے کے اصولوں پر اپنے عزم کا دوبارہ اظہار کرے۔آخر میں بلاول بھٹو زرداری نے کہا کہ "پیپلز پارٹی ہر شہری کے حقوق کے تحفظ کے لیے پرعزم ہے اور ہم ایسے پاکستان کی تعمیر کے لیے کوشاں ہیں جو آزادی، مساوات اور انصاف کے اصولوں کی عکاسی کرتا ہو۔” انہوں نے کہا کہ "پیپلز پارٹی کا ہمیشہ سے یہ یقین رہا ہے کہ عوام ہی اصل طاقت کا سرچشمہ ہیں اور ان کے حقوق پر سمجھوتہ نہیں کیا جا سکتا۔”چیئرمین پی پی پی نے اقوام متحدہ کی رواں سال کی تھیم کی بھی توثیق کی اور کہا کہ "ہم عالمی سطح پر انسانی حقوق کی ضمانت دینے کے لیے اپنی کوششیں جاری رکھیں گے۔”

سوشل میڈیا پر جھوٹے بیانات،پروپیگنڈہ،مزید 7 ملزمان پر مقدمہ

17 ملین سے زائد لائکس والی ٹک ٹاکر سومل کی بھی نازیبا ویڈیو لیک

چھ ملین فالورز والی ٹک ٹاکر گل چاہت کی نازیبا ویڈیو بھی لیک

ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

ٹک ٹاکر مسکان چانڈیو کی بھی نازیبا،برہنہ ویڈیو لیک

مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی

نازیبا ویڈیو لیک،وائرل ہونے پر متھیرا کا ردعمل آ گیا

اب کون سی ٹک ٹاک گرل اپنی ویڈیوز لیک کرنے والی ، اور کیوں؟

مناہل،امشا کے بعد متھیرا کی بھی برہنہ ویڈیو لیک،وائرل

نگران وفاقی وزیر خلیل جارج نے وزارت انسانی حقوق اور ویمن ایمپاورمنٹ کا چارج سنبھال لیا۔

انہوں نے 17اگست کو بطور نگران وفاقی وزیر حلف اٹھایا تھا، وہ 2013 سے 2018 تک رکن قومی اسمبلی رہے ہیں۔ وہ 2013 سے 2018 تک پارلیمانی سیکرٹری وزارت مذہبی امور اور بین المذاہب ہم آہنگی کے عہدے پر تعینات رہ چکے ہیں۔ وہ پورٹس اینڈ شپنگ اور گلگت بلتستان سٹینڈنگ کمیٹی کے ممبر رہے ہیں۔ ماضی میں وہ 1999 میں دو بار ضلع کوئٹہ کے کونسلر منتخب ہوئے

خلیل جارج نگران وفاقی وزیر انسانی حقوق اور ویمن امپاورمنٹ کا کہنا ہے کہ سانحہ جڑانوالہ کے کے متاثرین کی بحالی کے لئے ہر ممکن اقدامات کررہے ہیں۔ اتوار کو جڑانوالہ کے چرچز میں مسیحی برادری کی عبادت یقینی بنائیں گے۔مقامی انتظامیہ کو اتوار تک تمام چرچ بحال کرنے کی ہدایت کردی ہے۔ ایک دو چرچز کو بحال کردیا گیا ہے۔ جڑانوالہ کے تمام چرچ پوری طرح بحال اور ان کی تزئین و آرائش کریں گے۔ سانحہ جڑانوالہ کے 80 متاثرہ خاندانوں کو 20، 20 لاکھ روپے کے امدادی چیک دیے گئے ہیں۔ متاثرین کی آباد کاری کے لئے ہر ممکن اقدامات کئے جارہے ہیں۔ سانحہ جڑانوالہ کی معاشرے کے تمام طبقات نے مذمت کی ہے۔

خلیل جارج کا کہنا تھا کہ متاثرین کی مدد و حمایت پر مسلمان بہن ،بھائیوں اور علماء کرام کے شکر گزار ہیں۔ نوجوان گمراہ کرنے والوں سے ہوشیار رہیں،بطور وزیر انسانی حقوق کے حوالے عوام کی بلا تخصیص مدد کروں گا۔ ہم دکھی انسانیت کی خدمت کے لیے آئے ہیں،ان کے حقوق کے ضامن ہیں۔خواتین اور اقلیتوں سے ناروا سلوک کے خاتمے کے لئے مل کر کام کریں گے۔لفٹ میں پھنسے افراد کو باحفاظت نکالنے پر پاک فوج اور ریسکیو ٹیموں کو خراج تحسین پیش کرتا ہوں۔

نگران وزیر اعظم انوار الحق کاکڑ نے جڑانوالہ واقعہ کا نوٹس لیا ہے

جڑانوالہ واقعہ انتہائی افسوسناک ہے

 مسیحی قائدین کے پاس معافی مانگنے آئے ہیں،

جڑانوالہ ہنگامہ آرائی کیس،گرفتار ملزمان کو عدالت میں پیش کر دیا گیا

توہین کے واقعہ میں ملوث ملزم کو قرار واقعہ سزا دی جائے،تنظیم اسلامی

جسٹس قاضی فائز عیسیٰ نے اہلیہ کے ہمراہ متاثرہ علاقے کا دورہ کیا

رضوانہ کی صحت کل کے مقابلے میں بہتر ہو گئی ہے،سربراہ میڈیکل بورڈ

سول جج کے گھر تشدد کا نشانہ بننے والی رضوانہ جنرل ہسپتال میں زیر علاج ہے،سربراہ میڈیکل بورڈ پروفیسر جودت سلیم کا کہنا ہے کہ رضوانہ کی صحت کل کے مقابلے میں بہتر ہو گئی ہے ، سانس لینے میں جو مشکلات آرہی تھیں اور آکسیجن لگائی گئی اس کی ضرورت اب کم ہو رہی ہے ،رضوانہ کو جن انفکیشن کی وجہ سے مشکلات تھیں اب ان کے رزلٹ میں بہتری آئی ہے ، بچی نے آج ٹھوس غذا کھانے کے لیے مانگی ہے ،رضوانہ نے آج نرم غذا بھی شروع کر دی ہے۔ رضوانہ کو جوسز اور پانی فراہم کیا جا رہا ہے۔ رضوانہ کے ہوش و حواس میں تھوڑی بہتری آئی ہے اور وہ بات چیت کر رہی ہے ،رضوانہ سرجیکل آئی سی یو میں رہے گی،رضوانہ کو سانس لینے میں تکلیف ہے، رضوانہ کو آکیسجن لگائی گئی ہے،آکسیجن کی مقدار کو کم کر دیا ہے،ٹوٹے ہوئے بازوؤں پر فل الحال پلاسٹر لگا دیا ہے،زخموں کی نوعیت جانچنے کے لیے فرانزک والوں سے ٹیسٹ کروا رہے ہیں،

دوسری جانب قومی اسمبلی کی قائمہ کمیٹی برائے انسانی حقوق نے سول جج کی اہلیہ کے ہاتھوں تشدد کا نشانہ بننے والی کمسن گھریلو ملازمہ رضوانہ پر تشدد کا نوٹس لے لیا۔قومی اسمبلی کی قائمہ کمیٹی برائے انسانی حقوق کا اجلاس بدھ کو طلب کیا گیا ہےدوسری جانب لاہور کے جنرل اسپتال میں زیر علاج تشدد کا شکار گھریلو ملازمہ بچی کی حالت بدستور تشویشناک ہے میڈیکل رپورٹ آنے کے بعد سول جج کی اہلیہ پر درج مقدمے میں اقدام قتل اور جسم کے بیشتر اعضا کی ہڈیوں کو توڑنے کی دفعات شامل کرلی گئیں۔

واضح رہے کہ 24 جولائی کو تشدد کی شکار 14 سالہ بچی رضوانہ کا معاملہ سامنے آيا تھا، بچی کی ماں نے جج کی اہلیہ پر تشدد کا الزام لگایا تھا، جب بچی کو اسپتال پہنچایا گیا تو اس کے سر کے زخم میں کيڑے پڑ چکے تھے اور دونوں بازو ٹوٹے ہوئے تھے اور وہ خوف زدہ تھی تشدد کا شکار گھریلو ملازمہ بچی رضوانہ 7 روز سے لاہور کے جنرل اسپتال میں زیر علاج ہے جس کی حالت تشویش ناک ہے –

برصغیر کی ایک بے مثال و باکمال اداکارہ اور شاعرہ مینا کماری

پرنسپل پوسٹ گریجویٹ کالج پروفیسر الفریدظفر کا کہنا ہے کہ بار بار طبیعت بگڑنے پر آکسیجن لگانا پڑتی ہے،رضوانہ کے جگرکے انفیکشن میں معمولی کمی آئی ہے جب کہ گردوں کی انفیکشن ختم ہو چکی ہے، سائیکولوجسٹ بھی رضوانہ کے علاج میں شامل ہے اس کی روازانہ کونسلنگ کی جارہی ہے۔

پروفیسر الفرید ظفر کا کہنا تھا کہ بچی کے خون میں انفکیشن کی بیماری ہے جو سارے جسم میں پھیل چکی ہے، رضوانہ کے پلیٹ لیٹس 12ہزار سے بڑھ کر 24 ہزار ہوگئے ہیں اور جسم میں خون کی شرح 7 ہےرضوانہ کی والدہ نے اپنی بیٹی کو زہر دینے کا خدشہ ظاہر کیا ہے جس پر زہر کا ٹیسٹ بھی کروا لیا ہے، رپورٹس آنے پر ہی کچھ واضح ہوگا۔

توشہ خانہ کیس،عمران خان کے نہ آنے پر سماعت میں وقفہ