Tag: انسداد بدعنوانی

پاکستان اور سعودی عرب نے انسدادِ بدعنوانی، منی لانڈرنگ کی روک تھام اور چوری شدہ اثاثوں کی واپسی کے لیے ایک تاریخی مفاہمتی یادداشت (ایم او یو) پر دستخط کر دیے۔

سرکاری خبر رساں ایجنسی ’اے پی پی‘ کے مطابق معاہدے پر سعودی عرب کی اوور سائٹ اینڈ اینٹی کرپشن اتھارٹی (نزاھا) کے صدر معالی مزین بن ابراہیم الکحموس اور قومی احتساب بیورو (نیب) کے چیئرمین لیفٹیننٹ جنرل (ر) نذیر احمد نے دستخط کیے۔ایم او یو کے تحت دونوں ادارے بدعنوانی اور منی لانڈرنگ سے متعلق معلومات کے تبادلے، اثاثوں کی تلاش اور غیر قانونی دولت کی واپسی میں تعاون کریں گے۔ مزید برآں، باہمی قانونی معاونت اور ایم ایل اے درخواستوں کی تیاری میں تکنیکی تعاون فراہم کرنے پر بھی اتفاق کیا گیا ہے۔

نزاھا کے صدر نے نیب کی انسدادِ بدعنوانی کی عالمی کوششوں اور ادارہ جاتی اصلاحات کو سراہتے ہوئے کہا کہ قلیل عرصے میں 6.4 کھرب روپے (تقریباً 23 ارب ڈالر) کی تاریخی ریکوریاں اہم کامیابی ہیں۔اس موقع پر چیئرمین نیب لیفٹیننٹ جنرل (ر) نذیر احمد نے سعودی قیادت کے انسدادِ بدعنوانی اقدامات کو خراجِ تحسین پیش کیا اور کہا کہ سعودی عرب کے حالیہ دفاعی معاہدے دونوں ممالک کے تعلقات کو مزید مضبوط بنائیں گے۔

انہوں نے نزاھا کے صدر مزین بن ابراہیم الکحموس کو پاکستان کے دورے کی دعوت بھی دی تاکہ دوطرفہ تعاون اور برادرانہ تعلقات کو مزید فروغ دیا جا سکے۔

مودی اور ٹرمپ کا تجارتی تعلقات پر رابطہ، مذاکرات کا نیا دور متوقع

امریکا کی ایران کے تیل اور گیس سیکٹر پر نئی پابندیاں، چینی کمپنیوں اور جہاز بھی شامل

کابل میں حملے میں ٹی ٹی پی سربراہ نور ولی محسود ہلاک، دو اہم کمانڈر بھی مارے گئے

ایشیا کپ 2025 کے بعد بھی سلمان علی آغا پر اعتماد، قیادت برقرار

سعودی عرب میں انسداد بدعنوانی کے ادارے نے کرپشن کے الزام میں 82 سرکاری ملازمین کو گرفتار کیا ہے۔

سعدی محکمہ نزاھہ((انسداد بدعنوانی کا ادارہ)) نے اپنے ایکس اکائونٹ پر بیان میں بتایا کہ ادارے کے حکام نے رواں ماہ کے دوران سرکاری دفاتر اور نجی اداروں کے ایک ہزار 453 تفتیشی دورے کئے۔تفتیش کے بعد 82 افراد کو رشوت اور اختیارات کے ناجائز استعمال کے الزام میں گرفتار کیا گیا۔نزاھہ نے کہا کہ وہ سرکاری اور نجی اداروں میں تفتیشی دورے جاری رکھے گی ۔کئی سرکاری اداروں کے 313 افراد کے خلاف الزامات کی تحقیقات کی گئی۔

ان اداروں میں وزرت داخلہ، وزارت دفاع، وزارت صحت، وزارت افرادی قوت، وزارت بلدیات و ہائوسنگ اور زکوۃ، ٹیکس، کسٹم اتھارٹی شامل ہیں۔نزاھہ نے اپنے بیان میں مزید خبر دار کیا کہ ایسے جرائم میں ملوث افراد کو ملازمت کی مدت ختم ہونے کے بعد بھی جوابدہ ٹھہرایا جائے گا۔

شہباز شریف کے مشیر بننے کے بعد پرویز خٹک کیخلاف کرپشن کیس بند

جھوٹا نکاح، ملزم کی دوستوں سمیت کئی ماہ 13 سالہ لڑکی کی عصمت دری

کراچی میں ایک خوفناک ٹریفک حادثہ، ڈرائیور گرفتار

سندھ حکومت کی کراچی کی بہتری کے لیے خصوصی ٹاسک فورس قائم

بنگلہ دیش کی سابق وزیراعظم شیخ حسینہ کی بھانجی اور برطانیہ کی انسداد بدعنوانی کی وزیر ٹیولپ صدیق نے کرپشن الزامات پر عہدے سے استعفیٰ دے دیا۔

غیر ملکی میڈیا کے مطابق 42 سالہ ٹیولپ صدیق بدعنوانی میں ملوث ہونے سے مسلسل انکار کرتی رہیں اور وزیر اعظم کیئر اسٹارمر نے بھی گزشتہ ہفتے کہا تھا کہ انہیں اپنی وزیر پر مکمل اعتماد ہے،گزشتہ دو ماہ کے دوران حکومت کے دوسرے وزیر کا استعفیٰ کیئر اسٹارمر کے لیے ایک دھچکا ہے، جولائی میں عام انتخابات میں لیبرپارٹی کی کامیابی کے بعد ان کی مقبولیت میں مسلسل کمی آرہی ہے۔ ٹیولپ صدیق کو برطانوی وزیراعظم نے فنانشل سروسز کی پالیسی کا قلمدان سونپا گیا تھا جس میں منی لانڈرنگ کے خلاف اقدامات کی ذمہ داری بھی شامل تھی۔

واضح رہے کہ شیخ حسینہ کی بھانجی پر الزام ہے کہ وہ اور ان کا خاندان بنگلہ دیش کی حکومت کی طرف سے تحفے میں دی گئی لندن کی جائیدادوں سے فائدہ اٹھا رہے ہیں۔ بنگلہ دیش کی عبوری حکومت کے سربراہ محمد یونس نے دعویٰ کیا ہے کہ ٹیولپ صدیق لندن میں ان جائیدادوں میں رہ رہی ہیں، جو مبینہ طور پر کرپشن سے حاصل کی گئی ہیں ,محمد یونس نے ان جائیدادوں کی دھوکہ دہی اور غبن کے حوالے سے تحقیقات کا مطالبہ کیا ہے۔

سابق اسپنر عبدالرحمان قومی ٹیم کے اسپن بولنگ کوچ مقرر

سندھ حکومت کا تھر جیب ریلی، تھر اسپورٹس فیسٹول منعقد کرانے کا فیصلہ

عالمی بینک کا پاکستان کو 20 ارب ڈالرز دینے کا وعدہ

بیرون ملک میڈیکل کالجوں میں داخلے کیلئے ایم ڈی کیٹ لازمی قرار