Tag: انسداد منشیات

پاکستان نیوی کے بحری جہاز معاون نے شمالی بحیرہ عرب میں انسداد منشیات کے آپریشن کے دوران منشیات کا بڑا ذخیرہ قبضے میں لے لیا۔

ترجمان پاک بحریہ کے مطابق برآمد شدہ منشیات کی بین الاقوامی مارکیٹ میں مالیت تقریبا 1 ملین امریکی ڈالر ہے، یہ کھیپ سمندر کے راستے بین الاقوامی مقامات تک پہنچائی جا رہی تھی۔ترجمان کے مطابق آپریشن میں شریک نیول فضائی اثاثوں کی مدد سے پی این ایس معاون نے مشکوک کشتی پر کامیابی سے بورڈنگ آپریشنز کر کے منشیات قبضے میں لے لیں جو کشتی کے خفیہ خانوں میں چھپائی گئی تھیں۔پاک بحریہ کی سمندری ہمہ وقت نگرانی، پیشہ ورانہ مہارت اور سمندر میں امن و سلامتی کو یقینی بنانے کے لیے تمام غیر قانونی سرگرمیوں کو روکنے کے عزم کا مظہر ہے۔

سعودی عرب میں 6 ایرانیوں کے سر قلم

تنگوانی: چوروں کا دھاوا، صرافہ مارکیٹ سے لاکھوں کی چوری، پولیس کی غفلت پر ہڑتال

سندھ کے وزیر ایکسائز اینڈنارکو ٹکس شرجیل انعام میمن نے کہا ہے کہ معاشرے سے منیشات کی لعنت کا خاتمہ صرف کسی تنہاحکومت یا وزیر کے لئے ممکن نہیں اس کام کے لئے ہر کسی کو تعاون کرنا ہوگا.

سندھ اسمبلی کے اجلاس کے دوران ایم کیو ایم کے رکن جمال احمد کے ایک توجہ دلاو نوٹس کا جواب دیتے ہوئے کہی جس میں فاضل رکن معاشرے میں منشیات کے بڑھتے ہوئے استعمال کی نشاندہی کی تھی۔صوبائی وزیر نے کہا کہ میں اپنے ساتھی رکن کی بات سے انکار نہیں کرتا ، واقعی یہ ایک اہم معاشرتی مسئلہ ہے تاہم حکومت سندھ اس لعنت کے خاتمے کے لئے دن و رات کام کررہی ہے۔ حکومت سندھ اس برائی کے خاتمے کے لئے ہرممکن اقدامات کررہی ہے امتناع منشیات کا قانون کسی اورصوبے نے منظور نہیں کیا، سندھ نے اس سلسلے میں پہل کی ہے۔ہم نے شکایتی مراکز قائم کیئے ہیں اور ان کے فون نمبر کی تشہیر بھی کی ہے۔انہوں نے کہا کہ میں اکیلا منشیات کا خاتمہ نہیں کر سکتا لیکن ہم سب مل کر منشیات کا خاتمہ کر سکتے ہیں۔انہوں نے کہا کہ اس وقت کرسٹل اور آئس بہت خطرناک شکل اختیار کر چکے ہیں۔ ہمیں ہر ضلع ہر تحصیل میں بحالی کے مراکزبنانے پڑیں گے۔سندھ میں اے این ایف اور سندھ حکومت نے مل کرسینٹر بنائے ہیں اس وقت سینٹرز میں صرف 400 مریض ہیں۔7 ہزار افراد ریہبلیٹشن سینٹرز کے ویٹنگ لسٹ پر ہیں۔ یہ بہت اہم مسئلہ ہے۔انہوں نے کہا کہ منشیات کی لعنت پورے ملک میں موجود ہے۔ ہم نے بہت بڑے منشیات فروش گرفتار کیئے ہیں۔ منشیات فروش اسلام آباد سے آپریٹ کرتے ہیں۔اب ہم اسلام آباد جاکر بھی ان کو گرفتار کر سکتے ہیں۔شرجیل میمن نے کہا کہ منشیات کی روک تھام کے لیے کام چل رہا ہے اورمحکمہ ایکسائز اینڈ نارکوٹکس نیک نیتی کے ساتھ کام کر رہا۔مختلف اضلاع سے حالیہ ماضی میں منشیات فراہم کرنے والوں کو گرفتار کیا گیا ہے۔انہوں نے ارکان سندھ اسمبلی سے کہا کہ جو بھی شکایت ہو ارکان اسمبلی بغیر کسی خوف کے بتائیں۔ایوان کی کارروائی کے دوران کئی دیگر توجہ دلا? نوٹس بھی زیر بحث آئے۔ ایم کیو ایم کی خاتون رکن قرة العین نے کہا کہ ورکرز ماڈل اسکول کورنگی نمبر ڈیڑھ اور گورنگی تین نمبر پرائیمری سیکشن اسکول کی حالت اتنہائی خراب حالت ہے۔
وزیر محنت بتا سکتے ہیں کہ لیبر کے اسکول کی حالت کب بہتر ہوگی وزیر محنت شاھد تھیم نے کہا کہ اسکول کی عمارت کو بنانے کیلئے پی سی ون ہوگیا ہے اوراسکول کی بحالی کیلئے 127.43 ملین کی منظور لینی ہے۔منظوری ملنے کے بعد اسکول کی بلڈنگ کو بہتر طریقے بنایا جائے گا۔رکن سندھ اسمبلی فرح سہیل نے اپنے توجہ دلا? نوٹس میں کہا کہ گوٹھ فقیر محمد لغاری تعلقہ جوہی کا اسکول ایک خیمے میں چل رہا ہے۔اس اسکول کی عمارت تعمیر کی جائے۔ وزیر تعلیم سردار شاہ نے کہا کہ سندھ میںہمارے پاس 5 ہزار سے زائد اسکول شیلٹر لیس ہیں۔ یہ اسکول بھی شیلٹر لیس اسکول ہے۔ دیہاتیوں نے خود یہ اسکول بنایا تھا۔ اس اسکول میں54 بچے ہیں دو اساتذہ ہیں۔ انہوں نے کہا کہ ہمارے پاس 20 ہزار اسکول سیلاب میں تباہ ہوئے ہیں۔ ایوان کی کارروائی کے دوران کراچی کی ترقیاتی اتھارٹی کی صحت کی ذمے داریوں ،محکمہ بلدیات کے اکا?نٹس ،حکومت سندھ کے اکاؤنٹس اورسیکریٹری محکمہ بلدیات کے اکاؤنٹس کی آڈٹ رپورٹس ایوان میں پیش کردی گئیں،اسمبلی نے چاروں آڈٹ رپورٹس پبلک اکاؤنٹس کمیٹی کو ارسال کردیں۔

کراچی:ہسپتال کی دیوار گرنے سے ڈاکٹر، سابق پولیس افسر جاں بحق، متعدد زخمی

ساری رات ڈانس کروانا اور ہاتھ میں تسبیح پکڑ کر پھیرنا، کیا یہ اخلاقیات ہے؟عبدالقادر پٹیل

کراچی پولیس کی انسداد جرائم کے خلاف ہفتہ وار کاروائیوں کی رپورٹ

اینٹی نارکوٹکس فورس(اے این ایف)نے 13 کارروائیوں میں86.92 کلو سے زائدمنشیات برآمد کرلی ہے جبکہ 7 ملزمان کوبھی گرفتار کرلیاگیاہے۔

ترجمان اے این ایف کے مطابق یہ کارروائیاں کراچی، اسلام آباد، کوئٹہ، حب، راولپنڈی، سیالکوٹ، ملتان اور گوجرانوالہ میں کی گئیں ، کارروائیوں کے دوران 66 کلو چرس،18 کلو540گرام آئس برآمدکرلی گئی ۔ترجمان نے بتایاکہ کارروائیوں میں ایک کلو182گرام ویڈ،1 کلو ہیروئن،44 ہیروئن بھرے کیپسولز برآمد کیے گئے ہیں ، گرفتار ملزمان نے تعلیمی اداروں کے طلباء کوبھی منشیات فروخت کرنے کااعتراف کیا ہے ۔ترجمان کے مطابق گرفتار ملزمان کیخلاف انسداد منشیات ایکٹ کے تحت مقدمات درج کرلیے گئے ہیں۔

کراچی کی جیل سے قیدی فرار،غفلت برتنے پرسات پولیس اہلکارگرفتار

ماہرین صحت اور قانون نافذ کرنے والے اداروں کے ذمہ دار عہدیداروں نے انکشاف کیا ہے کہ ڈیڑھ کروڑپاکستانی نوجوان منشیات کی لت میں مبتلا ہیں۔

باغی ٹی وی کی رپورٹ کے مطابق مختلف سرکاری و غیرسرکاری حکام کے مطابق اس وقت 25مختلف اقسام کا غیرقانونی اور صحت کے لیے خطرناک نشہ، 80 سے زائد نشہ آور گولیاں، کیپسولز اورمائع حالت میں نشہ آور مشروب تقریبا ڈیڑھ کروڑ سے زائد پاکستانیوں کے زیراستعمال ہیں۔تحقیقات میں انکشاف ہوا ہے کہ تیس لاکھ طلباوطالبات نشے کی اس لت کا شکار ہیں، لگ بھگ تین ہزار سے زائد تعلیمی اداروں اور دوہزار سے زائد دفاترکا معائنہ کیا گیا ہے جس سے انکشاف ہواہے کہ نشہ کی لت کا شکار زیادہ ترنوجوان ہیں۔ اگرچہ منشیات کا باقاعدہ استعمال کرنے والوں کی اس کثیر تعداد کا مستند دستاویزی ثبوت موجود نہیں لیکن ایسے ماہرین بھی نہیں ملتے،جو منشیات استعمال کرنے والوں کی تعداد ڈیڑھ کروڑ سے کم ہونے کا دعوی کرتے ہوں۔
تحقیقات سے معلوم ہوتا ہے کہ چار سو سے زائد پولیس اور نارکوٹکس کنڑول کے اہلکاروں کو پچھلے پانچ سال میں نشہ کے کاروبار میں ملوث ہونے کی وجہ سے نوکریوں سے فارغ کردیاگیا ہے۔رپورٹ کے مطابق انسانی صحت کے لیے خطرناک ترین نشے کی زیادہ تر اقسام بڑے شہروں کے پوش علاقوں سے لے کر چھوٹے قصبوں، دیہات حتی کہ تعلیمی، سرکاری دفاتر، شمالی علاقہ جات اور کئی دوسرے تفریحی مقامات پر بھی آسانی سے دستیاب ہیں۔
قانون نافذ کرنے والے سرکاری اداروں نے کئی ایسے 370سے زائد منشیات فروش گینگ گرفتار کیے ہیں جو بین الاقوامی کوریئر کمپنیوں کے ذریعے ملک بھر میں آسانی کے ساتھ منشیات سپلائی کررہے تھے۔بہت سے منشیات فروش گینگزسوشل میڈیا پلیٹ فارم استعمال کررہے ہیں، بڑے شہروں میں مخصوص پارٹیاں اور فنکشنز ہر قسم کے نشہ کی فراوانی اور دستیابی کے ساتھ منعقد ساتھ منعقد کیے جاتے ہیں۔قانون نافذ کرنے واے اداروں کی رپورٹ اور بیانات سے پتہ چلتا ہے کہ پاکستان میں نوجوانوں اور خاص طور پر طالب علموں کی بہت بڑی تعداد اس مہلک نشے کی وبا اور علت کی لپیٹ میں آچکی ہے اور ایک تازہ ترین خفیہ رپورٹ کے مطابق ہر دسواں طالب علم نشے کا عادی ہے۔پرائیویٹ تعلیمی اداروں میں کئی منشیات فروش گینگز اِن اداروں میں سرگرم عمل ہیں۔ماہرین کے مطابق ڈرگز کاا ستعمال اب ایک فیشن بن چکا ہے اور اس کے بغیر گزارہ ممکن نہیں۔
ملک کے سب سے بڑے صوبے کی پولیس کے ایک سابق سربراہ نے نام نہ ظاہر کرنے کی شرط پر بتایا کہ جب پولیس کے ملازمین خود نشہ کریں گے، نشے کا کاروبار کریں گے تو وہ صوبے میں تیزی کے ساتھ بڑھتی ہوئی نشے کی لعنت کو کیوں روکیں گی ۔پنجاب پولیس کی طرف سے مرتب کی گی ایک رپورٹ میں یہ انکشاف سامنے آیا ہے کہ صوبے بھر میں 250 سے زائد پولیس ملازمین منشیات کے غیر قانونی کاروبار سے براہ راست منسلک ہیں۔
پنجاب پولیس کی سرویلنس برانچ کی اس رپورٹ کے مطابق چھوٹے رینک کے ملازمین سے لے کر اعلی عہدوں پر موجود پولیس افسران جن کی تعداد سینکڑوں میں ہے، صوبے میں چرس ہیروئن اور آئس کی تجارت اور نقل وحمل میں براہ راست ملوث ہیں۔منشیات کی اسمگلنگ میں ملوث کرداروں اور نیٹ ورکس کی صورت حال یہ ہے کہ اب کاروبارصرف مقامی لوگوں کے ہی پاس نہیں بلکہ اس میں بین الاقوامی گروہ بھی شامل ہو چکے ہیں۔
پنجاب پولیس نے گزشتہ ماہ چاکلیٹس اور ٹافیوں میں خطرنا ک ترین نشہ سپلائی کرنے والے ایک انٹرنیشنل گروہ جارڈن گینگ کو گرفتار کیا۔ منشیات سپلائی کرنے والا یہ گینگ ڈرگز سے بھری امپورٹڈ چاکلیٹس کوریئرسروس کے ذریعے فروخت کر رہا تھا۔دوسری طرف منشیات کے عادی افراد کے علاج کے لیے ریاستی سطح پر ایک مکمل سردمہری پائی جاتی ہے۔مختلف غیر سرکاری اداروں، انسداد منشیات کے سرکاری اداروں اور کئی تحقیقاتی اداروں کی طرف سے پیش کیے جانے والے اعدادوشمار کے مطابق اس وقت ملک میں نشے کے عادی افراد کی تعداد ڈیڑھ کروڑ کے قریب ہے اور اس میں تیزی کے ساتھ اضافہ ہورہا ہے۔
ملک میں منشیات کے استعمال کی اس غیر معمولی لہر اور منشیات اسمگلروں کی یلغار کے پیش نظر ایسے بحالی مراکز یعنی ری ہیب سنٹرز کی جتنی ضرورت ہے، اس کا عشر عشیر بھی ملک میں موجود نہیں۔اے این ایف اور وزارت صحت کے جاری کردہ اعدادوشمار کے مطابق ملک بھر میں سات ماڈل ٹریٹمنٹ، ری ہیب سینٹرز اور اینٹی کریشن سینٹرز قائم کیے گئے ہیں۔ یہ سینٹرز کراچی، سکھر، حیدرآباد، اسلام آباد اور کوئٹہ میں قائم کیے گئے ہیں جب کہ دوسری جانب منشیات کی عادت کی روک تھام کے لیے پنجاب کے 10ہسپتالوں میں ماڈل ڈرگ ابیوز سینٹرز قائم کیے گئے ہیں۔
سرکاری اعدادوشمار کے مطابق خیبر پختونخواہ میں صوبائی حکومت کی نگرانی میں ایک ری ہیب سینٹر کام کررہا ہے۔ اس قسم کے ری ہیب سینٹرز کا عملہ معلومات کی فراہمی میں میڈیا کے ساتھ تعاون نہیں کرتا اور ایسے سینٹرز جو کاروباری ادارے یا افرادچلاتے ہیں وہاں پر ہونے والے علاج کے بارے میں بہت سے سوالات اٹھائے جاتے ہیں۔