بھارت کی درخواست پر وزیردفاع خواجہ محمد آصف کا انسٹاگرام اکاؤنٹ بلاک کردیا گیا ۔
باغی ٹی وی کے مطابق وزیردفاع خواجہ آصف نے سوشل ایپ ایکس پر اپنا انسٹاگرام اکاؤنٹ بلاک ہونے کی اطلاع دی ۔ اس بارے خواجہ آصف نے مزید بتایا کہ میرا انسٹاگرام اکاؤنٹ انڈیا کی درخواست پر بلاک کردیا گیا ہے۔ انہوں نے مزید کہا کہ یہ ہمارے بیانیے کے سچ کی فتح ہے ۔ واضح رہے کہ اس سے قبل نجی ٹی وی کو انٹرویو دیتے ہوئے وزیر دفاع نے خبردار کیا کہ اگر بھارت نے وزیراعظم پاکستان کی جانب سے دی گئی آزادانہ تحقیقات کی پیشکش کو قبول نہ کیا تو بھارت دنیا کے سامنے بے نقاب ہو جائے گا.
وزیردفاع نے کہا کہ پاکستان نے عالمی برادری سے مطالبہ کیا ہے کہ حالیہ واقعات کی آزادانہ تحقیقات کرائی جائیں، دوست ممالک نے ہم سے رابطہ کیا ہے اور ہم نے سب سے کہا ہے کہ غیرجانبدار تحقیقات کے ذریعے معاملے کو پرکھا جائے۔ وزیراعظم نے بھارت کو پیشکش کی ہے کہ پہلگام واقعے کی شفاف تحقیقات کرائی جائیں، آنے والے دنوں میں یہ ڈرامہ بے نقاب ہو جائے گا۔خواجہ آصف نے بھارتی وزیراعظم نریندر مودی پر تنقید کرتے ہوئے کہا کہ مودی جب بھی کوئی کارروائی کرنا چاہتا ہے تو ڈرامے رچاتا ہے، جو لوگ اپنے ملک میں کمزور پوزیشن پر ہوتے ہیں، انہیں اپنی گرفت مضبوط رکھنے کے لیے اس طرح کی وارداتوں کا سہارا لینا پڑتا ہے۔
انہوں نے ماضی کی غلطیوں کا بھی اعتراف کرتے ہوئے کہا کہ نائن الیون اور افغان جنگ کے بعد پاکستان نے پراکسی کا کردار ادا کیا، جب تک ہم اپنی غلطیوں کو تسلیم نہیں کریں گے، ان کی درستگی ممکن نہیں۔ مودی نے جو جال بچھایا تھا خود اس میں پھنس گیا، اگر بھارت سچا ہے تو پہلگام واقعے کی بین الاقوامی برادری کو تحقیقات کرنے دے، ہم سندھ طاس معاہدے کی معطلی پر ورلڈ بینک سے رابطہ کریں گے،
کامونکی: بھارت کی دھمکیوں سے مرعوب نہیں ہوں گے: صحافی و تاجر رہنما
