کراچی : انصاف ہاؤس کے باہر سیکیورٹی پرتعینات اہلکاروں پر نامعلوم افراد نے حملہ کردیا۔
باغی ٹی وی : پولیس کے مطابق واقعہ ٹیپو سلطان تھانے کی حدود میں پیش آیا، حملہ آوروں کی تعداد 20 سے 25 تھی، جنہوں نے اہلکاروں کی وردیاں پھاڑ دیں اور ان سے اسلحہ چھیننے کی کوشش بھی کی ہے، حملہ آوروں نے پیٹرولنگ پر موجود موبائل پر پتھراؤ بھی کیا-
پولیس کے مطابق حملہ آور پاکستان تحریک انصاف زندہ آباد کے نعرے لگا رہے تھے اور پاکستان تحریک انصاف کے چیئرمین کی رہائی کا مطالبہ کررہے تھےپولیس کی مزید نفری کے آتے ہی حملہ آور پتھراؤ اور فائرنگ کرتے ہوئے فرار ہوگئے، جبکہ سرچنگ کے دوران ایک عدد 30 بور پسٹل اور 4 عدد راؤنڈ بھی برآمد ہوئے ہیں واقعہ کا مقدمہ بھی درج کیا جائے گا، جس کی تحقیقات کی جارہی ہیں۔