Tag: انویسٹی گیشن

ڈی آئی جی انویسٹی گیشن پریس کانفرنس منعقد جس میں ڈی آئی جی انویسٹی گیشن لاہور شارق جمال خان کی الیکٹرانک اور پرنٹ میڈیا نمائندوں سے گفتگو ہوئی۔
جس میں شارق جمال خان نے بتایا کہ قتل، اندھے قتل اور ڈکیتی سمیت سنگین وارداتوں میں ملوث ملزمان گرفتار کر لیے گئے۔گرفتارملزمان سے تقریباً2کروڑ روپے مالیت کا مالِ مسروقہ اورناجائز آتشیں اسلحہ برآمدہوا۔انویسٹی گیشن پولیس رائیونڈ سٹی نے باپ بیٹے کے قتل کی واردات میں ملوث 2ملزمان کو گرفتار کیا۔ ملزمان نے 2019میں بھیڑ بکریاں چھیننے کی واردات کے دوران شہری کالے خان کوفائرنگ کر کے قتل کر دیا تھا۔ گرفتارملزمان جاوید اور عبدالرشید نے مقتول کے مدعی بیٹے اعجاز احمدکو صلح نہ کرنے پرفائرنگ کر کے قتل کر دیا تھا۔انویسٹی گیشن پولیس بادامی باغ نے گردن مروڑ کر اپنی بیوی کوقتل کرنیوالے سفاک ملزم نور احمد کوگرفتار کر لیا۔ملزم نے اپنی 27سالہ بیوی کو معمولی جھگڑے پر گردن مروڑدی تھی۔مقتولہ جو کہ 3بچوں کی ماں بھی ہے ڈیڑھ ماہ جنرل ہسپتال میں زیر علاج رہنے کے بعد دم توڑ گئی تھی۔انویسٹی گیشن پولیس ٹبی سٹی نے شہری سلاوا کو فائرنگ کر کے قتل کر نے والے ملزم سفیان کو شاہدرہ سے گرفتار کیا ہے۔ملزم سفیان نے معمولی لڑائی جھگڑے کی رنجش پر اپنے ساتھیوں کے ہمراہ مقتول کو فائرنگ کا نشانہ بنایا تھا، انویسٹی گیشن پولیس نشتر کالونی نے 27سالہ رابعہ کے قتل کی واردات میں ملوث ملزم اعجاز کو گرفتار کیا۔مقتولہ رابعہ کے ملزم اعجاز سے تعلقات تھے اور دوران علاج رابعہ طبعیت خراب ہونے پرجانبحق ہو گئی تھی۔انویسٹی گیشن پولیس جینڈر سیل صدر ڈویژن نے اپنی بیٹی کو زیادتی کا نشانہ بنانے والے سوتیلے والد کو گرفتار کیا۔ملزم اعجاز احمد نے اپنی 15سالہ سوتیلی بیٹی کو گھر کے اندرزبر دستی زیادتی کا نشانہ بنایا تھا۔انویسٹی گیشن پولیس گجر پورہ نے خاتون کو قتل کرنے والے اس کی نند کے خاوند اشتہاری ملزم شبیر احمدکو گرفتار کیا۔ ملزم شبیر نے گھریلو لڑائی جھگڑے پر صبا بی بی کو گلا دبا کر قتل کیا اور موقع سے فرار ہو گیا تھا۔ انویسٹی گیشن پولیس نواب ٹاؤن نے 45سال کے رمضان کو قتل کرنے والے ملزم جاوید کو گرفتار کر لیا ہے۔ ملزم 10ہزار کے لین دین کے تنازع پر رقم کی ادائیگی سے بچنے کے لیے سوئے ہوئے مقتول رمضان کے سر میں پتھر مار کر قتل کر دیا تھا۔ انویسٹی گیشن پولیس نواب ٹاؤن نے شہری غفار کو قتل کرنیوالے سگے بھائی سمیت3ملزمان کو گرفتار کر لیا ہے۔ مقتول کے سگے بھائی یونس نے ماموں شکور اور ساتھی رفیق کے ہمراہ معمولی تلخ کلامی پرسر میں ڈنڈا مار کر قتل کیا تھا۔
انویسٹی گیشن پولیس گڑھی شاہونے تاجر مطیع اللہ خان کے ساتھ ڈکیتی کرنیوالے 4 ملزمان کو گرفتارکیا۔ ملزمان محمد خان، نبی خان، واجد خان اور رفیق خان سے ایک کروڑ57لاکھ روپے،2موٹر سائیکلیں اور ناجائز اسلحہ برآمد ہویے۔انویسٹی گیشن پولیس گلبرگ، سندراور ستوکتلہ نے ڈکیتی، چوری اور نوسر بازی کی وارداتوں میں ملوث ملزمان کو گرفتارکیا۔
گلبرگ پولیس نے شہری کوپلاٹ خریدنے کا جھانسہ دے کر 2گاڑیاں اور نقدی بٹورنے والے ملزم رانا شہباز علی کو گرفتار کیا،شارق جمال خان۔سندر پولیس نے ڈکیت و چور گینگ کے 7ملزمان کو گرفتار کر کے 7لاکھ نقدی،4 موٹر سائیکلیں اور12 موبائل فونز برآمد کیے۔ ستو کتلہ پولیس نے پیشہ ور قاسم عرف نکو ڈکیت گینگ کے3کزن ملزمان سے 7لاکھ روپے مالیت کے 20موبائل فونز، نقدی، 2موٹر سائیکلیں اور ناجائز اسلحہ برآمد کیا،
شہریوں کے جان و مال کی حفاظت پولیس کی اولین ترجیح ہے۔ جرائم پیشہ عناصر کے خلاف کارروائیاں جاری رہیں گی۔