Baaghi TV

Tag: انٹربینک

  • ملکی زرمبادلہ کے ذخائر کے نئے اعداد و شمار جاری

    ملکی زرمبادلہ کے ذخائر کے نئے اعداد و شمار جاری

    کراچی: اسٹیٹ بینک آف پاکستان نے ملکی زرمبادلہ کے ذخائر کے نئے اعداد و شمار جاری کر دئیے۔

    باغی ٹی وی: اسٹیٹ بینک کے مطابق ملکی زرمبادلہ کے ذخائر 29 مارچ کو ختم ہوئے ہفتے میں4.87 کروڑ ڈالرکم ہوئے اسٹیٹ بینک کی رپورٹ میں بتایا گیا ہےکہ ملکی زرمبادلہ کے ذخائر 29 مارچ تک 13 ارب 37 کروڑ 89 لاکھ ڈالر رہے، اسٹیٹ بینک کے ذخائر 1.85 کروڑ ڈالر اضافے سے 8.04 ارب ڈالر رہے جب کہ کمرشل بینکوں کے ذخائر 6.72 کروڑ ڈالر کم ہوکر 5.33 ارب ڈالر رہے۔

    دوسری جانب انٹربینک میں آج ڈالرکا بھاؤ ایک پیسا بڑھا ہے اور اوپن مارکیٹ میں 21 پیسےکم ہوا ہے ،اسٹیٹ بینک آف پاکستان کے مطابق انٹربینک تبادلہ میں آج کاروبار کے اختتام پر ڈالر کا بھاؤ ایک پیسا اضافے کے بعد 277 روپے 93 پیسے ہے، انٹربینک میں گزشتہ روز کاروبار کے اختتام پر ڈالرکا بھاؤ 277 روپے 92 پیسے تھا، ایکسچینج کمپنیز ایسوسی ایشن کے مطابق اوپن مارکیٹ میں ڈالر کا بھاؤ 21 پیسے کم ہوکر 279 روپے 77 پیسے ہے۔

  • سونے کی قیمت میں کمی

    سونے کی قیمت میں کمی

    اسلام آباد: کاروباری ہفتے کے آخری روز ملک میں سونے کی قیمت میں کمی ہوئی ہے۔

    باغی ٹی وی: سندھ صرافہ بازار ایسوسی ایشن کے مطابق سونے کی قیمت ایک ہزار روپے کمی سے دو لاکھ 34 ہزار 500 روپے ہو گئی ہے جبکہ دس گرام سونے کا بھاﺅ 857 روپے کم ہو کر 2 لاکھ 10 ہزار 46 روپے ہو گیا ہے عالمی بازار میں سونے کا بھاﺅ پانچ ڈالر کم ہو کر 1914 ڈالر فی اونس ہے-

    دوسری جانب ڈالر کے انٹربینک ریٹ 301 اور اوپن ریٹ 314 روپے کی بلند ترین سطح پر آگئے،ہفتہ وار کاروبار میں ڈالر، پاؤنڈ، یورو، درہم اور ریال کی قدر میں اضافہ ہوا جب کہ ڈالر کے انٹربینک اور اوپن ریٹ میں فرق بڑھ کر 13 روپے ہوگیا ہفتہ وار کاروبار کے دوران انٹربینک مارکیٹ میں ڈالرکی قدر 5.23 روپے بڑھ کر 301 روپےکی سطح پربند ہوئی جبکہ اوپن کرنسی مارکیٹ میں ڈالر کی قدر 12 روپے بڑھ کر 314 روپے ہوگئی۔

    ڈالر 300 روپے کی سطح عبور کرگیا

    اسی طرح برطانوی پاؤنڈ کے انٹربینک ریٹ 2.82 روپے بڑھ کر 378.87 روپے ہوگئےجبکہ اوپن مارکیٹ میں برطانوی پاؤنڈ کی قدر 13 روپے بڑھ کر 398 روپے رہی،انٹربینک میں یورو کرنسی کی قدر 3.21 روپے بڑھ کر 324.81 روپے ہوگئی جبکہ اوپن مارکیٹ میں یورو کی قدر 11 روپے بڑھ کر 339 روپے ہوگئی انٹربینک میں ریال کی قدر 1.37 روپے بڑھ کر 80.23 روپے پر بند ہوئی جبکہ اوپن مارکیٹ میں ریال 3.50 روپے بڑھ کر 84 روپے پر بند ہوئی انٹربینک میں درہم کی قدر 1.42 روپے بڑھ کر 81.94 روپے ہوگئی جبکہ اوپن مارکیٹ میں درہم کی قدر 3.50 روپے بڑھ کر 87روپے ہوگئی۔

    ڈالر کی ایک بار پھر اونچی اڑان

  • انٹربینک میں ڈالر 207 روپے 90 پیسے کا ہوگیا،اسٹاک مارکیٹ کریش کرگئی

    انٹربینک میں ڈالر 207 روپے 90 پیسے کا ہوگیا،اسٹاک مارکیٹ کریش کرگئی

    انٹر بینک مارکیٹ میں ڈالر 67 پیسے مہنگا ہو کر 207 روپے 90 پیسے کا ہوگیا۔جبکہ وزیراعظم کی جانب سے صنعتوں پر سپر ٹیکس عائد کرنے کے بعد اچانک اسٹاک مارکیٹ کریش کرگئی، 100 انڈیکس میں یک دم 2063 پوائنٹس کی کمی واقع ہوئی ہے۔

    باغی ٹی وی کے مطابق وزیراعظم شہباز شریف کی جانب سے صنعتوں پر سپر ٹیکس عائد کیا گیا ہے جس کے سبب سرمایہ کاروں میں بے چینی کی لہر دوڑ گئی اور انہوں نے سرمایہ نکال لیا جس کے سبب پاکستان اسٹاک مارکیٹ اچانک کریش کرگئی۔سرمایہ نکلنے سے پاکستان اسٹاک مارکیٹ کا 100 انڈیکس اچانک 2063 پوائنٹس کم ہوکر 40663 کی سطح پر آگیا جس کے سبب سریہ کاروں کے اربوں روپے ڈوب گئے۔

    قبل ازیں وزیرِاعظم شہباز شریف کی زیر صدارت اسلام آباد میں معاشی ٹیم کا اجلاس ہوا جس کے بعد گفتگو کرتے ہوئے انہوں نے کہا کہ بجٹ سے متعلق ہم نے اہم فیصلے کیے جن کا بنیادی مقصد عوام کو مشکل سے نکالنا ہے، معیشت دیوالیہ ہونےجارہی تھی جس سےملک اب نکل آئےگا، بجٹ میں کیے گئے اعلانات کے مطابق آئی ایم ایف شرائط منظور ہوچکیں، یقین ہے مشکل وقت سے نکل آئیں گے۔

    شہباز شریف نے کہا کہ مہنگائی پر قابو پانے کیلئے جان لڑادوں گا لیکن سبز باغ نہیں دکھاؤں گا، صاحب ثروت افراد غریبوں کی مدد کریں، غریب نے قربانی دی اب ایثار کرنے کی صاحب حیثیت کی باری ہے، ہم دن رات محنت کریں گے اور ہچکولے لیتی کشتی کو پار لگائیں گے۔

    وزیراعظم کا کہنا تھا کہ بڑی صنعتوں پر 10 فیصد سپر ٹیکس (تخفیف غربت ٹیکس) لگارہے ہیں، ان صنعتوں میں سیمنٹ، چینی، تیل و گیس، کھاد، ایل این جی ٹرمینل، ٹیکسٹائل، بینکنگ، آٹوموبائل، سگریٹ، اسٹیل، کیمیکل، بیوریجز شامل ہیں۔

    واضح رہے کہ گزشتہ روز چین سے معاہدے کے اثرات کے سبب ایکسپورٹرز نے 22 کروڑ ڈالرز فروخت کردیئے اور ڈالر کی قدر ریکارڈ 4.70روپے کم ہوئی۔ اوپن مارکیٹ میں قیمت خرید 207 اور قیمت فروخت 208 روپے رہی۔

  • ڈالر تاریخ کی بلند ترین سطح پر،اوپن مارکیٹ میں ڈالر205 روپے کا ہو گیا

    ڈالر تاریخ کی بلند ترین سطح پر،اوپن مارکیٹ میں ڈالر205 روپے کا ہو گیا

    انٹربینک مارکیٹ میں ڈالر کی قدر میں اضافے کا سلسلہ جاری ہے، ڈالر کی قدر میں مزید 2 روپے 44 پیسے کا اضافہ ہو گیا۔

    باغی ٹی وی : فاریکس ڈیلرز کے مطابق انٹربینک میں ڈالر 202 روپے کی سطح سے تجاوز کرگیا، ڈالر 200.06 سے بڑھ کر 202.50 روپے کا ہوگیا ہے، جبکہ اوپن مارکیٹ میں ڈالر 205 سے زائد کا ہو گیا ہے۔

    ملک میں بجلی کا شارٹ فال 6 ہزار سے تجاوز

    پیر کے روز بھی کاروبار کے دوران ڈالر کی قدر میں اضافہ دیکھنے میں آیا اور کاروبار کے اختتام پر ڈالر 200 روپے 6 پیسے پر بند ہوا۔

    منگل کے روز کاروبارکے آغاز پر انٹربینک میں ڈالر کی قدر میں اضافہ دیکھنے میں آیا اور کاروبار کے دوران ڈالر 202 روپے 75 پیسے کا ہوگیا اوپن مارکیٹ میں ڈالر 3 روپے مہنگا ہوکر 205 روپے کا ہوگیا ہے۔

    بنوں سے گیس کے ذخائر دریافت بارے وزیر اعظم کا بڑا حکم

  • گزشتہ ہفتےانٹربینک میں ڈالر،سعودی ریال ،یورو اور پاؤنڈزکی اڑان جاری رہی

    گزشتہ ہفتےانٹربینک میں ڈالر،سعودی ریال ،یورو اور پاؤنڈزکی اڑان جاری رہی

    گزشتہ ہفتے انٹربینک میں ڈالر، پاؤنڈ، یورو اور سعودی ریال کی اڑان جاری رہی-

    باغی ٹی وی : ہفتہ وار کاروبار کے دوران انٹربینک مارکیٹ میں د ڈالر کی قدر 1.16 روپے بڑھ کر 175.86 روپے ہوگئی جبکہ اوپن مارکیٹ میں ڈالر کی قدر اتارچڑھاؤ کے بعد بغیر کسی تبدیلی کے 178.50 روپے پر مستحکم رہی۔

    سٹیزن پورٹل کی کارروائی:52سال بعد زمین حقدار کو مل گئی:وزیراعظم کے حق میں دعائیں‌

    انٹربینک میں یورو کرنسی کی قدر 89 پیسے بڑھ کر 200 روپے ہوگئی جبکہ اوپن مارکیٹ میں یورو کی قدر 1 روپے گھٹ کر 201 روپے ہوگئی برطانوی پاؤنڈ کے انٹربینک ریٹ 2.70 روپے بڑھ کر 239.65 روپے ہوگئے جبکہ اوپن مارکیٹ میں برطانوی پاؤنڈ کی قدر 1 روپے بڑھ کر 241 روپے ہوگئی۔

    اسی طرح انٹربینک میں سعودی ریال کی قدر 30 پیسے بڑھ کر 46.87 روپے ہوگئی جبکہ اوپن مارکیٹ میں سعودی ریال کی قدر 5 پیسے بڑھ کر 47.05 رو پے ہوگئی۔

    کروڈ آئل، کوئلے اور دیگر کموڈٹیز کی عالمی قیمت بڑھنے سے ڈالر کی قدر بڑھی، خام تیل کی غیر مستحکم قیمتیں زرمبادلہ مارکیٹس پر اثرانداز رہیں۔ درآمدی بل اور کرنٹ اکاؤنٹ خسارے میں اضافے سے ڈالر کی ڈیمانڈ بڑھی۔

    بلوچستان میں کھیل کے میدان آباد،نوجوان ملکی سطح پر اپنے علاقوں کی نمائندگی کرنے کیلئے پرعزم

    دوسری جانب اسٹیٹ بینک نے بھی رپورٹ جاری کی ہے جس کے مطابق رواں مالی سال کے ابتدائی 7 ماہ کے دوران براہ راست غیرملکی سرمایہ کاری ( ایف ڈی آئی ) 1.17 ارب ڈالر رہی اسٹیٹ بینک آف پاکستان کے جاری کردہ اعدادوشمار کے مطابق گذشتہ مالی سال میں غیرملکی سرمایہ کاری کا حجم 1.05 ارب ڈالر رہا تھا۔ یوں بیرونی سرمایہ کاری 11.3 فیصد زائد رہی۔ جولائی تا جنوری پاکستان میں سب سے زیادہ بیرونی سرمایہ کاری امریکا اور چین سے کی گئی۔ زیادہ سرمایہ بجلی، بینکاری، کمیونی کیشن اور تیل و گیس کی تلاش کے شعبوں میں لگایا گیا۔

    ڈسٹرکٹ جیل جہلم میں منشیات اسمگل کرنے کی کوشش ناکام بنا دی گئی

    ماہر معشیت ثنا توفیق کا کہنا تھا کہ چین پاکستان میں سرمایہ لگانے والا سب سے بڑا ملک ہے، جب کہ سی پیک کے منصوبے پر کام کا دوسرا مرحلہ شروع ہوچکا ہے۔ زیادہ تر چینی سرمایہ کار بجلی کے منصوبوں میں سرمایہ لگارہے ہیں۔ چین کے بعد امریکا سے سب سے زیادہ سرمایہ کاری کی گئی ہے۔

    امریکی کمپنیاں مالیات، بجلی، فارماسیوٹیکل، فوڈز، بیورییج اور دیگر شعبوں میں سرمایہ کاری کررہی ہیں اگر غیرملکی سرمایہ کاری کی یہ شرح برقرار رہتی ہے تو پھر رواں مالی سال میں ایف ڈی آئی کا حجم 2 ارب ڈالر تک پہنچ سکتا ہے۔ ان کا کہنا تھا کہ پاکستان میں اس سے کہیں زیادہ بیرونی سرمایہ کاری کی گنجائش موجود ہے۔

    بجلی کی قیمتوں میں اضافے کا امکان