Tag: انٹرنیشنل

ترکیہ کی سرکاری شماریات اتھارٹی کے جاری کردہ اعداد وشمار میں بتایا گیا ہے کہ ملک میں ایک سال کے اندر جنسی زیادتی کے 601,754 واقعات ریکارڈ کیے گئے، جن میں 206,853 زیادتی کے واقعات بچوں کے شامل رونما ہوئے۔ اس کی وجہ کیا ہے؟ کیا ملک میں بچوں کے ساتھ جنسی زیادتی ایک مسئلہ بن گیا ہے؟ جبکہ ایف آئی ایس اے سینٹر فار چائلڈ رائٹس میں کام کرنے والے ایک ترک کارکن نے بچوں کے جنسی استحصال کے لرزہ خیز انکشافات کی تردید کی، لیکن ساتھ ہی اس بات کی بھی نشاندہی کی کہ بچوں کا جنسی استحصال ترکیہ میں ایک بڑا اور وسیع مسئلہ ہے اور بچوں پر دور رس اثرات چھوڑ دیتا ہے۔

سنٹر فار چائلڈ رائٹس سے تعلق رکھنے والے ایزگی کومان نے العربیہ ڈاٹ نیٹ کو بتایا کہ "ترک شماریاتی ادارے نے حال ہی میں کچھ اعداد وشمار جاری کیے ہیں اور ان اعداد وشمار کے مطابق ایسا معلوم ہوتا ہے کہ ایسے بچوں کی تعداد میں اضافہ ہوا ہے جنہوں نے حکام کو جنسی زیادتی کے واقعات رپورٹ کیے تھے۔ یہ براہ راست ہمیں یہ نہیں بتاتا کہ واقعات میں اضافہ ہوا ہے۔ ہاں ان کی تعداد میں اضافہ ہو سکتا ہے، لیکن یہ بھی ممکن ہے کہ عدالتی حکام کو درخواست دینے والوں کی تعداد میں ہی اضافہ ہوا ہو۔ اس لیے ہم یہ نہیں کہہ سکتے کہ "ترکیہ میں بچوں سے جنسی زیادتی بڑھ رہی ہے۔”

انہوں نے مزید کہا کہ ترکیہ میں جیسا کہ اقوام متحدہ کی بچوں کے حقوق کی کمیٹی نے مسلسل زور دیا ہے کیونکہ بچوں کے حوالے سے حقوق پر مبنی ڈیٹا کا کوئی نظام موجود نہیں ہے۔ اس کا مطلب یہ ہے کہ ہم ان خلاف ورزیوں کے حوالے سے موجودہ صورتحال کو پوری طرح سے نہیں سمجھ سکتے۔ ترک کارکن نے اپنی بات جاری رکھتے ہوئے کہا کہ بچوں کے خلاف جنسی زیادتی کے پھیلاؤ کی بہت سی وجوہات ہیں۔ پہلی وجہ یقیناً بچوں کو دیکھنے کا انداز ہے۔ بچوں کو بہت بے بس اور بڑوں سے تحفظ کی ضرورت کے طور پر دیکھا جاتا ہے۔ انہیں تشدد کا زیادہ خطرہ رہتا ہے۔

دنیا بھر میں ہر جگہ 12 مہینوں کے حساب سے نظام چلتا ہے اور اسی طرح چلتا آرہا ہے لیکن اسی دنیا میں ایک ملک ایسا بھی جہاں 13 مہینوں کے حساب سے پورا سال چلتا ہے۔

باغی ٹی وی: مشرقی افریقہ کے ایک ملک کے کیلنڈر کے حساب سے سال میں 13 مہینے ہوتے ہیں اس وقت دنیا میں سال 2023 ہے مگر وہ دنیا کا ایسا ملک ہے جہاں آپ "ٹائم ٹریول” کرکے پیچھے کی جانب چھلانگ لگا سکتے ہیں اس شہر کا نام ایتھوپیا ہے جس کو حبشہ بھی کہا جاتا ہے جہاں اس وقت 2015 چل رہا ہے ایتھوپیا کے لوگ باقی دنیا سے7 سال پیچھے ہیں-

ایتھوپیا میں 12 گھنٹوں کے وقت کا نظام رائج ہے، اس کیلنڈر کا دن 6 بجے سے شروع ہوتا ہے جبکہ آدھی رات بھی 6 بجے ہی ہوتی ہے، لہذا اگر کوئی آپ سے ایک کپ کافی کے لئے صبح 10 بجے ملنے کا کہے تو وہ بین الاقوامی وقت کے مطابق دوپہر2 بجے آئے گا۔

یہاں کیلنڈر مختلف ہونے کی وجہ یہ ہے کہ جب 500 عیسوی میں کیتھولک چرچ نے کیلنڈر میں تبدیلیاں کیں تو ایتھوپیا کے آرتھو ڈوکس چرچ نے اسے ماننے سے انکار کر دیا۔

حضرت عیسیٰ علیہ السّلام کی پیدائش کا سال عیسوی کیلنڈر کے آغاز کا سال تصور کیا جاتا ہے اور اسی میں کیتھولک چرچ نے تبدیلی کی تھی ایتھوپیا میں نیا سال کا آغاز بھی یکم جنوری کی بجائے 11 ستمبر کو ہوتا ہے، البتہ لیپ ائیر میں 12 ستمبر سے نیا سال شروع ہوتا ہے۔

ایتھوپیا میں ہر مہینے کے دن بھی برابر ہیں یہاں 12 مہینے 30 کے ہوتے ہیں جبکہ 13 واں مہینہ (جو سال کا آخری مہینہ ہوتا ہے) 5 یا 6 دن کا ہوتا ہےجس کا انحصار لیپ ایئر پر ہوتا ہے یہاں وقت کا حساب بھی مختلف ہے اور دنیا کے دیگر ممالک کے معیاری وقت کے مطابق اگر دوپہر 12 بجے شروع ہوتی ہے تو ایتھوپیا میں ایسا 6 بجے ہوتا ہے اسی طرح نئے دن کا آغاز رات 12 بجے کی بجائے 6 بجے ہوتا ہے یہاں 21 ویں صدی کا آغاز بھی باقی دنیا کے 7 سال بعد یعنی 11 ستمبر 2007 میں ہوا تھا۔

افریقی ملک کے بچوں کو نظموں اور ترانوں کی صورت مہینوں میں دنوں کی تعداد یاد کرائی جاتی ہے، اس کیلنڈر کے تحت وقت کو بھی ایک مختلف انداز سے شمارکیا جاتا ہے۔دنیا کے تمام ممالک میں یکم جنوری کو نیا سال شروع ہوتا ہے لیکن ایتھوپیا کے شہری 11 ستمبر کو نئے سال کا جشن مناتے ہیں، ایتھوپیا کے شہری پوری دنیا کے برعکس اپنے کیلنڈر کے حساب سے چلتے ہیں اور تہوار بھی اسی حساب سے مناتے ہیں۔

لندن:اکثریت قائم کرنے کیلیے اسرائیل یہودی فلسطینیوں کو نسلی امتیاز کا نشانہ بنارہا ہے:اطلاعات کے مطابق ایمنسٹی انٹرنیشنل نے اپنی ایک رپورٹ میں مطالبہ کیا ہے کہ فلسطینیوں کو نسلی امتیاز کا نشانہ بنانے پر اسرائیل کو جوابدہ ہونا چاہیئے۔

عالمی خبر رساں ادارے کے مطابق ایمنسٹی انٹرنیشنل نے فلسطین کی صورت حال پر ایک 35 صفحات پر مشتمل رپورٹ شائع کی ہے جس میں اسرائیل کے وحشیانہ جبر اور غیر قانونی تسلط کا پردہ چاک کیا گیا ہے۔

ایمنسٹی انٹرنیشنل نے اپنی رپورٹ میں کہا کہ 1948 میں اپنے قیام کے بعد سے اسرائیل “یہودی آبادی کی اکثریت” کو قائم کرنے کی پالیسی پر عمل پیرا ہے اور یہودیوں کو فائدہ پہنچانے کے لیے غیر قانونی بستیوں سمیت زمین اور وسائل پر مکمل کنٹرول بھی استعمال کرتا ہے۔
رپورٹ میں کہا گیا ہے کہ اسرائیلی فوج فلسطین میں انسانی حقوق کی سنگین خلاف ورزیوں میں ملوث پائی گئی ہے۔ فلسطینیوں کے ساتھ مظالم خلاف ایک کمتر نسلی گروہ کے طور پر سلوک کیا جاتا ہے۔

ایمنسٹی انٹرنیشنل کی رپورٹ میں یہ بھی بتایا گیا ہے کہ کس طرح اسرائیل حکام نے فلسطینیوں کے خلاف جبر اور تسلط کا نظام نافذ کر رکھا ہے۔ ان کی اراضی اور املاک پر وسیع پیمانے پر قبضہ کیا جاتا ہے۔

رپورٹ میں کہا گیا ہے کہ فلسطینیوں کی ان کے گھر سے غیر قانونی اور جبری بیدخلی، نقل و حرکت پر سخت پابندی، انتظامی حراست اور ماورائے عدالت قتل کے درجنوں واقعات رونما ہوئے ہیں۔

ایمنسٹی انٹرنیشنل نے اپنی رپورٹ میں نسل پرستی کا حوالہ دیتے ہوئے انکشاف کیا کہ اسرائیلی حکام فلسطینیوں کی قومیت اور شہریت کو مسترد کرکے غیر ملکی تارکین کی طرح کا سلوک کرتے ہیں۔

ایمنسٹی انٹرنیشنل نے کہا کہ اسرائیل کے فلسطینیوں کے یہ خلاف یہ مظالم نسل پرستی اور نسلی امتیازی سلوک کی تعریف پر پورا اترتے ہیں جو انسانیت کے خلاف جرم ہیں۔