Tag: انٹرنیشنل اٹامک انرجی ایجنسی

انٹرنیشنل اٹامک انرجی ایجنسی (آئی اے ای اے) کے ڈائریکٹر جنرل رافیل ماریانو گروسی نے کہا ہے کہ پاکستان کا نیوکلیئر پاور پروگرام اچھی رفتار سے آگے بڑھ رہا ہے اور پُرامن مقاصد کے لیے جوہری سائنس و ٹیکنالوجی کے استعمال میں پاکستان ایک اہم شراکت دار ہے۔

آئی اے ای اے کی 69 ویں جنرل کانفرنس کے موقع پر ڈی جی رافیل گروسی اور چیئرمین پاکستان اٹامک انرجی کمیشن (پی اے ای سی) کے درمیان ملاقات ہوئی۔ اعلامیے کے مطابق ملاقات میں مختلف پروگراموں کے تحت دو طرفہ تعاون کے شعبوں کا جائزہ لیا گیا۔چیئرمین پی اے ای سی نے پُرامن جوہری ٹیکنالوجی کے استعمال کے لیے پاکستان کے عزم کو دہراتے ہوئے کہا کہ پاکستان کا جوہری پروگرام قومی ترقیاتی ترجیحات اور آئی اے ای اے کے فریم ورک کے عین مطابق ہے۔ ان کا کہنا تھا کہ پاکستان کے جوہری پاور پلانٹس اعلیٰ ترین حفاظتی معیارات کے تحت چلائے جا رہے ہیں۔

ڈی جی آئی اے ای اے نے پاکستان کے قریبی تعاون کو سراہتے ہوئے کہا کہ چشمہ نیوکلیئر پاور پلانٹ سی 5، پاکستان کے توانائی کے تحفظ کے لیے ایک اہم سنگِ میل ثابت ہوگا۔

امریکا میں بالغ افراد کو کورونا ویکسین لگانے کی سفارش واپس

ایشیا کپ سپر فور،سنسنی خیز مقابلے میں سری لنکا کو 4 وکٹ سے شکست

فرانسیسی صدر اور سعودی ولی عہد کا دو ریاستی حل پر ٹیلیفونک رابطہ

جیکب آباد میں جعفر ایکسپریس کو سیکیورٹی خدشات کے باعث روک دیا گیا

ایران نے اقوام متحدہ کے جوہری نگران ادارے، انٹرنیشنل اٹامک انرجی ایجنسی (آئی اے ای اے)، کی ایک تکنیکی ٹیم کو آئندہ چند ہفتوں میں دورہ ایران کی اجازت دے دی ہے تاکہ دونوں جانب تعلقات اور بات چیت کے طریقہ کار پر گفتگو کی جا سکے۔

یہ اعلان ایرانی نائب وزیر خارجہ کاظم غریب آبادی نے اقوام متحدہ کی جنرل اسمبلی کے اجلاس کے موقع پر نیویارک میں میڈیا سے گفتگو میں کیا۔ انہوں نے واضح کیا کہ یہ ٹیم جوہری تنصیبات کے معائنے کے لیے نہیں بلکہ بات چیت کے لیے آئے گی۔آئی اے ای اے نے اس بیان پر کوئی فوری ردعمل نہیں دیا، تاہم اس نے کہا کہ اس کے سربراہ رافیل گروسی ایران کے جوہری معاملے میں شامل تمام فریقین سے مسلسل رابطے میں ہیں۔

بین الاقوامی ایٹمی توانائی ایجنسی نے اس بات پر زور دیا ہے کہ اسرائیل اور امریکہ کی جانب سے حالیہ مہینوں میں ایران کے جوہری پروگرام کو نشانہ بنانے والے فضائی حملوں کے بعد ایران میں معائنہ کا عمل دوبارہ شروع کرنا انتہائی ضروری ہے تاکہ تہران کو جوہری ہتھیار بنانے سے روکا جا سکے۔ایران بارہا اپنے جوہری پروگرام کو صرف پرامن اور سول مقاصد کے لیے استعمال کرنے کی تردید کرتا رہا ہے اور کہتا ہے کہ اس کا کوئی ارادہ جوہری ہتھیار بنانے کا نہیں۔

یہ حالیہ پیش رفت عالمی سطح پر ایران کے جوہری پروگرام کے حوالے سے جاری کشیدگی میں نرمی کی کوششوں کے تناظر میں دیکھی جا رہی ہے۔

ایرانی صدر کا پاکستان کا متوقع دورہ، تیاریاں حتمی مراحل میں

اٹلی: چھوٹا طیارہ ہائی وے پر گر کر تباہ، خاتون سمیت 2 افراد ہلاک

استنبول میں روس یوکرین مذاکرات شروع، جنگ بندی کی امید