Baaghi TV

Tag: انٹرنیٹ سروس

  • ملک میں انٹرنیٹ ایک بار پھر سست روی کا شکار

    ملک میں انٹرنیٹ ایک بار پھر سست روی کا شکار

    پاکستان کو بین الاقوامی انٹرنیٹ ٹریفک کے لیے جوڑنے والی کیبل خراب ہو گئی ۔ پی ٹی اے نے الرٹ جاری کردیا۔

    ترجمان پی ٹی اے نے عوام کو خبردار کیا ہے کہ قطر کے قریب زیر سمندر کیبل میں خرابی کی وجہ سے ملک میں انٹرنیٹ سروس متاثر ہونے کا خدشہ ہے۔پی ٹی اے نے کہا ہے کہ قطر کے قریب زیر سمندر کیبل اے اے ای-1 میں خرابی کی اطلاع ملی ہے۔ یہ کیبل پاکستان کی بین الاقوامی انٹرنیٹ ٹریفک کے لیے استعمال ہونے والی سات کیبلز میں سے ایک ہے۔پی ٹی اے کے مطابق زیر سمندر کیبل میں خرابی کے باعث ملک بھر میں انٹرنیٹ اور براڈ بینڈ صارفین کی سروس متاثر ہوسکتی ہے،خرابی کو دور کرنے کے لیےمتعلقہ ٹیمیں کام کرہی ہیں۔ترجمان پی ٹی اے کے مطابق متعلقہ ٹیمیں خرابی دور کرنے کے لیے کوشاں ہیں۔پی ٹی اے صورتحال کی نگرانی کر رہا ہے اور ٹیلی کام صارفین کو وقتاً فوقتاً آگاہ کرتا رہے گا۔

    تیونس میں تارکین وطن کی کشتی الٹنے سے 27 افراد ہلاک

    ایف آئی نے انسانی اسمگلنگ میں ملوث منظم گینگ بے نقاب کر دیا

    نمائش چورنگی کے اطراف پولیس کی گاڑی، اہلکاروں پرمزید حملوں کا انکشاف

  • کوئٹہ میں تین دن انٹرنیٹ سروس بند کرنے کا فیصلہ

    کوئٹہ میں تین دن انٹرنیٹ سروس بند کرنے کا فیصلہ

    محکمہ داخلہ بلوچستان نے کوئٹہ میں تین دن انٹرنیٹ سروس بند کرنے کا فیصلہ کیا ہے۔

    باغی ٹی وی: حکومت بلوچستان کا یوم عاشور کے موقع پر 28 ،29 جولائی کو صوبے میں عام تعطیل کا اعلان کیا ہے، جب کہ صوبائی محکمہ داخلہ نے کوئٹہ میں 7 ویں، 9 ویں اور 10ویں محرم کو موبائل، انٹرنیٹ سروس بند کرنے کا فیصلہ کیا ہے۔

    محکمہ داخلہ بلوچستان نے موبائل سروس کی بندش کیلئے وفاقی وزارت داخلہ کو مراسلہ ارسال کیا ہے، جس میں کہا گیا ہے کہ محکمہ پولیس کی درخواست کی روشنی میں شہر میں موبائل انٹرنیٹ سروس کی فراہمی معطل کی جائے، اور مقررہ وقت کے دوران سروس کی معطلی کیلئے متعلقہ اداروں کو ہدایات جاری کی جائیں۔

    مراسلہ میں محکمہ داخلہ نے درخواست کی ہے کہ کوئٹہ میں 7 ویں اور 9 ویں محرم کو صبح 9 سے رات 8 بجے تک جب کہ یوم عاشور پر صبح 6 بجے سے رات 12 بجے تک سروس معطل رکھی جائے۔

    بہاولپورسےایک اور رہنما کا پی ٹی آئی سے الگ ہونے کا اعلان

    قبل ازیں پاکستان ٹیلی کمیونیکیشن اتھارٹی (پی ٹی اے) نے اعلان کیا ہے کہ کراچی کے کچھ علاقوں میں موبائل سروس 10 محرم (29 جولائی) تک جزوی طور پر معطل رہے گی ٹیلی کمیونیکیشن ریگولیٹر نے کہا کہ خدمات معطل کرنے کا فیصلہ وزارت داخلہ کی جانب سے جاری کردہ ہدایات پر کیا گیا ہے۔

    صارفین کا دعویٰ ہے کہ کچھ علاقوں میں مختلف اوقات میں موبائل سروس متاثر ہو رہی ہے جبکہ کچھ لوگوں کو مکمل بندش کا سامنا ہے۔ جن علاقوں میں موبائل سروس معطل یا متاثر ہوئی ان میں اسٹیل ٹاؤن، گلشن حدید، جعفر طیار سوسائٹی، ملیر 15، فیوچر کالونی، داؤد چورنگی، حاجی زکریا گوٹھ شامل ہیں۔ اس دوران شاہ لطیف ٹاؤن، بھٹائی آباد، میمن گوٹھ مین مارکیٹ اور بن قاسم ٹاؤن سمیت دیگر علاقوں میں سروس جزوی طور پر معطل ہے جبکہ وفاقی حکومت نے عاشورہ کے موقع پر 9 اور 10 محرم (28 اور 29 جولائی) کو عام تعطیل کا اعلان کیا ہے۔

    کھیتوں میں مزدوری کرنے والی نے کیمسٹری میں پی ایچ ڈی مکمل کرلی

    کیبنٹ ڈویژن کی طرف سے جاری کردہ نوٹیفکیشن میں کہا گیا ہے کہ عام معلومات کے لیے یہ ہے کہ وزیر اعظم 28 تا 29 جولائی 2023 (جمعہ اور ہفتہ) کو عاشورہ (9 اور 10 محرم 1445 ہجری) کے موقع پر عام تعطیل کا اعلان کرتے ہوئے خوش ہیں ملک میں یکم محرم یعنی نئے اسلامی سال 1445 ہجری کا آغاز آج شام (20 جولائی) کو منایا جائے گا، یعنی یوم عاشورہ 29 جولائی (ہفتہ) کو منایا جائے گا۔

    اس سے قبل، حکومت سندھ نے 9 اور 10 محرم کو ڈبل سواری پر پابندی عائد کی تھی علاوہ ازیں وفاقی حکومت نے محرم الحرام کے دوران سیکیورٹی کو یقینی بنانے کے لیے ملک بھر میں مسلح افواج کی تعیناتی کی منظوری دے دی۔

    پاکستان آئی ایم ایف کے معاہدے پر مکمل عملدرآمد کرے گا،وزیراعظم

  • کرپٹو کرنسی کی روک تھام: حکومت کا انٹرنیٹ پرسروس بند کرنےکا فیصلہ

    کرپٹو کرنسی کی روک تھام: حکومت کا انٹرنیٹ پرسروس بند کرنےکا فیصلہ

    حکومت پاکستان نے کرپٹوکرنسی کی روک تھام کے لیے انٹرنیٹ پر کرپٹوکرنسی سروس بند کرنےکا فیصلہ کیا ہے-

    باغی ٹی وی : تفصیلات کے مطابق سینیٹر سلیم مانڈوی والا کی زیر صدارت قائمہ سینٹ کی قائمہ کمیٹی خزانہ کا اجلاس منعقد ہوا، جس میں کرپٹو کرنسی کی روک تھام کے لیے انٹرنیٹ سے کرپٹو کرنسی سروس بند کرنے کا فیصلہ کیا گیا-

    ibaad-farooq

    پی ٹی آئی کا ٹکٹ واپس، کورکمانڈر ہاؤس پرحملہ لیڈر شپ نے کرایا، میاں عباد …

    سینیٹ کی قائمہ کمیٹی برائے خزانہ کے اجلاس میں حکام نے بتایا کہ اسٹیٹ بینک اور وزارت آئی ٹی نے کرپٹو کرنسی بندکرنے پرکام بھی شروع کردیا ہے کرپٹو کرنسی سے متعلق سافٹ ویئر کے استعمال پر پابندی ہوگی۔

    وزیر مملکت برائے خزانہ عائشہ غوث پاشا کا کہنا تھا کہ پاکستان میں کرپٹو کرنسی کو کبھی بھی لیگل نہیں کیا جائےگا فیٹف نے بھی شرائط لگائی ہیں،کرپٹوکرنسی کی اجازت نہیں دی جائےگی۔

    اسٹیٹ بینک حکام کا کہنا تھا کہ کرپٹو کرنسی مارکیٹ 2.8 ٹریلین ڈالر سے کم ہوکر 1.2 ٹریلین ڈالررہ گئی ہے،کرپٹو کرنسی ہائی رسک ہے جو صرف ہوائی کرنسی ہے، کرپٹو کرنسی میں فراڈ ہے، پاکستان میں کبھی اجازت نہیں دی جائےگی اکرپٹو ہے کیا اس کا کسی کو کچھ نہیں پتا، کرپٹو کرنسی میں پاکستانی انویسٹمنٹ پر ایف آئی اے اور ایف ایم یو کارروائی کر رہا ہے، کرپٹو کرنسی کی 16 ہزار سے زائد کرنسی بن چکی ہیں جن کو کوئی استعمال نہیں کرتا۔

    گوگل کا غیر متحرک اکاؤنٹس ڈیلیٹ کرنے کا فیصلہ

    اسٹیٹ بینک حکام نے کہا کہ 2018 میں بینکوں کو کہا گیا تھا کہ کوئی اس کرنسی میں لین دین نہ کرے، اس جیسی کرنسیوں کا نشانہ ہمارے جیسے ملک ہیں، اس کرنسی کو ریگولیٹ اور مانیٹر نہیں کیا جا سکتا، چین نے بھی انٹرنیٹ پر جا کر اس کرنسی کو بند کیا۔

    چیئرمین کمیٹی سلیم مانڈوی والا نے کہا کہ پاکستان کے اربوں ڈالر کرپٹو کرنسی میں انویسٹ ہوئے ہیں، میں کئی لوگوں کو جانتا ہوں جو کرپٹو کرنسی میں کاروبار کر رہے ہیں، ہمارے روکنے سے وہ نہیں رکیں گے-

    فاروق ایچ نائیک نے کہا کہ جو پاکستانی اس میں کام کر رہے ہیں ان کو سزا ہونی چاہیے، اس سے متعلق قانون سازی ہونی چاہیے اور کسی ادارے کی ذمہ داری لگائی جائے۔

    جیمز ویب ٹیلی اسکوپ نےسیارچے میں پانی دریافت کرلیا

  • مینار پاکستان اور ملحقہ علاقوں میں انٹر نیٹ سروس بند

    مینار پاکستان اور ملحقہ علاقوں میں انٹر نیٹ سروس بند

    لاہور میں زمان پارک سمیت مینار پاکستان اور ملحقہ علاقوں میں انٹر نیٹ سروس بند کردی گئی۔

    باغی ٹی وی: لاہور کے علاقے گڑھی شاہو، زمان پارک، ڈیوس روڈ، فلیمنگ روڈ کے علاقے میں انٹرنیٹ سروس متاثر ہے زمان پارک گوالمنڈی، لکشمی چوک، ریلوے اسٹیشن کے علاقے میں بھی انٹرنیٹ متاثر ہے۔

    اسی طرح بادامی باغ، سرکلر روڈ، مصری شاہ، لنڈا بازار، قلعی گجر سنگھ میں بھی انٹرنیٹ سروس متاثر ہے۔

    قبل ازیں نگراں وزیر اطلاعات پنجاب نے کہا تھا کہ تحریک طالبان کی ذیلی شاخ کے کمانڈر نے منصوبہ بندی کی ہے ان کا پہلا ہدف پولیس ہے، تھریٹ الرٹ ہے دہشتگرد جلسے پر تعینات پولیس اہلکاروں کو نشانہ بنا سکتے ہیں۔

  • ملک بھر میں انٹرنیٹ سروس بحال

    ملک بھر میں انٹرنیٹ سروس بحال

    ملک بھر میں انٹرنیٹ سروس بحال ہو گئی ۔

    باغی ٹی وی : ترجمان پی ٹی سی ایل کے مطابق، تکنیکی خرابی کے باعث معطل انٹرنیٹ سروس کو بحال کردیا گیارات بھر ملک کے شمالی اور وسطی علاقوں میں انٹرنیٹ سروس معطل رہی۔

    پاکستان میں انٹرنیٹ سروس متاثر ہونے کی اطلاعات

    ذرائع کے مطابق ملک میں انٹرنیٹ سروس ایک بار پھر متاثر ہونے سے صارفین کو مشکلات کا سامنا تھا اسلام آباد، راولپنڈی، لاہور، فیصل آباد سمیت اہم شہروں میں صارفین کو انٹرنیٹ سروس متاثر ہونے پر مشکلات کا سامنا رہا ذرائع کا کہنا تھا کہ پی ٹی سی ایل کی فائبر کیبل میں کئی جگہوں پر کٹ کے باعث انٹرنیٹ سروس متاثر ہوئی۔

    منی بجٹ آگیا،عوام پر مذید ٹیکسوں کا بوجھ

    پی ٹی سی ایل کے ترجمان کا کہنا تھا کہ مطابق شمالی اور سینٹرل ریجن میں پی ٹی سی ایل کی سروس متاثر ہے، ٹیمیں سروسز کو ترجیحی بنیادوں پر بحال کرنے میں مصروف ہیں تاہم اب انٹر نیٹ سروس بحال کر دی گئی ہے-

    واضح رہے کہ صارفین کو ایک ہفتے میں دوسری بار انٹرنیٹ میں خرابی کا سامنا کرنا پڑا ہے۔جمعہ 19 اگست کو بھی پی ٹی سی ایل کے ٹرانسمیشن سسٹم میں فنی خرابی پیدا ہوئی تھی سات گھنٹے انٹرنیٹ سروس معطل رہی تھی-

    پاکستان کیلئے 1.7 ارب ڈالر کے اجراء کی منظوری 29 اگست کو متوقع

  • ملک بھرمیں پی ٹی سی ایل کی انٹرنیٹ سروس بحال

    ملک بھرمیں پی ٹی سی ایل کی انٹرنیٹ سروس بحال

    پاکستان میں انٹرنیٹ سروس جلد گھنٹوں کے خلل کے بعد مکمل طور پر بحال ہوگئی۔

    باغی ٹی وی : سماجی رابطے کی ویب سائٹ ٹوئٹر پر پاکستان ٹیلی کمیونیکیشن اتھارٹی (پی ٹی اے) نے کہا ہے کہ پاکستان میں انٹرنیٹ کی بندش کا باعث بننےوالےڈیٹا نیٹ ورکس میں پیدا ہونے والی تکنیکی خرابی کو دور کر دیا گیا ہے پاکستان میں تمام انٹرنیٹ سروسز کو معمول کے مطابق بحال کر دیا گیا ہے۔


    واضح رہے کہ پاکستان بھر میں پی ٹی سی ایل اور دیگر تین کمپنیوں کی انٹرنیٹ سروس ڈاؤن ہونے کی شکایات سامنے آئیں تھیں اسلام آباد راولپنڈی سمیت ملک کے مختلف شہروں میں انٹرنیٹ سروس بند ، صارفین کو مشکلات کا سامنا تھا نجی اداروں، گھروں اوردفاتر میں پی ٹی سی ایل اورزونگ کی انٹرنیٹ سروس متاثرہوئی تھی-


    ترجمان پاکستان ٹیلی کمیونیکیشن اتھارٹی (پی ٹی اے) کا اس حوالے سے کہنا تھا کہ پی ٹی سی ایل ڈیٹا نیٹ ورکس میں مسائل کی اطلاع دی گئی ہے ڈیٹا نیٹ ورکس میں مسئلے کی وجہ سے انٹرنیٹ کنیکٹیویٹی کے مسائل پیدا ہو رہے ہیں۔


    ترجمان پی ٹی اے کا کہنا تھا کہ شمال اور جنوب کے ڈیٹا نیٹ ورک میں خرابی پیدا ہوئی ہے، اس معاملے کی تحقیقات کی جا رہی ہیں اور ساری صورتحال پر نظر رکھے ہوئے ہیں۔

    فائبر کیبل متاثر ہونے کے باعث بلوچستان کے کئی شہروں میں موبائل اور انٹرنیٹ سروس متاثر تھا ترجمان پی ٹی اے نے کہا تھا کہ کیچ ،پنجگور،گوادر میں پی ٹی سی ایل اور 3موبائل فون کمپنیوں کی سروس متاثر ہوئی ہے-

  • عالمی سب میرین میں خرابی،ملک بھر میں انٹرنیٹ سروس متاثر

    عالمی سب میرین میں خرابی،ملک بھر میں انٹرنیٹ سروس متاثر

    عالمی سب میرین میں خرابی کے باعث پا کستان میں انٹرنیٹ سروس متاثر ہو گئی۔

    باغی ٹی وی : تفصیلات کے مطابق عالمی سب میرین کیبل میں پاکستانی سمندری حدود سے 400 کلو میٹر کے فاصلے پر کیبل میں فالٹ پایا گیا ہے ترجمان پی ٹی اے کا کہنا ہے کہ پیر کی شام 6 بجے سے ٹرانس ورلڈ سب میرین کیبل سسٹم میں خرابی کی اطلاعات ہیں فالٹ کے باعث پاکستان میں انٹرنیٹ سروس متاثر ہوئی-

    ترجمان پی ٹی اے کے مطابق ٹرانس ورلڈ کیبل کے صارفین کو انٹرنیٹ سروس میں مسائل کا سامنا کرنا پڑ سکتا ہے اور کنورشیم انٹرنیٹ سروسز میں خلل کو کم سے کم کرنے کے لیے ایس ایم ڈبلیو 5 کیبل سے وقتی طور پر بینڈ وتھ کا انتظام کیا جارہا ہے۔

    نہوں نے بتایا کہ کنورشیم کی طرف سمندر میں خراب ہونیوالی انٹر نیٹ کیبل کی لوکیشن کا پتہ چلانے کے لیے کوششیں جاری ہیں تاکہ جلد سے جلد فالٹ کو دور کرکے انٹرنیٹ سروس مکمل طور پر بحال ہوسکے۔

    واضح رہے کہ گزشتہ ماہ بھی پاکستان میں سب میرین کیبل ایس ایم ڈبلیو 4 میں خرابی ہوئی تھی انٹرنیٹ کیبل میں بحرہند میں ایک مقام پر خرابی پیدا ہوئی تھی انٹرنیٹ کیبل کی خرابی کے باعث صارفین کو انٹرنیٹ اسپیڈ میں کمی کا سامنا رہا تھا پی ٹی اے کی جانب سے انٹرنیٹ اسپیڈ کو بہتر رکھنے کے لیے سسٹم میں اضافی ایڈہاک بینڈ وتھ شامل کی گئی تھی۔