Baaghi TV

Tag: انڈیا

  • آئی سی سی ورلڈکپ؛ بھارتی اسٹیڈیم میں پاکستانی پرچم لہرا دیا گیا

    آئی سی سی ورلڈکپ؛ بھارتی اسٹیڈیم میں پاکستانی پرچم لہرا دیا گیا

    آئی سی سی ورلڈ کپ میں پاکستان اور نیدرلینڈ کے میچ سے قبل راجیو گاندھی انٹرنیشنل اسٹیڈیم میں پاکستانی پرچم لہرا دیا گیا ہے جبکہ میڈیا رپورٹ کے مطابق آئی سی سی مینز کرکٹ ورلڈ کپ میں پاکستانی کرکٹ شائقین محمد بشیر پاکستان اور ہالینڈ کو آمنے سامنے دیکھنے کے لیے حیدرآباد کے راجیو گاندھی انٹرنیشنل اسٹیڈیم پہنچ گئے ہیں۔ پاکستانی کرکٹ فین نے پاکستان کا قومی پرچم لہرا رہے ہیں۔


    قومی کرکٹ فین محمد بشیر کا کہنا ہے کہ وہ شکاگو سے پاکستان کو سپورٹ کرنے آئے ہیں۔ جبکہ علاوہ ازیں وہاں بھارتی شائقین بھی موجود تھے جنہوں نے بشیر کے ساتھ تصاویر اور سلفیاں نکالی ہیں.
     بھارتی ٹیم کے ان فارم بیٹر شبمن گل بخار میں مبتلا

    کیا بابر اعظم بھارت کو منہ توڑ جواب دیں گے؟

    بابراعظم کا کہنا تھا کہ دو پریکٹس میچوں میں مختلف کامبی نیشن آزمائے ہیں

    ورلڈ کپ 2023: تاریخ رقم ہو جائے گی کہ پاکستانی پریس باکس میں کوئی پاکستانی صحافی موجود نہیں ہو گا،سینئیرصحافی
    واضح رہے کہ اس وقت پاکستان اور نیدرلینڈ کے درمیان بھارت کے شہر حیدر آباد میں ورلڈ کپ کا یہ میچ جاری ہے اور اب تک پاکستان کی پرفارمنس ابتر جارہی ہے.

    دوسری جانب ورلڈکپ میں پاکستان کے نیدر لینڈ کےخلاف پہلے میچ پر فرانسیسی سفیر نے قومی ٹیم کیلئے پیغام جاری کیا ہے سوشل میڈیا کے مطابق غیر ملکی سفارتکاروں کے سر پر بھی کرکٹ کا جنون سوار ہے۔ فرانسیسی سفیر نے ہاتھ میں بلا پکڑکر پیغام ریکارڈ کرایا ۔ فرانسیسی سفیر نے کہا کہ پاکستان آج نیدر لینڈ کے ساتھ میچ سے ورلڈکپ میں اپنی مہم کا آغاز کرنے جارہا ہے۔ اگلے چند ہفتے بہت دلچسپ ہوں گے۔

    فرانسنی سفیر نے کہا کہ پاکستان اور دیگر ٹیموں کےلئے نیک خواہشات کا اظہار کرتا ہوں جو اس ورلڈ کپ میں حصہ لے رہی ہیں۔ سب کیلئے نیک اور اچھی تمنائیں ہیں، یہ جشن ہے کرکٹ کا۔

  • ورلڈکپ افتتاحی میچ؛ دوپہر 1 بج کر 30منٹ پر شروع ہوگا

    ورلڈکپ افتتاحی میچ؛ دوپہر 1 بج کر 30منٹ پر شروع ہوگا

    کرکٹ کا عالمی میلہ چار برس کے بعد آج سے بھارت میں سجنے کو ہے، دُنیا کی 10 بہترین ٹیمیں چمچماتی ٹرافی حاصل کرنے کے لیے مقابلہ کریں گی جبکہ اس ایونٹ کی 10 ٹیموں کو ایک دوسرے سے کھیلنا ہوگا جس میں سے 4 ابتدائی پوزیشنز حاصل کرنے والی ٹیمیں سیمی فائنلز میں جگہ بنائیں گی اور اس ورلڈ کپ کا افتتاحی میچ آج جمعرات کو پچھلے میگا ایونٹ کی دفاعی چیمپئن انگلینڈا ور رنرز اپ نیوزی لینڈ کے درمیان احمد آباد کے نریندر مودی اسٹیڈیم میں کھیلا جائے گا۔

    اتفاق سے ون ڈے کرکٹ میں دونوں ٹیمیں اعداد وشمار کے لحاظ سے برابر ہیں، انگلینڈ اور نیوزی لینڈ نے آپس میں 95 ون ڈے میچز کھیلے ہیں، دونوں نے 44 ، 44 مقابلوں میں فتح سمیٹی ہے، 3 میچ ٹائی رہے جبکہ 4 کا کوئی نتیجہ نہیں نکل سکا تاہم اس کے علاوہ ورلڈ کپ مقابلوں میں بھی دونوں ٹیمیں فتح کے اعتبار سے برابر ہیں، ان کے درمیان اب تک 10 میچز ہوئے ہیں اور دونوں نے 5 ، 5 میچز میں کامیابی سمیٹی ہے، البتہ احمد آباد جہاں یہ میچ ہوگا ، نیوزی لینڈ کا انگلینڈ کے خلاف پلڑا بھاری ہے جس نے 1996 کے ورلڈ کپ کے گروپ میچ میں انگلش ٹیم کو 11 رنز سے مات دی تھی۔

    آج ورلڈکپ کا افتتاحی میچ پاکستانی وقت کے مطابق دوپہر 1 بج کر 30منٹ پر شروع ہوگا جبکہ بدھ کو ورلڈکپ میں شرکت کرنے والی تمام ٹیموں کے کپتان احمد آباد میں اکھٹے ہوئے، کیپٹنز ڈے میں پاکستانی کپتان بابر اعظم اور بھارتی کپتان روہت شرما کی ایک ساتھ انٹری ہوئی، اس موقع پر بابر اعظم نے کہا کہ ورلڈ کپ میں سو فیصد دیں گے اور اس کے لیے محنت کی ہے، اگر پاکستانی فینز بھی بھارت آسکتے تو اور اچھا ہوتا۔
    مزید یہ بھی پڑھیں؛
    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    تاہم دوسری جانب بھارتی کپتان روہت شرما نے کہا کہ ٹف ٹورنامنٹ ہوگا،انجوائے کریں گے، اس کے علاوہ آسٹریلوی کپتان پیٹ کمنز بولے کہ جیت کا تسلسل جاری رکھنے کی کوشش کریں گے جبکہ نیوزی لینڈ اور بنگلا دیش کے کپتان ایونٹ میں اچھی کارکردگی دکھانے کیلئے پُرعزم دکھائی دیے جبکہ واضح رہے کہ 5 اکتوبر سے شروع ہونے والا ایونٹ 19 نومبر تک جاری رہے گا۔

  • ممبئی ایئر پورٹ،لینڈنگ کے وقت طیارہ حادثے کا شکار

    ممبئی ایئر پورٹ،لینڈنگ کے وقت طیارہ حادثے کا شکار

    بھارت میں نجی طیارہ لینڈنگ کے دوران حادثے کا شکار ہو گیا جس کے نتیجے میں 3 افراد زخمی ہو گئے

    ممبئی ایئر پورٹ پر چارٹرڈ طیارے کو حادثہ پیش آیا ہے، لینڈنگ کے وقت طیارہ رن وے پر پھسل گیا اور دو ٹکڑوں میں تقسیم ہو گیا، طیارے میں چھ مسافر اور دو عملے کے افراد سوار تھے، تین افراد زخمی ہوئے جنہیں علاج کے لئے ہسپتال منتقل کر دیا گیا،

    ڈی جی سی اے نے طیارہ حادثے کے بارے میں تفصیلات سے آگاہ کرتے ہوئے کہا کہ وشاکھاپٹنم سے ممبئی پہنچنے والا وی ایس آر ونچرس لیئر جیٹ 45 طیارہ ممبئی ایئر پورٹ پر رن وے پر اترتے وقت پھسل گیا،جب طیارہ پھسلا تھا اسوقت تیز بارش ہو رہی تھی اور ہوائیں چل رہی تھی،

    طیارے کے پھسلنے کی ویڈیو بھی سامنے آئی ہے جس میں طیارے کو کھڑے ہوئے دیکھا جا سکتا ہے، حادثے کے بعد طیارے میں آگ لگ گئی، ریسکیو ٹیمیں موقع پر پہنچیں اور آگ کو بجھایا، کچھ دیر کے لئے ایئر پورٹ پر سروسز معطل ہوئیں لیکن فوری بحال کر دیا گیا،

    اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

    بین الاقوامی فیڈریشن آف پائلٹس اینڈ ائیرٹریفک کنڑولرز طیارہ حادثہ کے ذمہ داروں کو بچانے میدان میں آ گئی

    شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے

    پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

    ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

  • جی 20 سربراہی اجلاس؛ امریکی صدر دہلی پہنچ گئے

    جی 20 سربراہی اجلاس؛ امریکی صدر دہلی پہنچ گئے

    بھارت میں جی 20 سربراہی اجلاس میں شرکت کیلئے عالمی رہنماؤں کی آمد کا سلسلہ جاری ہے، اجلاس میں غریب ممالک کیلئے قرضوں میں ریلیف،موسمیاتی تبدیلی کے خلاف اقدامات اور غذائی تحفظ بڑھانے پر بھی بات ہوگی جبکہ دو روزہ جی 20 سربراہی اجلاس کل سے بھارتی دارالحکومت نئی دلی میں شروع ہو رہا ہے، اجلاس میں شرکت کیلئے سربراہوں کی آمد کا سلسلہ جاری ہے، امریکی صدر جو بائیڈن بھی جی 20 سربراہی اجلاس میں شرکت کے لیےنئی دلی پہنچ گئے ہیں۔


    جبکہ اس کے علاوہ برطانوی وزیر اعظم رشی سونک بھی جی 20 سربراہی اجلاس کیلئے بھارت پہنچ گئے ہیں، واضح رہے کہ چینی صدرشی جن پنگ نے بھارت میں ہونے والے جی 20 سربراہی اجلاس میں شرکت سے معذرت کر لی تھی ان کی جگہ چینی وزیر اعظم لی چیانگ اجلاس میں شریک ہوں گے۔

    تاہم اس کے علاوہ روسی صدر ولادیمیر پیوٹن نے بھی جی 20 ممالک کے سربراہی اجلاس میں شرکت سے معذرت کی تھی۔ نجی ٹی وی کے مطابق کل سے نئی دلی میں شروع ہونے والے اجلاس میں سعودی ولی عہد محمد بن سلمان اور بھارتی وزیراعظم نریندر مودی سرمایہ کاری فورم کی میزبانی کریں گے، سرمایہ کاری فورم میں کیمیکلز،انرجی،مینو فیکچرنگ اور ٹیکنالوجی پراجیکٹس پر توجہ مرکوز رہے گی۔

    سعودی وزارت سرمایہ کاری کے مطابق سرمایہ کاری فورم کا مقصد تیل پر انحصار کے ساتھ ساتھ معیشت میں تنوع کی کوشش کرنا ہے اور اجلاس کے موقع پر سعودی عرب کے امریکا، بھارت اور یواے ای کے رہنماؤں کے ساتھ ایک انفرا اسٹرکچر ڈیل کا بھی امکان ہے جس کےتحت خلیجی اور عرب ممالک ریلوے اور بندرگاہوں کے ذریعے بھارت سے جڑ سکیں گے، اس کے علاوہ اجلاس میں بھارتی وزیراعظم مودی 15 سے زائد عالمی رہنماؤں سے سائیڈ لائن ملاقاتیں کریں گے۔

    بھارتی وزیراعظم مودی نے اپنے بیان میں کہا ہے کہ وہ آج اپنی رہائش گاہ پر امریکی صدر جوبائیڈن ،وزیراعظم بنگلا دیش اور وزیراعظم موریشس سے دوطرفہ ملاقات کریں گے۔یہ ملاقاتیں دو طرفہ تعلقات کا جائزہ لینے ، ترقیاتی تعاون کو مزید مستحکم کرنے کا موقع فراہم کریں گی تاہم دوسری جانب نئی دلی میں جی20 اجلاس سے قبل تبتی کمیونٹی نے احتجاج کیا،نئی دلی میں جی20اجلاس کےحوالےسےسکیورٹی سخت ہے۔

  • مودی حکومت کا آئین میں "انڈیا” کا نام تبدیل کرنے کا فیصلہ

    مودی حکومت کا آئین میں "انڈیا” کا نام تبدیل کرنے کا فیصلہ

    نئی دہلی: مودی حکومت نے آئین میں انڈیا کا نام تبدیل کرکے ’بھارت‘ رکھنے کا فیصلہ کرلیا۔

    باغی ٹی وی: بھارتی میڈیا کے مطابق مودی حکومت نے آئین میں انڈیا کا نام تبدیل کرنے کے لیے پارلیمنٹ کے آئندہ سیشن میں قرارداد لانے کا فیصلہ کیا ہے، پارلیمنٹ کا یہ سیشن 18 ستمبر کو شروع ہوگا جو 22 ستمبر تک جاری رہےگا جس میں بھارتی آئین میں انڈیا کا مطلب بھارت میں ترمیم کی جائے گی اور اس کا نام صرف "ری پبلک آف بھارت” رکھا جائے گا انڈیا کا نام بھارت رکھنے کا مطالبہ پورا کرنے کے لیے آئین میں ترمیم کی جائے گی جس کے لیے مرکزی حکومت پارلیمنٹ میں ایک قرارداد لاسکتی ہے۔

    وزیر اعظم نریندر مودی کی قیادت والی حکومت کئی بار اعلان کر چکی ہے کہ وہ ’بھارت‘ نام کی طرف جھکاؤ رکھتی ہے 2022 میں اپنی یوم آزادی کی تقریر کے دوران، پی ایم مودی نے کہا کہ ہندوستان سے ہندوستان میں نام کی تبدیلی ہمارے ملک کی ثقافتی شناخت کو اپنانے کی طرف ایک علامتی اشارہ کے طور پر کام کر سکتی ہے۔

    آئی سی سی کرکٹ ورلڈکپ:بھارت نے اپنے 15 رکنی اسکواڈ کا اعلان کردیا

    بھارتی میڈیا کے مطابق راشٹریا سوام سیوک سنگھ کے سربراہ موہن بھاگوت نے انڈیا کا نام بھارت رکھنے کی حمایت کی ہے اور انہوں نے ہی ماضی میں مطالبہ کیا تھا کہ ملک کے لیے انڈیا کی جگہ بھارت کا نام استعمال کیا جائے جب کہ ان کا ماننا ہے کہ ملک کو صدیوں کو بھارت کے نام سے ہی جانا جاتا ہے۔

    اس کے علاوہ حال ہی میں پارلیمنٹ کے ختم ہونے والے سیشن میں بی جے پی راجیہ سبھا کے ممبر نریش بنسل نے بھی آئین سے انڈیا کا لفظ ختم کرکے بھارت کرنے کا مطالبہ کرتے ہوئے کہا تھا کہ لفظ انڈیا نوآبادیاتی غلامی کی علامت ہے۔

    آسام کے وزیر اعلی ہمانتا بسوا سرما کی X (سابقہ ​​ٹویٹر) پر حالیہ پوسٹ ہے جس نے کہا کہ ریپبلک آف بھارت خوشی اور فخر ہے کہ ہماری تہذیب امرت کال کی طرف دلیری سے آگے بڑھ رہی ہے،دوسری بات، راشٹرپتی بھون سے جی 20 کے وفد کو دیئے گئے سرکاری عشائیے میں صدر کا ذکر ‘صدر ہند’ کے بجائے "بھارت کے صدر” کے طور پر کیا گیا ہے کانگریس لیڈر جے رام رمیش نے عشائیہ کے دعوت نامے میں تبدیلیوں پر ردعمل ظاہر کرتے ہوئے کہا کہ نام کی تبدیلی کی خبریں سچ لگتی ہیں۔

    آئی سی سی کی ورلڈکپ ٹرافی پاکستان پہنچ گئی

    بھارتی میڈیا کا کہنا ہےکہ ملک کے وزیراعظم، صدر اور نائب صدر کو لے جانے والے خصوصی ائیرکرافٹ کا نام بھی بھارت ہے۔

    بھارتی میڈیا کے مطابق اب تک پارلیمنٹ کے سیشن کا ایجنڈا جاری نہیں کیا گیا ہے تاہم یہ بات سامنے آئی ہے کہ بھارت کے صدر نے جی 20 وفد کے لیے راشٹرپتی بھون سے عشائیے کا دعوت نامہ جاری کیا ہے جس میں پریذیڈینٹ آف انڈیا کی بجائے پریذیڈینٹ آف بھارت لکھا گیا ہے۔

  • بھارت میں زیر تعمیر ریلوے پل گرنے سے 17 افراد ہلاک متعدد زخمی

    بھارت میں زیر تعمیر ریلوے پل گرنے سے 17 افراد ہلاک متعدد زخمی

    بھارت کی ریاست میزورام میں زیر تعمیر ریلوے پل گر گیا جس کے نتیجے میں کم از کم 17 افراد ہلاک ہو گئے۔

    باغی ٹی وی : بھارتی میڈیا کے مطابق حادثہ صبح 10 بجے کے قریب پیش آیا اور اس وقت کئی مزدور حادثے کی جگہ پر کام میں مصروف تھے بھارتی پولیس کے مطابق ملبے سے 17 لاشوں کو نکال لیا گیا ہے جبکہ کچھ دیگر افراد کے پھنسے ہونے کا خدشہ ہے حادثے کی جگہ پر ریسکیو آپریشن جاری ہے۔


    ریاست کے وزیر اعلیٰ زورامتھانگا نے سوشل میڈیا ویب سائٹ ایکس پر جائے حادثہ کی ایک ویڈیو شئیر کی جس میں پل کا ملبہ دیکھا جا سکتا ہے انہوں نے لکھا کہ آئیزول کے قریب سائرنگ میں زیر تعمیر ریلوے اوور برج آج گر گیا کم از کم 17 مزدور ہلاک ہوئے ریسکیو آپریشن جاری ہےاس سانحہ پر گہرا دکھ ہوا میں تمام سوگوار خاندانوں سے اپنی گہری تعزیت کا اظہار کرتا ہوں اور زخمیوں کی جلد صحت یابی کی دعا کرتا ہوں امدادی کارروائیوں میں مدد کے لیے بڑی تعداد میں باہر آنے والے لوگوں کا مشکور ہوں-

    برطانیہ میں 10 سالہ بچی کا قتل، پاکستان میں مقیم ملزم کا بھائی گرفتار


    وزیر اعظم نریندر مودی کے دفتر کی جانب سے جاری ایک بیان میں افسوس ناک واقعہ پر دکھ کا اظہار کرتے ہوئے کہا کہ امدادی سرگرمیاں جاری ہیں کہا گیا کہ ان لوگوں سے تعزیت جو اپنے پیاروں کو کھو چکے ہیں امدادی کارروائیاں جاری ہیں اور متاثرہ افراد کو ہر ممکن مدد فراہم کی جا رہی ہے پی ایم ریلیف کی طرف سے ہر مرنے والے کے لواحقین کو 2 لاکھ روپے دیئے جائیں گے جبکہ زخمیوں کو 50ہزار روپے دیئے جائیں گے۔

    ایشیا کپ 2023:نیپال کی کرکٹ ٹیم کراچی پہنچ گئی

  • بھارتی مشن چندریان 3 آج چاند پر اترے گا

    بھارتی مشن چندریان 3 آج چاند پر اترے گا

    نئی دہلی: چاند پر پہنچنے کا بھارتی مشن چندریان 3 آج شام 6:00 بجے کے قریب چاند پر اترے گا۔

    باغی ٹی وی : بھارتی میڈیا کا کہنا ہے کہ سب کی نظریں اس لینڈنگ پر ہیں جو اگر کامیاب ہو جاتی ہے تو امریکا، روس اور چین کے بعد بھارت چاند پر اترنے والا چوتھا ملک بن جائے گا چندریان تھری مشن ممکنہ طور پر چاند کے جنوبی حصے پر اُترے گا،پھر ریمپ کھلے گا چاند کی سطح کی تصویر لیں گے یہ تصاویر زمین پر بھیجی جائیں گی۔

    اسرو کے چیئرمین ایس سومناتھ نے 9 اگست کو مشن کی لینڈنگ کے بارے میں کہا تھا کہ اگر سب کچھ ناکام ہو جاتا ہے، اگر تمام سینسر فیل ہو جاتے ہیں، کچھ بھی کام نہیں کرتا ہے، پھر بھی یہ (لینڈ کرے گا، بشرطیکہ الگورتھم ٹھیک سے کام کریں ہم نے اس بات کو بھی یقینی بنایا ہے کہ اگر اس بار اس کے دو انجن فیل ہو جائیں تب بھی یہ لینڈنگ کے قابل ہو گا بھارتی پی ایم مودی عملی طور پر لائیو پروگرام میں شامل ہوں گے-

    روس کا لیونا 25 مشن آخری لمحات میں چاند کی سطح سے ٹکرا کر …

    رپورٹ کے مطابق چندریان 3 کے لینڈر کی سافٹ لینڈنگ میں 15 سے 17 منٹ لگیں گے اس دورانیے کو ‘دہشت کے 15 منٹ’ کہا جا رہا ہے اگر چندریان 3 مشن کامیاب ہو جاتا ہے تو بھارت چاند کے جنوبی قطب پر لینڈر اتارنے والا پہلا ملک بن جائے گا چاند پر اترنے سے دو گھنٹے پہلے، لینڈر ماڈیول کی پوزیشن اور چاند پر موجود حالات کی بنیاد پر یہ فیصلہ کرے گا کہ اس وقت لینڈ کرنا مناسب ہوگا یا نہیں اگر کوئی عنصر نشان زد نہیں ہوا تو 27 اگست کو لینڈنگ کی جائے گی-

    بھارتی میڈیا کے مطابق چندریان کا دوسرا اور آخری ڈی بوسٹنگ آپریشن اتوار کی رات 1.50 بجے مکمل ہوا۔ اس کے بعد چاند سے لینڈر کا کم از کم فاصلہ 25 کلومیٹر اور زیادہ سے زیادہ 134 کلومیٹر ہے ڈی بوسٹنگ میں، خلائی جہاز کی رفتار کم ہو جاتی ہے۔

    یونان کے جنگلات میں لگی آگ پر چار روز بعد بھی قابو نہ پایا جاسکا

    بھارتی کی جانب سے مشن صرف قطب جنوبی پر کیوں بھیجا گیا؟

    چاند کے قطبی علاقے دوسرے خطوں سے کافی مختلف ہیں۔ یہاں بہت سے حصے ہیں جہاں سورج کی روشنی کب نہیں پہنچتی اور درجہ حرارت -200 ڈگری سینٹی گریڈ تک چلا جاتا ہے۔ ایسی صورت حال میں سائنسدانوں کا اندازہ ہے کہ برف کی صورت میں اب بھی پانی موجود ہو سکتا ہے -بھارت کے 2008 کے چندریان ونمشن نے چاند کی سطح پر پانی کی موجودگی کا اشارہ دیا تھا چاند پر اترنے کے لیے پچھلے تمام خلائی جہازخط استوا میں اترے ہیں، چند ڈگری عرض البلد کے شمال یا جنوب میں قمری خط استوا کےاس مشن کی لینڈنگ سائٹ وہی ہے جو چندریان 2 کی ہے 70 ڈگری عرض بلد پر چاند کے جنوبی قطب کے قریب لیکن اس بار رقبہ بڑھا دیا گیا ہے-

    واضح رہے کہ چندریان تھری مشن 14 جولائی کو ریاست آندھرا پردیش سے روانہ ہوا تھا اور یہ 40 دن کے طویل سفر کے بعد اترنے کی کوشش کررہا ہے۔

    زمبابوے کرکٹ ٹیم کے سابق کپتان ہیتھ اسٹریک انتقال کر گئے

  • انگریز دور کے قوانین کو تبدیل کرنے کا بھارتی پارلیمنٹ میں ترمیمی بل پیش

    انگریز دور کے قوانین کو تبدیل کرنے کا بھارتی پارلیمنٹ میں ترمیمی بل پیش

    بھارتی حکومت نے جمعہ کو پارلیمنٹ میں برطانوی نوآبادیاتی دور کے بغاوت کے قانون کو اس کے اپنے ورژن سے بدلنے کی تجویزپیش کی جبکہ حکومت نے ایک بل بھی پیش کیا جس میں کہا گیا ہے کہ جنسی جرائم کے لیے زیادہ سزائیں دے کر خواتین اور بچوں کو بہتر تحفظ فراہم کیا جائے گا۔

    باغی ٹی وی: ہندوستان میں برطانیہ کے حکمرانوں نے 1860 میں آزادی پسندوں کو دبانے کے لیے بغاوت کے خلاف ایک قانون نافذ کیا – جس کا مقصد لوگوں کو حکومت بننے یا اس کے خلاف کام کرنے کی ترغیب دینا تھا۔ ہندوستان نے 1947 میں برطانوی استعمار سے آزادی حاصل کی، لیکن قانون کا استعمال جاری رکھا۔

    عالمی میڈیا کے مطابق اب بھارتی حکومت نے پارلیمنٹ کے ایوان زیریں (لوک سبھا) میں نوآبادیاتی دور کے فوجداری قوانین میں ترمیم کے لیے3 بل پیش کیے ہیں جن کے تحت انڈین پینل کوڈ، فوجداری ضابطے اور قانون شہادت ایکٹ کو منسوخ کرکے نئے قوانین لائے جائیں گے۔

    بم کی اطلاع موصول ہونےپر ایفل ٹاور کو خالی کرالیا گیا

    قوانین میں تبدیلی سے ہجوم کے تشدد سے قتل کے مجرم کو سزائے موت اور اجتماعی زیادتی کے مجرموں کو 20 سال قید تک کی سزائيں ہوں گی،کرمنل انویسٹی گیشن اور ٹرائل کے لیے وقت کی حد بھی مقرر ہوگی جب کہ بغاوت کے قانون 124 اے کو ختم کرکے نیا قانون لایا جائےگا۔

    لوک سبھا میں بل پیش کرتے ہوئے بھارتی وزیر داخلہ امت شاہ کا کہنا تھا کہ ہندوستان کے قانون سازوں کو پیش کیا جانے والا بل برطانیہ سے بغاوت کے جرم کو منسوخ کرے گا اور ایک نئی شق متعارف کرائے گا نئے قوانین ملک میں بادشاہت اور ہماری غلامی کے تاثر کو ختم کردیں گے بہت سے قوانین 19ویں صدی میں اس وقت متعارف کروائےگئے تھے جب ملک برطانیہ کےکنٹرول میں تھا قوانین میں ترمیم کا ہمارا مقصد سزائیں دینا نہیں بلکہ انصاف فراہم کرنا ہے، نئے قوانین بھارتی شہریوں کے آئینی حقوق کا تحفظ کریں گے۔

    13 سے 16 اگست تک بارشوں کی پیشگوئی

    ایک قانونی ماہر چترنشول سنہا نے کہا کہ حکومت کی مجوزہ شق "ہندوستان کی خودمختاری اتحاد اور سالمیت کو خطرے میں ڈالنے والے اعمال” کی سزا دے گی۔ اس میں سات سال سے لے کر عمر تک کی قید کی سزا ہےیہ برطانوی دور کے قانون سے چھٹکارا نہیں پاتا۔ انہوں (حکومت) نے اس انتظام کو دوبارہ ترتیب دیا ہے،یہ صرف نام کی تبدیلی ہے۔ بنیادی طور پر، کچھ بھی نہیں بدلا ہے-

    اس بل کا مقصد خواتین کو بہتر تحفظ فراہم کرنا ہے، شادی، ملازمت یا ترقی کے بہانے یا چھپی ہوئی شناخت کے ذریعے جنسی استحصال کو جرم قرار دیا جائے گاقانون سازی گینگ ریپ کے مجرم کو زیادہ سے زیادہ عمر قید کی سزا دے گی قید پریس ٹرسٹ آف انڈیا نیوز ایجنسی نے کہا کہ بچے کی عصمت دری کرنے والا سزائے موت کا اہل ہوگااس بل میں ہجومی تشدد کے لیے سات سال قید سے لے کر موت تک کی سزائیں بھی دی جائیں گی۔

    بلوچستان اسمبلی بھی تحلیل کردی گئی

    امیت شاہ نے کہا کہ میں ایوان (پارلیمنٹ) کو یقین دلاتا ہوں کہ یہ بل ہمارے فوجداری انصاف کے نظام کو بدل دیں گے۔ جرم کو روکنے کا جذبہ پیدا کرنے کے لیے سزا دی جائے گی-

    بلوں کو منظوری سے قبل بحث کے لیے پارلیمانی قائمہ کمیٹی کو بھیجا جائےگا لیکن بھارتی حکام پر امید ہیں کہ آئندہ مئی میں انتخابات سے پہلے یہ قانون بن جائيں گے۔

  • سرحد پار سے محبت جاری: بھارتی لڑکے نے پاکستانی لڑکی سے آن لائن نکاح کر لیا

    سرحد پار سے محبت جاری: بھارتی لڑکے نے پاکستانی لڑکی سے آن لائن نکاح کر لیا

    گزشتہ دنوں بھارت کی انجو نصراللہ کے لیے پاکستان چلی آئی جب کہ پاکستان کی سیما حیدر اپنے بچوں سمیت سچن کی محبت میں گرفتار ہوکر بھارت چلی گئی علاوہ ازیں ایک بھارتی کم عمر لڑکی پاکستانی لڑکے کے لیے سرحد پارکرکے پاکستان آنا چاہتی تھی لیکن اسے پولیس نے روک لیا اب حال ہی میں بھارتی میڈیا پر ایک بار پھر ایک نئی شادی کے چرچے ہیں تاہم اس میں نہ تو کوئی پاکستان سے بھارت گیا اور نہ بھارت سے کوئی پاکستان آیا، اس میں لڑکا اور لڑکی کا آن لائن نکاح کیا گیا۔

    باغی ٹی وی : انڈیا ٹو ڈے کے مطابق ابھی ایک اور سرحد پار شادی ایک ہندوستانی دولہے اور پاکستانی دلہن کے درمیان ہوئی ہے۔ قابل ذکر ہے کہ شادی کی تقریب آن لائن کی گئی تھی راجستھان کے جودھ پور میں رہنے والے ارباز نے شادی کے لیے ہندوستانی ویزا حاصل کرنے میں دلہن کے ناکام ہونے کے بعد عملی طور پر پاکستانی لڑکی امینہ سے شادی کی۔

    پاکستان سے بھارت جانیوالی سیما "امید” سے، بھارتی میڈیا کا دعویٰ

    بدھ کی رات منعقد ہونے والی تقریب تمام رسومات کے ساتھ مکمل ہوئی اور ویڈیو کانفرنسنگ کے ذریعے منعقد کی گئی۔ نکاح کی تقریب ہندوستان اور پاکستان دونوں کے قاضیوں نے کروائی، دونوں اطراف کے افراد خاندان اور رشتہ داروں نے اس مبارک تقریب میں شرکت کی۔

    جودھ پور میں، دولہے کے رشتہ داروں کو گواہی دینے کے لیے پوری شادی ایل ای ڈی اسکرینوں پر دکھائی گئی۔

    سول کنٹریکٹر محمد افضل کے بیٹے ارباز نے بتایا کہ وہ جلد ہی نئی نویلی دلہن کے ہندوستان میں داخلے کے لیے ویزا کے لیے درخواست دیں گے ہمارے رشتہ دار پاکستان میں ہیں۔ یہ رشتہ داروں کے ذریعے طے شدہ شادی ہے دونوں ممالک کے درمیان اس وقت کشیدہ تعلقات کی وجہ سے ہم اسے آن لائن کروانے پر مجبور تھے۔ ویزا کے حصول میں کافی وقت لگے گا۔ اسی وجہ سے ہم اسے عملی طور پر کرنے کا فیصلہ کیا-

    امریکا کا باجوڑ حملےکی شدید مذمت


    انہوں نے مزید وضاحت کی کہ اگر وہ پاکستان میں شادی کریں گےتو ہندوستان میں اس شادی کوقانونی طورپرتسلیم نہیں کیاجائےگا، سرکاری شادی کے لیے اپنے آبائی ملک واپس جانا ضروری ہے۔ ہندوستانی نکاح نامے کے ساتھ ویزا کے لیے درخواست دینے سے، وہ اس عمل کو آسان بنانے کی امید کرتے ہیں۔

    ارباز کے والد نے بھی دلہن کی آمد کے بارے میں خاندان کی بے تابی کا اظہار کیا، جن کا وہ گرمجوشی سے استقبال کرنے کا ارادہ رکھتے ہیں۔ افضل آن لائن شادیوں کو عام خاندانوں کے لیے ایک سازگار آپشن کے طور پر دیکھتے ہیں ، کیونکہ یہ اخراجات کم کرتے ہیں لیکن شادی کے مقدس بندھن سے جڑے رسم و رواج کو پورا کرتے ہیں۔ انہوں نے مزید کہا کہ دلہن کا خاندان سادہ ہے، اور اس شادی پر کوئی بھاری قیمت نہیں اٹھانی پڑی۔

    ارباز نے بتایا کہ یہ ایک طے شدہ شادی تھی، ان کے اہل خانہ نے میچ کرایا۔ ارباز کے خاندان کا ایک فرد پہلے ہی امینہ کے خاندان کی دوسری خاتون سے شادی کر چکا ہے۔

    پاکستان سے بھارت جانیوالی سیما کے پب جی پارٹنر کے گھر میں فاقے،مدد کی اپیل

  • قومی کر کٹ ٹیم ورلڈ کپ میں شرکت کے لئے بھارت جائے گی یا نہیں؟اہم فیصلہ آگیا

    قومی کر کٹ ٹیم ورلڈ کپ میں شرکت کے لئے بھارت جائے گی یا نہیں؟اہم فیصلہ آگیا

    قومی کرکٹ ٹیم ورلڈ کپ میں شرکت کے لیے انڈیا جائے گی یا نہیں اس حوالےسے اہم فیصلہ حکومت کی ہائی پروفائل کمیٹی نے کرلیا ہے ۔
    قومی کرکٹ ٹیم کی اہم ایونٹ میں شرکت کے حوالے سے حکومت نے اجلاس میں فول پروف سکیورٹی کی شرط رکھ دی ہے۔ وزیر خارجہ بلاول بھٹو کی زیر صدارت وزیر اعظم شہباز شریف کی تشکیل کردہ خصوصی کمیٹی کا اجلاس منعقد ہوا، اجلاس میں قومی کرکٹ ٹیم کی بھارت میں شیڈول ورلڈ کپ میں شرکت کے حوالے سے تفصیلی غور کیا گیا۔
    زرائع کے مطابق اجلاس میں وزیر مملکت حناء ربانی کھر، وزیر اطلاعات مریم اورنگزیب اور وزیر قانون اعظم نذیر تارڑ نے ٹیم بھارت بھیجنے کی حمایت جبکہ وفاقی وزیر احسان مزاری نے اجلاس کے دوران ٹیم بھارت بھیجنے کی مخالفت کی۔ذرائع کے مطابق قمر زمان کائرہ نے بھی ٹیم بھارت نہ بھیجنے کا مشورہ دیا جبکہ وزارت خارجہ حکام نے ٹیم بھارت بھیجنے کی بھرپور حمایت کی،ذرائع کے مطابق اجلاس میں وزارت خارجہ کے حکام نے ٹیم بھارت بھیجے کی حمایت کر دی، تاہم آئی سی سی سے فول پروف سکیورٹی مہیا کرنے کی یقین دہانی لی جائے گی۔