Tag: انڈیا

صوبائی وزیر اقلیتی امور پنجاب رمیش سنگھ اروڑا نے کہا ہے کہ بھارت نے جھوٹ، فریب اور جنگی جنون کی انتہا کر دی ہے اور خطے کے امن کو سنگین خطرات لاحق کر دیئے ہیں،بھارت دنیا کو یہ باور کرانا چاہتا ہے کہ وہ خطے کا سپر پاور ہے، مگر اس کا اصل چہرہ دنیا کے سا منے آ چکا ہے-

صوبائی وزیر اقلیتی امور پنجاب رمیش سنگھ اروڑا نے پریس کانفرنس کرتے ہوئے کہا کہ بھارت کی جانب سے ننکانہ صاحب جیسے مقدس مقام پر حملے نےسکھ برادری کے دل زخمی کیے ہیں،یہ حملے نہ صرف انسانی جانوں کےضیاع کاسبب بنےبلکہ اقلیتوں کے جذبات سے بدترین کھلواڑ ہے۔

رمیش سنگھ اروڑا نے کہا کہ بھارت کا پہلگام ڈرامہ، اور اس کے بعد پاکستان پر الزامات محض جھوٹے پروپیگنڈے کا حصہ ہیں بھارت دنیا کو یہ باور کرانا چاہتا ہے کہ وہ خطے کا سپر پاور ہے، مگر اس کا اصل چہرہ دنیا کے سامنے آ چکا ہے،سکھ یاتری جب واہگہ بارڈر سے واپس گئے تو وہ روتے ہوئے پاکستان زندہ باد کے نعرے لگا رہے تھے، ہمیں یقین ہے کہ پاکستان کبھی گولڈن ٹیمپل یا کسی بھی سکھ مذہبی مقام کو نقصان نہیں پہنچائے گا، اگر بھارت نے مذہبی مقامات کو نشانہ بنایا تو دنیا بھر کے سکھ پاکستان کے ساتھ کھڑے ہوں گے۔

سکھ رہنما سردار بشن سنگھ نے بھی بھارتی حملے کی مذمت کرتے ہوئے کہا کہ بھارت کی جانب سے سو سے زائد ڈرون حملے کیے گئے، جن میں ننکانہ صاحب کو نشانہ بنانے کی کوشش کی گئی پاک فوج نے بروقت کارروائی کرتے ہوئے ان حملوں کو ناکام بنایا،ہم پاک فوج کے شانہ بشانہ ہیں، اور خون کے آخری قطرے تک بھارت کے خلاف کھڑے رہیں گے۔

سکھ رہنما ستونت کور نے پریس کانفرنس کرتے ہوئے کہا کہ پاکستان ہم آہنگی کا علمبردار ملک ہے، جہاں تمام مذہبی مقامات کھلے ہیں۔ پاکستان پرامن ہے لیکن اگر کسی نے چیلنج کیا تو ہم جواب دینا جانتے ہیں-

رمیش سنگھ اروڑا، بشن سنگھ اور ستونت کور نے عالمی برادری، اقوام متحدہ اور انسانی حقوق کی تنظیموں سے اپیل کی کہ وہ بھارت کی جارحیت، اقلیت دشمن پالیسیوں اور مذہبی مقامات پر حملوں کا فوری نوٹس لیں۔

اسلام آباد: وفاقی وزیر اطلاعات عطا اللہ تارڑ نے کہا ہے کہ بھارت جارحیت سے باز نہیں آ رہا تاہم قوم فوج کے شانہ بشانہ کھڑی ہے اور پوری دنیا میں پیغام گیا کہ قوم متحد ہے۔

وفاقی وزیر اطلاعات عطا اللہ تارڑ نے قومی اسمبلی میں اظہار خیال کرتے ہوئے کہا کہ بھارت جارحیت سے باز نہیں آ رہا تاہم قوم فوج کے شانہ بشانہ کھڑی ہے اور پوری دنیا میں پیغام گیا کہ قوم متحد ہےبھارتی جارحیت کو شکست دینے کے لیے اپنی فوج کے ساتھ ہیں پاک فضائیہ نے رافیل جنگی طیاروں کو دھول چھٹا کر بھارتی فضائیہ کا غرور خاک میں ملا دیا بھارت کو رافیل پر بڑا ناز تھا تاہم اب بھارت نے خفت مٹانے کے لیے حکمت عملی تبدیلی کی ہے-

عطا اللہ تارڑ نے کہا کہ موجودہ صورتحال میں اپوزیشن کو خراج تحسین پیش کرتا ہوں پاکستانی قوم ملی جذبے سے سرشار ہے اور ہر مشکل گھڑی میں یکجا ہو جاتی ہے مکار دشمن جدید ٹیکنالوجی کے ہوتے ہوئے بھی شکست خوردہ ہے کیونکہ پاک فوج نے بہترین ٹیکنالوجی کے حامل طیارے بھی گرائےہم نے ملک میں داخل ہونے والے 25 ڈرونز گرائے ہیں، عالمی مارکیٹ میں رافیل طیاروں کے شیئرز گر چکے ہیں اس بار دشمن بھاگ گیا لیکن ہم نے چائے کی ہوم ڈیلوری کی، جبکہ پچھلی بار ہم نے فنٹاسٹک چائے پلائی تھی، ہم نے صرف بھارتی طیارے ہی نہیں گرائے بلکہ ان کا غرور بھی خاک میں ملا دیا ہے، اپنی خفت مٹانے کے لیے بھارت اب ڈرونز بھیج رہا ہے۔

انہوں نے لائن آف کنٹرول (ایل او سی) پر ہونے والی جھڑپوں کا ذکر کرتے ہوئے کہا کہ بھارت نے ایل او سی پر بھی بےپناہ نقصان اٹھایا ہے، جہاں ہماری جوابی کارروائی میں بھارت کے 40 سے 50 فوجی ہلاک ہوئے ہیں پاکستان نے اپنا دفاع کرتے ہوئے دشمن کو منہ توڑ جواب دیا ہے اور یہ ثابت کر دیا ہے کہ ہم نہ صرف تیار ہیں بلکہ ہر محاذ پر دشمن کو شکست دینے کی بھرپور صلاحیت رکھتے ہیں۔

وفاقی وزیر اطلاعات نے کہا کہ لائن آف کنٹرول (ایل او سی) پر پاکستان کی جوابی کارروائی میں بھارتی فوج کا بریگیڈ ہیڈکوارٹر تباہ کر دیا گیا۔ ان کا کہنا تھا کہ بھارت کی جانب سے ایل او سی پر سفید جھنڈا لہرانا اس کی شکست کو تسلیم کرنے کے مترادف ہے۔

عطا تارڑ نے کہا کہ پوری دنیا دیکھ رہی ہے کہ بھارت کس طرح سکھ قوم کو نشانہ بنا رہا ہے بھارتی فوج نے سکھوں کے خلاف کارروائی کی ہے اور بھارتی ڈرون نے بھی سکھوں کو نقصان پہنچایادنیا بھر سے آوازیں اٹھ رہی تھیں کہ کوئی سکھ پاکستان کے خلاف نہیں لڑے گا۔

وفاقی وزیراطلاعات نے اپنے خطاب میں واضح کیا کہ دشمن کو کب، کہاں اور کیسے جواب دینا ہے، یہ ہم اچھی طرح جانتے ہیں انہوں نے کہا کہ روایتی جنگ میں دشمن پر ہماری برتری واضح ہو چکی ہے اور دنیا نے دیکھ لیا ہے کہ پہل بھارت نے کی ہے سویلینز پر حملہ کرنے والوں کو منہ توڑ جواب دیا جائے گا مسلح افواج کو جواب دینے کا مکمل اختیار دے دیا گیا ہے۔ بھارت کو جارحیت کا بھرپور جواب دیا جائے گا۔

عطا تارڑ نے مزید کہا کہ پاکستان نہ صرف اپنے دفاع کے لیے مکمل تیار ہے بلکہ ہر جارحیت کا جواب دینے کی مکمل صلاحیت رکھتا ہے۔ ان کے مطابق، یہ صرف فوجی جنگ نہیں بلکہ بھارتی پراپیگنڈے اور اندرونی ظلم و ستم کو بھی بےنقاب کرنے کی جنگ ہے، اور ہم ہر محاذ پر سرخرو ہوں گے۔

سابق وزیراعظم اور پاکستان پیپلزپارٹی کے رہنما راجہ پرویز اشرف نے کہا ہے کہ بھارت کو جن رافیل طیاروں پر غرور تھا انہیں زمین بوس کر دیا۔

قومی اسمبلی کے اجلاس میں اظہار خیال کرتے ہوئے راجہ پرویز اشرف نے کہا کہ مودی کی سیاست نفرت پر مبنی ہے، وہ ہمیشہ من گھڑت کہانیاں سنا کر پاکستان پر الزام لگاتا ہے، فالس فلیگ آپریشن کے بعد رات کی تاریکی میں بھارت نے حملہ کیا، ہماری مسلح افواج نے بھرپور انداز میں جواب دیا، بھارت ہمیشہ ہمارے سویلین پہ حملے کرتا ہے، پاکستان نے صرف ملٹری اہداف کو نشانہ بنایا، پوری قوم کو اپنی افواج پر فخر ہے۔

پاکستان کی طرف سے 6 اور 7 مئی کی درمیانی شب بھارت کے خلاف بھرپور دفاعی کارروائی کی گئی جس میں بھارتی فضائیہ کے تین رافیل طیاروں سمیت مجموعی طور پر 5 جنگی طیارے تباہ کر دیے گئے۔

ماہرین کا کہنا ہے کہ یہ رافیل کا پہلا معلوم جنگی نقصان ہے پاکستان پہلی فوجی طاقت ہے جس نے رافیل جیسے 4.5 جنریشن کے لڑاکا طیارے مار گرائے،رافیل طیاروں کو جدید ٹیکنالوجی کے حامل جنگی طیارے سمجھا جاتا ہے جو بھارتی فضائیہ کے زیر استعمال ہیں،تاہم پاک فوج نے ان کا رور خاک میں ملا دیا-

گزشتہ شب بھارت نے پاکستان کے 5 مقامات پر میزائل داغے، جس پر بھرپور جوابی کارروائی کرتے ہوئے پاک فضائیہ نے بھارت کے 5 جہاز اور ایک کمبیٹ ڈرون مار گرایاپاک فضائیہ نے جن بھارتی طیاروں کو نشانہ بنایا ان میں فرانسیسی کمپنی کے تیار کردہ 3 جدید طرز کے رافیل طیارے بھی شامل ہیں،رافیل طیاروں کی تباہی کے بعد رافیل بنانے والی فرانسیسی کمپنی ڈسالٹ ایوی ایشن (Dassault Aviation) کے شیئرز میں نمایاں کمی واقع ہوئی ہے۔

5 طیارے، 3 ڈرونز اور بریگیڈ ہیڈ کوارٹر تباہ کئے جانے کے بعد جہاں بھارت میں خوف کا ماحول ہے، وہیں دوسری جانب پاکستانیوں کے مزاح ختم نہیں ہو رہے ،پاکستانیوں نے ”ایکس“ پر Pakistani Special breakfast french toast ”پاکستان زندہ باد“ اور ”سندور بن گیا تندور“ کو ٹرینڈ بنا ڈالا۔

تاہم پاکستان کی قومی سلامتی کمیٹی نے پاک فوج کو بھارتی جارحیت کا بھرپور جواب دینے کا اختیار دے دیا ہے۔

اُدھر پاکستان کی جوابی کارروائی کے خوف کے باعث بھارت نے پورے ملک میں الرٹ جاری کردیا اور اپنے 25 ائیرپورٹس 9 مئی تک بند کردیے جن میں سری نگر، جموں، لیہہ، امرتسر، پٹھان کوٹ، چندی گڑھ، جودھ پور، جیسلمیر، شملہ، دھرمشالہ اور جام نگر اور دیگر شامل ہیں بھارتی ائیر لائنز نے 200 سے زائد پروازیں بھی منسوخ کردی ہیں اور کئی ائیر لائنز نے اپنے فلائٹ آپریشنز بھی بند کردیے ائیرپورٹس بند اور سیکڑوں پروازیں منسوخ ہونے سے بھارتی ائیرلائنز کو کروڑوں بھارتی روپے کا نقصان ہورہا ہے۔

وفاقی وزیر دفاع خواجہ آصف نے کہا ہے کہ پاک بھارت جنگ مزید آگے بڑھ سکتی ہے-

پارلیمنٹ ہاؤس اسلام آباد میں صحافیوں سے گفتگو کرتے ہوئے وزیر دفاع خواجہ آصف نے کہا ہے کہ صورتحال سنجیدہ اور پریشان کن ہے، جنگ مزید آگے بڑھ سکتی ہے، بھارت نے نیلم جہلم پر حملہ کیا ہے، جب ایسی صورتحال ہوگی تو جواب تو دینا ہوگا، وزیراعظم پارلیمنٹ میں ایوان اورعوام کو اعتماد میں لیں گے۔

خواجہ آصف نے کہا کہ افواج پاکستان کو بھارت کو جواب دینے کا اختیاردے دیا ہے، افواج پاکستان اس حملے کو ترتیب دیں گی، رات جو منہ توڑ جواب دیا ہے، مودی کے پلے اب کچھ نہیں رہا گیا، ہوسکتا ہے بھارت کے ساتھ جوہوا ہے اس پرپھرکوئی حرکت کرے، ہم نے بھارت کے ملٹری ٹارگٹس کوہی نشانہ بنایا ہے، بھارت نے پاکستان میں سب جگہ سویلین کو نشانہ بنایا ہے، بھارت نے بہانہ بنا کر6، 7 جگہوں کو ٹارگٹ کیا، لگ نہیں رہا ہے ٹینشن فی الوقت کم ہو، اپنی حکمت عملی قبل از وقت نہیں بتا سکتے۔

رات کے اندھیرے میں چور اور بزدل حملے کرتے ہیں،بلاول بھٹو

بھارت کا بزدلانہ حملہ ، پاکستا نی فضائی حدود میں57 بین الاقوامی پروازیں متاثر ہوئیں

مسلح افواج نے بھارت کے مکروہ حملے کا منہ توڑ جواب دیا، وزیراعظم

نائب وزیراعظم اور وزیر خارجہ اسحاق ڈار نے کہا ہے کہ دشمن کو ترکی بہ ترکی جواب دیں گے پہلے ہی کہا تھا کہ اینٹ کا جواب پتھر سے دیا جائے گا۔

پارلیمنٹ میں گفتگو کرتے ہوئے اسحاق ڈار نے کہا ہے کہ بھارت کے 75 سے 80 فائٹرز نے بارڈر پر فائر کیا اسے جواب دیا گیا، ایک گھنٹہ سرحد پر جنگ رہی، ہماری فضائیہ نے بھرپور رد عمل دیا،جس انڈین فائٹر نے پے لوڈ گرایا، ہم نے اسے نشانہ بنایا جس سے 5 انڈین طیارے گرے، 3 فائٹر جہاز 2 ان مینڈ کاپٹرز گرائے گئے۔

نائب وزیر اعظم نے کہا کہ قوم مسلح افواج کو مستعد رہنے اور جواب دینے پر مبارکباد دیتی ہے، یو این سیکیورٹی کونسل کو خط لکھ کر صورتحال سے آگاہ کیا ہے رات واقعے کے بعد غیر ملکی سفیروں سے بات ہوئی، اسپین کے وزیر خارجہ سے بات ہوئی ہے، او آئی سی کو بھی صورتحال سے آگاہ کیا گیا۔

اسحاق ڈار نے کہا کہ ہم نے پہل نہیں کی لیکن جارحیت کا بھرپور جواب دیا گیا، اگر فورسز کو تحمل کا نہ کہا گیا ہوتا تو دشمن کے پانچ نہیں 15 طیارے گرے ہوتے، نیلم جہلم پراجیکٹ کو انڈیا کس نشانہ بنانا سنگین خلاف ورزی اور دگنا مجرمانہ ایکٹ ہےانڈیا کے ملین آف ڈالرز کے فائٹرز طیارے مار گرائے ہیں، دشمن کو ترکی بہ ترکی جواب دیں گے پہلے ہی کہا تھا کہ اینٹ کا جواب پتھر سے دیا جائے گا۔

واضح ہے کہ منگل اور بدھ کی درمیانی شب 12 بجے سے ایک بجے کے درمیان بھارت نے 6 مختلف مقامات بہاولپور، مریدکے، مظفرآباد، کوٹلی اور دیگر علاقوں پر 24 حملے کیے، جس کے نیتجے میں عام شہریوں سمیت 26 افراد شہید ہوئے اسکے جواب میں پاکستان نے بھارت کی فوجی چوکی کو نشانہ بنایا جبکہ رافیل طیاروں تباہ کیا تاہم آبادی پر بھارتی حملے کے باوجود پاکستانی فضائیہ نے آبادی کو نشانہ نہیں بنایا، اس بزدلانہ میزائل حملے کو بھارت نے ‘آپریشن سندور’ کا نام دیا ہے بھارتی جارحیت کا بھرپور جواب دیااور اس کے 5 طیارے، 3 ڈرونز اور بریگیڈ ہیڈ کوارٹر تباہ کئے

اسلام آباد:قومی اسمبلی کے اجلاس میں بھارتی جارحیت کا منہ توڑ جواب دینے ہوئے بلاول بھٹو زرداری نے کہا کہ پہلگام واقعے سے پاکستان کا کوئی تعلق نہیں اور وزیراعظم نے اس واقعے کی غیر جانبدار تحقیقات کا مطالبہ کیا ہے۔

اسپیکر سردار ایاز صادق کی صدارت میں قومی اسمبلی کا اجلاس ہوا، جس میں اظہار خیال کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ بھارت کو واضح اور دوٹوک پیغام دیا ہے کہ پاکستان دہشت گرد نہیں، بلکہ خود دہشت گردی کا شکار رہا ہےبھارتی حکومت غیر ذمہ داری کا مظاہرہ کر رہی ہے اور مقبوضہ کشمیر میں مسلسل ریاستی دہشت گردی جاری ہے۔

بلاول بھٹو نے کہا کہ ہم ہر قسم کی دہشت گردی کی مذمت کرتے ہیں، دہشت گردی کو طاقت سے نہیں بلکہ انصاف سے ختم کیا جا سکتا ہے انہوں نے اس بات پر زور دیا کہ مقبوضہ کشمیر بھارت کا حصہ نہیں بلکہ ایک متنازعہ علاقہ ہے اور کشمیری عوام کو حق خودار اد یت ملنا چاہیے نئی دہلی کے ہاتھ کشمیریوں کے خون سے رنگے ہوئے ہیں، مقبوضہ کشمیر میں خون کی ہولی کھیلی جا رہی ہے، مگر پاکستا ن کشمیری عوام کے حق خود ارادیت کی حمایت جاری رکھے گا۔

بلاول بھٹو نے کلبھوشن یادیو کا حوالہ دیتے ہوئے کہا کہ وہ پاکستان میں بھارتی دہشت گردی کا زندہ ثبوت ہے ایک حاضر سروس بھارتی افسر پاکستان میں دہشت گردی میں ملوث پایا گیاپہلگام واقعے سے پاکستان کا کوئی تعلق نہیں اور وزیراعظم نے اس واقعے کی غیر جانبدار تحقیقات کا مطالبہ کیا ہے۔

بلاول بھٹو نے بھارت کی آبی جارحیت پر بھی شدید ردعمل دیتے ہوئے کہا کہ سندھ طاس معاہدے کی معطلی انسانیت کے خلاف بڑا جرم ہے پاکستان دریائے سندھ کا دفاع کرے گا اور پاک فوج دشمن کا ہر دم مقابلہ کرنے کے لیے تیار ہے پاکستان کے تحمل کو کمزوری نہ سمجھا جائے جنگ کسی کے مفاد میں نہیں ہے، بھارت کو فیصلہ کرنا ہوگا کہ وہ مذاکرات چاہتا ہے یا تباہی پاکستا نی قوم نے ڈر کر جینا نہیں سیکھا۔

پی ٹی آئی رہنما بیرسٹر گوہر نے کہا کہ انڈیا اور پاکستان دونوں ہمسایے ہیں، بار بار جنگ کی بات نہ کریں پاکستان میں کئی جنگیں ہوئیں لیکن انڈس واٹر ٹریٹی کے خلاف کچھ نہیں ہوا اس دفعہ پہلی بار مودی نے معاہدہ ختم کیا پاکستان اس معاملے کو عالمی عدالت انصاف میں لے جائے بھارت نے کوئی مس ایڈونچر کیا تو پاکستان سخت ترین جواب دے گا,پاکستان سوچے گا نہیں جواب دے گا, مودی کے انڈیا اور عام سیکولر انڈیا میں فرق ہے ۔

بیرسٹر گوہر کا کہنا تھا کہ بانی پی ٹی آئی نے کہا تھا مودی کا انڈیا مسلمانوں اور دیگر اقلیتوں کے قتل عام پر خوش ہے بھارت کو پتا ہونا چا ہیے کہ یہ غزہ طرز کی جنگ نہیں ہوگی پاک بھارت جنگ ہوئی تو بہت آگے تک جائے گی , بھارت پاکستان کا پانی کسی صورت نہیں روک سکے گا مودی کے الزامات کو ہم مسترد کرتے ہیں دہشتگردی ہماری طرف بھی ہے بھارت نے جعفر ٹرین حملے کی مذمت تک نہیں کی جب کہ ہم نے پلواما سے لے کر پہلگام تک ہر واقعے کی مذمت کی۔

پیپلز پارٹی کی رکن قومی اسمبلی سحر کامران کا کہنا تھا کہ آج شہید ذوالفقار علی بھٹو یاد آرہے ہیں جنہوں نے جان دے کر ایٹم بم بنایا آج بھارت ایٹم بم کی وجہ سے پاکستان کی طرف نہیں بڑھ پا رہا ہے آج پاکستان کی ایٹمی و میزائل ٹیکنالوجی کے سائنس دانوں کو بھی سلام پیش کرتے ہیں ہم پاکستان کے لیے جان دینے کو تیار ہیں۔

ایم کیو ایم کے رکن اسمبلی فاروق ستار نے اپنے خطاب میں کہا کہ مودی کا بیانیہ زمیں بوس ہورہا ہے دنیا اب جاگ رہی ہے مودی جیسا مائنڈ سیٹ ہی تھا، جس نے پاکستان بننے کی راہ ہموار کی , بھارت کا اپنا انٹیلیجنس ناکام ہے اب تک کوئی سراغ، کوئی ثبوت نہیں مل سکا صرف پاکستان فوبیا ہے جو مودی کے سر پر سوار ہے۔

انہوں نے کہا کہ ہمارے بنگالی بھائیوں نے مودی کے آلہ کار کو اٹھا کر پھینک دیا تمہارا اپنی ہی ایجنٹ کو پناہ دینا تمہاری سفارتی ناکامی ہے سکھوں کو مارنے کی وجہ سے کینیڈا کی حکومت اور عوام کا احتجاج جاری ہے تمہارے خواب ایک ایک کرکے چکنا چور ہوگئے ہیں ہمارے ایک بیٹے نے تمہارے جہاز کو گراکر ابھینندن کو چائے پلا کر واپس بھیجا ۔

فاروق ستار نے کہا کہ اگر شوق ہے تو آئیں پھر پاکستان کو آزمائیں اس مرتبہ انڈین ایئر فورس کا پورا سکوارڈن اتاریں گے اس دفعہ چائے کی پیالی کے بجائے ڈرم بھیجیں گے کیوں کہ مودی کا آبائی پیشہ بھی چائے کا تھا اس دفعہ تمہیں تمہاری حیثیت یاد دلا دیں گے۔

انہوں نے کہا کہ آج کا سب سے بڑا سچ تو یہ ہے کہ مودی بہت بڑی غلطی کر بیٹھا ہے آج پوری دنیا بھارتی مؤقف کو غلط اور پاکستان کے مؤقف کو درست قرار دے رہی ہے پوری دنیا امن اور بات چیت چاہتی ہے جب کہ بھارت جنگ چاہتا ہے ہم جنگ نہیں چاہتے لیکن اگر بھارت جنگ چاہتا ہے تو پھر جنگ ہی سہی۔

فاروق ستار نے کہا کہ پوری پاکستانی قوم مسلح افواج کے ساتھ ہےبھارت غیر جانبدارانہ تحقیقات سے کیوں بھاگ رہا ہے ؟ سندھ طاس معاہدہ معطل کرکے مودی عالمی قوانین کی خلاف ورزی کررہا ہے بھارت نے عالمی برادری کے خلاف جنگ شروع کردی ہے تم نے اپنے سیکولرازم کے تابوت میں آخری کیل ٹھونک دی ہے۔

اپوزیشن لیڈر عمر ایوب نے کہا کہ وزیر اعظم سمیت وزرا کی 22 سیٹیں خالی ہیں یہ حکومت کی سنجیدگی ہے پی پی پی کی قیادت موجود ہے، اپوزیشن موجود ہے مگر مسلم لیگ ن ایوان سے غائب ہے حکومتی رویے سے لگتا ہے کہ حکومت سرنڈر کرچکی ہے مسلم لیگ ن بھاگنا چاہ رہی ہے۔

اعجاز الحق نے کہا کہ جب بھی مشکل وقت آتاہے قوم اختلافات بھلا کر متحد ہو جاتی ہے جو بات عمر ایوب خان نے کی اس سے اتفاق کرتا ہوں حکومت تھوڑی سی ایوان پر توجہ دے، وزرا ایوان میں آئیں مودی کے مائنڈ سیٹ نے آج تک پاکستان کو تسلیم نہیں کیا بھارتی وزیراعظم نے گجرات میں ہولوکاسٹ کیا وقت آئے گا جب پاکستان بھارتی جارحیت کا منہ توڑ جواب دے گا۔