نیوزی لینڈ کے ہاتھوں ہوم سیریز اور پھر آسٹریلیا کیخلاف شکستوں کے بعد بھارتی ٹیم کا ڈریسنگ روم کا ماحول تلخ ہوگیا، ہیڈ کوچ گوتم گمبھیر نے بھی کھلاڑیوں کی پرفارمنس پر کھری کھر ی سنا دیں-
باغی ٹی وی : بھارتی میڈیا رپورٹس کے مطابق میلبرن ٹیسٹ میں بھارت کو آسٹریلیا کے ہاتھوں 184 رنز سے شکست کا سامنا کرنا پڑا جس کے بعد بھارتی ٹیم کا ٹیسٹ چیمئنز شپ کے فائنل میں پہنچنا مزید دشوار ہو گیا ہے،، اب انہیں دیگر ٹیموں پر فائنل تک پہنچنے کیلئے سہارا لینا پڑرہا ہے۔
بھارتی ہیڈکوچ گوتم گمبھیر بھی کھلاڑیوں کی پرفارمنس پر شدید غصے میں ہیں جبکہ ڈریسنگ روم میں ماحول بھی تلخ ہوچکا ہے، سلیکٹرز، کھلاڑی اور کوچنگ اسٹاف ایک پیج پر نہیں ہیں،جبکہ ہیڈ کوچ گوتم گمبھیر ڈریسنگ روم میں کھلاڑیوں پر برس پڑے اور انڈین ڈریسنگ روم کی افراتفری کو سامنے لے آئے۔
بالی ووڈ فلمساز نہیں سمجھتے کہ فلم سازی کیا ہوتی ہے،انوراگ کشپ
بھارتی میڈیا رپورٹس کے مطابق ہیڈ کوچ گوتم گمبھیر نے کسی کا نام لیے بغیر کھلاڑیوں کو کھری کھری سنائیں اور کہا اب بہت ہو گیا ہے، نیچرل گیم کے نام پر کھلاڑی اپنی مرضی کر رہے ہیں اور انہیں جو پلان دیا جاتا ہے اس پر عمل نہیں کرتے۔
گوتم گمبھیر کا کہنا تھا انڈیا نے میلبرن ٹیسٹ میں 20.4 اوورز میں 7 وکٹیں گنوا ئیں اور ٹیسٹ میچ ہار گئے، 6 ماہ میں کھلاڑیوں کو پورا موقع دیا کہ جس طرح انہوں نے ٹیم کے لیے کھیلنا ہے کھیلیں لیکن اب وہ فیصلہ کریں گے کہ انہیں کیسے ٹیم کے لیے کھیلنا ہے۔
نامور خاتون ماہر علم نجوم کی 2025 کیلئے بڑی پیشگوئیاں
انڈین ٹیم کے ہیڈ کوچ نے کھلاڑیوں کو وارننگ دیتے ہوئے کہا اگر کوئی کھلاڑی حکمت عملی کے مطابق نہیں کھیلے گا تو اس کو تھینک یو کہہ دیا جائے گا، بیٹرز بنگلا دیش کے خلاف سیریز سے پرفارمنس نہیں دے رہے، نیوزی لینڈ کے خلاف ہوم سیریز میں بھی بیٹنگ لائن بری طرح فلاپ ہوئی اور اب آسٹریلیا میں بھی بیٹرز ناکام رہے۔
