کراچی: پاکستان کرکٹ ٹیم کے کپتان بابر اعظم نے کہا ہے کہ اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا-
باغی ٹی وی : نیشنل اسٹیڈیم کراچی میں پریس کانفرنس میں قومی ٹیم کےکپتان نےکہا کہ انگلینڈ کی ٹیم کافی عرصے بعد پاکستان آئی ہے ساری ٹیم کافی پُرجوش ہے انگلش ٹیم کے خلاف ٹی ٹوئنٹی سیریز بہت اہم ہوگی اور اچھے مقابلے دیکھنے میں آئیں گے 7 میچز کی سیریز ہے جبکہ عالمی کپ کے لیے تیاریوں میں مدد ملے گی۔
🗣️ Pakistan captain Babar Azam conducts press conference at National Stadium, Karachi ahead of the T20I series against England#PAKvENG | #UKSePK https://t.co/r4T9DvErIG
— Pakistan Cricket (@TheRealPCB) September 19, 2022
انہوں نے کہا کہ پچھلے2 سال سےہماری اوپننگ جوڑی کافی کامیاب رہی ہے لیکن ہرمیچ میں صورتحال مختلف ہوتی ہےہماری اوپننگ جوڑی سے پاکستان کو کافی فتوحات بھی ملی ہیں پاورپلےکااچھا استمعال کرتےرہے ہیں اور محمد رضوان کے ساتھ مل کر ذمہ داری نبھانے کی کوشش کروں گا، اپنے اوپر ہونے والی باتوں کو نہیں سنتا البتہ تسلیم کرتا ہوں کہ ایشیا کپ میں ڈاٹ بال زیادہ ہوئیں۔
Babar Azam speaks to the media before the England series.
Watch Live ➡️ https://t.co/pqBtQK6lDL#PAKvENG | #UKSePK pic.twitter.com/7BfQZnduDI
— Pakistan Cricket (@TheRealPCB) September 19, 2022
قومی کرکٹ ٹیم کے کپتان نے کہا کہ ہرشل گبز سے میری کوئی ایسی بات نہیں ہوئی، اپنی پرفارمنس کی ٹینشن تھی لیکن مڈل آرڈر کی کارکردگی کی خوشی تھی، اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا ہمیشہ اچھے کی امید رکھنی چاہیے،سیریز میں فارم واپس لانے کی کوشش کروں گا-
بابراعظم نے کہا کہ نوجوان فاسٹ بولر شاہین شاہ آفریدی کی سیریز میں کمی محسوس ہوگی، ان کی فٹنس بتدریج بحال ہو رہی ہے اور امید ہے کہ وہ عالمی کپ کے لیے دستیاب ہوں گے۔
A behind the scenes peek into the broadcast photoshoot for the two teams 📸🎬#PAKvENG | #UKSePK pic.twitter.com/PQO7KFukUL
— Pakistan Cricket (@TheRealPCB) September 19, 2022
بابراعظم کا کہنا تھا کہ سیلاب زدگان سے بہت ہمدردی ہے، متاثرین پریشانی سے گزر رہے ہیں اور پوری قوم ان کے ساتھ ہے، پاکستان کی مشکل گھڑی میں دنیا مدد کرتی ہے، بیرون ملک پاکستانی بھی اپنا کردار ادا کرتے ہیں، میری درخواست ہے کہ لوگ میچ دیکھنے آئیں۔