جنوبی وزیرستان لوئر میں دو سال سے بند انگور اڈہ بارڈر کو دوبارہ کاروباری سرگرمیوں کے لیے کھول دیا گیا۔
ضلعی انتظامیہ کے مطابق کل سے پاکستان اور افغانستان کے درمیان تجارتی گاڑیوں کی آمد و رفت شروع ہو جائے گی۔تحصیل برمل میں بارڈر کھولنے کی افتتاحی تقریب منعقد ہوئی، جس میں ڈپٹی کمشنر، رکن قومی اسمبلی، سول و عسکری حکام، قبائلی عمائدین، علما کرام اور اسکولوں کے بچوں نے شرکت کی۔انگور اڈہ بارڈر کے کھلنے سے معیشت میں بہتری اور عوام کے لیے روزگار کے نئے مواقع پیدا ہونے کی توقع ظاہر کی گئی ہے۔
تاجر برادری کا کہنا ہے کہ بارڈر کی دو سالہ بندش کے باعث اربوں روپے کا نقصان ہوا، اب دوبارہ کھلنے سے معاشی بدحالی پر قابو پانے میں مدد ملے گی۔
ایل پی جی کی قیمت میں کمی، گھریلو سلنڈر سستا
لندن میں کرپٹو کرنسی اسکینڈل، 5 ارب پاؤنڈ مالیت کے بٹ کوائن ضبط