Tag: انیل کپور

بالی وڈ اداکار انیل کپور 66 برس کے ہونے کے باوجود آج بھی جوان نظر آتے ہیں ہنستے مسکراتے چہرے والے انیل کپور آج بھی کئی ہیرو کے مقابلے میں فٹ اور توانا لگتے ہیں ان کی فٹنس آج کے ہیروز جیسی ہے. انکی سالگرہ کے موقع پر ان کی بیٹی سونم کپور نے ان کو اپنے انسٹاگرام اکائونٹ پر پوسٹ‌لگا کر سالگرہ کی مبارکباد دی اور اسکے ساتھ نیک خواہشات کا اظہار بھی کیا. سونم کپور نے اپنی بیٹی کے ساتھ انیل کپور کی ایک تصویر شئیر کی اور لکھا کہ دنیا کے سب سے اچھے باپ کو سالگرہ کی مبارکباد ہو ، میں آپ سے بے حد پیار کرتی ہوں، آپ ایک

عظٰم باپ اور انسان ہیں جو اپنے بچوں کے لئے کچھ بھی کرنے کو تیار رہتے ہیں. یاد رہے کہ انیل کپور نے 80 کی دہائی میں‌ کیرئیر کا آغاز کیا اور اپنی بہترین اداکاری کی بدولت بالی وڈ‌کے نمبر ون ہیروز میں اپنی جگہ بنا لی. گزرتے ہر سال کے ساتھ انہوں نے ہر فلم میں اپنی صلاحیتوں کا لوہا منوایا . انیل کپور نے اپنے پورے کیرئیر میں‌مختلف قسم کے کردار کئے ، ایکشن کامیڈی ، رومینٹک ہر کردار میں ان کے چاہنے والوں نے اسکو سراہا اور انکی فلموں‌کا بےچینی سے انتظار کیا .

بالی وڈ کے اداکار انیل کپور 66 سال کے ہو گئے ہیں. انیل کپور نے اسی کی دہائی میں اپنے فلمی کیرئیر کاآغاز کیا ان کے کریڈٹ پر بے شمار ہٹ فلمیں‌ ہیں. انہیں ان کی خدمات کے اعتراف میں دو فلم ایوارڈز اور سات فلم فیئر ایوارڈز مل چکے ہیں۔انیل کپور معروف فلم پروڈیوسر سریندر کپور کے بیٹے ہیں. ان کے بھائی بونی کپور ایک بڑے پرڈیوسر ہیں. انیل کپور نے اپنے دور کی تمام بڑی ہیروئنز کے ساتھ کام کیا ان کی جوڑی ہر ہیروئین کے ساتھ سراہی گئی لیکن مادھوری ڈکشٹ کے ساتھ ان کی جوڑی نے باکس آفس پر کامیابی کے ریکارڈز قائم کئے. مادھوری اور انیل کپور نے بیٹا ، تیزاب اور پکار جیسی سپر ہٹ فلموں میں‌کام کیا. انیل کپور نے میری جنگ (1985)، کرما (1986)، مسٹر انڈیا (1987)، تیزاب (1988) ، رام لکھن (1989) ، پرندا (1989) لمحے (1991)، بے نام بادشاہ

(1991)، بیٹا (1992)، انداز (1994)، لاڈلا (1994)، تریمورتی (1995)، لوفر (1995)جدائی (1997)، دیوانہ مستانہ (1997)، گھروالی بہار والی (1998)، تال (1999)، ہم آپ کے دل میں رہتے ہیں (1999)، بیوی نمبر 1 (1999)، لجا (2001)، نائیک (2001)، نو انٹری (2005)، ویلکم (2007)، ریس (2008)، ریس 2 (2013)، دل دھڑکنے دو (2015)، ویلکم بیک (2015)، ریس 3 (2018)، ٹوٹل دھمال (2019)، ملنگ (2020) اور جگ جگ جیو (2022)۔ جیسی فلموں میں یادگار کردار کئے.

برصغیر کی کوئل کہلائی جانے والی لتا منگیشکر کو بڑے پیمانے پر ہندوستان کی عظیم اور بااثر گلوکاروں میں سے ایک سمجھا جاتا ہے۔ آٹھ دہائیوں پر محیط کیریئر میں انہوں نے لاتعداد گانے گائے اور ایک سے زیادہ زبانوں میں گائے. لتا کے گائے ہوئے گیت ہندوستان کی تقریبا ہر دوسری ہیروئین پر پکچرائز ہوئے. بالی وڈ کے اداکار انیل کپور نے انہیں یاد کیا ان کی سالگرہ کے موقع پر انہوں‌ نے ایک آڈیو نوٹ سوشل میڈیا پر جاری کیا اور اس کا کیپشن لکھا کہ ”لتا جی کی یوم پیدائش پر صرف یہ چاہتا ہوں کہ دنیا اس وائس نوٹ کو سنے جو میرے سب سے قیمتی اثاثوں میں سے ایک ہے، لتا نہ صرف عظیم گلوکارہ تھیں بلکہ سوچنے سمجھنے والے، حوصلہ افزائی اور دیکھ بھال کرنے والی تھیں ، عظیم لوگ عظیم

انسان بننا نہیں بھولتے۔لتا منگیشکر 6 فروری 2022 کو 92 سال کی عمر میں ممبئی میں انتقال کر گئیں تھیں، کورونا کا ٹیسٹ مثبت آنے پر انہیں انہیں 8 جنوری 2022 کو ممبئی کے بریچ کینڈی ہسپتال میں داخل کرایا گیا.گلوکارہ کی پورے سرکاری اعزاز کے ساتھ ممبئی میں آخری رسومات ادا کی گئیں تھیں۔یاد رہے کہ انیل کپور کے کیرئیر کے آغاز میں انہوں نے جتنی بھی فلمیں کیں اس میں انکی ہیروئینز پر لتا منگیشکر کی ہی آواز ہوتی تھی. یوں لتا منگیشکر نے انیل کپور کی بہت سی فلموں میں گائے.

بالی وڈ اداکارہ انیل کپور نے حال ہی میں انسٹاگرام پر ایک وڈیو شئیر کی ہے. جس میں وہ پاکستانی فیشن ڈیزائنرز محسن نوید رانجھا کا شکریہ ادا کرتے ہوئے دکھائی دے رہے ہیں. انیل کپور اس وڈیو میں شیروانی زیب تن کئے ہوئے دکھائی دے رہے ہیں اور شیروانی غالبا پاکستانی فیشن ڈیزائنر محسن نوید رانجھا کی ہے. کیونکہ انیل کپور اس وڈیو میں پاکستانی فیشن ڈیزائنر محسن نوید رانجھا کا شکریہ ادا کررہے ہیں اور کہہ رہے ہیں کہ محسن بھائی آداب ، آپ کو جنم دن کی ڈھیروں مبارکباد ، میں نے آپ کے تیار کردہ کپڑے پہنے بہت اچھے اور عمدہ ہیں امید ہے کہ بہت جلد آپ کے ساتھ ملاقات ہوگی. انیل کپور نے وڈیو کے آخر میں محسن نوید رانجھا کو دعائیں دیں . یاد رہے کہ محسن نوید رانجھا پاکستانی فیشن

محسن نوید رانجھا بالی وڈ اداکار رنویر سنگھ کے ساتھ

ڈیزائنر ہیں اور ان کے کام کو بین الاقوامی سطح پر پذیرائی حاصل ہو رہی ہے ان کے تیار کردہ جوڑے بالی وڈ کے فنکار بھی شوق سے زیب تن کرتے ہیں . کچھ عرصہ قبل محسن نوید رانجھا کے تیار کردہ کپڑے سیف علی خان کی بیٹی سارا علی خان نے بھی زیب تن کئے تھے. محسن نوید رانجھا کے کام کو عالمی سطح پر پذیرائی اس وقت ملی جب پاکستانی نژاد برطانوی اداکار ٹین فرانس برٹش فیشن ایوارڈز 2021 میں ان کا تیارکردہ لباس پہنا تھا۔اس کے علاوہ ایوارڈ یافتہ پاکستانی فلم جوائے لینڈ کی کاسٹ نے کانز فلمی میلے میں محسن رانجھا کے تیار کردہ ملبوسات پہن کر کانز کے ریڈ کارپٹ پر واک کی تھی۔

بالی وڈ اداکار جیکی شروف اور انیل کپور نے کئی فلموں میں ایک ساتھ کام کیا ہے جن میں رام لکھن اور پرندا کے نام قابل زکر ہیں. انیل کپور نے کافی ود کرن میں جیکی شروف کے حوالے سے کہا تھا کہ وہ جیکی شروف کے سٹار ڈم کی وجہ سے خود کو غیر محفوظ سمجھتے تھے اور ساتھ ہی یہ بھی بتایا کہ وہ کتنے شائستہ تھے اور ان کے ساتھ کتنے ادب احترام کے ساتھ پیش آتے تھے. اداکار جیکی شروع نے اپنے فلمی کیرئیر کا آغاز 1983 کی فلم ہیرو سے کیا تھا،جس میں ان کے ساتھ میناکشی ششادری تھیں. ان کو پہلی ہی فلم سے بریک تھرو ملا . انیل کپور کہتے ہیں کہ جیکی شروف آتے ہی اے کلاس ایکٹرز کی لسٹ میں شامل ہو گئے ، اسی شو میں انہوں نے وہ وقت بھی یاد کیا جب وہ جیکی شروف کے ساتھ سیٹ پر بیٹھے

ہوتے تھے اور لوگوں کی ایک بڑی تعداد ان سے آٹو گراف لینے کے لئے آتی تھی انیل نے کہا کہ میں لوگوں‌کو سیٹ پر دیکھ کر خوش ہوجایا کرتا تھا لیکن جلدی ہی احساس ہوجایا کرتا تھا کہ یہ لوگ تو جیکی کے لئے سیٹ پر اکٹھے ہوئے ہیں. انیل کپور کی ان باتوں کا جواب دیتے ہوئے جیکی شروف نے کہا ہے کہ انیل کپور ایک ایسا انسان ہے جو دل کی گہرائیوں سے میرا خیال رکھتا ہ، میری عزت کرتا ہے اور جب انیل کپور کے پائے کا اداکار میرے بارے میں اتنا اچھا بولے تو یقینا میری عزت میں مزید اضافہ ہوجاتا ہے. اانہوں نے مزید کہا کہ انیل کا دل بالکل صاف ہے اور وہ وہی کہتا ہے جو وہ محسوس کرتا ہے اور ہمیشہ سے ہی مجھے بہت زیادہ کریڈٹ دیتا ہے۔

فلم پرندہ ہو یا رام لکھن انیل کپور اور جیکی شروف کی جوڑی کو بہت سراہا گیا انیل کپور نے حال ہی میں کرن جوہر کے شو میں شرکت کی تو انہوں نے انکشاف کیا کہ وہ جیکی شروف کی کامیابی سے خود کو غیر محفوظ تصور کرنے لگے تھے. انہوں نے ایک واقعہ کا زکر بھی کیا انہوں نے کہا کہ ہم ایک ساتھ کسی فلم کی شوٹنگ کررہے تھے لوگ جب جیکی شروف سے آٹوگراف لینے آئے تو انہوں نے مجھے کہا کہ انیل تم بھی آٹوگراف کاپی پر سائن کرو تو یہ چیز میرے لئے حیران کن تھی. انیل کپور سے کرن جوہر نے نیپوٹیزم کے بارے میں بات کی انیل کپور نے کہا کہ میں ایسی چیزوں کو سنجیدگی سے نہیں لیتا۔ مجھے لگتا ہے کہ آپ کو صرف اپنا کام کرنا چاہیے آپ کا کام بولتا ہے.میرے

ابتدائی دنوں میں سنی دیول اور سنجو بابا کام کررہے تھے تو یہ تو ہوتا ہی ہے اداکاروں کے بہن بھائی بچے کام کرتے ہیں لہذا میرے نزدیک اس بحث کا کوئی مطلب نہیں. یاد رہے کہ انیل کپور کی اس سال فلم جگ جگ جیو ریلیز ہوئی ہے فلم نے اچھا بزنس کیا ہے لیکن بہت اچھا بزنس نہیں کر سکی تاہم اس میں انیل کپور اور نیتو کپور کو ایک ساتھ کافی سراہا گیا ہے. نیتو اور انیل ایک ساتھ پہلی بار کسی فلم میں دکھائی دئیے ہیں.

بالی وڈ اداکار انوپم کھیر اور انیل کپور نہ صرف ریل لائف کے ساتھی ہیں بلکہ حقیقی زندگی میں بھی ان کا مضبوط رشتہ ہے، ا ن کی دوستی کے کافی چرچے بھی ہیں۔ دونوں اداکاروں نے ایکساتھ کئی فلموں میں کام کیا جن میں ہم آپ کے دل میں رہتے ہیں، رام لکھن، روپ کی رانی چوروں کا راجہ، ہمارا دل آپ کے پاس ہے ، زندگی اک جوا و دیگر کے نام قابل زکر ہیں ان کی زیادہ تر فلمیں باکس آفس پر کامیاب ہوئیں اور ناقدین کی جانب سے انہیں بہت پذیرائی ملی۔ گزشتہ روز انوپم کھیر نے اپنے انسٹاگرام اکائونٹ پر ایک وڈیو شئیر کی جس میں ان کے ساتھ انیل کپور بھی ہیں. وڈیو میں دیکھا جا سکتا ہے کہ انیل کپور اور انوپم کھیر یش چوپڑہ کے گھر کے باہر کھڑے ہیں.وڈیو شئیر کرکے انوپم کھیر نے کیپشن کچھ یوں لکھا”

مارننگ واک کے دوران یش جی میں اور انیل کپور آپ کے گھر کے باہر کھڑے ہوئے اور آپ کے گھر کے باہر آپ کے ساتھ بیتے لمحوں اور کام کی یادیں تازہ کیں بے شک آپ کا ہماری زندگیوں کو بہتر بنانے میں آپکا بہت بڑا ہاتھ ہے ، شکریہ آپ کے تعاون ، پیار محبت اور ہمارے ساتھ بیتے لمحوں کا . انہوں نے یہ بھی لکھا کہ اتفاق سے آج فلم چاندنی کو ریلیز ہوئے 33 برس بیت گئے ہیں یاد رہے اس فلم میں رشی کپور، ونود کھنہ، وحیدہ رحمٰن، اور دیگر نے بھی انوپم کھیر کے ساتھ اداکاری کی تھی۔

انیل کپور نانا بننے پر کتنے خوش ہیں یہ تو سب کو معلوم ہے وہ اس خوشی کا اظہار وقتا فوقتا کرتے رہتے ہیں. انیل کپور نے حال ہی میں ایک انٹرویو دیا ہے اس میں انہوں نے ایک بار پھر کہا ہےکہ میں نانا بننے پر بہت زیادہ خوش ہوں . اور نانا بن کر مجھے ایسا لگتا ہے کہ جیسے میں ہوائوں میں اڑ رہا ہوں. میں اپنے نواسے کے ساتھ گھنٹوں گزارتا ہے اور مجھے اس کے ساتھ وقت گزارنا بہت اچھا لگتا ہے. انیل کپور نے کہا کہ میں جب اپنے کام میں مصروف ہوتا ہوں تو سونم ،اور میری اہلیہ بچے کا خیال رکھتی ہیں لیکن میں رابطے میں رہتا ہوں. انیل کپور نے مزید کہا کہ میرا نواسا ابھی بہت چھوٹا تھوڑا بڑا ہوجائے تو زیادہ اچھا لگے گا. مجھے اپنے نواسے کو ہر روز دیکھنا بہت اچھا لگتا ہے. یاد رہے کہ سونم کپور

اور آنند اہوجا کی شادی 2018 میں ہوئی تھی ، 20 اگست 2022 کو سونم کے ہاں ایک بیٹے کی ولادت ہوئی سونم نے اپنے بیٹے کی پیدائش کے بعد ابھی تک جتنے بھی انٹرویوز دئیے ہیں اس میں انہوں نے یہی کہا ہے کہ میرے بچے نے میری زندگی بدل کر رکھ دی ہے مجھے اب بس اسی کی فکر رہتی ہے. میں اس کی بہترین پرورش کرنا چاہتی ہوں، میں اپنے بیٹے کو لندن میں پڑھائوں گی یا انڈیا میں، اسکا فیصلہ ابھی تک نہیں کیا. سونم کپور کہتی ہیں کہ وہ فلم انڈسٹری چھوڑیں گی نہیں لیکن کم کام کریں گی جب کوئی سکرپٹ ایسا لگا کہ کرنا چاہیے تو کرلیں گی.

بالی وڈ اداکارہ سونم کپور جو حال ہی میں ایک بیٹے کی ماں بنی ہیں انہوں نے کہا ہےکہ میں 37 سال کی عمر میں ماں بنی ہوں اور مجھے لگتا ہے کہ میں ابھی بھی جوان ہوں اور جوان لگتی ہوں. انہوں نے اپنے والد کو اس کا کریڈٹ دیتے ہوئے کہا کہ میں نے یہ خوبی اپنے والد سے پائی ہے وہ عمر کے اس حصے میں بھی جوان نظر آتے ہیں. ووگ کے ساتھ انٹرویو میں انہوں نے کہا کہ میرے والدین دادا دادی بننے کے لئے شاید اس طرح سے تیار نہ تھے جس طرح سے ہونا چاہیے.سونم نے کہا کہ جب میں نے اپنی پریگنینسی کی خبر والدین کو سنائی تو میرے والد انیل کپور فلم جگ جگ جیو کی چندی گڑھ میں شوٹنگ کررہےتھے.وہ شاید اس وقت ریڈی نہ تھے نانا بننے کےلئے لیکن اس خبر کے بعد انہوں نے ایک نواسے کی دعا کی. سونم نے مزید کہا کہ ان

کے والد نے ہمیشہ اپنی بیٹیوں کے کیریئر پر توجہ دی انہوں نے دیکھا کہ ہم کیا کررہے ہیں اور کیا نہیں لیکن انہوں نے کبھی یہ چیز نہیں‌دیکھی کہ ہم کس کو ڈیٹ کررہے ہیں کس کو نہیں یا کب شادی کررہے ہیں وہ ہمیشہ یہی کہتے رہے ہیں تب شادی کریں جب آپ ذہنی طور پر تیار ہوں. یاد رہے کہ سونم کپور کے ہاں حال ہی میں بیٹے کی ولادت ہوئی ہے اور پوری کپور فیملی بیٹے کی آمد پہ کافی بہتر ہیں.

جیسے ہی کسی اداکارہ کی شادی ہوتی ہے تو ہر کسی کا ایک ہی سوال ہوتا ہے کہ کیا تم شادی کے بعد کام کرو گی؟اگر شادی کے بعد بھی کام جاری رکھے اور حاملہ ہوجائے تو پھر یہ سوال کیا جانے لگتا ہے کہ بچے کی پیدائش کے بعد کام کرو گی؟۔ تو ایساہی کچھ ہو رہا ہے سونم کپور کے ساتھ۔ ان سے بھی اسی قسم کے سوالات ہو رہے ہیں۔ ان سے حال ہی میں ایک انٹرویو ہوا صحافی نے پوچھا کہ سونم کیا آپ اب کام کرنا چھوڑ دیں گی یا آپ کا کیرئیر کس طرف جاتا دیکھ رہی ہیں تو اس پر سونم کپور نے کہا کہ میرا بچہ میری پہلی ترجیح ہے۔ اداکاری کی طرف زرا توجہ کم رہے گی لیکن کام کرنا مکمل طور پر نہیں چھوڑوں گی اور مجھے نہیں لگتا کہ میں مکمل طور پر کبھی کام کرنا چھوڑ سکتی ہوں میں شروع سے شوخ اور چنچل تھی اپنی مرضی کے مطابق کام کیا اب بھی کروں گی لیکن بچہ پہلی ترجیح رہے گا۔ سونم نے مزید کہا کہ کوئی بھی بچہ اپنی مرضی سے اس دنیا میں نہیں آتا بلکہ ہم خود لاتے ہیں لہذا ہمیں خود غرض نہیں

بننا چاہیے میں اپنے بچے پر بھرپور توجہ دوں گی بطور ماں جو کر سکتی ہوی کروں گی۔ یاد رہے کہ سونم کپور کے گھر حال ہی میں بیٹے کی ولاد ت ہوئی ہے سونم کافی خوش ہیں اور انہوں نے تو مستقبل کے پلانز بھی شروع کر دئیے ہیں کہ وہ اپنے کیرئیر اور بچے کو لیکر کس طرح چلیں گی۔