انسٹیٹیوٹ آف بزنس ایڈمنسٹریشن (آئی بی اے ) سکھر میں پنوعاقل گیریژن کے مجموعی انتظامات کے تحت ایجوکیشن ایکسپو کا انعقاد کیا گیا۔
باغی ٹی وی : آئی ایس پی آر کی جانب سے جاری بیان کے مطابق اس ایکسپو میں نمایاں یونیورسٹیوں بشمول نسٹ، کامسیٹس، یو ای ٹی اور بحریہ یونیورسٹی نے تعلیمی سٹالز لگا کر ایکسپو میں شرکت کی سندھ بھر سے طلباء نے ایجوکیشن ایکسپو کا دورہ کیا اور تقریب کے انعقاد پر پاک فوج کی کاوشوں کو سراہا۔
آئی ایس پی آر کے مطابق گیریژن کمانڈر پنو عاقل گیریژن نے ایکسپو 2022 کا دورہ کیا اور طلباء سے بات چیت کی جہاں انہوں نے تعلیم کی اہمیت اور قوم کی تعمیر میں نوجوانوں کے کردار پر روشنی ڈالی۔
