12 اکتوبر تاریخ کے آئینے میں
۔۔۔۔۔۔۔۔۔۔۔۔۔۔۔
1492ء کرسٹوفر کولمبس کے تین جہازوں میں سے ایک جہاز پنٹا نے کیریبین سمندر سے نئی دنیا (امریکہ) دریافت کی یہ علاقہ سین سلواڈور کا تھا۔
1755ء امریکی بحریہ کا قیام عمل میں آیا۔
1836ء ٹیکساس کے انڈیانولا میں زبردست سمندری طوفان میں 250 لوگوں کی موت ہوئی۔
1860ء برطانوی اور فرانسیسی افواج نے بیجنگ پر قبضہ کر لیا۔
1879ء برطانوی افواج نے کابل پر قبضہ کیا۔
1906ء جنوبی افریقی آئینی کانفرنس ڈربن میں ہوئی۔
1918ء امریکہ کے مینسیٹو اور شمالی وسکوناسین کے جنگل میں لگی آگ سے 800 لوگوں کی موت ہوئی۔
1925ء شام میں بغاوت ہوئی۔
1928ء لوہے کے بنے ہوئے مصنوعی پھیپھڑے کا ایک پولیو کے مریض پر کامیاب تجربہ کیا گیا۔
1934ء یوگوسلاویہ میں پیٹر دوم تخت نشین ہوئے۔
1942ء دوسری جنگ عظیم میں جاپانی فوج کو امریکہ نے گواڈ کنال میں شکست دی۔
1945ء دوسری جنگ عظیم کے بعد نازی پارٹی کو توڑ دیا گیا۔
1956ء برطانیہ نے اسرائیلی حملے کی صورت میں اردن کی مدد کرنے کا اعلان کیا۔
1960ء اقوام متحدہ کی جنرل اسمبلی کی میٹنگ میں سوویت رہنما نکیتا روشچیف نے غصے میں آ کر کئی بار اپنے جوتے میز پر پٹکے۔
1964ء فوج نے جنوبی ویتنام میں میجر جنرل این یو این کانہہ کو سرکار سے ہٹا کر اقتدار پر قبضہ کر لیا۔
1967ء جنوبی لبنان میں اہم ٹھکانوں پر قبضے کے لئے فلسطینی چھاپہ ماروں نے شیعہ ملیشیا سے لڑائی کی۔
1968ء میکسکو میں 19 ویں اولمپک کھیلوں کی شروعات ہوئی۔
1969ء سوویت یونین نے تین خلا بازوں سمیت سویوز 7 کا تجربہ کیا۔
1973ء اسپین میں ملک بدر زندگی گذار کر لوٹنے کے بعد انتخاب جیتنے پر جوآن پرسن کو ارجنٹینا کا صدر اور ان کی اہلیہ ایسابیل کو نائب صدر بنایا گیا۔
1976ء۔۔فیصل مسجد اسلام آباد کا سنگ بنیاد رکھا گیا۔1959ء میں جب اسلام آباد کی منصوبہ بندی کی جارہی تھی تو ان منصوبہ سازوں کے ذہن میں ایک ایسی مسجد کا خاکہ بھی تھا، جو پرشکوہ بھی ہو، پر جمال بھی ہو اور اس جدید ترین شہر کی شناخت اور پہچان بھی ہو۔ اسلام آباد کا شہر آہستہ آہستہ بستا رہا اور جب 1966ء میں سعودی عرب کے شاہ فیصل پاکستان کے دورے پر تشریف لائے تو انہوں نے اس مسجد کے تمام تر اخراجات برداشت کرنے کا اعلان کیا۔ 1968ء میں حکومت پاکستان نے اس مسجد کے ڈیزائن کے لئے ایک بین الاقوامی مقابلے کا اہتمام کیا۔ یہ مقابلہ ترکی کے جواں سال آرکٹیکٹ ویدت دلو کے نے جیتا۔ مارچ 1975ء میں جب شاہ فیصل شہید کردیئے گئے تو حکومت پاکستان نے فیصلہ کیا کہ یہ مسجد ان کے نام سے معنون کردی جائے۔ چنانچہ 28 نومبر 1975ء کو حکومت نے اس مسجد کا نام ’’شاہ فیصل مسجد‘‘ رکھنے کا اعلان کردیا۔ اکتوبر 1976ء میںجب سعودی عرب کے فرمانروا شاہ خالد پاکستان کے دورے پر تشریف لائے تو حکومت پاکستان نے ان سے درخواست کی کہ وہ اپنے بھائی کے نام سے معنون اس عظیم مسجد کا سنگ بنیاد نصب فرمائیں۔ چنانچہ 12 اکتوبر 1976ء مطابق 17 شوال 1396ھ کو شاہ خالد نے ایک باوقار تقریب میں اس عظیم الشان مسجد کا سنگ بنیاد رکھ دیا۔ فیصل مسجد کے مرکزی ہال کا رقبہ 51 ہزار 984 فٹ مربع فٹ ہے مرکزی ہال کے چاروں طرف چار مینار ہیں جن میں سے ہر ایک کی بلندی 286 فٹ ہے۔ مسجد کا مرکزی ہال ایک خیمے کی شکل میں ڈیزائن کیا گیا ہے جس کی اونچائی اندرونی جانب سے 134 فٹ اور بیرونی جانب سے 150 فٹ ہے۔ اس مرکزی ہال میں پاکستان کے دو ممتاز مصوروں صادقین اور گل جی نے بھی آیات ربانی کی خطاطی کا شرف حاصل کیا ہے۔ اس کے علاوہ اس ہال کے اوپر نصب کئے جانے والے طلائی ہلال کی تنصیب کا کام بھی گل جی نے انجام دیا تھا۔ یہ مسجد 10 سال کی شب و روز تعمیر کی بعد 2 جون 1986ء مطابق 23 رمضان المبارک 1406ھ کو پایہ تکمیل کو پہنچی۔ یوں وہ خواب جو شاہ فیصل نے 1966ء میں دیکھا تھا، دو دہائیوں کے بعد حقیقت کا روپ دھار گیا۔
1983ء جاپان کے سابق وزیراعظم کاکوئی تناکا کو رشوت خوری میں ملوث پانے جانے پر چار سال قید کی سزا سنائی گئی۔
1986ء ملکہ الزبیتھ دوئم چین کا دورہ کرنے والی پہلی برطانوی تاجدار بنیں۔
1986ء ریجاوک میں امریکی صدر رونالڈ ریگن اور سوویت یونین کے صدر میخائل گوربا چوف کے درمیان ہتھیاروں پر پابندی سے متعلق میٹنگ برخواست ہو گئی۔
1999ء پاکستانی فوج کے سربراہ جنرل پرویز مشرف نے وزیراعظم نواز شریف کا تختہ پلٹ کر اقتدار پر قبضہ کر لیا۔٭12 اکتوبر 1999ء کو جب پاکستان کے چیف آف آرمی اسٹاف جنرل پرویز مشرف سری لنکا کی آزادی کی پچاس سالہ تقریبات میں شرکت کرکے کولمبو سے واپس آرہے تھے، پاکستان کے وزیراعظم محمد نواز شریف نے اچانک انہیں ان کے عہدے سے برطرف کردیا اور آئی ایس آئی کے سربراہ لیفٹیننٹ جنرل ضیاء الدین کو جنرل کے عہدے پر ترقی دے کر نیا آرمی چیف مقرر کردیا۔ جونہی یہ اطلاع ٹیلی وژن سے نشر ہوئی اور جی ایچ کیو پہنچی، کورکمانڈرز نے اس حکم کی تعمیل کرنے سے انکار کردیا۔ ان کا مؤقف تھا کہ چیف آف آرمی اسٹاف جنرل پرویز مشرف اس وقت ملک سے باہر ہیں۔ حکومت اگر انہیں ان کے عہدے سے ہٹانا ہی چاہتی تھی تو اسے ان کی واپسی کا انتظار کرنا چاہئے تھا، بصورت دیگر وہ جنرل پرویز مشرف ہی کے احکامات کی تعمیل کریں گے۔ ادھر جنرل پرویز مشرف اس کارروائی سے بے خبر تھے اور وہ مالے کے راستے کولمبو سے کراچی کے لئے محو سفر تھے۔ حکومت نے اس صورت حال کا فائدہ اٹھانا چاہا اور کوشش کی کہ جنرل پرویز مشرف جس طیارے میں سوار ہیں اسے کراچی ائیر پورٹ پر اترنے نہ دیا جائے۔ مگر فوج کے کورکمانڈروں نے اس کوشش کو ناکام بنادیا۔ جنرل پرویز مشرف کا طیارہ کراچی ائیر پورٹ پر ہی اترا اور جب جنرل پرویز طیارے سے باہر آئے تو فوج نے انہیں آرمی چیف ہی کا پروٹوکول دیا۔ تھوڑی ہی دیر میں فوج نے پورے ملک کے انتظامی حالات پر کنٹرول کرلیا۔ وزیراعظم نواز شریف کو ان کے عہدے سے برطرف کردیا گیا اور جنرل پرویز مشرف ملک کے چیف ایگزیکٹو بن گئے۔
2002ء انڈونیشیا کے جزیرے بالی میں کُوتا ساحلی علاقہ پر بم دھماکے میں 202 افراد ہلاک اور 209 زخمی ہو گئے، جن میں زیادہ تر غیر ملکی سیاح تھے، یہ حادثہ انڈونیشیا کی تاریخ میں ہونے والا خطرناک ترین دہشت گردانہ عمل تھا۔
2007ء سابق امریکی صدر الگور کو امن کا نوبل انعام دیا گیا۔
2007ء پاکستان کے بلے باز انضمام الحق بین الاقوامی کرکٹ سے ریٹائر ہوئے۔
12اکتوبر 2015ء کو پاکستان کے محکمہ ڈاک نے ترکی میں اردو کی تدریس کی سوویں سالگرہ کے موقع پردس روپے مالیت کا ایک ڈاک ٹکٹ جاری کیا۔ اس ڈاک ٹکٹ پر استنبول یونیورسٹی کی عمارت کی تصویربنی تھی اور انگریزی میں 100 YEARS OF URDU IN TURKEY A NEW MILESTONE کے الفاظ تحریر تھے۔ اس ڈاک ٹکٹ کا ڈیزائن عادل صلاح الدین نے تیار کیا تھا۔
تعطیلات و تہوار:
1822ء برازیل، پرتگال سے آزاد ہوا۔
