گزشتہ دنوں عالمی وبا کورونا وائرس کا شکار ہونے والے بالی ووڈ اداکار اکشے کمار کورونا سے صحتیاب ہو گئے ہیں-
باغی ٹی وی: اس حوالے سے بالی ووڈ پروڈیوسر اور سابقہ اداکارہ ٹوئنکل کھنّہ نے اپنے شوہر اکشے کمار کے مداحوں کے لیے انسٹاگرام پر ایک خصوصی پوسٹ شیئر کی۔
ٹوئنکل کھنّہ نے اپنی اور اکشے کمار کی ایک گرافکس تصویر انسٹاگرام پر شیئر کی جس میں وہ دونوں ایک ساتھ اپنے گھر میں موجود ہیں۔
اُنہوں نے اپنی پوسٹ کے کیپشن میں خوشی کا اظہار کرتے ہوئے بتایا کہ دوبارہ اُن کے ساتھ رہ کر بہت اچھا اور محفوظ گ رہا ہے۔
ٹوئنکل کھنّہ نے اپنی پوسٹ کے کیپشن میں ہیش ٹیگ AllisWell کا بھی استعمال کیا اداکارہ کیپشن سے یہ بات واضح ہے کہ اکشے کمار نے کورونا وائرس کو شکست دے کر اسپتال سے ڈسچارج ہوکر واپس گھر آگئے ہیں۔
ٹونکل کھںہ کی اس پوسٹ پر اکشے کمار کی صحتیابی پر مداح بھی خوشی اور نیک خواہشات کا اظہار کررہے ہیں۔