Tag: اکشے کمار

ہیرا پھیری، ویلکم اور آوارہ پاگل دیوانہ یہ وہ مشہور زمانہ فلمیں ہیں جنہیں آج بھی یاد کیا جاتا ہے اور دیکھا جاتا ہے. ان تینوں فلموں کے سیکوئلز دیکھنےکےلئے شائقین بےتاب ہیں. کہا جا رہا ہے کہ پرڈیوسر ساجد نڈیاڈ والا نے گزشتہ دنوں اکشے کمار کے آفس کے چکر لگائے اور ان کے سامنے ہیرا پھیری، ویلکم اور آوارہ پاگل دیوانہ کے سیکوئلز کے پرپورزل رکھے اور ان کو قائل کرتے رہے لیکن اکشے کمار قائل نہ ہو سکے اور انہوں نے تینوں فلموں کے سیکوئلز میں کام کرنے سے انکار کر دیا. کہا جا رہا ہے کہ ساجد نڈیاڈ والا اور اکشے کمار کی ملاقاتیں بے نتیجہ نکلی ہیں اور ساجد اب سوچ رہے ہیں کہ وہ کسی اور اداکار کے ساتھ فلمیں بنائیں . کارتک آریان کا نام ہیرا پھیری تھری کے لئے لیا جا رہا ہے. کہا جا رہا ہے کہ ہیرا پھیری، ویلکم اور آوارہ پاگل دیوانہ کے سیکوئل بنانے کےلئے ساجد نڈیاڈ والا نے اکشے کمار کو جو سکرپٹ سنائے انہیں وہ پسند نہیں آئےاور اکشے نے

معذرت کرلی. کہا جا رہا ہے کہ اکشے کمار کا کہنا ہے کہ وہ اپنے مداحوں کے مزاج سے اچھی طرح واقف ہیں اور وہ صرف کسی بھی سپر ہٹ فلم کے سیکوئل میں کام کرنے کےلئے سکرپٹ‌پر کمپرومائز نہیں‌کر سکتے . یاد رہے کہ ہیرا پھیری، ویلکم اور آوارہ پاگل دیوانہ یہ وہ تینوں فلمیں ہیں جن کے سیکوئل ماضی میں بنائے گئے لیکن انہیں ناکامی کا سامنا کرنا پڑا اس لئے پرڈیوسر کی کوشش تھی کہ کسی طرح‌سے اکشے کمار ہاں کر دیں لیکن انہوں نے ہیرا پھیری، ویلکم اور آوارہ پاگل دیوانہ کے سیکوئلز میں کام نہ کرنے کا کہہ کر ہمیشہ کے لئے اس باب کو بند کر دیا ہے.

نوے کی دہائی کی سپر ہٹ اداکارہ کاجول جو ایک بڑے پیمانے پر فین فالونگ رکھتی ہیں. ان کے بارے میں فلم ساز کرن جوہر نے کپل شرما کے شو میں ایک انکشاف کیا ہے اور وہ انکشاف یہ ہے کہ کاجول کھلاڑیوں کے کھلاڑی اکشے کمار کی بہت بڑی فین تھیں انہیں بہت زیادہ پسند کرتی تھیں. کرن جوہر نے بتایا ہے کہ فلم حنا کے پریمئیر پر ہم سب موجود تھے کاجول بھی وہاں آئیں ، ہماری اس سے پہلے دوستی نہیں تھی، میں نے دیکھا کہ کاجول وہاں پر اکشے کمار کو ڈھونڈ رہیں تھیں میں بھی اکشے کو ہی تلاش کررہا تھا . ہم دونوں کو اس دن پریمئیر میں اکشے کمار تو نہ ملا لیکن ایک دوسرے کو ہم مل گئے. یہیں سے ہماری دوستی کا آغاز ہوا. ہمارے ماں باپ کی آپس میں دوستی تھی لیکن ہماری نہیں تھی

ہماری بھی دوستی ہو گئی . کرن جوہر نے یہ بھی بتایا کہ جب کاجول نے پہلی بار اجے دیوگن کو دیکھا تو انہیں وہ بھی پسند نہیں آئے تھے. انہوں نے کہا کہ سو میں سے ننانوے لوگ تو کاجول کو پسند نہیں آتے. یہاں تک کہ مجھے بھی کاجول نے جب دیکھاتو مجھ پہ ہنستی رہیں اور میں بہت شرمندہ ہوں. واضح رہے کہ کاجول نے اجے دیوگن کے ساتھ محبت کی شادی کی دونوں ایک دوسرے کے ساتھ ہنسی خوشی زندگی بسر کررہے ہیں.

بالی کے کھلاڑی اکشے کمار کا ایک انٹرویو کلپ وائرل ہو رہا ہے جس میں وہ کپل شرما کو انٹرویو دیتے ہوئے دکھائی دے رہے ہیں. اکشے کمار سے کپل مختلف سوال پوچھ رہے ہیں ایک سوال کے جواب میں اکشے کمانے نے کہا کہ نہ میں سگریٹ پیتا ہوں نہ ہی شراب نہ ہی فضول خرچی کرتا ہوں نہ ہی خود کے کپڑوں‌پر زیادہ پیسے لگاتا ہوں. میں سیٹ پر جاتا ہوں تو ڈائریکٹر کپڑے پہننے کو دے دیتا ہے پرڈیوسر خرچہ کر دیتا ہے تو مجھے کیا ضرورت ہے کہ میں خود پر پیسہ خرچ کروں. کپل شرما نے ان سے پوچھا کہ پھر جو آپ پیسے کماتے ہیں وہ کہاں‌جاتے ہیں ؟ تو اس پر اکشے کمار نے کہا کہ میں اپنے پیسے اچھے کاموں میں لگاتا ہوں .اکشے نے مزید کہا کہ

میں ہر حال میں صبح پانچ بجے اٹھ جاتا ہوں اور رات نو بجے سو جاتا ہوں. میں نہ فلمی پارٹیوں میں جاتا ہوں نہ ہی کوئی ایسی محافل جماتا ہوں. میں نے زندگی میں کچھ اصول بنا رکھے ہیں اور یہ آج سے نہیں‌ہیں بلکہ شروع سے ہی ہیں میں ان کے مطابق چلتا ہوں انکو بالکل نہیں توڑتا. یاد رہے کہ اکشے کمار کا شمار ایسے اداکاروں میں ہوتا ہے جو فلموں‌میں‌کام کرنے کے علاوہ کسی قسم کی دیگر مصروفیات کا حصہ نہیں‌بنتے. نہ ہی گوسپس کا حصہ بنتے ہیں .

بالی وڈ کے کھلاڑی اکشے کمار جو کہ تین دہائیاں گزرنے کے بعد بھی ہیرو کے طور پر ہی شائقین کا دل لبھا رہے ہیں. اکشے کمار نے حال ہی میں ایک انٹرویو دیا ہے اس میں انہوں نے کہا ہے کہ ہماری فلموں میں‌کامیڈینز کی بہت زیادہ کمی ہے. حالانکہ کامیڈی کرنا بہت مشکل کام ہے اور کسی کو ہنسانا کوئی آسان نہیں‌ ہے. کامیڈینز بھی اداکار ہی ہوتےہیں انہیں جوکر سمجھے جانے کا مجھے بہت افسوس ہے . اس سے بھی زیادہ مجھے اس چیز کا افسوس ہے کہ ان کو اہمیت نہیں‌دی جاتی ان سے کام کروایا جاتا ہے لیکن ان کو اتنی عزت نہیں‌دی جاتی ہے جتنی کے یہ

حقدار ہوتے ہیں. کامیڈینز کو معمولی سے کردار دینا ان کی توہین ہے ہونا تو یہ چاہیے کہ ان کو بھی ہیرو ہی سمجھنا چاہیے اور بہترین کردار دئیے جانے چاہیں.اکشے کمار کا یہ بھی کہنا ہے کہ ہمیں شائقین کے مزاج کو سمجھ کر فلمیں‌بنانا ہوں گی اب وقت تبدیل ہو چکا ہے، یہ وقت ہے مل بیٹھ کر سوچنے کا کہ آخر کیوں فلمیں فلاپ ہو رہی ہیں. یاد رہے کہ اکشے کمار کی حال ہی میں فلم رکشابندھن ریلیز ہوئی لیکن یہ فلم بائیکاٹ کے ٹرینڈ کا شکار ہونے کے بعد فلاپ ہوگئی . تاہم اکشے کمار کے حوصلے بلند ہیں.

نوے کی دہائی میں اپنا فلمی کیرئیر ایکشن فلموں سے شروع کرنے والے اکشے کمار آج بھی نوجوان نسل کے پسندیدہ اداکار ہیں. اکشے کمار اپنی نوعیت کے واحد بالی وڈ فنکار ہیں جنہوں نے اپنے اوپر لگی ایکشن ہیرو کی چھاپ کو یکسر تبدیل کر دیا اور اپنے کام سے ہی اس چھاپ کو تبدیل کیا. ان کے کیرئیر کے ابتداء کے کئی برس تک انہیں ایکشن ہیرو کہا جاتا رہا اور یہ بھرپور ایکشن فلموں میں نظر آئے لیکن ایک وقت ایسا بھی آیا کہ اکشے ایکشن فلموں‌ کے ساتھ ساتھ کامیڈی کرداروں میں بھی نظر آنے لگے. ان کی فلم ہیرا پھیری ہو یا جوہی چاولہ کے ساتھ فلم مسٹر اینڈ

مسز کھلاڑی ہو اکشے کمار کے کامیڈی کرداروں‌نے شائقین کے دل جیت لئے. اکشے کمار نے حال ہی میں ایک انٹرویو دیا ہے اس میں انہوں نے کہا کہ ان کو ایکشن سے زیادہ کامیڈی کردار کرنا اچھا لگتا ہے انہیں لگتا ہے کہ کامیڈی کو لوگ زیادہ دیکھتے اور پسند کرتے ہیں اور ایسی فلمیں اینٹرٹینمنٹ سے بھرپور ہوتی ہیں. اکشے کمار کا کہنا ہے کہ وہ ایکشن رومانوی ہر طرح کے کردار نبھاتے رہیں گے لیکن کامیڈی کرنا نہیں چھوڑیں گے .اکشے نے کہا کہ ان کے پرستاروں نے ان کو ہر روپ میں پسند کیا چاہے وہ ایکشن تھا کامیڈی یا رومانوی .

بالی وڈ اداکارہ شلپا شیٹھی کسی تعارف کی محتاج نہیں ہیں کیونکہ وہ بالی ووڈ کی مقبول ترین اداکاراؤں میں سے ایک ہیں۔ اداکارہ سوشل میڈیا پر متحرک رہتی ہیں اور اکثر انسٹاگرام پر اپنے مداحوں کے ساتھ اپنی پوسٹوں کے زریعے رابطے میں رہتی ہیں. ایکسرسائز کی ویڈیوز سے لے کر اپنے خاندان کے ساتھ گزارے لمحات اور سیٹ پر کام ہر چیز کی وڈیو شئیر کرتی ہیں. حال ہی میں، شلپا نے اپنے سوشل میڈیا ہینڈل پر اپنی 1994 کی فلم میں کھلاڑی تو اناری کے 28 سال پورے ہونے کا جشن منایا۔اداکارہ نے فلم میں کھلاڑی تو اناڑی کے مشہور گیت چرا کے دل میرا کی وڈیو شئیر کی . شلپا کی اس خوشی میں ان کے مداح بھی شامل ہو گئے اور ان کو فلم انڈسٹری میں ایک لمبا

سفر طے کرکے یہاں تک پہنچنے اور فلم میں‌کھلاڑی تو اناڑی کے 28 سال پورے ہونے کی مبارکباد دی. یاد رہے کہ
میں کھلاڑی تو اناڑی 90 کی دہائی کے سب سے زیادہ پسند کی جانے والی فلموں میں سے ایک تھی اس کے گانے بھی سپر ہٹ تھے آج تک ان گانوں‌کو سنا جاتا ہے. ایکشن اور کامیڈی اس فلم میں اکشے کمار ، شلپا شیٹی کے علاوہ سیف علی خان نے شکتی کپور اور قادر خان نے بھی اہم کردار ادا کیے تھے.شلپا شیٹی بہت جلد ویب سیریز میں بھی نظر آرہی ہیں.

بالی وڈ کے کھلاڑی کہلائے جانے والے اداکار اکشے کمار نے گزشتہ روز اپنی 55 ویں سالگرہ منائی اس موقع پر ان کے مداحوں اور ساتھیوں نے انہیں سالگرہ کی ڈھیروں ڈھیر مبارکباد دیں. جن مشہور شخصیات نے اکشے کمار کو سوشل میڈیا پر سالگرہ کی مبارکباد دی ان میں سارہ علی خان، اجے دیوگن، راکل پریت سنگھ، وانی کپور، کترینہ کیف، سنیل شیٹی اور کرینہ کپور و دیگر کے نام قابل زکر ہیں. اکشے کمار نے سوشل میڈیا پر ایک پوسٹ لگائی جس میں انہوں نے اپنے تمام مداحوں سے ان کی سالگرہ پر دی جانے والی مبارکبادوں کا شکریہ ادا کیا۔ اکشے نے پوسٹ کے کیپشن میں لکھا، وقت تو گزرتا ہی رہتا ہے لیکن جو چیز مستقل رہتی ہے وہ شکر گزاری ہے، میری ہر سالگرہ پر جس طرح سے میرے مداح مجھے سالگرہ کی مبارکباد دینا

نہیں بھولتے میں ان کا بے حد شکر گزار ہوں. اکشے کمار کی اس پوسٹ کے کمنٹس سیکشن میں ان کے مداحوں نے اداکار کی اس پوسٹ کو سراہا . یاد رہے کہ اکشے کمار کی بہت بڑی فین فالونگ ہے ان کو نہ صرف ہندوستان بلکہ پاکستان میں بھی بہت پسند کیا جاتا ہے.انہوں نے اپنے کیرئیر کا آغاز 1991 میں کیا تب سے لیکر اب تک وہ مسلسل کامیابیاں سمیٹ رہے ہیں. جہاں دیگر بالی وڈ سٹارز بائیکاٹ مہم کا شکار ہو رہے ہیں وہیں اکشے کمار بھی اس مہم کا شکار ہوئے ہیں اور ان کی حال ہی میں ریلیز ہونے والی فلم رکشا بندھن بائیکاٹ مہم کی نذر ہو گئی ہے.

بالی وڈ کے کھلاڑی اکشے کمار آج 55 سال کے ہو گئے ہیں. اکشے کمار نے بالی وڈ میں اپنا کیرئیر 1991 میں فلم سوگند سے کیا ، فلم زیادہ کامیاب نہ ہو سکی، 1992 میں آئی ان کی ایکشن تھرلر فلم کھلاڑی سپر ہٹ ہوئی اس کے ساتھ ہی کھلاڑی فلم سیریز کا آغاز ہوا. اکشے کمار نے 31 سالہ کیرئیر میں اپنی ورسٹائل اداکاری کا لوہا منوایا. ایکشن ہیرو کے طور پر بالی وڈ میں اینٹری دینے والے اس ہیرو نے ایکشن ، کامیڈی سنجیدہ ہر طرح کے کردار نبھائے اور شائقین سے داد سمیٹی. اگر ان کے کیرئیر پر نظر ڈالیں تو مجموعی طور پر ان کی کامیاب فلموں کی تعداد زیادہ نظر آتی ہے. اکشے کمار کی بہترین فلموں میں یہ دلگی ، دھڑکن ، انداز اور نمستے لندن، ہیرا پھیری ، مجھ سے شادی کروگی ، بھول بھولیا، سنگھ از کنگ،

اجنبی گرم مسالہ، رستم،دل تو پاگل ہے و دیگر کے نام شامل ہیں. ان کی خدمات کے اعتراف میں انہیں پدم شری ایوارڈ سے بھی نوازا جا چکا
ہے.اکشے کمار کی فلم ہیرا پھیری کو کون بھول سکتا ہے انہوں نے اس میں مزاحیہ کردار کیا جو آج تک شائقین کے ذہنوں پر نقش ہے. اکشے کمار کا نام انکی ساتھی ہیروئنز کے ساتھ جڑتا رہا، اکشے کمار خواتین کے معاملے میں سکینڈلز کا شکار رہے ، روینہ ٹنڈن اور شلپا شیٹی کے ساتھ ان کے افئیر کی خبریں چلتی رہیں لیکن انہوں نے شادی اداکارہ ٹوئنکل کھنہ کے ساتھ کی.اکشے آج بھی ہیرو کے طور پر فلموں میں دکھائی دے رہے ہیں 31 سال کے بعد بھی انکی انرجی قابل تعریف ہے.

اکشے کمار کی اہلیہ راجیش کھنہ کی بیٹی اور بالی وڈ اداکارہ ٹوئنکل کھنہ ایک بار پھر زمانہ طالب علمی میں چلی گئی ہیں . وہ سٹوڈنٹ بن گئی ہیں . جی ہاں ٹوئنکل کھنہ نے یونیورسٹی میں داخلہ لے لیا ہے. اطلاعات یہ ہیں کہ ٹوئنکل کھنہ نے فکشن رائٹنگ میں ڈگری حاصل کرنے کےلئےلندن یونیوسٹی میں داخلہ لے لیا ہے. ٹوئنکل کھنہ کا کہنا ہے کہ وہ فکشن رائٹنگ میں ڈگری کے بعد اس شعبے کو اپنانا چاہیں گی.اکشے کمار سے جب میڈیا نے اس حوالے سے سوال کیا تو انہوں نے تصدیق کی کہ جی ہاں بالکل ٹوئنکل کھنہ ایک بار پھر طالبعلم بن گئی ہیں. اکشے کمار اور ان کی اہلیہ اور دونوں بیٹے اس وقت لندن میں موجود ہیں. اکشے کمار کا یہ بھی کہنا ہے کہ جب تک ٹوئنکل کھنہ کی ڈگری مکمل نہیں‌ ہو جاتی وہ لندن

میں ہی رہیں گی جب ڈگری حاصل کر لیں گی تب انڈیا واپس لوٹیں گی. اکشے کمار نے تو مذاق کے انداز میں یہ بھی کہہ دیا کہ لوگ اپنے بچوں کو سکول چھوڑنے جاتے ہیں اور میں اپنی بیوی کو یونیورسٹی چھوڑنے جائونگا. یاد رہے کہ ٹوئنکل کھنہ نے بطور ہیروئین کام کیاان کی فلموں نے باکس آفس پر کوئی کمال بزنس نہ کیا جس کی وجہ سے انہیں درمیانے درجے کی اداکارہ ہی سمجھا جاتا ہے. ٹوئنکل کھنہ نے اکشے کمار کے ساتھ شادی کے بعد بالی وڈ فلموں سے علیحدگی اختیار کر لی اور گھر داری میں جُٹ‌گئیں.

کپل شرما شو بھارت کا سب سے پاپولر کامیڈی شو ہے، اس شو میں بالی وڈ کی وہ سلیبرٹیز بھی آتی ہیں جو شاید انٹرویوز کم کم دیتی ہیں. اکشے کمار ایک ایسے ہیرو ہیں جنہوں نے متعدد مرتبہ کپل شرما کے شو میں شرکت کی ہے، اکشے کمار نے حال ہی میں کپل شرما شو کے اس سال کے سیزن میں شرکت کی ہے . شو کے پرومو کو بہت زیادہ پسند کیا گیا ہے. پرومو میں دیکھا جا سکتا ہے کہ کپل شرما اکشے کمار سے کہتے ہیں کہ آپ اپنی ہر سالگرہ کے بعد مزید چھوٹے ہوجاتے ہیں؟ کیسے، اس پر اکشے کمار کپل سے کہتے ہیں کہ تیری نظر میرے پیسے اور فلموں پر رہتی ہے تُو میری ہر چیز پر بری نظر رکھتا ہے،میری ہر چیز کو نظر لگاتاہے، یہ تیری نظر کا ہی نتیجہ ہے کہ میری فلمیں فلاپ ہورہی ہیں.یاد رہے کہ جب بھی اکشے کمارکپل شرما کے شو

میں آتے ہیں کپل ان کے ساتھ بہت چھیڑ چھاڑ کرتے ہیں اور اکثر ان کے پاس گاڑیوں‌کی تعداد اور ان کی قیمت کے علاوہ ان کے فلموں کے معاوضے پر بات کرتے ہیں جس پر اکشے کمار انہیں مذاق ہی مذاق میں کافی سناتے بھی ہیں. اکشے کمار کی حال ہی میں فلم رکشا بندھن ریلیز ہوئی جو کے بائیکاٹ کے ٹرینڈ کی نذر ہو گئی. اکشے بائیکاٹ کے اس ٹرینڈ سے کافی پریشان ہیں. اکشے کمار کیا پورا بالی وڈ ہی اس ٹرینڈ کی وجہ سے پریشان ہے.