انٹر میامی کے اسٹار فٹبالر اور ارجنٹائن کے عالمی شہرت یافتہ کھلاڑی لیونل میسی نے اپنے شاندار کیریئر میں ایک اور تاریخی اعزاز اپنے نام کر لیا ہے۔
غیر ملکی خبر رساں ایجنسی کے مطابق کینیڈین جریدے نے انٹر میامی کے اسٹار فٹبالر اور ارجنٹائن کے عالمی شہرت یافتہ کھلاڑی لیونل میسی کو اکیسویں صدی کا بہترین ایتھلیٹ قرار دے دیا ہےرینکنگ کے مطابق لیونل میسی نے این ایف ایل کے عظیم کھلاڑی ٹام بریڈی سمیت دنیا بھر کے کئی بڑے اسپورٹس اسٹارز پر سبقت حاصل کی۔
یہ فہرست مختلف کھیلوں سے تعلق رکھنے والے دنیا کے 25 بااثر ترین ایتھلیٹس پر مشتمل ہے۔ جنہیں ان کی غیر معمولی کامیابیوں، اعزازات اور عالمی اثر و رسوخ کی بنیاد پر منتخب کیا گیافہرست میں این ایف ایل کے 7 مرتبہ چیمپئن ٹام بریڈی دوسرے نمبر پر موجود ہیں جبکہ اولمپکس میں 28 میڈلز جیتنے والے تاریخ کے کامیاب ترین تیراک مائیکل فلپس تیسری پوزیشن پر رہے۔
طارق رحمان کا جلاوطنی سے ملک واپسی پر سیاسی تحریکوں کیلئے پیغام
اس فہرست میں ٹینس اسٹار سرینا ولیمز، دنیا کے تیز ترین انسان یوسین بولٹ اور باسکٹ بال سپر اسٹار لیبرون جیمز جیسے نامور کھلاڑی بھی شامل ہیں،حیران کن طور پر فٹبال کے ایک اور عظیم کھلاڑی کرسٹیانو رونالڈو اس فہرست میں دسویں نمبر پر رہے، جہاں وہ ٹینس اسٹار نوواک جوکووچ، جمناسٹک آئیکون سمون بائلز اور باسکٹ بال لیجنڈ کوبی برائنٹ جیسے کھلاڑیوں سے پیچھے رہے۔
ترکیہ میں کرسمس کے موقع پردہشتگردی کی منصوبہ بندی ناکام بنادی گئی
