Tag: ایران امریکہ کشیدگی

سلامتی کونسل نے امریکہ ایران کے درمیان کشیدگی کو کم کرنے کے لیے ہنگامی اجلاس طلب کر لیا ہے. اس ہنگامی اجلا س کے لیےامریکہ نے اقوام متحدہ کی سلامتی کونسل سے ایران کے معاملے پراپیل کی ہے۔کے اقوام متحدہ میں مندوب نے سلامتی کونسل سے ایران کے معاملے پر بروز پیر ایک بند نشست منعقد کرنے کی اپیل کی ہے۔دوسری طرف امریکہ نے کہا ہےوہ ایران کے ساتھ پیدا ہونے والی کشیدگی کا سفارتی حل تلاش کرنے کی کوششوں میں ہے

سفارتی حلقوں کا کہنا ہے کہ امریکہ کی اس سرکاری اپیل میں گزشتہ ہفتےخلیج عمان میں تیل کے دو ٹینکروں پر حملے کے معاملے میں تازہ پیش رفت سے آگاہی کرانے کے لیے ہنگامی اجلاس کا مطالبہ کیا گیا ہے۔یاد رہے کہ خلیج عمان میں گزشتہ ہفتے تیل کے دو بڑے ٹینکروں پر دھماکہ ہوا تھا۔ ٹینکروں کے عملے کے 44 افراد کو ایرانی ریسکیو ٹیم نے بچاتے ہوئے ایرانی صوبے ہرمز کی بندر گاہ کاسک تک پہنچایا تھا۔بعد ازاں ایران نے ایک امریکی ڈراؤن کو اس کی فضائی حدود کی خلاف ورزی کرنے کے جواز میں مار گرایا تھا۔

امریکی اخبار نیویارک ٹائمز کے مطابق صدر ڈونلڈ ٹرمپ نے جمعرات کو ایران کی جانب سے امریکی ڈرون مار گرائے جانے کے بعد ایران کے خلاف جوابی فوجی کارروائی کرنے کا حکم دیا تھا، لیکن تاہم جمعے کی صبح انہوں نے یہ حکم واپس لے لیا۔اخبار نے دعویٰ کیا ہے کہ امریکی صدر ڈونلڈ ٹرمپ نے کہا ہے کہ پیر کو بین الاقوامی پانیوں میں ایران نے بغیر پائلٹ کا امریکی ڈرون گرایا تو امریکی فوج ایران پر جوابی حملے کے لیے تیار تھی، لیکن انہوں نے آخری وقت پر یہ حملہ روک دیا۔

ڈونلڈ ٹرمپ نے اپنی ٹویٹ میں لکھا کہ ’ہم جوابی کارروائی کے لیے تین مختلف اہداف کو نشانہ بنانے کے لیے تیار تھے، جب میں نے پوچھا کہ کتنےافراد ہلاک ہوسکتے ہیں تو ایک جنرل کی جانب سے جواب آیا کہ 150 ہوں گے تو میں نے اس حملے کو دس منٹ پہلے روکوا دیا۔‘ ایک اور ٹویٹ کی جس میں انھوں نے کہا کہ ایک نامعلوم ڈرون کو مار گرائے جانے کا جواب دینے کی مجھے کوئی جلدی نہیں ہے۔‘ انھوں نے لکھا کہ ’ہماری فوج تیار ہے، نئی ہے اور دنیا کی بہترین فوج ہے۔ پابندیاں انھیں تنگ کر رہی ہیں اور گذشتہ رات مزید لگا دی گئی ہیں۔‘
’ایران امریکہ اور دنیا کے خلاف کبھی جوہری ہتھیار استعمال نہیں کر سکے گا۔دوسری طرف ایرانی حکام کے مطابق اگر ایران پر کوئی بھی حملہ ہوا تو اس کے خطے اور بین الاقوامی سطح پر برے اثرات ہوں گے.اس سے قبل ایرانی حکام کا کہنا تھا کہ امریکی صدر ڈونلڈ ٹرمپ نے عمان کے ذریعے تہران کو پیغام پہنچایا تھا کہ امریکہ ایران پر حملہ کرنے والا ہے۔

اخبار کے مطابق طیارے فضاء میں تھے اور بحری جہاز اپنی پوزیشنز سنبھال چکے تھے مگر پھر رک جانے کا حکم آنے پر کوئی میزائل فائر نہیں کیا گیا۔دوسری طرف روس نے امریکہ پر الزام لگایا ہے کہ وہ جان بوجھ کر ایران کے خلاف کشیدگی کو ہوا دے رہا ہے اور صورت حال کو جنگ کے دہانے کی طرف لے جا رہا ہے۔

تہران:ایران کی طرف سے امریکی ڈرون کو گرائے جانے کے بعد ایران اور امریکہ کے درمیان لفاظی جنگ شروع ہوگئی ہے۔ ڈرون گرائے جانے پر امریکی صدر ڈونلڈ ٹرمپ کے دھمکی آمیز بیان کے بعد ایرانی وزیر خارجہ جواد ظریف بھی میدان میں آگئے ہیں اور امریکہ کو خبردار کرتے ہوئے کہا ہے کہ ایران ہم جنگ نہیں چاہتالیکن اپنی فضائی،زمینی،سمندری حدود کادفاع کرنا جانتا ہے۔ جوادظریف نے ردعمل دیتے ہوئے کہا ہے کہ امریکا نےایران کےخلاف معاشی دہشت گردی شروع کر رکھی ہےجو ایران کے کسی بھی صورت میں قابل قبول نہیں ۔

ایک اور بیان میں جواد ظریف نے کہا ہے کہ امریکا اب ہماری حدود کی خلاف ورزی بھی کر رہا ہے۔
انہوں نے کہا ہے کہ امریکا جھوٹ بول رہا ہے کہ امریکی ڈرون بین الاقوامی فضائی حدود میں تھا۔جواد ظریف نے اس موقع پر یہ بھی کہا ہے کہ ایران اس معاملے کو اقوام متحدہ میں لے کر جائے گا اور امریکہ کی طرف سے ایران کی فضائی حدود کی خلاف ورزی کا معاملہ اٹھائے گا۔ جواد ظریف نے عالمی دنیا پر زور دیا ہے کہ وہ امریکہ رویے کی مذمت کرے۔ یاد رہے کہ خلیج میں امریکہ اور ایران کے درمیان اس وقت سخت کشیدگی پائی جاتی ہے اور امریکہ یمن کی موجودہ صورت کا ایران کو ذمہ دار قرار دے رہا ہے۔