اقوام متحدہ میں پاکستان کے مستقل مندوب عاصم افتخار نے سلامتی کونسل کے اجلاس میں خطاب کرتے ہوئے کہا ہے کہ اسرائیل نے ایران کی خودمختاری کی سنگین خلاف ورزی کی ہے، جس سے پورے خطے کے امن کو شدید خطرات لاحق ہو گئے ہیں۔
پاکستان نے اسرائیلی جارحیت کی شدید مذمت کرتے ہوئے ایران کے ساتھ مکمل یکجہتی کا اظہار کیا ہے۔ عاصم افتخار نے کہا کہ اقوام متحدہ کے پلیٹ فارم پر پاکستان ایران کے عوام کے ساتھ کھڑا ہے، ایران اور اسرائیل کے درمیان جاری کشیدگی سے خطے کے عوام شدید متاثر ہو رہے ہیں۔اس تنازع کو روکنا اقوام متحدہ کی سلامتی کونسل کی اولین ذمہ داری ہے، اسرائیل کی جارحیت بین الاقوامی انسانی حقوق اور قوانین کی صریح خلاف ورزی ہے۔
ان کا کہنا تھا کہ ایران کا جوہری پروگرام پرامن مقاصد کے لیے ہے، اس پر حملے عالمی قوانین کے منافی ہیں۔ نیوکلیئر تنصیبات پر حملے باعث تشویش ہیں، یہ حملے اقوام متحدہ کے چارٹر، آئی اے ای اے اور بین الاقوامی قوانین کی خلاف ورزی ہیں، ایسے اقدامات کا فوری نوٹس لیا جانا چاہیے۔
پاکستان کے مندوب نے مطالبہ کیا کہ عالمی جوہری توانائی ایجنسی (آئی اے ای اے) ان حملوں کی قانونی حیثیت پر وضاحت پیش کرے اور اقوام متحدہ کی سلامتی کونسل فوری اقدامات کرے۔ انہوں نے کہا کہ آئی اے ای اے کو اپنے بورڈ آف گورنرز اور سلامتی کونسل کو ان حملوں پر اپنی قانونی پوزیشن سے آگاہ کرنا چاہیے اور یہ بھی بتایا جائے کہ ایسے حملوں پر کیا بین الاقوامی سیف گارڈز موجود ہیں۔
انہوں نے زور دیا کہ عالمی ادارے اپنی ذمہ داریاں پوری کریں تاکہ خطے میں امن اور استحکام کو یقینی بنایا جا سکے۔
بھارت نے سندھو پر میلی نظر ڈالی تو جنگ ہوگی، بلاول بھٹو کی وارننگ
اسرائیل کی حیفہ پورٹ کو بڑا دھچکا، بڑی شپنگ کمپنی کا سفر معطل کرنے کا اعلان
اسرائیل کی حیفہ پورٹ کو بڑا دھچکا، بڑی شپنگ کمپنی کا سفر معطل کرنے کا اعلان
ٹرمپ انتظامیہ کی ایران پر نئی پابندیاں، ہانگ کانگ کے دو ادارے بھی شامل