ایران کے سپریم لیڈر آیت اللہ خامنہ ای کے مشیر علی شمخانی نے کہا ہے کہ امریکی حملوں کے باوجود ایران کے پاس افزودہ یورینیم کا ذخیرہ برقرار ہے۔
عالمی خبر رساں ادارے کے مطابق علی شمخانی نے سماجی رابطے کی ویب سائٹ ایکس (سابقہ ٹوئٹر) پر بیان جاری کرتے ہوئے کہا کہ ’’اگر ایران کی جوہری تنصیبات تباہ بھی ہو جائیں، تب بھی کھیل ختم نہیں ہوتا، کیونکہ افزودہ مواد، مقامی معلومات اور سیاسی ارادہ باقی رہتا ہے۔‘‘انہوں نے مزید کہا کہ ’’سیاسی اور عملی پہل اب اس فریق کے پاس ہے جو ہوشیاری سے کام لے گا اور اندھے حملوں سے گریز کرے گا۔‘‘
واضح رہے کہ علی شمخانی کا یہ بیان ایسے وقت سامنے آیا ہے جب امریکی حملوں کے بعد ایران کے جوہری پروگرام پر عالمی سطح پر تشویش میں اضافہ ہو گیا ہے، تاہم ایران کی قیادت نے واضح کیا ہے کہ جوہری صلاحیت محفوظ ہے۔
روس، چین اور پاکستان کی مشرق وسطیٰ میں جنگ بندی کے لیے سلامتی کونسل میں قرارداد پیش
برٹش ایئرویز کا قطر اور یو اے ای کے لیے پروازیں معطل کرنے کا فیصلہ
تہران میں امریکی و اسرائیلی حملوں کے خلاف احتجاج، صدر مسعود پزشکیان کی شرکت
فردو جوہری مرکز، زیرزمین نقصان کا اندازہ ممکن نہیں: آئی اے ای اے
