ایک موبائل فون کی خاطر جان لے لی، لاہور میں رنگ ساز نے 4 بچوں کی ماں اور65 سالہ خاتون کو پہلے ڈنڈا مار کر بے ہوش کیا پھر کرنٹ لگا کر جان سے مارڈالا، پولیس نے ملزم کو گرفتار کر لیا۔
باغی ٹی وی کے مطابق لاہور کے علاقے ہربنس پورہ میں بیوہ خاتون کو کرنٹ لگا کر قتل کرنے کے واقعہ کی تحقیقات کے دوران انکشاف ہوا ہے کہ مقتولہ شکیلہ فضیلت کو رنگ ساز نے قیمتی موبائل کیلئے کرنٹ لگا کر قتل کیا۔ایس ایس پی انوسٹی گیشن لاہور محمد نوید نے کہا کہ ملزم عظیم خاتون کے گھر پینٹ کر رہا تھا، فون دیکھ کر قتل کی منصوبہ بندی کی، ملزم نے پہلے خاتون کے سر پر بھاری چیز ماری بعد ازاں کرنٹ لگایا۔
محمد نوید نے بتایا کہ ملزم قتل کے بعد خاتون کے گھر سے چاول کی بوری بھی لیکر گیا، گرفتار ملزم کے گھر سے چاول اور موبائل فون برآمد کر لیا گیاایس ایس پی انوسٹی گیشن لاہور نے بتایا کہ ملزم عظیم نے خاتون کو واش روم میں لے جا کر کرنٹ لگایا، ملزم سے مزید تفتیش جاری ہے۔
ن لیگ کی حکومت پیپلزپارٹی کی وجہ سے ہی کھڑی ہے، شرمیلا فاروقی
بشریٰ انصاری نے یوٹیوبرز اور ٹک ٹاکرز کو عجیب مخلوق قرار دے دیا
حماس نےغزہ کیلئے پیش کیا گیا مصری منصوبہ مسترد کردیا