سوئی ناردرن گیس پائپ لائنز لمیٹڈ (ایس این جی پی ایل) نے پائپ لائن پر ضروری مرمتی کام کے باعث خیبر پختونخوا کے دارلحکومت پشاور کے متعدد علاقوں میں گیس کی فراہمی عارضی طور پر معطل کرنے کا اعلان کیا ہے۔
’ایس این جی پی ایل‘ کی جانب سے جاری کردہ نوٹس کے مطابق یہ تعطل پیر 24 اگست کی شام 08:30 بجے سےمنگل 25 اگست کی صبح 05:30 بجے تک برقرار رہے گا،09 گھنٹے کے دورانیے میں بالخصوص باڑہ روڈ، رنگ روڈ اور ان کے ملحقہ علاقوں کے رہائشی متاثر ہوں گے حکام نے شہریوں کو زحمت سے بچنے کے لیے پیشگی تدابیر اختیار کرنے کی ہدایت کی ہے،کام کی تکمیل کے فوری بعد گیس سپلائی معمول کے مطابق بحال کر دی جائے گی۔
گیس کی عدم فراہمی کے باعث روزمرہ امور اور بالخصوص کھانا پکانے میں پیش آنے والی دشواری سے بچنے کے لیے رہائشیوں کو ہدایت کی گئی ہے کہ وہ متبادل انتظامات وقت سے پہلے مکمل کر لیں اس قسم کے تعطل کا مقصد نظام کی حفاظت اور آئندہ کسی بڑے حادثے یا سپلائی کے نقطہ انقطاع سے بچنا ہوتا ہے، اس لیے شہری اس دوران احتیاطی تدابیر پر سختی سے عمل کریں۔
ترجمان کے مطابق سوئی ناردرن گیس پائپ لائنز لمیٹڈ اپنے بنیادی ڈھانچے کو جدید بنانے اور لیکج یا دیگر تکنیکی نقائص کو دور کرنے کے لیے وقت فوقتاً مختلف سیکٹرز میں ‘سسٹم مینٹیننس’ کرتی ہے،پشاور کے ان گنجان آباد علاقوں میں پائپ لائنز کی دیکھ بھال تاجروں اور عام شہریوں کو مستقبل میں بلا تعطل اور بہتر پریشر کے ساتھ گیس کی فراہم یقینی بنانے کا ایک لازمی حصہ ہے۔
