سوشل میڈیا انفلوئنسر ایشلے سینٹ کلیئر نے دعویٰ کیا ہے کہ انہوں نے 5 ماہ قبل امریکی ارب پتی ایلون مسک کے بچے کو جنم دیا۔
باغی ٹی وی : عالمی میڈیا کے مطابق مذکورہ دعویٰ جمعے کی شام "ایکس” پلیٹ فارم پر ایشلے کے اکاؤنٹ پر ایک پوسٹ میں سامنے آیا ہے پوسٹ میں 31 سالہ نوجوان خاتون نے لکھا کہ 5 ماہ قبل میں نے ایک بچے کا دنیا میں خیر مقدم کیا جس کا باپ ایلون مسک ہے”۔
ایشلے کے مطابق اس نے پہلے یہ انکشاف نہیں کیا تھا جس کا مقصد شیر خوار بچے کی سلامتی کو یقینی بنانا تھا،وہ ایک محفوظ ماحول میں اس بچے کی پرورش کا ارادہ رکھتی ہیں انہوں نے میڈیا سے درخواست کی ہے کہ وہ اس کے موقف کا احترام کرے۔
سابق سعودی انٹیلیجنس چیف نے غزہ کیلئے مارشل پلان کی تجویز دیدی
دوسری جانب ایلون مسک نے اس خبر پر کوئی تبصرہ نہیں کیا ہے، ایلون خود بھی "ایکس” پلیٹ فارم پر ایشلے کے فالوور ہیں۔
واضح رہے کہ ایلون مسک کے 3 مختلف خواتین سے 12 بچے ہیں اگر ایشلے کا دعویٰ درست ہوا تو اب ایلون کے 13 بچے ہو جائیں گے۔