اداکار سلمان خان کی شادی کب ہو گی یہ سوال اکثر ان سے کیا جاتا ہے اور سلمان خان اس سوال کو ادھر ادھر کر دیتے ہیں اور مناسب جواب نہیں دیتے حالانکہ سلمان خان کی دوستیاں‌ بہت ساری ٹاپ کی ہیروئینز کے ساتھ رہیں ، ان کی ایک دوستی ختم ہوتی تو ساتھ ہی دوسری لڑکی کے ساتھ دوستی سامنے آجاتی ، لیکن آج تک سلمان خان گھر نہ بسا سکے. سلمان خان کی حال ہی میں 57 ویں سالگرہ تھی ، دنیابھر سے ان کو مبارکبادیں وصول ہوئیں اس موقع پرسوشل میڈیا پر ان کے پرانے انٹرویو کے کلپس وائرل ہوتے رہے ، ایک ایسا ہی 2019 میں‌ دئیے گئے ایک انٹرویو کا کلپ وائرل ہوتا رہا جس میں سلمان خان کہہ رہے ہیں کہ مجھے بچوں سے بہت محبت ہے مجھے بچے تو چاہیں ان کی ماں‌ نہیں چاہیے. سلمان خان اس کلپ

میں کہہ رہے ہیں بچے لائیں تو ماں بھی ساتھ آتی ہے اور بچوں کو ماں کی ضرورت ہوتی ہے کیونکہ وہ ماں کے بغیر نہیں رہ سکتے. یوں سلمان خان سے کئی بار ان کی شادی کے حوالے سے سوال ہو چکا ہے لیکن وہ کبھی بھی تسلی بخش جواب نہیں دیتے اور سوال کو ٹال جاتے ہیں. یاد رہے کہ اگلے سال سلمان خان کی فلم کسی کا بھائی کسی کی جان ریلیز ہونے جا رہی ہے اس میں شہناز گل ڈیبیو کررہی ہیں.

بالی وڈ کے اداکار وویک اوبرائے جنہوں نے بالی وڈ انڈسٹری می قدم رکھا تو انہیں نہیں‌ پتہ تھا کہ انہیں ایشوریا رائے کے ساتھ کام کرنے کا موقع بھی میسر آئیگا . ان کی قسمت کی دیوی نے ان کا ساتھ دیااور انہیں ایشوریا رائے کے ساتھ فلم میں‌کام کرنے کا موقع میسر آیا ، اس کے بعد ان کی دوستی اور افئیر کے چرچے بھی ہوئے لیکن ایسا کچھ بھی نہ ہو سکا، معاملہ اس وقت بگڑا جب وویک اوبرائے نے سلمان خان کے خلاف پریس کانفرنس کر دی اور یوں وویک اوبرائے کے کیرئیر پر فل سٹاپ لگ گیا ، اس دوران وہ کافی پریشان رہے ، وویک اوبرائے کہتے ہیں‌کہ

وہ وقت میری زندگی پر بہت بھاری تھا میں ڈپریشن میں چلا گیا تھا ، مجھے سمجھ نہیں آتی تھی کہ میں‌کیا کروں ، ہر وقت دل و دماغ کو پریشانی گھیرے رکھتی تھی، ایسے میں میرے گھر والوں‌نے مجھے سہارا دیا ، مجھے مشکل وقت سے نکالنے کی ہر ممکن کوشش کی. ایک وقت ایسا بھی آیا کہ میرے دماغ میں مایوسی کی وجہ سے نیگٹیو سوچیں آنے لگیں.میرے گھر والوں‌ نے ایسے وقت میں مجھے اکیلا نہیں چھوڑا اور مجھے اس مشکل سے نکال کر ہی دم لیا. میں اس وقت کو اب یاد نہیں کرنا چاہتا کیونکہ وہ وقت میری زندگی کا مشکل اور مایوس ترین وقت تھا جو کاٹے نہیں کٹتا تھا.

بالی وڈ اداکارہ ایشوریا رائے بچن کا شمار باصلاحیت اداکارائوں میں ہوتا ہے انہوں نے اپنے فلمی کیرئیر کا آغاز نوے کی دہائی میں مس ورلڈ کا خطاب جیتنے کے بعد کیا ان کے کریڈٹ پر سپر ہٹ فلمیں ہیں. کافی عرصے سے وہ سلور سکرین پر نظر نہیں آرہی تھیں لیکن ایشوریا رائے نے فلم پونین سیلون ون سے اسکرین پر واپسی کے ساتھ ہی باکس آفس پر دھوم مچادی ہے . ڈائریکٹر منی رتنم کی پونیئن سیلوان باکس آفس پر سپر ہٹ جا رہی ہے . فلم کی ریلیز کے بعد ڈائریکٹر نے چنئی میں کاسٹ اور عملے کے لیے ایک خصوصی اسکریننگ کا اہتمام کیا۔ ایشوریا رائے بچن اپنی بیٹی آرادھیا کے ساتھ چنئی میں فلم دیکھنے پہنچیں ، چیان وکرم، ترشا، جیام روی، کارتی اور وکرم پربھو کچھ مشہور شخصیات نے بھی اسکریننگ

میں شرکت کی۔اس فلم کی اسکریننگ کی تصاویر سوشل میڈیا پر وائرل ہو رہی ہیں۔فلم 30 سمتبر کو ریلیز ہوئی اور صرف تین دن میں دنیا بھر میں 230 کروڑ روپے کمائے ۔ یہ فلم متعدد زبانوں میں ریلیز ہوئی ہے اور باکس آفس پر کامیابی سے جاری ہے. یہ فلم اب تک اس سال کی تیسری سب سے زیادہ بزنس کرنے والی فلم قرار دے دی گئی ہے ۔یاد رہے کہ ایشوریا رائے بچن کی بڑی سکرین پر واپسی کا ان کے مداح بے چینی سے انتظار کررہے تھے یہی وجہ ہے کہ ایشوریا رائے کی فلم کو شائقین جوق در جوق دیکھنے کےلئے سینما گھر پہنچ رہے ہیں.

بالی وڈ اداکار ابھیشیک بچن سے ایک انٹرویو میں پوچھا گیا کہ انہوں نے اپنی اہلیہ ایشوریا رائے سے ابھی تک کیا سیکھا ہے؟ ، اس کا جواب دیتے ہوئے جونیئر بچن نے انکشاف کیا کہ ایش نے وہ اعتماد دیا ہے جو انہیں شادی سے پہلے کبھی نہیں تھا۔ انہوں نے کہا ایشوریا رائے نے مجھے ایک ایسا اعتماد دیا ہے جو مجھ میں پہلے کبھی نہیں تھا۔ مجھے گھر میں کئی برسوں تک بچے کی طرح ٹریٹ کیا جاتا رہا میری بہن کی کافی برس پہلے شادی ہو گئی تھی وہ میری بہت کئیر کرتی تھی، مجھ پر کسی قسم کی ذمہ داری نہیں تھی مجھے پتہ بھی نہیں تھا کہ ذمہ داری کیا ہوتی ہے.لیکن شادی کے بعد میں نے اپنی ذمہ داریوں کو محسوس کیا مجھے لگا کہ مجھے اپنی بیوی کی ذمہ داری اٹھانی چاہیے ان کی حفاظت اور کئیر کرنی چاہیے. ابھیشیک بچن نے مزید کہا کہ ایشوریا رائے مجھے سکھایا کہ چیزوں کو نارمل اور حقیقی کیسے رکھنا ہے. یقینا میرے والدین نے

بھی مجھے یہ چیزیں سکھائیں لیکن ایشوریا رائے کو بھی اسکا کریڈٹ جاتاہے.ابھیشیک بچن نے مزید کہا کہ میں نے ایشوریا رائے کے ساتھ کچھ فلموں میں کام کیا ہے اور مزید میں کام کرنے کی خواہش رکھتا ہوں، لیکن اسکے لئے صحیح وقت اور صحیح سکرپٹ کا ہونا بہت ضروری ہے جب تک ایسا نہیں ہو گا ہم ایکساتھ کام نہیں کر سکیں گے. یاد رہے کہ ایشوریا رائے منی رتنم کی Ponniyin Selvan: I کے ساتھ سلور اسکرین پر واپس آنے والی ہیں فلم 30 ستمبر کو سینما گھروں میں ریلیز ہونے والی ہے۔ یہ کالکی کرشنامورتی کی 1955 میں بننے والی دو سنیماٹک حصوں میں سے پہلی ہے۔

ایشوریا رائے بچن بلاشبہ بالی ووڈ کی مقبول ترین اداکاراؤں میں سے ایک ہیں۔ سابق مس ورلڈ نے شوبز میں اپنے سفر کا آغاز 90 کی دہائی میں کیا اور چند ہی سالوں میں صف اول کی اداکارہ بن گئیں . ایشوریا کے کریڈٹ پر کئی ایسی فلمیں ہیں جن میں انہوں نے ثابت کیا کہ وہ ایک بہترین اداکارہ ہیں ہم دل دے چکے صنم اور دیوداس اس کی بڑی مثالیں ہیں. ایشوریا رائے کی ایک بیٹی ہیں آرادھیا بچن وہ اپنی بیٹی کا بطور ماں کافی خیال رکھتی ہیں. ایشوریا رائے نے فلم فئیر کو ایک انٹرویو دیا جس میں ان سے ان کی بیٹی کے بارے میں سوال ہوا ان سے پوچھا گیا کہ آپ گلیمر اور شوبز کی دنیا سے وابستہ ہیں لیکن اپنی بیٹی آرادھیا کے لئے کیسی زندگی کی خواہش رکھتی ہیں اس پر اداکارہ نے جواب دیا

کہ میں اپنی بیٹی کو ڈکٹیٹ نہیں کرنا چاہتی بلکہ اسے خوش دیکھنا چاہتی ہوں، میں اس کو اس کی پسند کی زندگی کے انتخاب کا حق دوں گی میں اس پر اپنا حکم نہیں‌چلائوں گی. یاد رہے کہ ابھیشیک اور ایشوریہ 20 اپریل 2007 کو شادی کے بندھن میں بندھے اور 2011 کو ان کے ہاں آرادھیا کی پیدائش ہوئی. ایشوریا آرادھیا کا بہت خیال رکھتی ہیں اور بطور ماں اپنے اس کردار کو بخوبی نبھا رہی ہیں جسکی تعریف اکثر ابھیشیک کرتے رہتے ہیں. اسی انٹرویو میں انہوں نے اپنے شوہر کے ساتھ کام کرنے کی خواہش کا اظہار بھی کیا.

بالی وڈ فلم انڈسٹری پر تین دہائیوں تک راج کرنے والی اداکارہ اور سابق مس ورلڈ ایشوریہ رائے بچن جو لگ بھگ پانچ سال سے سلور سکرین سے دور ہیں. ایشوریا رائے کو دیکھے کےلئے ان کے مداح ہر وقت بے چین رہتے ہیں. سابق مس ورلڈ اب بالی وڈ میں واپسی کی تیاری کر چکی ہیں. جی ہاں ایشوریا رائے بچن کی فلم پونین سیلون رواں ماہ تیس تاریخ کو سینما گھروں کی زینت بننے جا رہی ہے. یہ خبر یقینا ایشوریا رائے کے پرستاروں کے لئے کسی خوشخبری سے کم نہیں ہے.فلم کا ٹریلر بھی جا ری کر دیا گیا ہے ایشوریا اس فلم میں دو مختلف کرداروں میں‌نظر آئیں

گی. پونین سیلون تامل فلم ہے اسکا انتظار ان کے مداح بے صبری سے کررہے ہیں لہذا فلم کی ریلیز کی تاریخ کا اعلان کر دیا گیا ہے تیس ستمبر کو یہ فلم بھارت سمیت دنیا کے دیگر ملکوں میں ریلیز ہونے جا رہی ہے.معروف فلم ڈائریکٹر منی رتنم کی ہدایت کاری میں بننے والی ’پونین سیلون‘ ایک کلاسک تامل ناول پر مبنی ہے جو حقیقت پر مبنی تاریخی واقعات پرمشتمل ہے.یاد رہے کہ ایشوریا رائے کا شمار بالی وڈ کی کامیاب اداکارائوں میں ہوتا ہے انہوں‌نے بالی وڈ کے تمام بڑے اور نامورہیروز کے ساتھ کام کیا ہے. ایشوریا رائے کے ویسے تو ہر کردار کو پسند کیا گیا لیکن دیوداس میں ان کے پارو کے کردار نے شائقین کے دل جیت لئے تھے.

ایشوریا رائے اور ابھیشیک بچن بی ٹائون کا سب سے زیادہ خوبصورت جوڑا ہے. دونوں کا ایک انٹرویوہوا س میں ان سے ایک سوال ہوا جس کے جواب میں ابھیشیک بچن نے کہا کہ میں تو اس بات پر یقین نہیں‌ کرتا کہ ساحل سمندر پر کینڈل لائٹ ڈنر سب سے زیادہ رومانوی چیز ہو سکتی ہے کیونکہ ان کا اس حوالے سے تجربہ کافی برا رہا ہے. ابھیشیک بچن نے کہا کہ 2009 کی بات ہے کہ ہماری شادی کی سالگرہ تھی اسکو منانے کے لئے ہم دونوں مالدیپ کے ساحل پر کینڈل لائٹ ڈنر کرنے کے لئے گئے، لیکن وہاں ساحل پر ہوا اتنی تیز تھی کہ موم بتیاں بار بار بجھ رہیں تھیں، کھانے میں ریت اڑ کر آرہی تھی ہمارا کینڈل لائٹ ڈنر اس طرح سے برباد ہوگیا. لہذا میں یہ کہوں گا کہ کینڈل لائٹ کے آئیڈیا

سے اتنا متاثر نہ ہوں. ابھیشیک بچن نے ایشوریا رائے کے بارے میں کہا کہ میں اپبی بیوی کی کمپنی کو بہت انجوائے کرتا ہوں اس کے ساتھ گھنٹوں باتیں کرسکتا ہوں اور حقیقت میں ایسا بھی ہوا ہے کہ ہم نے ساری رات باتیں‌ کیں. یاد رہے کہ ابھیشیک بچن اور ایشوریا رائے کی شادی 2007 میں ہوئی تھی دونوں کی ملاقات امرائو جان کے سیٹ پر ہوئی تھی اور ایک ساتھ کام کرتے نزدیکیاں اتنی بڑھیں کہ دونوں نے زندگی بھر ایک دوسرے کے ساتھ رہنے کا فیصلہ کر لیا. اس جوڑے کی ایک بیٹی بھی ہے.

بالی وڈ کی خوبصورت اور باصلاحیت اداکارہ ایشوریا رائے بچن منی رتنم کی فلم سے سلور سکرین پر واپسی کررہی ہیں. تامل اس فلم کا نام پونین سیلون ہے جس کی کہانی حقیقی واقعات پر مبنی ہے. فلم رواں برس تیس ستمبر کو ریلیز ہونے جا رہی ہے.اس فلم کی شوٹنگ مکمل کر لی گئی ہے، کاسٹ میں وکرم، جیام روی، کارتی، تریشا، جیارام، سوبھیتا دھولیپالا و دیگرشامل ہیں .گزشتہ دنوں ایشوریا رائے نے اپنی اس فلم میں اپنے کردار کی ایک جھلک بھی مداحوں کے ساتھ انسٹاگرام پر تصویر لگا کر شئیر کی.ان کی تصویر دیکھ کر ان کے کردار کا بخوبی اندازہ لگایا جا سکتا ہے. کلاسک اس فلم میں ایشوریا رائے

بچن ہیوی جیولری اور ساڑھی زیب تن کئے ہوئے نظر آرہی ہیں.ایکشن ڈرامہ اس فلم کا ایشوریا رائے کے مداح بے چینی سے انتظار کررہے ہیں..یاد رہے کہ منی رتنم کا شمار بہترین ڈائریکٹروں میں ہوتا ہے ان کے کریڈٹ پر جتنا بھی کام ہے معیاری اور بہترین ہے.منی رتنم کلاسک کام کرنے کے عادی ہیں بڑے بڑے اداکاروں کی خواہش ہوتی ہے کہ ان کے ساتھ کام کریں. ایشوریا رائے بچن پہلے بھی منی رتنم کے ساتھ گرو فلم میں کام کر چکی ہیں اس میں ان کے ساتھ مرکزی کردار ان کے شوہر ابھیشیک نے نبھایا تھا.منی رتنم نے زیادہ تامل اور ہندی فلمیں بنائی ہیں شائقین ایک بار پھر سے منی رتنم اور ایشورائے کی جوڑی سے کسی اچھے کام کی توقع کررہے ہیں.جیسا کہ فلم کے پوسٹر سے ہی محسوس ہو رہا ہےکہ فلم یقینا کلاسک ہو گی.