بلھے شاہ ڈسٹرکٹ ہسپتال قصور کے عملے اور ایم ایس میں اختلافات ختم نہ ہو سکے، 13 دن سے قصور میں ہسپتال بند ہے، ینگ ڈاکٹر ایسوسی ایشن لاہور کے عہدیداروں نے مطالبہ کیا ہے کہ ایم ایس ڈاکٹر فاروق کو تبدیل کیا جائے،ایم ایس کو نہ ہٹایا گیا تو لاہور جنرل ہسپتال کی او پی ڈی بند رہے گی،
لاہور جنرل ہسپتال کی او پی ڈی کو آج دوسرے دن بھی بند کر دیا گیا ہے،ینگ ڈاکٹر ایسوسی ایشن لاہور کے اراکین نے او پی ڈی کا بائیکاٹ کیا،ینگ ڈاکٹر ایسوسی ایشن کا کہنا ہے کہ جب تک ایم ایس قصور کو نہیں ہٹایا جاتا ہم او پی ڈی بند رکھیں گے، قصور کے ہسپتال کے سب عملے نے استعفیٰ دیا ہے لیکن حکام کے کانوںپر جونتک نہیں رینگ رہی، ایک ایم ایس کے تبادلے کا مطالبہ نہیں مانا جا رہا،اگر مطالبہ نہ مانا گیا تو احتجاج کو وسیع کریں گے اور دیگر شہروں میں ہسپتالوں کی او پی ڈی کو بند کریں گے
بابابلھےشاہ ہسپتال ڈسٹرکٹ قصور میں کئی روز سے آؤٹ ڈور ڈیپارٹمنٹ بند، آکسیجن، انسولین اوردیگراہم ادویات سمیت جنریٹرسےپٹرول بھی غائب کر دیا گیا،ڈاکٹرز، اسٹاف اور میڈیکل سپریٹنڈنٹ کی لڑائی میں خوار مریض علاج و ادویات کی عدم دستیابی کی بدولت موت کےدھانے پر پہنچ گئے، شہریوں نے اعلیٰ حکام سے اپیل کی ہے کہ ڈاکٹروں کے مطالبات مانے جائیں،قصور کے شہری صحت کی سہولیات سے محروم ہو چکے ہیں، ہمارا مطالبہ ہے کہ ڈاکٹروں کے ساتھ مذاکرات کئے جائیں اور انکے استعفے منظور کرنے کی بجائے انہیں بحال کیا جائے،
بابا بلھے شاہ اسپتال میں ڈاکٹرز کے مستعفی ہونے پر ، ایم اسپتال ڈاکٹر فاروق کا کہنا ہے کہ بابا بلھے شاہ ہسپتال کے ڈاکٹرز مریض کو چیک کر کے ان پر احسان کرتے ہیں، لاکھوں میں تنخواہیں لی جا رہی ہیں لیکن اسکے باوجود ڈیوٹی اوقات میں بھی اپنے پرائیویٹ کلینک کھول کر رکھے، انہوں نے باریاں بانٹی ہوئی ہیں، کوئی پوچھنے والا نہیں تھا،ہسپتال میں اجارہ داری بنائی ہوئی تھی، ماضی میں بھی یہ ایسےہی کرتے رہے ہیں ،انکی فائلیں کھول کر دیکھیں کتنے لیٹر لگے ہوئے ہیں،
