Tag: ایم کیو ایم رہنما

متحدہ قومی موومنٹ پاکستان کے تحت بمقام مرکزی دفتر پاکستان ہاؤس میں نیکسٹ جنریشن کے عنوان سے نوجوانوں کے لئے مفت آن لائن کورسز کی افتتاحی تقریب کا شاندار انعقاد کیا گیا.

باغی ٹی وی کی رپورٹ کے مطابق شرکاء سے سینئر رہنماء و رُکن قومی اسمبلی سیّد مصطفیٰ کمال نے خطاب کرتے ہوئے کہا کہ ایم کیو ایم سیاست برائے خدمت پر یقین رکھتی ہے اور اُس کو عملی جامہ پہنانے کے لئے نیک نیتی سے عمل پیرا بھی ہے، ایم کیو ایم بلا رنگ نسل اور ڈومیسائل کی تفریق کے لوگوں کو خودمختار بنانے کی عملی جد و جہد کررہی ہے اب کسی حکومت کے آگے گڑگڑانے کا وقت نہیں ہے، تقریب میں ملک کے نوجوان لڑکے لڑکیوں کیلئے مفت آئی ٹی کورسز کا اجراء کر دیا گیا۔ تقریب کا باقاعدہ آغاز تلاوت قرآن کریم اور نذرانہ نعت پیش کرکے کیا گیا، بعد ازاں پنڈال میں موجود کراچی اور اندرونِ سندھ کے مختلف شہروں سے آئے نوجوانوں کو آن لائن کورسز سے متعلق ویڈیو بریفنگ اور مُلک کے مایہ ناز آئی ٹی ماہرین نے شرکاء کو قیمتی رائے بھی دیں. سید مصطفیٰ کمال کا کہنا تھا کہ ایم کیو ایم نے مہنگے ترین کورسز کو مفت میں عوام الناس کے لئے مہیّا کر دیا ہے ایم کیو ایم کے اِس عملی اقدام نے کوٹہ سسٹم کو دفن کردیا ہے، ایم کیو ایم اپنے نوجوانوں کو ہُنر مند بنا کر آگے بڑھتی دُنیا سے قدم سے قدم ملا کر نہیں بلکہ اُس سے ایک قدم آگے لانا چاہتی ہے، تاریخ گواہ ہے کہ اِس شہر میں ترقی ہمیشہ ایم کیو ایم کے دور میں ہوئی ہے، وطن عزیز کے نوجوان اپنی مثال آپ ہیں بس اُنھیں گمراہ کن نعروں اور مایوسی کے اندھیروں سے نکال کر دُرست راستہ فراہم کرنے کی ضرورت ہے۔

کراچی حملے کی تحقیقات، سندھ اور بلوچستان سے کئی افراد گرفتار

ڈاکٹر خالد مقبول صدیقی نے پاکستان میں فلسطینی طلبہ کیلئے تعلیمی اسکالرشپ میں اضافے کا بھی اعلان کرتے ہوئے کہا ہے کہ پاکستان اس حوالے سے اپنے تمام تر وسائل بروئے کارلارہا ہے۔

باغٰ ٹی وی کی رپورٹ کے مطابق عمان کے دارالحکومت مسقط میں اسلامی ممالک کے وزرائے تعلیم کی منعقدہ کانفرنس سے خطاب کرتے ہوئے متحدہ قومی موومنٹ پاکستان کے چیئرمین اور پاکستان کے وفاقی وزیر تعلیم نے کہا ہے کہ تاریخ کے اس اہم ترین اور فیصلہ کُن موڑ پر برادر اسلامی ممالک کو فلسطین میں جاری اسرائیلی جارحیت سے متاثر فلسطین نظام تعلیم، تعلیمی انفراسٹرکچر اور طالبعلموں کی مدد کرنا ہمارا دینی اور تاریخی فریضہ ہے، ہمیں مشکل کی اس گھڑی میں اپنے فلسطینی بھائیوں کو تنہا نہیں چھوڑنا چاہئے ورنہ تاریخ ہمیں معاف نہیں کرے گی۔ انہوں نے کہا کہ پاکستان کی وزرات تعلیم کی جانب سے ہدایت جاری کردی گئی ہیں کہ فلسطین میں اسرائیلی جارحیت کے باعث جو طلبہ اپنی تعلیم جاری رکھنے سے قاصر ہیں انہیں پاکستان کی جامعات میں ان کی تعلیم جاری رکھنے کے مواقع فراہم کرنے کیلئے اقدامات کئے جائیں۔

انہوں نے کانفرنس میں دیگر اسلامی ممالک کے وزرائے تعلیم سے درخواست کرتے ہوئے کہا کہ ہمیں اس کڑے وقت میں اپنے فلسطینی بھائیوں کی ہر ممکن مدد کرنا چاہیے۔

مصطفیٰ کمال کا ناردرن بائی پاس کو ڈبل ٹریک کرنے اور مکمل کارآمد بنانے کا مطالبہ

متحدہ قومی موومنٹ پاکستان کے سینئر رہنماء و رُکن قومی اسمبلی سید مصطفیٰ کمال نے ناردرن بائی پاس کو ڈبل ٹریک کرنے اور مکمل کارآمد بنانے کا مطالبہ کرتے ہوئے کہنا ہے کہ کراچی پورٹ پاکستان کی معیشت میں کلیدی کردار ادا کرتا ہے برآمدات اور درآمدات سے پورے ملک کو جوڑنے کیلئے مناسب سہولیات فراہم کرنا حکومت کی اولین ذمہ داری ہونا چاہئے.

باغٰ ٹی وی کی رپورٹ کے مطابق سید مصطفیٰ کمال نے مزید کہا کہ رات میں مال بردار گاڑیوں کی کثیر تعداد جنہیں شہر کے باہر سے گزرنا چاہئے وہ شہر کے اندر داخل ہوجاتی ہیں بھاری گاڑیوں کا اندرون شہر کی سڑکوں سے گزرنا شہریوں کیلئے ذہنی اذیت کا باعث بن چکا ہے مزید یہ کہ ہیوی ٹریفک کے شہر کے اندر داخلے سے سڑکیں اور انفراسٹرکچر ٹوٹ پھوٹ کا شکار ہے، شہریوں کا رات میں چھوٹی کاروں اور موٹر سائیکل پر سفر کرنا ناممکن ہوتا جارہا ہے، سید مصطفیٰ کمال کا مزید کہنا تھا کہ سکھر تا حیدرآباد موٹروے کے ساتھ حیدرآباد سے کراچی ایکسپریس وے کو بھی موٹروے طرز کی سہولیات فراہم کی جائیں، بعد ازاں اسٹینڈنگ کمیٹی برائے کمیونیکیشن کے چیئرمین سمیت متعدد اراکین نے سید مصطفیٰ کمال کے موقف کی تائید کرتے ہوئے اگلی میٹنگ کے ایجنڈے میں شامل کرنے اور اس معاملے پر متعلقہ اداروں سے ملاقات کا فیصلہ کیا.

مشرقی حصہ دولخت ہونے پر ہجرت کرنے والوں نے پاکستان کی شہریت ارادتاً اختیار کی، خواجہ اظہار الحسن

ایم کیو ایم پاکستان کے رکن سندھ اسمبلی عامر صدیقی نے کہا ہے کہ کے الیکٹرک ریاست کے اندر ریاست بن چکی ہے.

باغی ٹٰ وی کی رپورٹ کے مطابق ۔ ان خیالات کا اظہار انہوں نے سندھ ہائی کورٹ میں کے الیکٹرک کے خلاف پٹیشن دائر کر کے میڈیا کے نمائندوں سے خطاب کرتے ہوئے کیا۔ اس موقع پر رکن قومی اسمبلی ایڈوکیٹ حسان صابر اور رکن سندھ اسمبلی عبدالوسیم بھی موجود تھے۔ عامر صدیقی نے مزید کہا کہ جو لوگ بل ادا نہیں کرتے انکی بجلی بند کرنے کے بجائے پورے پورے فیڈر پر لوڈ شیڈنگ کی جاتی ہے، نیپرا قوانین کی دھجیاں اڑا کر رکھ دی گئی ہی. ایم کیو ایم نے عوامی احتجاج کر کے بھی کے الیکٹرک کے زمہ داران کو عوام کو پہنچنے والی تکلیف سے آگاہ کیا تھا اور اب ہم ان کے خلاف عدالتوں کا رخ کر رہے ہیں، کے الیکٹرک کی ہٹ دھرمی کی وجہ سے عوام شدید پریشانی میں مبتلا ہے، یہ سندھ حکومت کی بنائی ہوئی قائمہ کمیٹی کو بھی خاطر میں نہیں لاتے لیکن ایم کیو ایم عوام کو تنہا نہیں چھوڑے گی بلکہ اس ظلم کے نظام سے عوام کی جان چھڑانے کے لیے ہر ممکن اقدامات کریں گے۔

عوام کے حقوق اور بلدیاتی اختیارات لے کر رہیں گے،منعم ظفر خان

کے الیکٹرک کا لائسنس منسوخ کر دیا تو ملک میں انارکی ہوگی، نیپرا

متحدہ قومی موومنٹ پاکستان کے رہنما و اپوزیشن لیڈر سندھ اسمبلی علی خورشیدی نے کہا ہے کہ یونیورسٹی روڈ اکھاڑ کے رکھ دیا گیا، 15منٹ کا سفر گھنٹوں میں طے ہوتا ہے۔

باغی ٹی وی کی رپورٹ کے مطابق کراچی میں میڈیا سے گفتگو کرتے ہوئے علی خورشیدی نے کہا کہ چیف سیکریٹری سندھ سے ملاقات تھی، سندھ کے عوام کو درپیش مسائل چیف سیکریٹری کے سامنے رکھے۔علی خورشیدی نے کہا کہ حکومتی توجہ ایم ڈی کیٹ جیسے مسائل کی طرف مبذول کروائی ہے، ہم بچوں سے ٹھیک طرح سے ٹیسٹ بھی نہیں لے سکتے۔انہوں نے کہا کہ چیف سیکریٹری سندھ کو کہا ہے کہ شفاف تحقیقات کروائیں، شہری انفرا اسٹرکچر کی بدحالی پر بھی بات کی ہے۔ایم کیو ایم کے رہنما نے کہا کہ کراچی میں پینے کے پانی کا اہم مسئلہ ہے، ہم نے کے فور اور حب ڈیم پر بھی بات کی، چالیس پچاس ہزار نوکریاں دی جارہی تھیں ہم کورٹ گئے تھے۔علی خورشیدی نے کہا کہ سیاسی بھرتیاں نہیں ہونی چاہئیں، میرٹ پر نوکریاں دی جائیں، ریڈ لائن منصوبہ 2027 تک مکمل ہوتا نظر نہیں آرہا، وزیر موصوف آئے دن دعوے کرتے ہیں لیکن عوام ذہنی اذیت میں ہیں۔

الطاف حسین کی صاحبزادی کا پاکستان کی سیاست میں حصہ لینے کا فیصلہ

کراچی میں رواں سال ڈکیتوں نے100 افراد کی جان لے لی

پاکستان کی کالعدم سیاسی جماعت متحدہ قومی موومنٹ (ایم کیو ایم) لندن کے سربراہ الطاف حسین کی صاحبزادی پاکستان کی سیاست میں حصہ لیں گی۔

باغی ٹٰی وی کی رپورٹ کے مطابق بتایا گیا ہے کہ الطاف حسین نے اپنی بیٹی کو ملکی سیاست میں شامل کرنے کے لیے لندن سے کراچی بھیجنے کی تیاریوں شروع کر دی ہیں۔یہ بھی بتایا گیا ہے کہ الطاف حسین کی صاحبزادی جو لندن میں ہی مقیم ہیں اور وہی پر انہوں نے اپنی تعلیم مکمل کی ہے نے اپنے والد الطاف حسین کی جگہ سیاست کرنے کا فیصلہ کیا ہے جو کراچی اپنے والد کے آبائی حلقہ عزیز آباد کے علاقہ سےا لیکشن لڑیں گی تاہم وہ پاکستان میں ایم کیو ایم پاکستان کے پلیٹ فارم سے سیاست کریں گی جن کی پاکستان آمد کا ایم کیو ایم پاکستان باقاعدہ اعلان کرے گی اور ان کا پاکستان پہنچنے پر بھر پور استقبال کیا جائے گا۔

واضح رہے کہ سندھ ہائیکورٹ نے بانی ایم کیو ایم الطاف حسین کی تقریر نشر کرنے پر پابندی ختم کرنے کی درخواست مسترد کردی، درخواست محمد آفتاب الدین بقائی کی جانب سے دائر کی گئی تھی۔درخواست میں وفاقی حکومت، سیکرٹری قانون ، سیکرٹری انفارمیشن اور پیمرا کو فریق بنایا گیا تھا اور مؤقف اپنایا گیا تھا کہ بانی ایم کیو ایم نے ہمیشہ غریب اور متوسطہ طبقے کی بات کی ہے۔ بانی ایم کیو ایم اپنی 22 اگست 2016 کی تقریر پر معافی مانگ چکے ہیں لہٰذا عدالت سے استدعا ہے کہ بانی ایم کیو ایم کی تقریر نشر کرنے پر پابندی ختم کرنے کا حکم دیا جائے۔

کراچی میں رواں سال ڈکیتوں نے100 افراد کی جان لے لی

متحدہ قومی موومنٹ پاکستان (ایم کیو ایم پاکستان) نے کراچی میں ترقیاتی کاموں میں اپنے ووٹرز والی یوسیز کو نظر انداز کرنے کا الزام لگاتے ہوئے معاملہ صدر آصف زرداری کے سامنے اٹھانے کا فیصلہ کرلیا۔

باغی ٹٰ وی کی رپورٹ کے مطابق ذرائع ایم کیو ایم پاکستان نے کہا کہ فنڈز جاری ہونے کے باجود کراچی میٹروپولیٹن کارپوریشن (کے ایم سی) نے محض چند حلقوں میں ترقیاتی کام کیا، جان بوجھ کر ایم کیو ایم پاکستان کے ووٹرز والی یوسیز اور علاقے نظر انداز کیے جارہے ہیں۔کے ایم سی ٹاؤن چیئرمین اور پیپلز پارٹی کی مقامی قیادت کام میں بھی تفریق کررہی ہے۔ذرائع نے بتایا کہ ایم کیو ایم پاکستان کا وفد 2 سے 3 روز میں صدر مملکت آصف زرداری سے ملاقات کرے گا جس میں میں خالد مقبول، مصطفی کمال، فاروق ستار اور دیگر رہنما شریک ہوں گے۔

بجلی کے بلوں میں کمی نہ لائی گئی تو تحریک منظم کی جائے گی ، حافظ نعیم

کراچی (باغی ٹی وی)متحدہ قومی موومنٹ پاکستان کے چیئرمین ڈاکٹر خالد مقبول صدیقی کا صیہونی حملے میں حزب اللہ کے سربراہ حسن نصر اللہ کی شہادت پر گہرے دکھ اور افسوس کا اظہار کرتے ہوئے اپنے تعزیتی بیان میں کہنا تھا کہ ہر گزرتا دن اسرائیلی جارحیت میں اِضافہ کر رہا ہے اور عالمی امن کے ٹھیکیداروں کی معنی خیز خاموشی ان کے عزائم کو عیاں کررہی ہے، حسن نصر اللہ کی شہادت سے اسرائیل اور اس کے سرکردہ سہولت کار کسی خوش فہمی کا شکار نہیں ہوں، ڈاکٹر خالد مقبول صدیقی نے مزید کہا کہ حق کو غالب آنے سے کوئی روک نہیں سکتا یہ شہادتوں کا نا رکنے والا یہ عظیم سلسلہ نوید انقلاب ہے، ڈاکٹر خالد مقبول صدیقی نے حسن نصر اللہ کے لئے دعا کرتے ہوئے کہا کہ اللہ تعالیٰ ان کی شہادت کو اپنی بارگاہ میں قبول و مقبول فرما کر امت مسلمہ کے لئے سودمند بنائے آمین۔

واضح رہے کہ اسرائیلی فوج نے حزب اللّٰہ کے سربراہ سید حسن نصر اللّٰہ کو فضائی حملے میں شہید کرنے کا دعویٰ کیا تھا۔اسرائیلی فوج نے حزب اللّٰہ کے سینئر رہنما علی کرکی کے بھی فضائی حملے میں مارے جانے کا دعویٰ کیا، اسرائیل نے گزشتہ روز بیروت میں بنکر بسٹر میزائل حملہ کیا تھا جس کا ہدف حسن نصر اللّٰہ تھے۔غیر ملکی میڈیا کے مطابق لبنان کے دارالحکومت بیروت میں رہائشی عمارتوں پر اسرائیل کے حملے جاری ہیں۔حسن نصر اللّٰہ کو نشانہ بنانے کے لیے اسرائیلی طیاروں نے گزشتہ روز بیروت میں ایک ساتھ 15 میزائل داغے تھے جس سے 6 عمارتیں تباہ، 8 افراد شہید اور 91 زخمی ہوئے تھے۔اسرائیلی میڈیا کے مطابق حسن نصر اللّٰہ بم باری کا شکار عمارت میں زمین کے 14 منزل نیچے قیام کرتے تھے۔

عمران خان کی اسرائیل کو تسلیم کرنے کی خفیہ کاوشوں کیخلاف دینی جماعتوں کا احتجاج

ایم کیو ایم پاکستان کے سینئر رہنما مصطفیٰ کمال کا کہنا ہے کہ جب تک منافقت ختم نہیں کریں گے نظام اور حالات بہتر نہیں ہونگے.

باغی ٹی وی کراچی کی رپورٹ کےمطابق جامعہ کراچی میں آل پاکستان متحدہ اسٹوڈنٹس آرگنائزیشن کے زیر اہتمام "جشنِ اُردو” کے سلسلے میں منقعدہ مشاعرے کے شرکاء سے خطاب کرتے ہوئے مصطفیٰ کمال کا کہنا تھا کہ پاکستان میں بے تحاشہ مواقع ہیں جنہیں ہم ضائع کر رہے ہیں، یہ ہماری بدنظمی کی نظر ہو رہے ہیں، ہم نے سب کچھ تباہ و برباد کر دیا ہے، ہمیں اس کی زمہ داری لینی ہوگی۔ ہمارے حالات بدلنے کیلئے آسمان سے فرشتے نہیں آئیں گے۔ طلباء وطالبات کو دیکھ کر امید بڑھتی ہے کہ ہمارا مستقبل روشن ہے لیکن آج ہر طرف اور ہر شعبے میں خرابی عیاں ہے جس سے پاکستان کی معیشت بھی متاثر ہے۔ ہم کئی ہزار ارب کے قرض دار ہیں۔ اربوں روپے کے قرض پر صرف اس سال جو ہم سود دے رہے ہیں وہ تقریبا ساڑھے نو ہزار ارب روپے ہے جو کہ ہمارے پورے بجٹ کا 52 فیصد بنتا ہے۔ ڈرائیونگ سیٹ آئے گی تو اس شہر سمیت ملک کو ٹھیک کردیں گے، انکا کہنا تھا کہ وہ سینیٹر بنے، وزیر رہے، میئر کراچی منتخب ہوئے لیکن ایک روپیہ کبھی حرام نہیں کمایا۔

اسٹاک ایکسچینج میں نیا ریکارڈ، روپے کے مقابلے میں ڈالر کو جھٹکا

مشاعرے میں مصطفیٰ کمال، فاروق ستار اور امین الحق، انچارج اے پی ایم ایس او حافظ شہریار سمیت ایم کیو ایم پاکستان کے دیگر رہنماؤں نے شرکت کی۔ اس موقع پر شرکاء سے خطاب کرتے ہوئے مصطفیٰ کمال کا مزید کہنا تھا کہ آل پاکستان متحدہ اسٹوڈنٹ آرگنائزیشن کے زیر اہتمام یہ جشن اردو ایک سوشل گیدرنگ ہے، یہاں ماحول اچھا ہے لیکن جب یہاں سے جائیں گے تو لوڈ شیڈنگ ملے گی، پینے کا پانی، گیس نہیں ہوگی، جس سڑک سے جائیں گے وہ سلامت نہیں ہوگی۔ لوگ کہتے ہیں صرف اس نے چوری نہیں کی جسے موقع نہیں ملا لیکن ہمیں ڈکیتی کا موقع ملا اور ہم مے ایک روپیہ حرام نہیں کمایا۔ ایماندار اور باکردار لیڈرز ہی تمام مسائل کا حل ہیں۔