Tag: ایم کیو ایم

سیاسی منظر نامے سے کئی ماہ سے غائب اور غیر فعال سابق مئیر کراچی وسیم اختر اچانک منظر عام پر آگئے۔

ذرائع کے مطابق وسیم اختر کئی ماہ بعد منظر عام پر آنے کے بعد رات گئے گورنر ہائوس کراچی پہنچے اور کامران ٹیسوری سے ملاقات کی ،جس میں اہم امور پر گفتگو کی گئی۔ذرائع کے مطابق گورنر سندھ اور وسیم اختر کے درمیان ملاقات ایک گھنٹے تک جاری رہی جس میں ملکی سیاسی صورت حال پر بھی گفتگو کی گئی۔وسیم اختر نے گورنر سندھ کے منصوبوں اور عوامی فلاح کے لیے شروع کیے گئے کاموں کا جائزہ لیا اور اقدامات کی تعریف کرتے ہوئے کہا کہ آپ بہت اچھا کام کررہے ہیں۔ سابق میئر کراچی نے گورنر سندھ پر اعتماد کا اظہار بھی کیا۔واضح رہے کہ ایم کیو ایم پاکستان کے سینئر رہنما کئی ماہ سے غیر فعال اور سیاسی منظر نامے سے غائب تھے۔واضح رہے کہ سابق مئیر کراچی وسیم اختر ملکی سیاست سے کافی وقت سے غائب تھے.

سندھ حکومت کا چائلڈ پروٹیکشن مینجمنٹ انفارمیشن سسٹم کا افتتاح

10کروڑ روپے سے زائد مالیت کی اسمگل موٹرسائیکلیں برآمد

متحدہ قومی موومنٹ پاکستان کے سینئر مرکزی رہنما و رکن قومی اسمبلی سید امین الحق نے کہا کہ سندھ حکومت کراچی میں اسٹریٹ کرائم کا جن قابو کرنے میں بری طرح ناکام ہوچکی ہے.

باغی ٹی وی کے مطابق جاری کردہ بیان میں سید امین الحق کا کہنا تھا کہ کراچی کے شہری روزانہ رہزنوں کے ہاتھوں قتل ہورہے ہیں رواں سال سو سے زائد شہری ڈکیتوں کے ہاتھوں قتل ہوچکے ہیں مگر سندھ حکومت چین کی بانسری بجا رہی ہے صوبائی وزرا پلانٹڈ پریس کانفرنسز کے اندر شہر میں امن و امان کی صورتحال کو بہتر دکھانے کی کوششیں کر رہے ہیں، انہوں نے مزید کہا کہ سندھ حکومت کراچی میں رہزنی اور قتل کی وارداتوں میں ملوث غیر مقامی قاتلوں کو لسانی شیلٹر فراہم کر رہی ہے سندھ پولیس اسنیپ چیکنگ کے نام پر عوام کو لوٹنے اور شہریوں کو پریشان کرنے میں مصروف ہے سندھ کے دور دراز علاقوں سے آئے پولیس افسران کراچی کے شہریوں کو تحفظ فراہم کرنے کے اہل نہیں ہیں، سید امین الحق نے وزیراعظم اور وفاقی وزیر داخلہ سے مطالبہ کرتے ہوئے کہا کہ کراچی میں امن و امان کی ابتر صورتحال پر فوری اجلاس طلب کریں اور معاشی حب کو جرائم پیشہ افراد سے نجات دلانے کے لئے ٹھوس اقدامات کو حتمی شکل دینے میں اپنا کردار ادا کریں۔

کراچی چیمبر کی سیلز ٹیکس ریٹرن کے لیے حلف نامہ جمع کرانے کی مخالفت

دہشتگردی کسی صورت برداشت نہیں، مکمل خاتمہ کریں گے، آرمی چیف

سپریم کورٹ کی ہفتہ وار رپورٹ میں مقدمات کی تعداد کم

عوام کو 115پارکوں کا تحفہ ، کھیل کے میدانوں کو آباد کیا، ،جماعت اسلامی کراچی

متحدہ قومی موومنٹ پاکستان کے زیرِ اہتمام مرکزی انتخابی دفتر پاکستان سے متصل سڑک پر سوشل میڈیا ٹیم سے منسلک ذمہ داران و کارکنان کا اِجلاس منعقد کیا گیا.

باغی ٹی وی کے مطابق اِجلاس سے خطاب کرتے ہوئے سینئر مرکزی رہنماء سید مصطفیٰ کمال کا کہنا تھا کہ ہماری تنظیم کی پچھلے چالیس سالوں کی تاریخ انگنت نشیب و فراز سے عبارت ہے، روز اول کے مسائل اور موجودہ حالات میں مشکلات پہلے سے کہیں زیادہ ہیں، کوٹہ سسٹم نافذ کرنے والوں کے خلاف ایم کیو ایم نے علم بغاوت بلند کیا مگر آج کوٹہ سسٹم اپنی مزید بدترین شکل میں موجود ہے، اُنہوں نے مزید کہا کہ ہمیں اپنی جد و جہد کو جدید خطوط پر استوار کرنے کی ضرورت ہے ایم کیو ایم کو اب اپنا فلسفہ پہنچانے کے لئے گھر گھر جانے کی ضرورت نہیں ہے، سوشل میڈیا کے ذریعے لوگ اپنا جھوٹ بیچ رہے ہیں جس سے ملک میں انارکی اور انتشار کی کیفیت پیدا ہورہی ہے، پی ٹی آئی نے ملکی سلامتی کے اداروں پر اس سوشل میڈیا کے ذریعے لوگوں کو ورغلایا مگر روزگار صحت تعلیم اور بنیادی عوامی مسائل سے متعلق کوئی گفتگو ان کے ٹرینڈز کا حصہ نہیں رہی، پورے ملک میں کس کو پتا ہے کہ حیدرآباد پکا قلعہ کے باہر اٹھائیس معصوم خواتین اور بچوں کی قبریں موجود ہیں؟ ایم کیو ایم تعصب و تضاد سے پاک سیاست کو اپنا نصب العین سمجھتی ہے، پیپلز پارٹی معاش تعلیم صحت ٹرانسپورٹ سمیت تمام شعبوں میں شہری علاقوں کے ساتھ تعصب برت رہی ہے پیپلز پارٹی کے رویّے کی وجہ سے دوسری قوموں کے لوگ ہماری نیتوں پر شک نہیں کریں ہم سب کو جوڑ کر رکھنے کی بات کرتے ہیں مگر مخصوص نام پر اگر ظلم روا رکھا جائے گا تو وہ بھی ناقابلِ برداشت ہوگا، سید مصطفیٰ کمال کا مزید کہنا تھا کہ کیا کراچی والوں کے لئے کبھی کوئی ٹرینڈ چلتا ہؤا دیکھا ہے؟ کیا لاپتہ ساتھیوں کی بازیابی کے لئے کوئی آواز اٹھتی ہوئی کبھی سنی گئی؟ سید مصطفٰی کمال نے مزید کہا کہ عمران نیازی کی رہائی کے لیے اپنے صدر کو خط لکھنے والے کانگریس ارکان دو ماہ پہلے عالمی دہشت گرد نتن یاہو کے لئے تالیاں بجا رہے تھے، عمران نیازی کے برادرِ نسبتی گولڈ اسمتھ گذشتہ ماہ میں ٹویٹ کرتے ہیں کہ اسرائیل ہماری امیدوں کی آخری کرن ہے اور یہاں اُس کے بہنوئی کو مسلم امہ کا لیڈر ثابت کیا جارہا ہے،اُن کا مزید کہنا تھا کہ اس جنگ میں سوشل میڈیا ہمارا ہتھیار ہے آج تمام دستیاب وسائل بروئے کار لاکر ہم اپنا سچ دُنیا کے سامنے لا سکتے ہیں ایم کیو ایم کا کارکن شہری علاقوں کی ہی نہیں بلکہ پُورے پاکستان کے مظلوم و مایوس عوام کی امید کی کرن ہے۔ سینئر رہنماء ڈاکٹر فاروق ستار نے اپنے خیالات کا اظہار کرتے ہوئے کہا کہ طلباء تنظیمِ سے سیاست کا آغاز کرنے والی دُنیا کی واحد جماعت ایم کیو ایم ہے، آج بھی پکڑ دھکڑ کر کے نہیں بلکہ خود اپنی مدد آپ کے تحت تمام لوگ یہاں بڑی تعداد میں موجود ہیں نچلی سطح اور مڈل کلاس طبقے سے لوگوں کو ایوانوں میں بھیجنا بھی ایم کیو ایم کا ہی طرہ امتیاز ہے انہوں نے مزید کہا کہ وقت کے تقاضوں کو سمجھتے ہوئے اپنی انفرادیت کو برقرار رکھنا بھی ایم کیو ایم کا خاصہ شُمار کیا جاتا ہے ایم کیو ایم کا کارکن تمام نامصائب حالات کو بھگت کر آگے بڑھنے کی صلاحیت رکھتا ہے، ڈاکٹر فاروق ستار نے کہا کہ سوشل میڈیا کی طاقت کو قابو میں لاکر ہم حقیقی جمہوریت کا راستہ ہموار کرسکتے ہیں، ایم کیو ایم کے آئینی مسودے کے نکات پر تمام جماعتیں متفق ہیں، تمام پاکستانیوں کو برابری اور شراکتی شمولیت کا حق دینے کا فارمولہ صرف ایم کیو ایم کے پاس ہے۔ سینئر رہنماء انیس احمد قائم خانی نے اپنے خطاب میں کہا کہ بحثیت کارکن ہمیں اپنی ذمہ داریوں کو سمجھنا نہایت ضروری ہے.

وفاق اور پنجاب میں ترقیاتی کاموں سے پاکستان ٹریک پر واپس آرہا ہے، نواز شریف

عوام کو حکمرانوں نے یرغمال بنایا ، خزانوں پر لوگ ناگ بن کر بیٹھے ہیں، حافظ نعیم الرحمان

روس نے پاکستان اسٹیل قائم کرکے ہزاروں لوگوں کو روزگار فراہم کیا،گورنر سندھ

متحدہ قومی موومنٹ پاکستان سرجانی ٹاؤن کے زیر اہتمام ویژن آف فیوچر کے نام سے تقریب کا انعقاد کیا گیا۔

باغی ٹی وی کی رپورٹ کے مطابق تقریب میں شرکاء سے خطاب کرتے ہوئے چیئرمین ایم کیو ایم ڈاکٹر خالد مقبول صدیقی نے کہا کہ ایم کیو ایم شہری علاقوں کا مُکمل مینڈیٹ رکھنے والی جماعت ہے کامیاب یوتھ کنونشن کے انعقاد سے کراچی اور حیدرآباد کے نوجوانوں نے بتا دیا کہ وه سب اُس تنظیم کے ساتھ کھڑے ہیں جس نے پاکستان کو ایسا طرزِ سیاست دیا ہے جس نے ایوانوں کو ہلا دیا ہے انہوں نے کہا کہ ایم کیو ایم ختم نہیں ہوئی ہے بلکہ دشمنوں میں مایوسی پھیل گئی ہے ایم کیو ایم نے کوٹہ سسٹم کے خاتمے کا حل نکال کر قوم کو دے دیا ہے نوجوانوں تیار رہو عنقریب کراچی حیدر آباد میرپور خاص میں دُنیا کی مایہ ناز جامعات کے کیمپس کھلنے جارہے ہیں، ڈاکٹر خالد مقبول صدیقی نے مزید کہا کہ ماؤں سے گزارش ہے کہ بیٹیوں کو صِرف چمٹا ہی نہیں نشتر پکڑنا بھی سکھائیں گھر چلانا ہی نہیں مُلک چلانا بھی سکھائیں یہی ہمارے دین کا بھی تقاضہ ہے انہوں نے نوجوانوں کو مخاطب کرتے ہوئے کہا کہ خود کو قابل بنائیں اِس مُلک کے ایوان آپ کے مُنتظر ہیں یہ مُلک شہر اور یہ تنظیم آپ کی ہے وطن بنانے والے ہمارے اجداد تھے بچانے والے ہم ہیں چلانے والے آپ نوجوان ہوں گے، سینئر مرکزی رہنماء و رکن قومی اسمبلی ڈاکٹر فاروق ستار نے شرکاء سے خطاب کرتے ہوئے کہا کہ آج کا یوتھ کنونشن صرف ٹریلر ہے بہت جلد سرجانی ٹاؤن میں نوجوانوں کا جلسہ منعقد کیا جائے گا ایم کیو ایم نوجوانوں کو اس شہر کی قیادت دینے جارہی ہے۔ انہوں نے کہا کہ کراچی اور حیدرآباد کے کامیاب اور فقید المثال جلسوں نے ثابت کردیا کہ نوجوان ایم کیو ایم کے ساتھ کھڑے ہیں اور وہ وقت بھی آگیا ہے کہ نوجوان نسل کو بلدیاتی کونسلز صوبائی اور قومی اسمبلیوں میں بھیجا جائے نوجوانوں کو نئے عہد سے جوڑ کر کراچی کو اِس قابل بنانا ہے کہ یہ شہر پُورے پاکستان کو لیڈ کرے ہم شہری سندھ کے نوجوانوں کو تعلیمی اور معاشی طور پر خود مختار بنانا چاہتے ہیں تاکہ وہ دنیا بھر میں پاکستان کی نمائندگی کرسکیں اور ساتھ ہی چیئرمین ایم کیو ایم سے بھی سفارش کرونگا کہ کراچی کا اگلا میئر اس شہر کی بیٹی ہو۔ انہوں نے مزید کہا کہ دؤر حاضر میں وقت کو بربادی سے بچا کر اسے اپنے لئے سود مند بنانا ہے ہمیں قدرتی وسائل اور توانائی کی بچت کو فروغ دے کر توانائی کی گھمبیر صورتِ حال سے نبردآزما ہونا ہے غیر نصابی سرگرمیوں کی آگاہی بھی معاشرے کیلئے ناگزیر ہوچکی ہے۔ ڈاکٹر فاروق ستار نے پیپلز پارٹی کی قیادت کو مخاطب کرتے ہوئے کہا کہ سیاسی اختلافات کو بھلا کر شہر کی ترقی و تعمیر کیلئے ہمیں ساتھ بیٹھنا ہوگا مل کر عوامی مسائل کے حل کیلئے کوشش کرتے ہیں تم سیوریج کے نظام کو بہتر بناؤ ہم سڑک کی تعمیر کرینگے، انہوں سرجانی میں قابضہ مافیا کو بھی متنبہ کرتے ہوئے کہا کہ ہوش کے ناخن لو اگر شہری اداروں نے اگر قبضہ مافیا کو لگام نہیں ڈالی تو یہ ہُنر ہمیں آتا ہے۔ حق پرست ایم پی اے شیخ عبداللہ نے شرکاء سے گفتگو کرتے ہوئے کہا کہ شہر سندھ کے نوجوانوں کو روزگار سے محروم کیا جارہا ہے اس محرومی کے خاتمے کیلئے ایم کیو ایم تسلسل سے کوشش کررہی ہے ایم کیو ایم عوام کو آی ٹی کی تعلیم دے کر خود مختار اور خود کفیل بنانے کیلئے کام کر رہی ہے تاکہ نوجوانوں احساس محرومی سے نکل کر اپنے پیروں پر کھڑے ہوسکیں۔ اس موقع پر سینئر مرکزی رہنماء انیس احمد قائم خانی سمیت دیگر مرکزی رہنماء، انچارج سی او سی فرقان اطیب و اراکین سی او سی، رکن صوبائی اسمبلی ریحان اکرم اور سرجانی ٹاؤن کے نوجوانوں نے بڑی تعداد میں شرکت کی۔

اپوزیشن لیڈر علی خورشیدی کو کراچی کے ٹریفک مسائل پر گہری تشویش

کیماڑی پولیس کا منشیات اڈے پر چھاپہ،لیاری گینگ کمانڈر ساتھیوں سمیت گرفتار

کراچی پولیس کی انسداد جرائم کے خلاف ہفتہ وار کاروائیوں کی رپورٹ

کراچی:اسٹیل ٹائون انسپکٹر کے اغوا کا مقدمہ درج، چھالیہ کے گودام سیل ، ملزم گرفتار

ناکام احتجاجی مظاہرے، بلوچ یکجہتی کمیٹی غیور بلوچوں کو بہکانے میں مکمل ناکام

قائداعظم ٹرافی ،کراچی بلوز نے کوئٹہ کو 9 وکٹوں سے ہرادیا

متحدہ قومی موومنٹ پاکستان کا سندھ ہائی کورٹ کی جانب سے ایم ڈی کیٹ ٹیسٹ کے شفاف اور دوبارہ انعقاد کے حکم کا زبردست خیرمقدم کیا ہے.

باغی ٹی وی کی رپورٹ کے مطابق اپنے جاری کردہ بیان میں ترجمان ایم کیو ایم کا کہنا تھا کہ سندھ ہائی کورٹ کے فیصلے سے ایم ڈی کیٹ کے جعلی ٹیسٹ کے انعقاد اور انتظامیہ کی نااہلی پر مہر ثبت ہوگئی، سندھ ہائی کورٹ کی جانب سے ایم ڈی کیٹ 2024ء کے ٹیسٹ کو کالعدم قرار دینا حق پرستی کی جیت ہے، سندھ ہائی کورٹ کا فیصلہ ایم کیو ایم پاکستان کے حق پرست عوامی نمائندگان، لیگل ایڈ کمیٹی طلبہ اور ان کے والدین کی محنت کا نتیجہ ہے، ترجمان ایم کیو ایم نے مزید کہا کہ ایم کیو ایم پاکستان سندھ کے نوجوانوں کا حق کسی مافیا اور متعصب انتظامیہ کو چھیننے نہیں دے گی ایم کیو ایم نے ہر ممکن فورم پر ایم ڈی کیٹ کے متاثرہ طلبہ کی جنگ لڑی ہے، سندھ ہائی کورٹ کے اس فیصلے پر تمام متاثرہ طلباء و طالبات کو مبارکباد پیش کرتے ہیں، ایم کیو ایم ترجمان نے مطالبہ کرتے ہوئے کہا کہ حکومت سندھ عدالتی حکم کے مطابق ایم ڈی کیٹ کے نئے ٹیسٹ کے شفاف انعقاد کو یقینی بنائے۔

بجلی، گیس موبائل سمز کی بندش سے بچنے کیلئے فائلرز تیزی سے بڑھنے لگے

ٴْداؤد یونیورسٹی میں غیر قانونی بھرتیوں کے خلاف درخواست دائر

جیل خانہ جات سندھ کے افسران کی تنخواہوں میں اضافہ

کل جماعتی حریت کانفرنس آزاد کشمیر شاخ کے وفد نے کراچی میں ہیومن رائٹس کونسل آف پاکستان کے عہدیداران اور کارکنان سے بھی ملاقات کی۔

باغی ٹی وی کی رپورٹ کے مطابق ملاقات میں مقبوضہ جموں و کشمیر میں جاری انسانی حقوق کی سنگین خلاف ورزیوں کو اجاگر کیا گیا اور اس بات پر اتفاق کیا گیا کہ نہتے کشمیریوں پر جاری بھارتی مظالم کو رکوانے کیلئے ملکی اور بین الاقوامی سطح پر آواز اٹھائی جائے گی۔ دریں اثناء کل جماعتی حریت کانفرنس آزاد جموںوکشمیر شاخ کے وفد نے پاکستان ہاؤس کراچی میں ایم کیو ایم کی مرکزی قیادت سے ملاقات کی ۔کنوینر غلام محمد صفی کی قیادت میں وفد نے ایم کیو ایم رہنمائوں انیس قائمخانی، شمشاد صدیقی، شبیر قائمخانی، ارشاد ظفیر، عادل عسکری سے ملاقات میں کشمیر کی موجودہ صورتحال پر تفصیلی تبادلہ خیال کیا۔ایم کیو ایم رہنمائوں نے کشمیری عوام کے حق خودارادیت کی تحریک کی مکمل حمایت کا اعادہ کیا اور یقین دلایا کہ وہ حق پر مبنی اس جدوجہد میں کشمیریوں کے شانہ بشانہ کھڑے ہیں۔انیس قائمخانی نے کہا ھے کہ کشمیر نہ صرف کشمیریوں کا بلکہ ہر پاکستانی کا مسئلہ ھے اور پاکستان اس وقت تک چین سے نہیں بیٹھے گا جب تک کشمیریوں کو بین الاقوامی سطح پر تسلیم شدہ حق خود ارادیت نہ دیا جائے۔ ایم کیو ایم قیادت نے 27 اکتوبر کو یوم سیاہ کی ریلی میں قیادت اور کارکنان سمیت شرکت کی بھی یقین دہانی کرائی۔ حریت وفد میں غلام محمد صفی کے علاوہ جنرل سیکرٹری ایڈوکیٹ پرویز احمد،سید اعجاز احمد، شیخ عبدالماجد اور عبد الحمید لون شامل تھے۔دریں اثنا ء غلام محمد صفی کی قیادت میں کل جماعتی حریت کانفرنس آزاد جموںوکشمیر شاخ کے 5 رکنی وفد نے فلسطین فاؤنڈیشن پاکستان کے دفتر کراچی کا دورہ بھی کیا۔فلسطین فاؤنڈیشن پاکستان کے صدر ڈاکٹر صابر ابو مریم نے وفد کا گرم جوشی سے استقبال کیا ۔ اس ملاقات میں مختلف مکاتب فکر کی اہم شخصیات موجود تھیں۔ اس موقع پر مقررین نے خطاب میں فلسطین اور کشمیر کے مسائل پر تفصیلی گفتگو کی اور کہا کہ کشمیر اور فلسطین میں جاری جدوجہد کو ہندو اور صہیونی طاقتیں ایک جیسی ظالمانہ حکمت عملیوں کے تحت دبانے کی کوشش کر رہی ہیں۔مقررین نے کہا کہ کشمیری عوام کی قربانیاں رائیگاں نہیں جائیں گی اور عالمی برادری کو کشمیریوں کے ساتھ کیے گئے وعدے پورے کرنے ہوں گے۔ ان کا کہنا تھا کہ کشمیری عوام نے اپنی آزادی کے لیے بے شمار قربانیاں دی ہیں اور عالمی برادی کو چاہیے کہ وہ انہیں حق خود ارادیت دلانے کیلئے کردار ادا کرے۔ فلسطین فاؤنڈیشن اور علماء و مشائخ نے 27 اکتوبر کو یوم سیاہ کے موقع پر کراچی آرٹس کونسل پر منعقد ہونے والی ریلی میں اپنے کارکنان سمیت بھرپور شرکت کا یقین دلایا۔

جماعت اسلامی سندھ کے نئے امراء اضلاع کے تقرر کا اعلان

آئی جی سندھ کی زیرصدارت سینٹرل پولیس آفس کراچی میں اہم اجلاس

مالکن کو بیہوش کرکے ملازمہ سوا کروڑ سے زائد کا سونا اور نقدی لے اڑی

کے-الیکٹرک کی 16 پیسے فی یونٹ کمی کی درخواست

متحدہ قومی موومنٹ پاکستان کے اراکینِ سندھ اسمبلی نےسوئی سدرن گیس کمپنی کی جانب سے زائد بل اور ٹیرف میں اضافے کو مسترد کرتے ہوئے تشویش کا اظہار کیا ہے.

باغی ٹی وی کی رپورٹ کے مطابق اپنے جاری کردہ بیان میں حق پرست اراکینِ صوبائی اسمبلی کا کہنا ہے کہ موسمِ سرما کی آمد سے قبل ہی دن کے اوقات میں بھی بلخصوص مضافاتی علاقوں میں گیس لوڈشیڈنگ شروع کر دی گئی ہے جو کہ گھریلو اور صنعتی صارفین کو مفلوج کر دینے کے مترادف ہے اُس پر خود ساختہ بنائے ٹیرف کی مد میں جبری وصولیوں نے غریب عوام کی کمر توڑ کر رکھ دی ہے، اراکینِ صوبائی اسمبلی کا مزید کہنا تھا کہ محصولات کی مد میں کھربوں روپے قومی خزانے میں جمع کروانے والے شہر کے ساتھ سلوک ناروا رکھے جانا سمجھ سے بالاتر ہے معاشی دارالخلافہ میں بنیادی ضروریات زندگی کو غریب کی دسترس سے دور کرنا کسی مشترکہ اتفاق رائے کا شاخسانہ معلوم ہوتا ہے، حق پرست اراکینِ سندھ اسمبلی نے حکومت اور سوئی سدرن گیس کمپنی سے مطالبہ کرتے ہوئے کہا ہے کہ بلاجواز ٹیرف میں اضافے کو فی الفور واپس لے کر شہر میں بلاتعطل گیس کی فراہمی کو یقینی بنایا جائے تاکہ ملکی معیشت کا پہیہ رواں دواں رہے۔

مولانا فضل الرحمان کو آئینی ترمیم کا حتمی مسودہ دے دیا گیا

کراچی میں موسم بدلتے ہی بچوں میں نمونیا کے کیسز میں اضافہ

نان ٹیکس پیئر کیلئے کاروبار کرنا، گاڑی اور گھر لینا ممکن نہیں ہو گا

ایم کیوایم پاکستان کے رہنما اور سندھ اسمبلی میں اپوزیشن لیڈر علی خورشیدی کا کہنا ہے کہ اپوزیشن نےسندھ کے تباہ حال اسکولوں کی ذمہ داری اپنے کاندھوں پر اٹھالی ہے، ہر رکن اسمبلی نے اپنے حلقے کے تین اسکولوں کو گود لے لیا۔

باغی ٹی وی کی رپورٹ کے مطابق اس حوالے سے محکمہ تعلیم سندھ نے اراکین اسمبلی سندھ کے اسکول گود لینے کا نوٹیفکیشن جاری کردیا۔علی خورشیدی کا کہنا ہے سندھ میں تعلیم کے نظام کو ٹھیک کرنے کی اشدضرورت ہے۔ ایم کیو ایم پاکستان نے شروع دن سے تعلیم کے نظام میں بہتری کے لیے عملی اقدامات کی خواہش کا اظہار کیا۔ ایم کیو ایم پاکستان کے اراکین اسمبلی کا اپوزیشن میں رہتے ہوے اسکولوں کو گود لینا انقلابی اقدام ہے۔واضح رہے کہ صوبائی وزیر تعلیم سندھ نے ارکان اسمبلی کو خط لکھ کر اپنے حلقے کے اسکولز ایڈاپٹ کرنے کی دعوت دی تھی، ارکان اسمبلی کی طرف سے اسکولز ایڈاپٹ کرنے کے لئے تجاویز جمع کروانے کا سلسلہ شروع ہونے اور ضروری کارروائی کے بعد محکمہ اسکول ایجوکیشن کی طرف سے نوٹیفکیشن جاری کیا گیا۔ نوٹیفکیشن کے مطابق اس عمل کو Minister Initiative for Adoption of School پروگرام کا نام دیا گیا ہے، پروگرام کا مقصد سندھ میں تعلیم کے فروغ کے لیے سرکاری اسکولوں کی نگرانی اور ان کو مزید فعال کرنے کے لئے اقدامات کرنا ہے، اس ضمن میں ارکان سندھ اسمبلی کی طرف سے آنے والی تجاویز کے مطابق حلقے کے اسکولوں کی نگرانی ان کے حوالے کردی گئی ہے، جس کے پہلے مرحلے میں کراچی 74 اسکولز کو 32 ارکان سندھ اسمبلی کی نگرانی میں دے دیا گیا ہے، کراچی کے اسکول ایڈاپٹ کرنے والے قائد حزب اختلاف و ایم کیو ایم پاکستان کے ایم پی اے علی خورشیدی کے علاوہ ایم پی ایز سید محمد عثمان، معید انور، محمد عامر صدیقی، فیصل رفیق، محمد دانیال، محمد دلاور کے علاوہ ایم پی اے ریحان، فہیم احمد، شیخ عبداللہ، نصیر احمد، سید اعجازالحق، ریحان اکرم، عبدالوسیم، عبدالباسط، عادل عسکری، محمد افتخار عالم بھی اسکول کی ذمہ داری لینے والوں میں شامل ہیں، کراچی سے منتخب اسمبلی ارکان نے محمد معاذ محبوب، محمد مظاہر عامر، جمال احمد، شریف جمال، نجم مرزا، شوکت علی، ارسلان پرویز، فرحان انصاری نے اسکولز کو ایڈاپٹ کرلیا ہے، جبکہ مہیش کمار ہسیجا، انیل کمار، سمیتا افضال، سکندر خاتوں، فرح سہیل، قرت العین، بلقیس مختار بھی اسکول سنبھالنے والوں میں شامل ہیں۔

آئینی ترمیم پر مشاورت جاری، حقیقی جمہوریت کی ضرورت ہے، خالد مقبول صدیقی

بچوں کی اسمگلنگ کا کیس، صارم برنی کی درخواستِ ضمانت پر فیصلہ محفوظ

متحدہ قومی موومنٹ پاکستان کے اراکینِ مرکزی کمیٹی کا شہر میں ایک بار پھر بجلی کی طویل اور غیراعلانیہ لوڈشیڈنگ پر شدید تشویش کا اظہار کیا ہے.

باغی ٹی وی کی رپورٹ کے مطابق اپنے جاری کردہ بیان میں اراکینِ مرکزی کمیٹی کا کہنا تھا کہ اربوں روپے بل اور نت نئے ٹیکسز کے نام پر بٹورنے کے باوجود کے الیکٹرک عوام کو بلاتعطل بجلی فراہم کرنے سے قاصر ہے جو سراسر بدنیتی پر مبنی ہے دن و رات کی اوقات میں گھنٹوں بجلی کی عدم موجودگی نے لوگوں کو ذہنی دبا کا شکار کر دیا ہے، ناقص ترسیلی اور مسلط کردہ مافیا طرز نظام نے اہل کراچی کو شدید عذاب سے دوچار کر رکھا ہے، اراکینِ مرکزی کمیٹی کا مزید کہنا تھا کہ ایم کیو ایم حکومت اور متعلقہ وزارت سے یہ مطالبہ کرتی ہے کہ کراچی کے شہریوں کی اس اذیت سے نکالنے کا مستقل بنیادوں پر سدباب کرے اور کے الیکٹرک نام کے مافیا کو لگام ڈالنے میں اپنا کردار ادا کرے جس نے پاکستان کے معاشی حب کو مفلوج کر رکھا ہے۔

بچوں کی اسمگلنگ کا کیس، صارم برنی کی درخواستِ ضمانت پر فیصلہ محفوظ

کراچی کے مختلف علاقوں میں لوڈشیڈنگ 12 گھنٹوں سے متجاوز

اورنگی ٹاؤن میں ڈاکؤں سے پولیس مقابلے میں اہلکارشہید

چینی قونصلیٹ حملہ کیس میں کالعدم بی ایل اے کے 4 کارندوں کی شناخت